天 · 悠蔬食 (已結業)

新派素食，卡位多，算坐得舒服，開喺荃新天地2期，由荃灣西站出發，穿商場行過嚟10分鐘，算方便。見餐牌中西合璧，叫咗一中一西兩個set dinner食吓，total $430。前菜：紅火龍果沙律、黑松露醬忌廉湯 餐飲：香芋黑糖珍珠(4/10)，雪梨青檸茶香芋奶冇咩問題，畢竟唔係茶飲/甜品店，唔能夠要求太高，但珠珍又淋又黐埋一舊吸都吸唔到，未免有點過份了吧？主菜：牛肝菌乾燒伊麵(6.75/10)，千層麵(6/10) 乾燒伊麵比較好食，炒得算夠熱夠均勻，蠔油入味，啖啖菇肉，比一般市面吃到的略為好食。千層麵就唔太掂，可能最近食完Pici太大反差。但唔關肉醬事，唔關素食事，係連個麵質都出事，偏淋，冇咬感，主要口感來自鋪面嗰層焗芝士。似乎，呢間新派素菜都係中優於西。甜品：乳酪伯爵茶芝士蛋糕(6.75/10)、綠茶馬蹄糕蛋糕雖然係XXS Size，但味道不錯，Earl Grey味濃，配搭乳酪芝士頗有驚喜。註：可能晚市人多，店員服務態度似茶記。