拉麵台風 (已搬遷) 新店位置

今日放假同男朋友入去荃灣買野順便搵野食，之前朋友有介紹過呢間拉麵店，所以決定去試下。我地晏晝去到已經大排長龍，排隊時店員就畀定張紙我地揀野食。不過人流都去得好快，所以等左幾個字就有位。呢度既拉麵只有5個選擇，另外麵量、醬汁同蔥既份量麵有得選擇。我就叫左個極限台風，即係海蝦鹽豬骨湯拉麵，另外再加左份紫菜，個拉麵同平時食開個啲有啲唔同，啲肉既份量麵幾多，女仔可以麵量揀50%或者75%都已經夠。不過我覺得個湯濃得黎有點酸酸地，自己個人唔係太好。男朋友就叫左個伊台風，其實係蕃茄湯底再配芝士，個蕃茄味唔算好濃，呢樣有啲失色，不過配搭芝士又幾有驚喜。