渣華茶冰廳

營業中

休息中

#渣華道冰廳this is crazy. crazyly cheap food i had ever tried in hong kong island for a cha chan ten place.we were waited 10min i front of store at about 2pm. the place is narrow and small. table are narrow and seat are narrow. beside that every thing are just perfect and good.let not talking about food. the price ks crazyly cheap. for a noodle with satay beef and egg. with 一丁 noodle +3$ all thing cost you 37$, fkkking hell cheap and most important its iced tea didnt charge me an extra 3$. the boss

👍🏻沙嗲牛肉麵特餐 (包嘢飲) $46最近新開冇耐就爆紅嘅北角名物🔥！早排睇到關注組推介佢地個沙嗲牛肉麵牛肉大塊份量多，比較滑身冇乜筋，沙嗲醬極濃稠，啲麵掛滿汁🍜沙嗲味濃郁，有唔少花生碎粒，花生香味突出整體味道偏濃，撈勻湯底後仍然濃味鍾意食沙嗲牛嘅重口味人士值得一戰😈-特餐原本煎雙蛋可以免費轉火腿奄列奄列大大份，炒得比較生，濕潤多蛋汁，內餡火腿多🤤餐包竟然係牛角包，幾香牛油味，但唔算好脆口特餐包嘢飲，冷熱同價，大大杯凍飲唔使加錢-👍🏻豬扒出前一丁配招牌蛋牛治 (包嘢飲、例湯) $50另一款招牌必食！蛋牛治好厚身，足料爆餡🤪鹹牛肉比例多，滑蛋嫩滑多蛋汁，多餡到一咬吱晒出嚟推薦嗌烘底，麵包外脆內鬆軟，果然係招牌🌟-煎豬扒唔算好厚但超大塊，煎得香又冇油淋淋，肉質雖然偏瘦但算鬆軟唔柴不過本身調味略嫌較輕，可以自己落少少胡椒粉調味，相對上都係沙嗲牛出色啲另外豬扒大大塊放係麵上會令啲麵快淋咗，唔鍾意食淋麵嘅朋友要注意-午餐每日唔同款，星期一至日都係一律$50，仲要包埋例湯同嘢飲，冷熱同價，真心抵食😙👍🏻之前睇社交平台見到有人推介佢地豉油雞，可惜當日午餐冇試唔到俾大家睇，有機會下次再試下-味道：8/

呢間午餐成日排長隊，咁岩晚上冇人排就入去試下，叫左豉汁蒸鱔同麻婆豆腐，個蒸鱔餐$110，鱔嘅份量都算多，豉汁又好味，仲有d粉絲墊底，算中上，麻婆豆腐就正常，冇咩特別，個例湯好淡，唔飲都冇損失。叫杯熱奶茶，澀到呢，好難飲最估唔到係d服務員，好似成日要辣著火頭要同客嘈咁，d人等堂食位時又鬧個客唔跟隊形，另一枱客要行入入面，條路係好窄，明明只可以一個人過，但個待應落緊單，企正係條路度都佢唔讓個客，仲問返人哋行去邊，真係黑人問號

今次叫左兩份早餐🤩沙嗲牛肉公仔麵牛肉夠厚，沙嗲味亦算濃，仲有d花生碎係上面，整體真係好食既👍🏻炸菜雞絲米粉🍜呢個就相對普通啲，我仲覺得有少少喊🫥隨餐仲有蛋🥚 和蝴蝶酥 我揀左炒蛋🍳，要讚個蛋，好重蛋味，另外好少餐廳會有蝴蝶酥，本身覺得幾特別，但食完又講唔上係好好食。但咁樣一份早餐連冷熱飲品都係$35，好高性價比嫁喇🫡📍渣華茶冰廳 (北角)

關注組等力推，今日突登去食早餐。啲位勁迫，個袋想攝落背脊度都唔夠位，要撳扁，都唔係問題。一心期待沙嗲牛肉麵。落單阿姐的態度完全係唔憂做狀態，冇耐性，覺得你講嘢好慢阻住佢咁，都唔係問題，一心期待沙嗲牛肉麵。沙嗲唔香唔惹味，牛肉處理都好一般，有筋又硬硬地，湯唔夠熱，個公仔麵好似係被迫浸熟咁。麵包又淋又立痴痴，似係隔夜麵包舖買唔出嘅貨，連放入焗爐叮一叮都懶🫠奶茶又係無可取之處⋯⋯😵‍💫都好，以後唔使浪費時間去北角食

上班族友好大份lunch👍🏻，香口蒸蛋肉餅但太鹹，調味輕手啲更好🥵！・・・・・・・・・・・・・・・・・・・・🍛 咸蛋蒸肉餅飯 HK$50・味道：豬肉軟腍好食，配埋蛋一齊蒸，所以食落又有肉餅又有蒸蛋，幾香口的。但調味太重手，食唔夠一半已經覺得鹹🥵・口感：軟腍大份的，仲配埋湯同嘢飲，係上班族友好嘅大份lunch！・・・・・・・・・・・・・・・・・・・・🤰性價比：中～🤰9衝度：可試～🤰結論：只要調味輕手返啲就perfect池了！・・・・・・・・・・・・・・・・・・・・

出名沙嗲牛肉麵-渣華茶冰廳平時lunch 見到門口排隊，今日預早少少黎試吓，等左一陣就有位啦，枱面唔大所以要搭枱，見到好多人點lunch set, 都抵食，不過今次目的係試沙嗲牛肉麵😂好快就到，沙嗲味好濃郁，有少少花生碎係面，鐘意花生味多既朋友應該幾鐘意😌另外試左通粉配搭，係細細粒個款通粉，幾好食😂雖然坐得冇咁舒服，茶記都預左快食😅都係試食物，唔好expect service啦😂

這間可以說是網紅店，之前經過成日都有人排隊，聽說沙牛麵好食，於是想試下早餐，今日好彩排頭位等了一陣就有位，叫了沙爹牛肉米，蝴蝶酥，炒蛋，35元性價比高，難怪要排隊。食後感：沙爹牛肉偏咸，蝴蝶酥其實是提子酥包（剛好遇見送貨，是嘉頓的）包身不酥比較淋，一般般，炒蛋夠滑，奶茶不是很濃但也可以。總括來說味道ok，35元一個份量十足的早餐真的超值，可以一試。

近來發現在社交平台有很多關於渣華茶冰廳的帖子，今日路過北角區決定去試下很多人討論的沙爹牛肉麵。午餐時間去到，由於人多關係坐得很迫。待應態度良好，沒有在網上傳說的呼呼喝喝。我叫一個特餐，蝴蝶酥其實是一個壓扁了的提子包。炒蛋不錯，算是中上水平。我要了沙爹牛肉通粉，沙爹湯底非常咸，以我一個吃得很咸的人來說都受不了，最差是那些牛肉，是我吃過其中一家最難吃的，非常硬和"鞋"。我真的奇怪為什麼網上會有那麼多人推薦他的沙爹牛肉。應該以後都不會再去吃了。

#肚波北角 #肚波港式・・・・・・・・・・・・・・・・・・・・人龍店特餐沙嗲牛，沙嗲花生牛好香，幾正喎！・・・・・・・・・・・・・・・・・・・・🍴 特餐 HK$46＞牛角包、煎雙蛋、沙嗲牛肉湯通粉・味道：個沙嗲牛果然冇介紹錯，好食！濃而不渴嘅沙嗲花生香，牛肉片都不錯，正常發揮，at least未用鬆肉粉乸到乜肉味肉質都冇。少有茶記用無坑紋通粉，個人覺得好食過有坑～btw個牛角包幾有驚喜，內層酥皮層層分明，好重牛油香而且有空氣感，幾正！・口感：牛角包同通粉都比想像中好食，上面已講唔長氣了XD・・・・・・・・・・・・・・・・・・・・🤰性價比：高～🤰9衝度：9衝～🤰結論：排隊人龍店，見到隔離枱啲午餐蒸飯都幾正，下次搓搓先😈・・・・・・・・・・・・・・・・・・・・

📍關注組之推介沙嗲牛麵每一區必定有間平民推介茶記。而渣華沙嗲牛麵同午餐都比人大大推薦。嚟到舖頭嗰陣，餐廳已經滿座，出面已經排左條小人龍，等位時間唔會太耐。每日都有午餐套餐，跟住餐湯同嘢飲，嚟到就試吓佢個特餐同午餐。出餐時間快，配合香港人急促嘅步伐。午餐 鹹蛋蒸肉餅飯 配例湯 飲品 $50肉餅厚身但蒸得啱啱好，食落唔會太多肥肉，肥肉瘦肉比例剛剛好。入口帶肉汁，咬落肉餅有馬蹄爽口清甜。特別一讚，鹹蛋食落起沙，係靚鹹蛋黃。特餐 跟煎蛋/麵包/餐飲 $46沙嗲牛配通粉/公仔麵/米粉/出前一丁+$3沙嗲牛湯底濃，湯汁掛面，沙嗲味濃郁，沙嗲食落仲有粒粒花生。牛肉切片，食落唔會過鞋口，大概有五至六塊。叫咗一丁，另外跟上麻油。嚟到麵唔會過淋，配上沙嗲汁一流！跟餐麵包，正常來貨提子蝴蝶包，咬落偏硬口，炒蛋唔會過熟。

本身都唔期望服務會好好，但係真係基本都冇。態度唔好都算，一邊幫你落單，一邊同第二個講嘢，要重複又重複。食物就普通，沙嗲牛麵，麵唔會太腍，個湯底係有花生香，唔係偏甜嗰隻沙嗲，但未去到驚艷。牛肉就失敗，明顯用食粉用得太多，乸到夠晒腍，成浸食粉嘅味出晒嚟。炒蛋可以嘅，唔會太老夠滑。蝴蝶酥就真係唔係嗰樣嘢，純粹係蝴蝶酥外表嘅提子包。凍奶茶，普普通通，唔會嚡，但相對茶味欠奉。 如果呢度係轉嚟食沙嗲牛麵嘅話，可以免了。

一場嚟到北角就試吓bookmark左嘅渣華茶冰廳，平日午市時間需要排隊，等齊人先可以入座，可見幾受街坊歡迎。座位都逼夾，上菜好快。一場嚟到梗係要試吓名物沙嗲牛肉湯麵。💜特餐 $46包飲品特餐有沙嗲牛肉湯通粉（可以轉麵）、煎雙蛋、牛角包🥐。我轉左沙嗲牛麵，一食真係返唔到轉頭，沙嗲汁非常惹味，食落沙嗲味濃郁，係偏向重花生味嗰種，啱晒我呢啲重口味人士，成件事真係好得。牛肉大大塊，嫩滑，個麵唔會太淋或太硬，好掛汁，呢個沙嗲牛可以排我心中前三位置，真係食過返尋味！煎太陽蛋對我嚟講生熟剛好，可惜是牛角包係敗筆之處，因為係又凍又硬。聽聞其他午餐都唔錯，有機會再嚟。🍴整體評價：✅特餐CP值高✅沙嗲牛食過返尋味💰人均消費$50❌牛角包係凍嘅

食過唔同嘅沙嗲牛肉麵，最後都係覺得呢間嘅沙嗲牛肉麵最好味，主要係佢個醬夠濃，特別係花生醬，加上佢嘅牛肉質地鬆軟得來唔係霉，所以整體係好好味。仲有一個重點，沙嗲牛肉麵餐只係$35 ，凍飲仲要唔使加錢，非常抵食。

因為好多Foodie同埋媒體都吹捧佢嘅沙嗲牛好好食，於是晏晝特登嚟 1200幾門口都排緊隊 講明人齊先可以入座 但勝在都幾快但見到有啲應該本身係二人卡位都被迫要坐四個人係有啲辛苦 所以如果會考慮座位舒適度嘅話咁可能會扣吓分 結果我哋二人坐到枱凳位已經係比較鬆動舒服 特餐$46牛角包配炒蛋沙嗲牛肉通心粉連嘢飲上車速度快，個包嚟到我哋都諗一諗呢個牛角包嚟嘅咩（？）佢應該係提子酥卷卷多啲😂但冇執着啦，你話晒食緊茶記啫🤣個滑蛋好重蛋味，有驚喜，同埋份量都多，平時出邊有啲就會落好多忌廉或者牛奶去炒確實好滑而冇咗蛋味，但我本人兩種都接受嘅，我諗佢呢份滑蛋嘅優點就係勝在蛋味重沙嗲牛通正常質素啦，但佢個沙嗲牛係真係好厚身 同埋成碗通粉個份量都好多今日嚟到最驚喜嘅反而係佢嘅午餐$50就有一份，仲要都幾多選擇，連例湯飲品點咗一份乾炒牛河超級大碟，大份到如果細食少少嘅女仔應該可以share嚟食，同埋熱辣辣出埋煙！因為而家出去食嘢好多時上到枱嘅都只係暖而唔會出現熱嘅情況！會感覺到係超級抵食成份嘢，牛肉量亦都好多，成份河粉用油量唔係好多，感覺健康一啲，亦都冇咁邪惡🤭最驚喜係見到隔籬枱叫嘅午餐-五香肉丁出前一丁連