影片
更多
2025-03-31
84 瀏覽
📍湯底種類好多，估唔到有成22款湯底，仲有超過100款火鍋配料、特色小食同空運刺身，啱曬一大班人gathering🌀 五指毛桃椰子雞湯 店員推薦做緊限時推廣價$198嘅「五指毛桃椰子雞湯」，滋補養生。椰子雞湯以五指毛桃、椰子片、紅棗、杞子及半隻三黃雞熬製，味道香濃清甜，建議飲返一碗雞湯之後先加配料落湯底。 湯底會跟配2個大椰青，煲滾湯底之後加入椰青水，就更加清甜下火。 跟餐會附送半份新鮮雞肉， 雞肉嫩滑份量都好大份。 🌀 椒鹽粟米 一份有8件，粟米香甜多汁，再灑上椒鹽粒，超級惹味香口🌀 芝士墨魚丸拼芝士蝦丸 手打蝦丸同墨魚丸都非常足料，表面灑上蟹籽食落脆卜卜。蝦丸食到啖啖蝦肉，如果芝士味再濃郁d就好啦🌀 芝士獅子狗 &潮州白魚蛋 & 蜂巢豆腐丸子類火鍋配料中，我最鍾意係芝士獅子狗，咬開會爆開芝士漿😻 蜂巢豆腐吸滿湯底精華，味道鹹香而且好有層次感🌀桂花蚌 & 稻庭烏冬桂花蚌非常新鮮而且好大塊，輕輕碌20秒就已經食得! 爽口彈牙易入口。稻庭烏冬係手打烏冬，煮耐咗都非常彈牙! 🌀西班牙豬肉 & 日本黑豚五花腩2款豬肉片味道同口感都唔一樣～ 西班牙豬肉片肉味濃而口感實在，而黑豚五花腩肥瘦均衡
湯底種類好多，估唔到有成22款湯底，仲有超過100款火鍋配料、特色小食同空運刺身，啱曬一大班人gathering
🌀 五指毛桃椰子雞湯
店員推薦做緊限時推廣價$198嘅「五指毛桃椰子雞湯」，滋補養生。椰子雞湯以五指毛桃、椰子片、紅棗、杞子及半隻三黃雞熬製，味道香濃清甜，建議飲返一碗雞湯之後先加配料落湯底。 湯底會跟配2個大椰青，煲滾湯底之後加入椰青水，就更加清甜下火。 跟餐會附送半份新鮮雞肉， 雞肉嫩滑份量都好大份。
🌀 椒鹽粟米
一份有8件，粟米香甜多汁，再灑上椒鹽粒，超級惹味香口
🌀 芝士墨魚丸拼芝士蝦丸
手打蝦丸同墨魚丸都非常足料，表面灑上蟹籽食落脆卜卜。蝦丸食到啖啖蝦肉，如果芝士味再濃郁d就好啦
🌀 芝士獅子狗 &潮州白魚蛋 & 蜂巢豆腐
丸子類火鍋配料中，我最鍾意係芝士獅子狗，咬開會爆開芝士漿😻 蜂巢豆腐吸滿湯底精華，味道鹹香而且好有層次感
🌀桂花蚌 & 稻庭烏冬
桂花蚌非常新鮮而且好大塊，輕輕碌20秒就已經食得! 爽口彈牙易入口。稻庭烏冬係手打烏冬，煮耐咗都非常彈牙!
🌀西班牙豬肉 & 日本黑豚五花腩
2款豬肉片味道同口感都唔一樣～ 西班牙豬肉片肉味濃而口感實在，而黑豚五花腩肥瘦均衡 食落唔油膩 肉質夠鬆軟🐽
📢 去到4月底，餐廳都做緊限定身份證優惠😻 都幾容易中，只要身份證號碼上有數字「1」/「5」/「7」/「9」就有優惠，1個字9折、 2個字85折、 3個字8折、4個字75折 ［唔包括重複及身份證括號內號碼]，再追蹤埋大紅袍社交平台，並上傳相片到 社交平台，就可以輕鬆享有呢個優惠～
張貼
