渣華茶冰廳

營業中

休息中

午飯時段，路過都見店外排長龍於是🤔🧐不同時段~試吃咗~5次。food質素ok，好夠份量🧐豐厚蛋牛治🤣。午市/晚市~最出色👉支竹羊腩煲(足料出品)＋各款蒸肉餅/鯇魚(即叫即蒸😅所以有心試食客要耐心需時等候)目測其他出品 ~ 炒粉/米/飯也好夠鑊氣。服務態度 ~ 5次感覺親切良好。。店鋪已新裝修，整潔ok。。吸引頗多國內遊客光顧

究竟值唔值得為咗沙嗲牛肉麵專程入北角呢？中午時間去到排大概6個人排到埋去侍應叫本豬同朋友逼喺一邊 對面有另一個人搭枱•́‸ก搭枱唔係問題但個大細其實只係正常餐廳嘅二人枱 一邊一個人但啲侍應就係咁游說個客試下先老闆甚至出聲話個客點解唔坐 仲話係四人枱嚟…後尾見到兩個大男人坐真係要overlap先坐到感覺佢哋啲侍應要做埋sales sell人坐啲細枱Anyway等枱耐但serve嘢好快追返啲時間啦特餐$46✧ 沙嗲牛肉麵大受好評嘅沙嗲牛肉麵聽聞係好重花生味🥜但本豬食落覺得只係偏咸同味精味花生係有但源自於佢撒咗啲粗花生粒牛就有啲位偏靭 但大部分都中上水平🥩個麵就普通唔太淋唔太爽🍜意叫收穫係個炒蛋 好有蛋香🍳另外跟餐仲有個牛角包 普普通通作為名店 $46包埋嘢飲都算係有良心啦試咗凍熱檸茶不過不失🍋☕️✧ 豉油雞飯（$50）外面嘅豉油雞通常都好似燒味飯咁就咁鋪啖飯上面🍚渣華呢度就係連汁好似湯咁一兜上隻雞望落好深色 食落都真係好入味要讚下佢就連蔥味都滲哂入個湯同雞度不過有兩點略嫌做得麻麻第一係雞嘅雪氣味好重❄️同埋寫得都偏老 未去到要吹捧嘅程度例湯 冇味精但淡🍲

這間食店平時也有光顧午餐，食物都中規中舉，但可惜今日在此間食店午飯，叫了碟火腩豆腐飯和一杯熱檸茶，飯到了便吃一大半，杯茶還未到，叫個女侍應幫我跟單，她很不願意地說：不是我落的單唔會跟，還叫我自己到水巴問。這是什麽態度，難怪香港的經濟這般差，就是因有此的服務，最終找了數，不吃剩下的飯和不飲那杯未到的檸茶。真是忠告未幫親過的人不要去此店，免得貼錢受氣。

之前路過呢間嘢已經見到好多人排隊，跟住我見到YouTube上面有人介紹，所以特登過嚟試。我哋大約晏晝1:30到，已經見到排長龍。大概10分鐘就有位啦，不過就要搭枱。間餐廳本身座位位置喺擠迫，通道都係好擠迫🙃嗌咗最出名嘅沙嗲牛肉米餐$46連熱奶茶沙嗲味好濃，明顯食到花生粒，米粉普通，牛肉份量都算多嘅。佢個煎雙蛋係熟過頭完全唔掂。牛角包完全係凍，而且唔好食。跟咗個熱奶茶，好稀冇茶味。咖喱羊腩飯$70連凍奶茶呢個係午餐，等咗好耐都未到大概食完個沙嗲牛肉米就到。咖喱完全冇咖喱味只係有顏色嘅汁入邊啲肉係唔熱嘅只有大概五六嚿好鞋嘅肉。佢嘅凍奶茶同熱奶茶都係難飲，只係有顏色嘅液體真係唔明點解可以吹到咁大咁多人去排隊。可以話係冇特別之餘，我覺得係難食。唯一好係價錢叫做喺港島區相宜一點。

渣華道變左好多，開左好多新舖頭同餐廳其實一路都想試呢間，上網介紹豉油雞飯最出名不過難得下午茶，就試下下午茶餐啦！叫左個雙拼面，沙嗲牛拼腸仔公仔面，加杯凍檸茶小甜小冰，都係$34，香港下午茶黎講真係超級無敵抵等候途中，見到餐廳掛上不同掛畫，都幾有特色丫食物送上來了，腸仔有微炸過，沙嗲牛味道不錯！以一碗公仔即食面來說，真係做得幾吾錯我見對面位食客叫左蒸魚午餐，都只係$50如果下次再去，我都想試下佢地既午餐

眾所周之，茶餐廳的沙嗲牛肉，或是一杯絲襪奶茶，便可斷定餐廳的地位及水準。由於未能在六點前抵達，無緣沙嗲牛肉湯麵。(1) 沙嗲牛肉河沙嗲份量足夠，顏色適中，加上雙色椒和菠蘿，增添食慾。另外，菠蘿酸度中和濕河帶來的油膩感。(2) 乾炒牛河牛肉質感像極新鮮牛肉，大片而完整。河粉相對透薄分明，鑊氣十足，碟底幾乎沒有多餘油份。奶茶雖然未到茶香回甘，但入口順滑，亦不苦澀。分享趣事一則：有位約50歲、中等身材女子，忽然飄入店內索取熱水（隨身自備保溫瓶）。(●゜▽゜●)

星期六下午去，排咗15分鐘左右隊，5個人叫了5份餐，分別係乾炒牛河/沙爹牛肉米/咖喱羊腩/銀魚蒸肉餅/豬扒西多士，沙爹牛肉米啲沙爹夠味又唔咸，米粉係我鍾意嘅質感，肉餅好淋好好食，其餘的友人都說值回票價，味道夠但又唔油膩，午餐有湯又有飲品，凍檸茶也好飲，埋單共$236，真係抵到爛，如果我住附近一定會常常光顧，因為個午餐真係抵。初頭看評論以為員工會態度不好，但又唔係喎，正正常常街坊茶餐廳咁，唔係必恭必敬但態度係友善嘅，咁忙啲員工仲識講笑，不過地方係淺窄嘅，要有心理準備。

睇社交平台 foodie介紹佢既常餐沙嗲牛面大份又好食，就黎試下夜晚menu無，我就點沙嗲牛炒米粉$65黎到既係煎米粉 以為咁正 點知啖啖油.... 🤮🤮🤮牛肉明顯落得多鬆肉粉既感覺d沙嗲汁個味ok 但成碟賣相都幾差（唔記得影相）另外奶茶都唔得.. 茶味唔夠 奶味又唔夠檸檬茶正常仲叫左豬扒炒公仔麵$58正常d，豬扒份量多但豬扒偏乾走果時多人排隊😧😧可能係我地唔識叫餸啦有人叫蒸餸 可能果d好食但我唔會再黎了.. 失望

北角厚蛋牛肉治出沒注意⚠️渣華茶冰廳呢間深受街坊歡迎，人人為左佢既沙嗲牛肉麵而來，好可惜去到時已經售罄🥺不過叫左佢招牌厚蛋牛治同生炸髀+西多做下午茶，非常好食。厚蛋牛治轉左烘底，成件事入口層次非常足🔥又唔會散開，一啲都唔論盡，可以成個拎起食。佢個炸髀外面炸到金黃色脆卜卜，入面個雞肉非常Juicy，西多相比其他兩樣野都係較失色，但一啲都唔差，係大粒花生醬做餡既西多！到最後埋單連兩杯凍飲都係$71，係良心價🥹

36元早餐凍熱飲同價很抵。 但沙爹牛肉名過其實， 味道同普通茶餐廳冇乜大出入。 不妨一試。 如果真的是沙爹牛肉愛好者。我提議可去深水埗華園。它們的沙爹有極濃花生醬味。 可以一試以作比較。

呢間茶餐廳開業一年左右，次次行過都排長龍等位，今日特登去試吓佢出名既沙嗲牛肉公仔麵，好彩排左無耐就有一人位坐。地方就比較逼夾，一個人預咗要塔枱，呢方面自己無咩所謂，食物質量最緊要！先講個主菜沙嗲牛肉公仔麵，唔食猶至可，一食真係返唔到轉頭，沙嗲汁非常惹味，牛肉嫩滑，仲要加埋花生碎撈埋一齊，成件事真係好得，冇誇張咁講，呢個沙嗲牛可以排我心中前三位置，真係食過返尋味！另外早餐配搭奄列同麵包，呢個就正常發揮，另外配埋杯茶走都係35蚊，呢個價錢食到呢個質素嘅早餐真係買少見少！真心推介比各位foodie試試

今晚試一試北角嘅大熱茶餐廳，7點幾嚟到，唔洗等位就入得🤟🏻鋪頭小小，食客幾多，所以空間上好迫，打開枱下面個櫃桶拎餐具都要分開咗幾次先拎得齊，因為當有人要通過走廊時就要閂返埋，否則會過唔到去呢😅✴️例湯✴️無咩味道，有少少湯料，飲完無咩感覺✴️沙薑雞✴️沙薑汁好濃郁，質地稠杰，鹹鹹地好好佐飯🍚雞肉嫩滑，不過沙薑味完全入唔到雞肉內，雞本人亦無雞味，勝在肉多大件，沾多啲汁食都補救到🤪✴️菜心炒蝦餃帶子✴️本身係西蘭花炒，不過無哂西蘭花所以變咗菜心～味道不錯，好香蒜味🧄蝦球有2粒，帶子就有4-5片，抵唔抵食道見人見智🙈

👍🏻沙嗲牛肉麵特餐 (包嘢飲) $46最近新開冇耐就爆紅嘅北角名物🔥！早排睇到關注組推介佢地個沙嗲牛肉麵牛肉大塊份量多，比較滑身冇乜筋，沙嗲醬極濃稠，啲麵掛滿汁🍜沙嗲味濃郁，有唔少花生碎粒，花生香味突出整體味道偏濃，撈勻湯底後仍然濃味鍾意食沙嗲牛嘅重口味人士值得一戰😈-特餐原本煎雙蛋可以免費轉火腿奄列奄列大大份，炒得比較生，濕潤多蛋汁，內餡火腿多🤤餐包竟然係牛角包，幾香牛油味，但唔算好脆口特餐包嘢飲，冷熱同價，大大杯凍飲唔使加錢-👍🏻豬扒出前一丁配招牌蛋牛治 (包嘢飲、例湯) $50另一款招牌必食！蛋牛治好厚身，足料爆餡🤪鹹牛肉比例多，滑蛋嫩滑多蛋汁，多餡到一咬吱晒出嚟推薦嗌烘底，麵包外脆內鬆軟，果然係招牌🌟-煎豬扒唔算好厚但超大塊，煎得香又冇油淋淋，肉質雖然偏瘦但算鬆軟唔柴不過本身調味略嫌較輕，可以自己落少少胡椒粉調味，相對上都係沙嗲牛出色啲另外豬扒大大塊放係麵上會令啲麵快淋咗，唔鍾意食淋麵嘅朋友要注意-午餐每日唔同款，星期一至日都係一律$50，仲要包埋例湯同嘢飲，冷熱同價，真心抵食😙👍🏻之前睇社交平台見到有人推介佢地豉油雞，可惜當日午餐冇試唔到俾大家睇，有機會下次再試下-味道：8/

過開嚟呢邊買海南雞，準備返屋企之前又想食下午茶。平時去開七姊妹道嗰邊嘅，今日就想試吓傳聞中好好食嘅沙嗲牛肉麵。個沙嗲汁其實做得幾好，但個肉亦都好厚亦冇梳打粉嗱個嘅味道。但係好可惜佢個湯本身係常溫完全唔熱，想撈勻啲沙嗲牛肉汁都撈唔勻，反而好欣賞佢個滑蛋，係剛剛煎好熱辣辣。拼埋個沙嗲牛肉麵上，極大嘅反差熱辣辣嘅滑蛋，常溫嘅湯食到咁上下，見到隔離有個伯伯點咗個支竹羊肉飯。見佢好大碟勁多枝竹又多羊肉，就問侍應點叫法。佢話呢個係午餐嚟嘅， $65一碟，夜晚要百幾蚊。佢話如果我想嗌就嗌個外賣返屋企食啦。山長水遠由港島區拎返去新界區，本來滿心雀躍諗住加餸食飯。一打開即刻覺得舐嘢，其實我睇見佢個兜仔已經心知不妙。份量比堂食少三份二，個汁同埋d肉完全冇層次，基本炆羊嘅醬料都食唔出。一個字淡，今次第一次試已伏到不行鳥。都唔知俾唔俾多次機會佢好？

早排見到有其他人介紹港島區嘅沙嗲牛🐮 原來係喺北角嘅 #渣華茶冰廳 ，呢排去咗北角返工嘅二家姐即刻去咗試，仲要食咗幾次🤭 因為呢到出餐算快，午餐日日都唔同款，但都只係$50，仲要凍飲唔使加錢😆 呢個價位喺北角食得飽，算好抵食啦～有見過唔少食評話呢到嘅員工服務態度好差，我食過幾次又覺得還好喎🤔 唔算差，係一兩個員工講嘢快啲同無乜尾音😂•🥢 特餐 - 牛油餐包/炒蛋/沙嗲牛肉湯通粉 $46特餐沙嗲牛我已經食過兩次，真係可以返兜嘅！😛 呢到嘅沙嗲牛係多醬嘅，牛肉大大塊，軟腍無筋，食落沙嗲味都幾濃郁，係偏向重花生味嗰種，仲有極多粗粒花生🥜😋 濃郁嘅湯底配通粉真係好夾，而且食到最尾都仲好夠味～ 另外有朋友試過配公仔麵，但呢到嘅公仔麵就略嫌煮得有啲太腍🫤特餐係配煎雙蛋，但我轉咗做炒蛋，炒蛋好大份，而且炒得幾滑！另外仲有「牛油餐包」，但原來係牛角包，就咁睇落有啲加分，但實際上就有啲扣分，因為個包係唔熱嘅，食落一啲都唔香同酥脆😖 所以我第2次再去嘅時候就加咗1蚊轉烘底嘅牛油方包，雖然都唔算烘得好均勻，但都比凍嘅牛角包好食😗•🥢 午餐 - 豬扒出前一丁配鹹牛肉蛋治 $50豬扒好大塊，係連骨上嘅，肉質鬆化