影片
更多
2013-12-07
70 瀏覽
---「超海蝦拉麵」---賣相方面(圖正中) : 一直以黎... 我都覺得「拉麵台風。」係賣相方面做得唔錯~~~ 因為睇賣相會感覺得到師傅係有諗過點擺先靚，毎一樣配菜都清楚睇得到，顏色鮮明~~~讚!!! 麵條方面(圖上中) : 麵條屬「南天製麵」嘅產品，粗幼度為「中」，類型為「曲中麵」。濃味湯底配而「曲中麵」係一個唔錯嘅組合~~~ 硬度方面小弟揀左「硬」...揀「硬」嘅原因係啲麵唔會咁快淋, 食落會爽啲。 掛湯能力唔錯， 麵唔會痴埋一舊舊... 毎一啖都會食到湯同埋麵依附係一齊，唔會出現唔平均嘅情況。 叉燒方面(圖下中,左下) : 小弟一直都好鍾意食「拉麵台風。」嘅叉燒!!! 因為係香港好少有日式拉麵店做到「一味兩食」依個功夫... 「拉麵台風。」嘅「一味兩食」分別有切粒叉燒同切塊叉燒~~~ 「超海蝦拉麵」嘅 切粒叉燒比平時嘅出品有少少唔同... 因為師傅將切粒叉燒輕輕「快炒」，所以食落去會一陣香油味，但係依個步驟應該只限於開店一周年感謝特別活動。 而切塊叉燒肥瘦比例約7:3。依個亦係小弟最鍾意嘅比例!!! 切塊叉燒採用咗豬嘅肩肉部分(俗稱:梅頭肉) ，肉身唔硬而有咬口，稍微浸湯食
---「超海蝦拉麵」---賣相方面(圖正中) : 一直以黎... 我都覺得「拉麵台風。」係賣相方面做得唔錯~~~
因為睇賣相會感覺得到師傅係有諗過點擺先靚，毎一樣配菜都清楚睇得到，顏色鮮明~~~讚!!!
麵條方面(圖上中) : 麵條屬「南天製麵」嘅產品，粗幼度為「中」，類型為「曲中麵」。濃味湯底配而「曲中麵」係一個唔錯嘅組合~~~
硬度方面小弟揀左「硬」...揀「硬」嘅原因係啲麵唔會咁快淋, 食落會爽啲。
掛湯能力唔錯， 麵唔會痴埋一舊舊... 毎一啖都會食到湯同埋麵依附係一齊，唔會出現唔平均嘅情況。
叉燒方面(圖下中,左下) : 小弟一直都好鍾意食「拉麵台風。」嘅叉燒!!!
因為係香港好少有日式拉麵店做到「一味兩食」依個功夫...
「拉麵台風。」嘅「一味兩食」分別有切粒叉燒同切塊叉燒~~~
「超海蝦拉麵」嘅 切粒叉燒比平時嘅出品有少少唔同... 因為師傅將切粒叉燒輕輕「快炒」，所以食落去會一陣香油味，但係依個步驟應該只限於開店一周年感謝特別活動。
而切塊叉燒肥瘦比例約7:3。依個亦係小弟最鍾意嘅比例!!! 切塊叉燒採用咗豬嘅肩肉部分(俗稱:梅頭肉) ，肉身唔硬而有咬口，稍微浸湯食嘅話，味道更佳~~~
味玉方面(圖右中) : 日本產雞蛋。味玉嘅流心效果比平時做得好，但屬普通。不過味玉表面經過四日時間醃製... 味道出色!!!
配料方面 (圖左上) :「超海蝦拉麵」...當然蝦係不可缺少。近聞嘅話會有一陣微微嘅蝦乾香氣，淨食唔會太鹹。使用細蝦乾黎做配料，既唔會搶走特製海蝦油依個主角嘅戲份，亦能配合海蝦油而製嘅湯底... 將味覺層次提昇~~~
湯底方面(圖右下) : 使用日本産最高級貴重的海蝦大量贅制而成,而配合香味油特製而成特製海蝦油。從飲第一啖湯開始已經感受得到好重嘅海蝦油味!!! 連蝦乾,葱粒一齊飲嘅話，湯底會變得更加濃厚~~~
整體 : 為開店一周年記念而推出嘅限定「超海蝦拉麵」，整體表現屬中上。
各方面都表現出色~~~湯底濃郁，最驚喜嘅係切粒叉燒竟然會有「快炒」依個特別處理!!!
唯一美中不足嘅係「味玉」... 因為小弟食咁多次「拉麵台風。」，始終覺得「拉麵台風。」嘅味玉嘅流心效果係差少少...如果「拉麵台風。」可以係依一方面再改進嘅話，小弟相信「拉麵台風。」嘅出品會接近完美!!!
題外話/補充資料：
「拉麵台風。」香港開店一周年感謝特別活動日子為12月7日、12月8日。
(以上食評乃用戶個人意見 , 並不代表OpenRice之觀點。)
張貼
