更多
2017-05-11
1737 瀏覽
1:30 心血來潮上去 The One 19樓 諗住對自己好啲、食餐好啲。不過俾咗$438後,感覺真係有少少中伏。首先門口企左三位靚女,冇一個有笑容。坐低之後,有一個侍應問我要sparkling or still. 我當時諗都無諗,就ordered still. 其實去過咁多高級餐廳,都知道呢一個問題係陷阱,要買貴水 ($90)。不過今日唔知魂魄去咗邊,my own fault. 佢走咗之後,又有另一個好nice嘅auntie幫我落單,一隻手搭住我隔離張空凳,另一隻手搭住我嘅椅背同我講嘢,好有茶餐廳嘅感覺。今日叫咗$308 套餐,包括appetizer + main + dessert/drinks. Appetizer揀咗去buffet 攞冷盤。可能已經1:30 人客食得差不多,所以大部份我想食嘅嘢只係剩低好少好少,我想食番茄亦都冇番茄,salad greens亦都好乾咁。Smoked salmon and prosciutto 正正常常咁啦。Antipasto bar 冇咩驚喜嘅感覺,亦唔覺得似Harlan's 嘅級數。Main course 叫咗sea bass, 外皮煎得香香脆
首先門口企左三位靚女,冇一個有笑容。坐低之後,有一個侍應問我要sparkling or still. 我當時諗都無諗,就ordered still. 其實去過咁多高級餐廳,都知道呢一個問題係陷阱,要買貴水 ($90)。不過今日唔知魂魄去咗邊,my own fault.
佢走咗之後,又有另一個好nice嘅auntie幫我落單,一隻手搭住我隔離張空凳,另一隻手搭住我嘅椅背同我講嘢,好有茶餐廳嘅感覺。今日叫咗$308 套餐,包括appetizer + main + dessert/drinks.
Appetizer揀咗去buffet 攞冷盤。可能已經1:30 人客食得差不多,所以大部份我想食嘅嘢只係剩低好少好少,我想食番茄亦都冇番茄,salad greens亦都好乾咁。Smoked salmon and prosciutto 正正常常咁啦。Antipasto bar 冇咩驚喜嘅感覺,亦唔覺得似Harlan's 嘅級數。
Main course 叫咗sea bass, 外皮煎得香香脆脆,肉質嫩,蘑菇sautéed 好香好味,truffle 泡泡就麻麻哋。雖然高級餐廳都冇侍應主動攞支黑胡椒粉過嚟,但我覺得main course 都可以登上大雅之堂。
唔想食甜品所以叫咗fruit plate and coffee. 咖啡好熱而且又香又濃,超正!生果就慘不忍睹,小小幾塊,仲要又唔香又唔甜,乜嘢味道都冇。
講返果支$90水, 叫Aquaenergy, 有1500ml. 我一小時內已經盡量飲得咁多得咁多,都飲剩1/4. 其實餐廳係唔係可以貼心啲,如果見客人係一個人,就比枝細樽裝。我睇過呢隻牌子嘅網站,係有500ml. 如果我唔係狂飲,我諗我會剩低大半枝,淨係覺得好浪費。
呢一餐多謝成為 $438。講真,除咗 sea bass 係高質素之外,其他dishes甚至乎服務態度都俾唔到我elegant 的 experience. (順帶提一提,好多枱客人走咗之後,成十幾分鐘都仲係未clear, 不合格!)
張貼