一樂燒鵝

營業中

休息中

一家人難得回家聚餐，所以叫左一份雙拼（鵝+雞）。如果你問我好唔好食，我答唔到你… 因為將近$300嘅外賣全部都係皮包骨。大約有三四件有肉，但肉質不超過1cm厚。連相片都表達唔到這份廚餘有多麼可悲。食落口，味道係真心好味（我媽嫌太鹹），但我唸我情願食普通嘅肉都唔想食好味嘅骨頭囉。But that’s just me. 我妹打電話問佢地是否send錯單，店員*OF COURSE* 好串地高聲鬧：「你要肉，點解唔打黎同我地要多D肉呀？」然後叫我地自己同訂餐平台投訴。 所以…大家學精D，要食肉係要求人地㗎。絕對唔會再幫襯。

油雞併燒鵝飯（$72）一直好想試一樂嘅燒鵝，於是揾一日的起心肝就去中環試下⋯⋯週末下午唔洗點排隊就有位，入去好多都係遊客坐滿曬，坐位都係比較窄落完單一兩分鐘有得食份量不過不失第一時間梗係食舊燒鵝先個皮燒得幾焦香充滿油脂嘅，可惜唔知係隻鵝太老定放太耐，啲肉一啲肉汁都冇，非常乾同嚡口，雖然個價錢唔係貴，但冇理由咁求其囉？求其入一間酒樓叫個燒鵝瀨都好食過呢度，又可能係我衰孤寒冇叫燒鵝髀油雞幾香玫瑰露味，唔太咸，不過好多碎骨，雞蓉略嫌過咸

極度不推薦👎🏻垃圾👎🏻中伏！食物質素超級超級垃圾，唔明點解咁都可以做到米芝連😑叫左一碟雞拼燒腩仔同埋燒鵝飯，師傅刀工非常好，啲雞切到超細舊😂大部分都系骨冇肉，價錢同質素唔成正比，完全唔知食緊咩🤮，最後兩個飯盛惠$144💸，總結$18燒味飯或普通茶餐廳都好食過佢！門口女員工態度亦非常惡劣，我朋友只係用左幾分鐘時間將架車泊返前小小方便睇車，女員工就同我哋講你哋走喇，不如你哋轉外賣。第一次食一間餐廳系會有員工開口趕客走！

今日突然想買燒鵝去朋友屋企gathering，諗起佢啲燒鵝馳名海外，長期都有人喺門口排隊，我咪打定電話去落單，唔使熱唔使淋雨唔使等，點知鋪頭員工急口令式回覆我：「你過嚟買啦，多謝」就收線。大約11:00am 我去到鋪頭，門口已經有八人排隊，我落單時多嘴問一次，係咪冇電話落單？後生啲嘅女員工答我：「冇，未俾錢點做？你要整定先，你就落嚟俾俾錢先！」（我心想，😳落得嚟俾得錢，咁你又點整定先呀？）我等燒鵝時又問下老闆娘，最初佢晤出聲回答，只不斷用交叉手勢示意，之後說：「冇！你唔鍾意就唔好嚟幫襯！你唔鍾意就唔好嚟幫襯？！」呢間舖頭啲燒鵝係好食嘅，皮脆肉嫩，肉和骨都入味，我家中嘅長輩一向唔食啲重口味食物，佢都讚口不絕。不過，冇電話落單、外賣自取服務卻令我減低再次幫襯嘅意欲。可能係我低估咗呢啲冇裝修嘅（高級）食肆嘅服務，同埋呢間鋪只會對非廣東話人有禮貌嘅。

I ordered the lunch box online and the food looked delicious. $114 for a bbq pork and roast pork rice. When it arrived I thought it was a joke. There was 4 tiny pieces of pork and 4 tiny pieces of roast pork. No 薑蓉, no veggie, and the presentation looked like it had been half eaten. I can’t believe this is a Michelin recommended restaurant. Super overrated. The taste of the meat is ok, not bad but not something very much different from other bbq Shops. The pieces were very small and one piece wa

燒味專門快餐，食物質數還可以，但入面那個男侍應服務態度一绝！叫2人坐位巳唔好聲氣，送餐又唔老黎咁擺低😤，他基本服務太度都無！如不想受氣，盡可能唔幫襯，行遠啲食雲吞麵好過。

平時見咁多遊客排隊，就好奇試吓雙拼，都$72，我再加一隻鹹蛋，總共俾咗$87。眼見買外賣唔使等，咁就叫咗個燒鵝叉燒雙拼飯。等咗10分鐘左右就有，攞外賣嘅時候店員都同我講普通話。可想而知，平時幫襯嘅都係遊客。返到去一打開，超級失望！叉燒四嚿燒鵝四嚿，叉燒唔肥賣相又乾，燒鵝仲要冇乜肉，肉身完全冇肉汁，飯量都唔多。賣相極度唔吸引。我只可以話呢間舖頭良心何在，始創於1957，但質素令人無比失望，食物質素不在話下，服務態度亦有待改善。說句實話，作為一個中環打工仔，午膳時間係理應開心享受，滿心期待買一個外賣，點知如此令人失望。見OpenRice 食評一面倒，希望各位食之前自行斟酌！亦希望店舖有留意評論而作出改善

俾咗百幾蚊比兜咁嘅嘢我，好似廚餘咁。肉又小賣相又差以後唔再幫襯，服務都唔係好，雖然冇expect過有好服務但係粗聲粗氣都唔係咁舒服。以前都冇咁差，係唔係似住多人幫襯可以越做越衰。

From the first step coming into the restaurant, the arrogant staff said "sit here 1,2,3" and while looking at the menu we wanted to order the dried noodles with goose but she said it wasn't available in an arrogant attitude. So we finally ordered the rice and roast goose with BBQ pork. The goose was just mediocre with bits of meat and bones. Looks like they just gave use off cuts of the goose and just small amounts of rice. Is rice really that expensive?There are better establishment for roast g

How this place has michelin star for multiple years blows my mind.Got the roast goose and bbq pork - both are so so / a bit dry / lack of taste.The lady in charge was so rude, and gave me shit for taking out my cash out slower than she would like.$30 for about 5 pieces of lettuce, rip off. Wont go again and definitely dont recommend to anyone. Hope they close down soon.

今日（1月24日）出去中環剪髮，之後大約下午2:00到達呢間食肆，打算幫襯食碗燒鵝瀬粉。到達時有十多廿人在門外排隊，由於我只得一人，所以排了幾分鐘就可入座一張六人枱，是跟另外五位說普通話的遊客「搭枱」。我甫坐下便點了一碗燒鵝瀨粉，吃完伙記便收拾碗筷，那是下午2:20左右。我深知這類食肆座位有限，已經執好手袋，掛好頸巾準備離開，同時正在回覆一個WhatsApp留言。就在這個時間，一名短髮中年女子經過我張枱，然後說「阿姐，食完好走，唔好喺度坐」。我先是愕一愕然，隨之回應她「我才剛剛吃完一、兩分鐘，都準備走了，駛唔駛咁趕人？」這位女子態度極之囂張，又說「你食完仲唔走，坐喺度做乜呀？外面有一人等位㗎！」嘩，前後只逗留20分鐘左右，已經俾人非常不客氣趕走，真係食到一吐氣！還把自己的店名為「一樂」，我呸！客人根本半點樂也談不上！店員服務如此不知所謂，我當然從此不會幫襯，也慨嘆好些「平靚正」的食肆要執笠，垃圾店如一樂，竟然可以留低！

之前成日見大排長龍，今日冇乜人排隊諗住外賣試下，點知出曬事😂門口同姐姐講唔該想外賣，但係個個姐姐當我透明咁，走去招呼後面嘅內地客，仲笑笑口講埋國語。之後我就係企係到等啦，個姐姐行返黎勁唔耐煩咁講，要食咩就講啦！心諗洗唔洗咁差別對待😂仲以為係佢啲嘢好好食，先有咁嘅底氣，點知….賺錢係緊要，但係賺到盡，咁黑心真係少見掛住做遊客生意，唔做街坊生意冇問題，但係咁嘅品質同服務，真係唔好諗住冇遊客時求翻本地人幫襯…

原本開開心心帶嚟香港旅行嘅朋友一嚐小店嘅燒鵝，但食完一肚氣 🥲叫咗燒鵝、燒腩仔同叉燒粉同飯，食物一般般…最差係有兩個呀姐待應，由排隊開始態度十分之惡劣。嚟食嘢得罪妳哋？！我哋唔需要啲咩服務，亦都冇要求啲咩，但基本禮貌都無嘅人真係倒老細米（或者可能係老闆娘唔介意唱衰自己），其實都影衰香港…. 啲待應阿姐嘅態度同難聽說話真係不得之了，究竟點樣先可以練到自己咁厭世同句句都咁衰祝生意好！總之不推薦！不推薦！不推薦！香港食燒鵝仲有好多小店可以幫襯

頂。。。超級垃圾，這間餐廳d食物和服務質素真是沒有最差，只有更差。。。首先，排隊人龍好長，當輪到我時，有d熟客就直入就座，我即問亞姐，咁多人等緊位，仲可以比佢直入就座？亞姐好串咁回答"你唔好質問我，人地日日来來食，你係咪日日來吃呀，有位實會比你"，態度極之差(一間咁細鋪，如果keep住有熟客來，這樣對要等位的人，公平嗎？)。。。入到裡面坐下，環境又迫又不舒服。。。d食物質差簡直如垃圾，d燒鵝又乾又硬，d湯又咸。。。值$70嗎？米芝蓮食肆，令我太失望了！如果這店繼續用這經營態度，恐怕難以在這社會生存下去啦！

又貴又唔好食，一坐低就係咁催落單，叫一碟燒腩鵝瀨，細到下午茶咁嘅size，啲肉仲要浸晒落湯，另外叫一碟叉鵝飯，啲鵝得骨，同阿姐講換，佢話唔食唔好食，然後劃咗張單就算，態度極差