星馬棧 (已結業)

這餐是搬新公司的第一餐，正正就是在新公司的附近，聽同事說味道都不錯，就大家都去試試看，其實某程度也是老闆逼去的。因為大家收拾到3、4點先食飯，所以去到已經係食下午茶啦，其實都幾多選擇，圍繞都係星加坡、泰國和馬拉菜，一般都係廿幾蚊到，熱飲唔洗加錢，凍飲加二蚊。而我點左豬頸肉炒公仔麵，雖然見到有紅紅地，但係一點都唔辣，係有點香口，但係偏向甜既，而配料和份量都算多，豬頸肉真係好大塊，咸咸地有嚼口，一點都不乾。公仔麵條條都好入味，有點甜甜的，吃一個真係好夠飽，又便宜。