霸嗎拉麵 (德己立街)

營業中

休息中

每次經過中環呢一間拉麵店都好想入去試吓，嗰日見到佢哋有款檸檬口味嘅拉麵，吸引到我衝咗入去食。完全冇諗過呢一碗檸檬炙燒雞叉燒拉麵咁好食，檸檬嘅酸味依然保留，但係同拉麵同埋叉燒好夾，成碗拉麵都幾開胃，但係亦都保留咗本身拉麵嘅風味。叉燒好厚身同埋入味，亦都煮得好淋身。羽根燒餃子見到隔籬枱有人食緊餃子，所以自己都叫咗一碟嚟食，係我最鍾意嘅日本餃子，食落去塊餃子皮好薄，亦都鎖住晒啲肉汁，食落唔會好Heavy。沙拉唐揚炸雞炸雞唔係每一間舖頭都可以整得咁好食，呢間餐廳除咗份量多之外，每一嚿炸雞嘅皮都炸得啱啱好，好脆但唔會好油。