霸嗎拉麵 (德己立街)

營業中

休息中

萬聖節就緊係一家人出動去中環蘭桂坊開吓眼介睇吓啲人點扮鬼啦，之不過有小朋友嘅關係兩邊嘅酒吧餐廳又唔去得，咁啱又見到間叫"霸嗎拉麵"即刻就撞入去!咁次正呀! 呢間餐廳絕對適合一家大細入嚟因為佢有小朋友最鍾意嘅兒童餐!我就嗌咗一個"炙燒豚肉味玉拉麵" 個舊豚肉真係一啲都唔簡單肥膏同肉都係梅花間竹咁一層肥膏一層豬肉食落仲要一啲都唔覺有肥膩嘅感覺肉都炆得非常之林，拉麵硬度我揀咗適中，入口都有彈牙嘅感覺唔錯!舊味玉蛋黃味重!有流心嘅效果! 而湯底濃郁唔會太咸呢間餐廳細心到會將兒童餐分開男女去圈， 如果你叫嘅係男仔兒童餐佢會用男仔嘅餐具去招呼呢個小朋友~食完仲有朱古叻做甜品!之後仲有小禮物tim