嘉峰小廚

營業中

休息中

呢日我又嚟照顧阿爺，由於屋企人準備嘅午餐唔啱口味，於是打開OpenRice嘅應用程式，搵到附近餐廳嘅聯絡電話號碼，然後買咗一個「肉絲炒麵」。等咗15分鐘就有得食喇😋以往食肉絲炒麵都會喺堂食，冇諗過原來外賣都可以keep到唔錯嘅水準。麵底呈金黃色，麵條仲保持到脆口有咬感，唔會太過軟身；肉絲芽菜蔥條芡汁配辣椒醬一如以往咁嗆口好味。價格方面，一個肉絲炒麵連外賣小費承惠$46，同平時喺附近餐廳叫一個午餐差不多，只係少咗一杯嘢飲，總算不過不失啦。