165
9
2
餐廳: 天 · 悠蔬食
資訊:

為推動全港減鹽減糖新飲食文化及新生活態度,食物及衞生局、降低食物中鹽和糖委員會及食物環境衞生署食物安全中心推出了《少鹽、少糖、少 • 確幸》餐飲聯盟,參與食肆會提供少鹽少糖選項予顧客,部份更會提供特定減鹽減糖菜式。參與減鹽減糖食肆會獲發計劃標誌,以供張貼於店舖內,供顧客識別。詳情可在此瀏覽:https://www.fhb.gov.hk/cn/our_work/feh/rssf.html

港鐵荃灣西站 C3 出口, 港鐵荃灣西站 D 出口 繼續閱讀
所有分店 (2)
電話號碼
26361808
93293357 (Whatsapp)
開飯介紹
裝修乾淨,天花板畫有藍天白雲,懸掛著小小的熱氣球的素菜館,富童話風。餐牌選擇健康且多樣。 繼續閱讀
營業時間
今日營業
11:30 - 17:00
18:00 - 22:30
星期一至日
11:30 - 17:00
18:00 - 22:30
*截單時間:22:00
付款方式
Visa Master AlipayHK 支付寶 現金 AE
座位數目
92
其他資料
網上訂座
賞訂座積分
加一服務費
當面支付
素食
有關獎賞計劃
食評 (186)
等級4 2020-11-12
217 瀏覽
早前放假去荃灣行街,之後再和朋友食dinner,他這個星期經常食太飽,所以為了食得健康啲,就找了這間荃灣出名的素食餐廳,味道和質素真的不錯,想再encore❤️——————————🔹白松露蘆筍茄子紫薯焗千層闊麵 $178我們叫了一個晚市套餐share,前菜和湯就叫了鮮味百靈菇刺身配猴頭菇竹笙黃耳無花果百合燉湯。這個刺身食起來真的好fresh,不會很清淡,再蘸醬食味道更上一層樓,醬汁鮮中帶甜,好想食多啲😆而湯都幾大碗,裏面有唔少食材,飲落好香無花果味,所以會有少少甜味,飲完都唔會好膩,有健康嘅感覺😚主菜就是白松露蘆筍茄子紫薯焗千層闊麵,這個真是不得了,改變了一直對千層麵的印象🥰上菜時,芝士依然是沸騰的狀態🤪輕輕一搞,看見下面有些紫薯茄子蘆筍,中間還夾雜了千層麵😋起初都怕會不會好清淡,但這個食到紫薯的甜味和濃濃的蕃茄醬,比起肉碎更加好食。最重要的是芝士多到食極都不完,適合我這些芝士控🤩🔸擔擔麵 $58我們怕不夠飽,就叫多一碗擔擔麵。份量比想像中多,賣相也很吸引,以往食擔擔面都是配肉碎,而這裏是紫菜碎和花生芝麻碎,未食都聞到好香🤩果然擔擔麵很好食,食得出落了很多花生和芝麻碎,紫菜亦令整個味道更多層次,不講以為是食緊有肉碎的擔擔麵😂 但這個的確比往時食的更美味,必食❤️ 繼續閱讀
(以上食評乃用戶個人意見 , 並不代表OpenRice之觀點。)
和朋友去了荃新天地二期的天. 悠蔬食,這是一間新派的素食餐廳。很喜歡這間餐廳,因為裝修得精緻外,環境亦很舒服,座位也很寬闊,而且服務員非常殷勤有禮。我們點了兩個晚餐,另外加了前菜,湯及手捲。我的點了茶樹菇竹笙黃耳百合蓮子燉湯,非常足料,滿滿的材料,雖然是素湯,但味道相當甜,雪燕椰菜花南瓜甘筍薑湯,味道很濃郁而且南瓜質感打得很幼滑。前菜是泰式香茅金柚沙律,酸酸甜甜配上蔬菜十分醒胃。另一款前菜是,鹵水花菇毛豆百頁豆腐拌醬燒牛蒡,這款前菜味道比較濃郁,豆腐吸收了醬汁非常入味。另加了手捲,香芒牛油果苜蓿芽手捲,口感非常爽脆和清新。主菜是沙爹金菇秀牛粉絲煲配羽甘藍蘭菜飯。粉絲金菇非常入味,吃起來質感和味道都像牛肉,但是素菜就比較健康。另一款主菜是大啡菇白松露手作薄餅。薄餅材料,店員將薄餅放上枱面,已聞到陣陣的芝士香味,熱烘烘的,食起上來非常好味。如甜品是,班蘭椰汁千層糕及玫瑰荔枝乳酪蛋糕。玫瑰荔枝乳酪蛋糕入口香甜,而且說得夠凍,像食半雪糕的狀態,很好味。總結:天. 悠蔬食是新派的素菜館,不會給人 傳統齋館很油膩和寡的感覺,口感都是與清新食材天然為主,更能迎合年青人的口味。 繼續閱讀
(以上食評乃用戶個人意見 , 並不代表OpenRice之觀點。)
-🦄天.悠蔬食 @leisurelyveggie-花菇淮山栗子炆猴頭菇煲配珍珠糙米飯 Hkd168Rating🌕🌕🌕🌕🌑茶樹菇竹笙黃耳百合雪蓮子燉湯 +Hkd20Rating🌕🌕🌕🌕🌑斑斕椰汁千層糕 +Hkd0Rating🌕🌕🌗🌑🌑滷水花菇毛豆百頁豆腐配醬燒牛蒡 +Hkd0Rating🌕🌕🌕🌑🌑-⚠️悠蔬食兩間分店供應嘅食物都略有不同⚠️當然午市同晚市供應食物之款式都唔同⚠️大家可以因應自己喜好決定去邊間分店-話說🤤秋風起🍂我就突然心血來潮好想食栗子🌰人果然要跟24氣節去養生😏正所謂不時不食😌而家栗子又咁當造😳我又好想食栗子炆菇嘅菜式無奈我懶得自己煮🤣咁岩比我發現到悠蔬食都有喎仲要真係好岩我😭係一間多元化嘅素食餐廳🌱咁就真係無理由唔去嘅...🙈琴日嘅1800我準時入座因為都係一早諗定食咩🤣所以都唔洗考慮太耐🤭有一樣野要提提大家 應該都係我自己眼殘睇唔到...原來套餐係冇包到湯同前菜架😰我一直以為包埋點知埋單個陣先知要額外加20蚊 咁就有啲驚歎到我不過叫咗就算啦😭😭個湯同前菜都好味嘅 安慰自己但大家要自己衡量下要唔要加個湯同埋前菜🙈因為加左湯而本身佢又有包左飲品同埋水🤣一肚子都會係水好飽🤣全個套餐份量頓時增加🤪-🔸茶樹菇竹笙黃耳百合雪蓮子燉湯🥣首先好快送到來嘅就係碗燉湯 店員都好貼心👍🏻會提你碗湯好熱要小心 而碗湯又真係好熱好熱🔥熱到會辣喉嚨個隻 不過飲一碗熱辣辣嘅真係好舒服感覺上湯都係冇加味精同埋過多嘅調味料👍🏻而係好鮮甜🤤而且碗湯真係好足料好足料😳大家可以睇下圖4就會見到 佢黃耳都有一大塊🤤我係好鍾意飲素湯 素湯唔會好似加左肉嘅湯咁油膩就算素湯會落堅果 油份都係可接受嘅👌🏻絕對OK!而且感覺上係輕盈同埋健康好多 飲完湯係好暖胃😼所以大家都真係可以自己衡量下會唔會加錢叫碗湯-🔹 花菇淮山栗子炆猴頭菇煲配珍珠糙米飯我期待左呢個好耐 因為有我最鍾意食嘅栗子🌰因為係用煲上 所以都一直保持住係暖笠笠嘅溫度唔會話食左一陣啲餸菜就凍曬 不過好可惜嘅係😫啲栗子散曬 我就比較鍾意食原粒栗子😭😭所以見到啲栗子散曬嘅時候都暗地裡有啲失望💔但個栗子煲係好好食 我特別鍾意佢嘅醬汁😋甜味同鹹味都調整得岩岩好 所有餸都好入味🥳送飯係一流 淮山口感又係岩岩好 比較爽口唔係粉身軟爛個隻 爽口又保持返水分💦但係最驚喜都係猴頭菇 冇諗過猴頭菇會咁入味😱猴頭菇可以話係超越左栗子 更加合我心意❤️❤️我琴日簡直食唔停 佢個種鹹香真係好正😭😭不過我唔睇返餐牌都唔知原來佢呢個煲有花菇😀因為我係一粒花菇都冇見到冇食到架🤣🤣而佢個珍珠糙米飯都唔錯 飯粒軟熟充滿水分👍🏻好有飯香 面頭仲有啲芝麻點綴 賣相更加精緻😆-🔸滷水花菇毛豆百頁豆腐配醬燒牛蒡呢個前菜係同埋碗湯一齊嘅🙈即係只要加20蚊就會有湯同前菜 其實味道上都唔錯👍🏻雖然佢係滷水 但唔會死鹹 鹹度剛剛好😗而牛蒡同百頁豆腐又係滷得好入味😛所以作為一個前菜咁食其實係會令你好開胃牛蒡絲都好爽口 同埋佢配有花生粒🥜花生粒香口 令口感層次上都會更加豐富🤭-🔹斑斕椰汁千層糕最後仲可以簡一款甜品 我就簡左椰汁糕😉相信呢款千層糕係純素嘅 椰汁味唔係好重🤔口感方面都唔係太合我心意 感覺上唔夠軟糯😯如果唔想叫椰汁千層糕 都可以叫紫薯千層班戟同埋荔枝乳酪蛋糕 又或者加30蚊有個抹茶甜品不過呢啲甜品都係有蛋奶 純素人士就未必岩食喇所以大家都要睇返佢嘅成份再作決定呀😤-整體來講 雖然我今次係第一次食 去左荃灣分店可能係太早入座所以根本完全唔洗等位🥳環境都唔錯坐得舒服 店員嘅服務態度都ok嘅👌🏻食物選擇豐富而且味道唔錯 素食來講我好滿足👍🏻但真心覺得價錢偏貴 特別係我唔知要加20蚊嘅時候最後埋單都要>$200個下係有啲心痛💔😭我諗我下次再食個陣都係食午市會比較好喇🙈栗子嘅菜式一定要KEEP住供應呀 希望下次仲見到佢-最後個頁有晚市餐牌比大家參考下🙈有好多款其實都好吸引🤣不是我都係最愛栗子🌰- 繼續閱讀
(以上食評乃用戶個人意見 , 並不代表OpenRice之觀點。)
等級4 2020-10-31
252 瀏覽
做完一朝野,好攰又好肚餓,行到半路仲落起雨添,即刻走入商場搵食,揀了食呢間素食店。已經兩點半,原來有下午茶餐牌,不過連晏都未食,還是點份午餐好了。餐具很整潔,感覺不錯。先來的水梨藜麥沙律配草莓黑醋汁,梨好清甜,菜爽脆,個黑醋汁酸酸的帶味果香好好味,平時黑醋太酸了,呢個mix左草莓好味好多。仲加左個中湯西洋菜羅漢果蓮藕湯,濃郁香甜,蔬菜湯一樣可以好甜㗎,碗湯仲勁足料,勁多西洋菜正呀。午餐點了煲仔菜跟飯。煲仔菜係呢樣,回鍋醬燒猴菇煲,一打開就香噴噴。醬汁微微辣很惹味,入面有冬菇,椰菜仔,荀,腐皮等,吸滿醬汁勁好味,仲有唔少得嘅猴頭菇啦,平時只知用黎煲湯,原來炒都好好味,咬落爆汁不知幾正,個醬汁好味到要倒晒啲飯落去撈呀。個飯係珍珠糙米飯,感覺健康,雖然話係糙米,入口都無鞋喎,仲好有飯香。餐飲要了熱檸茶,紅茶底夠香。最後加了甜品椰香紫薯千層班戟,真係好有椰香呀,微甜的忌廉綿綿滑滑,千層蛋糕有口感,好味喲。完美的一餐,咁多道菜都好味呢~ 繼續閱讀
(以上食評乃用戶個人意見 , 並不代表OpenRice之觀點。)
等級4 2020-10-14
540 瀏覽
有時食肉多,今晚同朋友去了這裡食吓素食,估不到個感覺又真係不是傳統嘅感覺!真係可以用另一種感覺嘗試一下素食新風格!晚市套餐餐牌內嘅套餐有不同選擇,今次就係點了牛油果南瓜紫薯藜麥焗千層闊條麵,加多$20就有個前菜同湯,黑松露淮山桃膠忌廉湯同埋蜜桃紅火龍果蜜瓜沙律,當然要埋啦!轉頭就先上了個沙律同湯,蜜桃紅火龍果蜜瓜沙律,上面放滿了不同嘅鮮果肉,十分清新!而個黑松露淮山桃膠忌廉湯,入口味道濃郁湯底夠晒濃郁!見到餐牌上還可以追加食物,再點了個香芒牛油果苜蓿芽手卷,外面用了脆身嘅大紫菜卷住,中間就係香軟嘅牛油果同夠晒甜味嘅香芒外,還有夠晒口感嘅苜蓿芽,一口咬下口感十足!牛油果南瓜紫薯藜麥焗千層闊條麵就要等待,上枱見到一層厚身嘅芝士蓋上這個闊條面,切開中間見到南瓜片夾住闊條麵之餘,還有溶溶地嘅牛油果,同粒粒煙韌嘅藜麥,入口南瓜味道濃郁,感覺唔錯!最後加埋個甜品宇治抺茶之旅,口味感覺都似在日本旅遊時之丸子感覺,抺茶雪糕味道清香茶味濃郁!想起食素時又可以多個選擇! 繼續閱讀
(以上食評乃用戶個人意見 , 並不代表OpenRice之觀點。)