影片
更多
2020-11-17
1333 瀏覽
係附近買完嘢後就上黎呢度食日本嘢，居酒屋形式，主要食串燒/燒物/和式料理等，仲有不同酒類提供，同友人黎Happy Gathering 都唔錯架!入座後就送上熱茶及前菜，調味碟上分別有鹽/檸檬/甜醬用黎配串燒未打開餐牌叫嘢食，已經被枱上嘅宣傳牌(備長串燒推介)所吸引住，有黎自大阪岩手鷄直送 (每日限量供應)，多款部位提供選擇就試鷄心($32)，燒得頗乾身，邊位帶少少脆口，口感帶點煙韌另一款係鷄肝 ($32)，呢款係醬燒，入口味帶少甜味，幾有肝嘅味道，唔錯!食串燒怕熱氣?! 咁咪叫返個溫泉蛋牛油果沙律 ($68)去中和下囉篤爛香滑溫泉蛋，蛋黃汁慢慢流出，牛油果粒本身夠香滑，加埋個蛋黃汁，滑度乘2，而沙律菜本身已經有芝麻醬，加埋蛋黄汁分毫無違和感~上次黎食個呢個炸池魚仔 ($52)仍然掛念，今晚必要再會佢一次，成條連骨一齊食都無問題，唧少少檸檬汁就仲好食D，配凍飲絶配!呢客牛舌厚切 ($58)咪講笑，侍應一送上枱，未食已傳來香濃燒牛舌味燒牛舌呢家嘢，個人會投厚切一票，口感零舍唔同! 呢客已灑上微量黑椒醉，一咬D肉汁都流返出黎，熱辣辣超級好味!"偷聽"到隔離枱話呢個荔枝豬肉卷 ($33)同煙
入座後就送上熱茶及前菜，調味碟上分別有鹽/檸檬/甜醬用黎配串燒
未打開餐牌叫嘢食，已經被枱上嘅宣傳牌(備長串燒推介)所吸引住，有黎自大阪岩手鷄直送 (每日限量供應)，多款部位提供選擇
就試鷄心($32)，燒得頗乾身，邊位帶少少脆口，口感帶點煙韌
另一款係鷄肝 ($32)，呢款係醬燒，入口味帶少甜味，幾有肝嘅味道，唔錯!
食串燒怕熱氣?! 咁咪叫返個溫泉蛋牛油果沙律 ($68)去中和下囉
篤爛香滑溫泉蛋，蛋黃汁慢慢流出，牛油果粒本身夠香滑，加埋個蛋黃汁，滑度乘2，而沙律菜本身已經有芝麻醬，加埋蛋黄汁分毫無違和感~
上次黎食個呢個炸池魚仔 ($52)仍然掛念，今晚必要再會佢一次，成條連骨一齊食都無問題，唧少少檸檬汁就仲好食D，配凍飲絶配!
呢客牛舌厚切 ($58)咪講笑，侍應一送上枱，未食已傳來香濃燒牛舌味
燒牛舌呢家嘢，個人會投厚切一票，口感零舍唔同! 呢客已灑上微量黑椒醉，一咬D肉汁都流返出黎，熱辣辣超級好味!
"偷聽"到隔離枱話呢個荔枝豬肉卷 ($33)同煙肉蠔卷 ($45)好好味，當然自己都要叫返串"驗證"下! 香甜荔枝肉包住豬肉，甜中帶點肉嘅咸香，又甜又咸，幾盞鬼; 而個煙肉蠔卷，一入口蠔味湧出黎，煙肉都唔係淡口嘢，個蠔味完全蓋過佢呀.............勁! '
友人提議食汁燒魷魚筒 ($85)， WHY NOT? 切好晒一圈圈，喜歡嘅可以加少少薑末，口感煙韌!
茶漬飯 (三文魚/紫菜/明太子 三選一)，清清地就選擇紫菜，淡香茶味配上有口感飯粒，飽肚得黎簡而清嘅感覺! 今餐大滿足呀!
張貼
