California Pizza Kitchen (已結業)

今日成班同事一齊食lunch ，揀呢間餐廳貪佢食物選擇多，有大枱，仲有得訂位。墨西哥粟米湯：稠稠地，都幾飽肚。調味好濃郁，好似食緊墨西哥脆片咁。豬肋骨漢堡:將豬肋骨啲肉拆咗出嚟，整咗做漢堡，啲肉好鬆化，燒烤醬好惹味，個包有烘過，唔錯。蒜香忌廉汁雞肉闊面：忌廉汁好濃郁，亦都足夠每一條意粉都有汁。雞肉都大塊，係稍為薄左少少。煙肉生菜蕃茄薄餅：呢個麻麻，冇乜醬係薄餅表面，得四篇番茄同一堆生菜，睇落冇乜誠意，下次唔會再叫。