影片
更多
2017-08-20
24872 瀏覽
每次來到土瓜灣的8度海逸，都會體驗到新意。 仍記得初次到訪時，店方以大木盒蒸海鮮，能品嚐到海鮮的鮮味，而且創意十足。 今次推出精緻版，以籠仔蒸海鮮。 店方選用特製蒸籠，放入扇貝、蝦、花甲、藍青口、蟹腳及石斑柳，陣容夠晒豐富，一次過蒸十幾廿籠話咁易，簡單的蘸點一下豉油，鮮味十足，正。 生蠔 除了蒸海鮮，餐廳更有Fine de Claire及Pacific Oysters Totten Inlet生蠔提供，全都是即開貨色，爽甜有蠔味，而且安全衛生，令人食得安心。 Seafood Station 仲有翡翠螺、長腳蟹爪、凍蝦及青口，都並非細隻濫竽充數貨色，所以是晚顧客大多專攻海鮮類，亦屬人之常情。 刺身 刺身專櫃有三文魚、吞拿魚、魚及北寄貝，解凍過程不錯，不帶一絲雪味，肉質柔軟肥美。 Carving Station 香煎鵝肝配黑松露汁夠肥美甘香，外脆內軟，口感豐腴，就算是膽固醇朋友，偶爾一件無妨。 而燒特級牛肉有嚼口，澆點燒汁就更惹味。 熱葷 紅酒燴牛尾炆得夠稔及入味，最啱配白飯。 蒜
仍記得初次到訪時，店方以大木盒蒸海鮮，能品嚐到海鮮的鮮味，而且創意十足。
今次推出精緻版，以籠仔蒸海鮮。
店方選用特製蒸籠，放入扇貝、蝦、花甲、藍青口、蟹腳及石斑柳，陣容夠晒豐富，一次過蒸十幾廿籠話咁易，簡單的蘸點一下豉油，鮮味十足，正。
生蠔
除了蒸海鮮，餐廳更有Fine de Claire及Pacific Oysters Totten Inlet生蠔提供，全都是即開貨色，爽甜有蠔味，而且安全衛生，令人食得安心。
Seafood Station
仲有翡翠螺、長腳蟹爪、凍蝦及青口，都並非細隻濫竽充數貨色，所以是晚顧客大多專攻海鮮類，亦屬人之常情。
刺身
刺身專櫃有三文魚、吞拿魚、魚及北寄貝，解凍過程不錯，不帶一絲雪味，肉質柔軟肥美。
Carving Station
香煎鵝肝配黑松露汁夠肥美甘香，外脆內軟，口感豐腴，就算是膽固醇朋友，偶爾一件無妨。
而燒特級牛肉有嚼口，澆點燒汁就更惹味。
熱葷
紅酒燴牛尾炆得夠稔及入味，最啱配白飯。
蒜蓉粉絲蒸蟹腳一向都係「喧賓奪主」，粉絲蘸了豉汁及蟹汁，惹味度十足。
香草烤羊扒雖然偏熟，但羶味不算重，肉質有嚼口。
辣椒膏炒花甲夠辛辣，非常受歡迎，略嫌部份花甲沒開殼。
其實熱葷有白酒忌廉汁燴海鮮、泰式咖哩蝦、醬爆豬仔骨、烤春雞、香煎龍脷柳、潮式蠔仔餅、花蜜黑椒牛仔骨、酥炸青口、雜錦冬瓜環、咖哩雞、咖哩雜菜 、咖哩羊肉、燒鴨叉燒豉油雞 、清蒸石斑、小籠包及炒飯。
個人推薦惹味辛香既泰式咖哩蝦與及火喉啱啱好既清蒸石班。
湯
五指毛桃海星湯喝起來有種淡淡的椰子香氣，又夠火喉。
西湯是忌廉蘑菇湯，幾香滑。
沙律吧
基本上每間Buffet都有自製沙律，客人可按自己喜好炮製個人口味的沙律。
懶懶地不妨試下茄子沙律。
甜品
哈根大師雪糕有Almond Panna Cotta味同香草味。
而Dreyer's有New York Style Blueberry Cheesecake與及Manila Super Mango味道。
泰國雪條只取了大樹菠蘿味，係炎夏中食雪條是常識吧！
甜品首選芒果拿破崙，畢竟是店方名物，香甜酥脆，超好味。
椰汁蛋白燉燕窩夠滋潤，又有Chocolate fountain，小朋友有得食有得玩。
仲有牛油果朱古力布朗尼、藍莓合桃香蕉蛋糕、麵包布甸配雲呢拿汁、班蘭雪芳蛋糕、維也納香蕉卷、冧酒批、草莓慕斯蛋糕、德國芝士蛋糕、鮮果白酒果凍、朱古力車厘子蛋糕與及即焗蛋白梳乎厘，陣容夠強大了吧？
飲品
任添檸檬茶、橙汁、蘋果汁、奶茶及咖啡，無須就住就住，太好了！
張貼
