生記粥品專家

營業中

休息中

男友同我都覺得唔舒服，冇乜胃口，只可以食粥，於是係星期六下午黎呢度試下。蔡生之前係電視度介紹呢間鋪頭D粥係一早就煲，粥底好綿，係咪咁勁先？一入到去，D侍應當我冇到，一D招呼都冇，各有各傾偈。算!想叫魚腩粥，點知賣完喎!! ok，叫左鯪魚球雞粥。碗粥好甜，鯪魚都唔錯，彈牙，都幾大粒，亦有鯪魚香味，唔腥，D雞好正，有用酒醃，好香，D雞唔似雪藏貨，幾實正！加上點少少豉油，冇胃口都開胃!! 牛肉粥好多料，啖啖都有牛肉！牛肉好滑，但牛味唔太濃。粥底吸哂牛肉鮮味，好正好甜！但我就覺得粥底比較稀，唔多米，如果杰少少就仲正！p.s.: 食到一半又有番魚腩，如果想食魚腩粥，可以等一等，或者問下會唔會再出。