渣華茶冰廳

營業中

休息中

出名沙嗲牛肉麵-渣華茶冰廳平時lunch 見到門口排隊，今日預早少少黎試吓，等左一陣就有位啦，枱面唔大所以要搭枱，見到好多人點lunch set, 都抵食，不過今次目的係試沙嗲牛肉麵😂好快就到，沙嗲味好濃郁，有少少花生碎係面，鐘意花生味多既朋友應該幾鐘意😌另外試左通粉配搭，係細細粒個款通粉，幾好食😂雖然坐得冇咁舒服，茶記都預左快食😅都係試食物，唔好expect service啦😂

這間可以說是網紅店，之前經過成日都有人排隊，聽說沙牛麵好食，於是想試下早餐，今日好彩排頭位等了一陣就有位，叫了沙爹牛肉米，蝴蝶酥，炒蛋，35元性價比高，難怪要排隊。食後感：沙爹牛肉偏咸，蝴蝶酥其實是提子酥包（剛好遇見送貨，是嘉頓的）包身不酥比較淋，一般般，炒蛋夠滑，奶茶不是很濃但也可以。總括來說味道ok，35元一個份量十足的早餐真的超值，可以一試。

#渣華道冰廳this is crazy. crazyly cheap food i had ever tried in hong kong island for a cha chan ten place.we were waited 10min i front of store at about 2pm. the place is narrow and small. table are narrow and seat are narrow. beside that every thing are just perfect and good.let not talking about food. the price ks crazyly cheap. for a noodle with satay beef and egg. with 一丁 noodle +3$ all thing cost you 37$, fkkking hell cheap and most important its iced tea didnt charge me an extra 3$. the boss

近來發現在社交平台有很多關於渣華茶冰廳的帖子，今日路過北角區決定去試下很多人討論的沙爹牛肉麵。午餐時間去到，由於人多關係坐得很迫。待應態度良好，沒有在網上傳說的呼呼喝喝。我叫一個特餐，蝴蝶酥其實是一個壓扁了的提子包。炒蛋不錯，算是中上水平。我要了沙爹牛肉通粉，沙爹湯底非常咸，以我一個吃得很咸的人來說都受不了，最差是那些牛肉，是我吃過其中一家最難吃的，非常硬和"鞋"。我真的奇怪為什麼網上會有那麼多人推薦他的沙爹牛肉。應該以後都不會再去吃了。

#肚波北角 #肚波港式・・・・・・・・・・・・・・・・・・・・人龍店特餐沙嗲牛，沙嗲花生牛好香，幾正喎！・・・・・・・・・・・・・・・・・・・・🍴 特餐 HK$46＞牛角包、煎雙蛋、沙嗲牛肉湯通粉・味道：個沙嗲牛果然冇介紹錯，好食！濃而不渴嘅沙嗲花生香，牛肉片都不錯，正常發揮，at least未用鬆肉粉乸到乜肉味肉質都冇。少有茶記用無坑紋通粉，個人覺得好食過有坑～btw個牛角包幾有驚喜，內層酥皮層層分明，好重牛油香而且有空氣感，幾正！・口感：牛角包同通粉都比想像中好食，上面已講唔長氣了XD・・・・・・・・・・・・・・・・・・・・🤰性價比：高～🤰9衝度：9衝～🤰結論：排隊人龍店，見到隔離枱啲午餐蒸飯都幾正，下次搓搓先😈・・・・・・・・・・・・・・・・・・・・

📍關注組之推介沙嗲牛麵每一區必定有間平民推介茶記。而渣華沙嗲牛麵同午餐都比人大大推薦。嚟到舖頭嗰陣，餐廳已經滿座，出面已經排左條小人龍，等位時間唔會太耐。每日都有午餐套餐，跟住餐湯同嘢飲，嚟到就試吓佢個特餐同午餐。出餐時間快，配合香港人急促嘅步伐。午餐 鹹蛋蒸肉餅飯 配例湯 飲品 $50肉餅厚身但蒸得啱啱好，食落唔會太多肥肉，肥肉瘦肉比例剛剛好。入口帶肉汁，咬落肉餅有馬蹄爽口清甜。特別一讚，鹹蛋食落起沙，係靚鹹蛋黃。特餐 跟煎蛋/麵包/餐飲 $46沙嗲牛配通粉/公仔麵/米粉/出前一丁+$3沙嗲牛湯底濃，湯汁掛面，沙嗲味濃郁，沙嗲食落仲有粒粒花生。牛肉切片，食落唔會過鞋口，大概有五至六塊。叫咗一丁，另外跟上麻油。嚟到麵唔會過淋，配上沙嗲汁一流！跟餐麵包，正常來貨提子蝴蝶包，咬落偏硬口，炒蛋唔會過熟。

本身都唔期望服務會好好，但係真係基本都冇。態度唔好都算，一邊幫你落單，一邊同第二個講嘢，要重複又重複。食物就普通，沙嗲牛麵，麵唔會太腍，個湯底係有花生香，唔係偏甜嗰隻沙嗲，但未去到驚艷。牛肉就失敗，明顯用食粉用得太多，乸到夠晒腍，成浸食粉嘅味出晒嚟。炒蛋可以嘅，唔會太老夠滑。蝴蝶酥就真係唔係嗰樣嘢，純粹係蝴蝶酥外表嘅提子包。凍奶茶，普普通通，唔會嚡，但相對茶味欠奉。 如果呢度係轉嚟食沙嗲牛麵嘅話，可以免了。

一場嚟到北角就試吓bookmark左嘅渣華茶冰廳，平日午市時間需要排隊，等齊人先可以入座，可見幾受街坊歡迎。座位都逼夾，上菜好快。一場嚟到梗係要試吓名物沙嗲牛肉湯麵。💜特餐 $46包飲品特餐有沙嗲牛肉湯通粉（可以轉麵）、煎雙蛋、牛角包🥐。我轉左沙嗲牛麵，一食真係返唔到轉頭，沙嗲汁非常惹味，食落沙嗲味濃郁，係偏向重花生味嗰種，啱晒我呢啲重口味人士，成件事真係好得。牛肉大大塊，嫩滑，個麵唔會太淋或太硬，好掛汁，呢個沙嗲牛可以排我心中前三位置，真係食過返尋味！煎太陽蛋對我嚟講生熟剛好，可惜是牛角包係敗筆之處，因為係又凍又硬。聽聞其他午餐都唔錯，有機會再嚟。🍴整體評價：✅特餐CP值高✅沙嗲牛食過返尋味💰人均消費$50❌牛角包係凍嘅

食過唔同嘅沙嗲牛肉麵，最後都係覺得呢間嘅沙嗲牛肉麵最好味，主要係佢個醬夠濃，特別係花生醬，加上佢嘅牛肉質地鬆軟得來唔係霉，所以整體係好好味。仲有一個重點，沙嗲牛肉麵餐只係$35 ，凍飲仲要唔使加錢，非常抵食。

因為好多Foodie同埋媒體都吹捧佢嘅沙嗲牛好好食，於是晏晝特登嚟 1200幾門口都排緊隊 講明人齊先可以入座 但勝在都幾快但見到有啲應該本身係二人卡位都被迫要坐四個人係有啲辛苦 所以如果會考慮座位舒適度嘅話咁可能會扣吓分 結果我哋二人坐到枱凳位已經係比較鬆動舒服 特餐$46牛角包配炒蛋沙嗲牛肉通心粉連嘢飲上車速度快，個包嚟到我哋都諗一諗呢個牛角包嚟嘅咩（？）佢應該係提子酥卷卷多啲😂但冇執着啦，你話晒食緊茶記啫🤣個滑蛋好重蛋味，有驚喜，同埋份量都多，平時出邊有啲就會落好多忌廉或者牛奶去炒確實好滑而冇咗蛋味，但我本人兩種都接受嘅，我諗佢呢份滑蛋嘅優點就係勝在蛋味重沙嗲牛通正常質素啦，但佢個沙嗲牛係真係好厚身 同埋成碗通粉個份量都好多今日嚟到最驚喜嘅反而係佢嘅午餐$50就有一份，仲要都幾多選擇，連例湯飲品點咗一份乾炒牛河超級大碟，大份到如果細食少少嘅女仔應該可以share嚟食，同埋熱辣辣出埋煙！因為而家出去食嘢好多時上到枱嘅都只係暖而唔會出現熱嘅情況！會感覺到係超級抵食成份嘢，牛肉量亦都好多，成份河粉用油量唔係好多，感覺健康一啲，亦都冇咁邪惡🤭最驚喜係見到隔籬枱叫嘅午餐-五香肉丁出前一丁連

服務態度及效率极差 若無capacity就不好叫咁多人入嚟 早晨8:30分左右入座，叫左餐蛋治，9:00都未有得食。隔离台比本人迟入座的食客都已吃完离座。追问staff，态度极其恶劣，最终被要求加2HKD打包带走食。DO NOT GO THERE UNLESS YOU WANT TO WAIT FOR 30 MINUTES FOR A SANDWICH IN THE MORNING AND GET LATE FOR WORK!!! This place is a shame for north point CCT!

🍳渣華茶冰廳 (北角)📍前排喺社交平台突然見到好多人話呢間茶餐廳好食😋，今日好想食沙嗲牛，就專誠嚟到北角試吓，一去到就見到有人排隊👩‍👩‍👧‍👧，好彩等咗5分鐘左右就入得去⏱️。🍴特餐-沙嗲牛肉湯公仔麵 $46 個煎蛋我轉咗做炒蛋🍳，食落去好滑同嫩，但冇乜味🧂，喺M先生度拎咗啲蔥蓉就即刻好食好多。而個牛角包🥐，簡直係嘥咗🥲，凍嘅而且完全唔脆。好彩最後個沙嗲牛冇令到我失望🐂，算係above average，啲牛肉係厚嘅，沙嗲味都算濃，不過佢唔係好重花生味嗰隻🥜。但如果問我會唔會為咗個沙嗲牛突登再嚟食多次，我個答案係NO🙅🏻‍♀️，求其入一間茶餐廳度食，會俾佢有少少驚喜，但特登去食嘅話就可能會有啲失望😞。而個凍檸茶係冇乜茶味的🍋。🍴薑蔥切雞飯 $50嗰切雞好滑🐓，食落夠味，不過個薑蔥🫚，我比較覺得係蔥蓉多啲，因為見唔到有薑，btw M先生話係凍嘅🧊，熱嘅會好好多，但我覺得都ok👌🏻。Btw 地方比較逼仄，有個伙記喺M先生飲緊咖啡嘅時候行過☕️，撞到佢手踭🫲🏻，半杯咖啡倒咗出嚟🫗，不過之後第二個伙記都好好態度，say 晒 sorry又俾紙巾🧻，但佢件衫就有幾滴咖啡漬👕，坐出邊嘅就要小心啲注意下

2024年3月2日早上 本人點了一個豬扒麵早餐，由坐低到食完 用了不到15分鐘，插針式嘅安排座位十分擠迫，放個背囊都無位，最不知所謂就是在進食過程中，碗面仍未食完，只係想放低支叉飲啖奶茶，但那個女侍應就搶住收走，仲差啲倒瀉，我同佢講話未食完，佢仲要怒啤我，這是什麼態度，以後一定唔會再去！

之前睇Youtube有介紹過這間茶餐廳，最有印象是有一位食客說每天早上一定要吃一碗沙爹牛肉麵才可返工，風雨不改。今天剛巧路過而又不用等位可以直入，便一於試下吧!沙爹醬很濃，牛肉夾雜著花生碎來吃，很有口感，不過沙爹醬很濃和偏咸，一定要和湯攪拌先食，否則會很咸，覺得味道調淡一點會好些。個人認為普通，試過便可，經常吃太咸的食物對健康不好呢。隔離枱吃魚柳飽餐，有一碗麵跟的，魚柳飽送來時食客嚇一跳，因為魚柳很大塊很長的，他這個餐很抵食，因為剩吃個魚柳飽都夠飽。好似最近推介蛋牛治，路過可以試下。

前言渣華茶冰廳在渣華道街市對面，一間平平無奇的茶記，因為網上的報道，最近的人氣的確是很高，門口常有人龍排隊，在好奇心驅使下，我都引不住去試試。食物個人是推介咸牛肉蛋治，在我第一次見到蛋治的時候，真的被驚訝到，當中的雞蛋數量很多，我猜一件三文治至少要用4隻蛋。厚厚的雞蛋配上咸牛肉，就是一件經典的咸牛肉三文治(蛋量增強版)。而當中最推介的套餐是大塊魚柳配咸牛肉蛋治，加上辛辣麵，3款加埋只售50，性價比很高。不過有一次在餐廳食飯時，聽到男職員(應該是老闆)大聲對其他職員說不會再做這個套餐，自此真的再見不到這個組合。之後只見到蛋治配麵的組合，我猜可能是利潤原因，大塊魚柳消失了，蛋治沒有咸牛肉，朋友認為純蛋治味道太淡，要額外加鹽才能下嚥，我認為蛋治雖淡，但蛋味不錯。另一樣要特別提及的是沙嗲牛麵，沙嗲味道一般，但牛肉比較特別，有別於其他店舖，渣華茶冰廳是使用牛仔骨，較厚身，個人認為不錯。順帶一提，不要點雞扒，雖然賣相不差，但味道很咸，肉質很硬，而且雪藏味濃。服務、用餐環境我第一次食的時候，因為當時排隊的人龍較長，而且是抱住嘗鮮的態度，所以包容程度很高。但吃多幾次之後，我認為某些規則是多餘，而且用膳