Springtime (已結業)

🚶‍♂️尋找 工厦 的美食🚶‍♀️位於柴灣工業區內的小店，[ Spring Time ]主打西式食品，價格相宜，誠意十足，值得一試。🆙柴灣區經常被人形容為美食嘅墳墓，幸好仲有呢間食店，可以幫忙挽回多少分數 😂雖然餐廳沒有豪華的裝修，但卻換來平實無華，好有家的感覺，絕對舒適。🤟今次因為只有 二人 到訪，所以只揀選了 2 款食物，估唔到質素咁高，正 ! 😋1) 紅酒燴牛肋條 🐮炆到超淋的牛肋骨非常入味，雖未致入口即化，但卻換嚟極佳口感，肉汁豐厚，好味。😼😽2) 韓式泡菜五花肉漢堡包 🇰🇷泡菜嘅微辣，配上五花肉嘅香滑，簡直係刺激味蕾嘅衝擊，再加上非常香脆嘅粗薯條，滿意指數爆哂燈。🥰😘是日午餐合共不用 $2️⃣0️⃣0️⃣，但已經可以換來如此美食，唔經常幫襯都對唔住自己啦。💞💓

當年在吉勝工廈時已幫襯，可惜好景不常，spring time 離開了吉勝後真係超級懷念呢間餐廳既食物同態度。而家終於可以再次食得到了。說真的，美味既食物，必定是經過廚師用心製作得出來既成果。今次order 左燒春雞，肉質嫩滑，豬肋骨味道剛好不太濃，唔會食到滿咁沾滿醬汁既感覺，沙律好新鮮，特別係個醬調配得好好味，如果醬既份量可以再多少少便更加完美了。在springtime 食嘢，你係會食得出廚師及餐廳那份對食物既誠意，就連外賣包裝，springtime 都做到一絲不苟！身為柴灣人既我一定會默默支持你哋

沒有堂食 唯有外賣 嚟到十分驚喜 不論漢堡包飯和pizza 都仲有一定程度的溫暖 味道越食越好味份量亦很充足令人好想繼續食嘅感覺 大家可以繼續支持呢啲小店希望可以盡快有堂食 可以感受堂食的滋味

今日去springtime買外賣食，order咗手打黑松露牛肉漢堡+粗薯條，無額外加飲品或食物，盛惠$68牛肉漢堡幾juicy，但黑松露味就無乜，有啲啲失望。 個包焗到脆脆地，正! 包內嘅茄汁+燒烤醬同個漢堡好夾，蕃茄生菜又新鮮，好味呀!粗薯條多到一個點，一個人好難獨食，要搵人share呀!依家只做外賣，大家要多謝支持呀!

手打黑松露牛肉漢堡包 $68 🍔開係近地鐵站既工廈 交通都算方便 而且價錢都幾抵 吸引唔少附近既上班族同學生食🤣 burger都算大份 食既時候最好用手唔係會跌哂啲餡料😮‍💨 麵包有微微烘過 牛肉都幾厚幾juicy 整體食落唔會好乾 都算唔錯😚 呢個價錢包埋飲品同配菜 我加咗$10要炸得好脆既黑松露薯條 而且係厚切個種 口感上係唔錯 不過食落太鹹同熱氣 感覺有少少喉嚨痛🥺 飲品方便揀咗鮮橙茶 不過不失喇😛評分: 7.5/10🌟手撕豬肉烤菠蘿漢堡包 $65朋友揀咗鹹檸檬雪碧(+$12)同薯條 另一個就揀咗沙律 🥗加咗黑醋冇咁單調 而薯條都係偏鹹🥵 至於主角入面既手撕豬肉調味剛好又唔會太乾太鞋 加上烤菠蘿令到個層次豐富咗 可以一試😎 評分: 8/10🌟是日餐湯蘑菇湯 +$12蘑菇湯既賣相就差啲 但用咗保鮮紙包住去保溫+無咁易倒瀉呢點幾貼心💛 飲落係好濃好濃既蘑菇味 忌廉味就相對淡 味道唔係人人鐘意同接受到 不過個人都幾鐘意濃郁既蘑菇湯😋評分: 7/10🌟————————————————————————Springtime (柴灣)柴灣吉勝街12號達藝工業中心8樓806號舖

喺工廠大廈都可以搵到好嘢食㗎🤪🚩 自家製桂花蜜叉燒飯伴溫泉蛋 $55 叉燒係日式叉燒 所以瘦嘅部位會多少少 溫泉蛋撈埋菇一齊食幾惹味👍😍上枱嘅時候以為份量好少點知食落其實份量好多😂撈飯嘅汁應該係燒汁 成個飯都正正常常🤪🚩 日式蜜糖燒汁唐揚雞伴溏心蛋 $55要讚一讚個炸雞 炸粉唔會太厚 保持到入邊嘅雞肉非常Juice👍溏心蛋整得啱啱好🥰👍炸雞嘅份量都好多嚿如果相比起上面嘅叉燒飯我會鍾意食呢個多啲🚩跟餐加$12蘑菇湯聽朋友講話呢個蘑菇湯好飲所以就叫咗的確係好creamy🤪🤪🤪而且蘑菇份量都好多飲嘅時候佢食到一粒粒加$12都係OK合理總結時間🥰講返先餐廳呢係半自助式嘅自己掃QR code落單之後食完呢就自己收拾枱面所以大家要保持乾淨🙏🏻工廠大廈都可以有好嘢食仲要係良心小店大家一定要多多支持💛💛💛

這家西餐廳在工廈內，以自助形式營運，不但有面壁的自閉位、也有容納多人的木枱。裝修以日式簡約為主，還播放著悠和的音樂 ♪ 如何自助？➀ 掃QR code 下單➁ 設有餐具自取區域，有水/麥茶提供➂ 餐點會有員工送過來➃ 吃後將廚餘扔掉，餐具自行放到收集區食物類型除了主打的漢堡，意粉等，更有素食提供，例如磨菇漢堡、素忌廉意大利餛飩🌱🍔 Cheese & Mushroom Stuffed Portobello Burger ($60)⊃ 巨型波特菇十分多汁😍 內裡還有洋葱等配料😚 🍝 Tortellini Carbonara, Pancetta, Asparagus, 63 degree egg ($98)⊃ 這款卡邦尼意大利餛飩令人甚驚喜，卡邦尼不會太膩，但蛋味香濃，而且粒狀的豬腩肉很香肉味😍 但一點也不臊！12時左右去到仍然很多位置，空間闊落，環境不錯👍🏻👍🏻👍🏻

搬了新舖位既springtime 很久也沒光顧了～很高興可以再次光臨💛☺️食物質素也不變見到餐牌內容改變不大，反而是用餐模式改變多了。新店改了用手機下單及網上付款功能，方便快捷～用膳完畢後需要自行收拾桌面，服務員只提供帶位及送餐服務哦燒春雞配黑松露薯蓉。 8/10份量令人飽足！雞肉乾身但配上洋蔥燒汁就剛好～黑松露薯蓉是令人感到飽肚的主因，😅忌廉味重～卡邦尼意大利雲吞。 8/10這是令人會超級飽肚的一款餐點！卡邦尼醬本來已經易膩，加上意大利芝士雲吞的加持～omg~ 肥美呢～ 喜歡芝士、忌廉、牛奶的人要吃哦香橙紅茶。 9/10清新之餘比檸檬茶多份香甜～必試即磨咖啡。 8/10奶和糖漿自由添加～但感覺咖啡味有點淡～可能水份比較多～

之前係附近做野，唔想日日茶餐廳，頹飯，諗住間唔中都對自己好啲。一開始係睇中佢個三文魚牛油果漢堡（唔好期待佢有好多牛油果，只係會有少少牛油果醬），應該啱夏天嚟食，仲懶健康咁揀跟沙律唔要薯條，再加$12要杯薏米水（全名係“檸檬雪梨薏米水”)點知最後係比佢個杯薏米水又香又甜吸引住，念念不忘咁今日落大雨都要再黎。三文魚漢堡都唔錯嘅，個包有用牛油煎香，個沙律都唔係hea你，而我食埋杯薏米就好夠飽啦，下次會再黎試埋其他野。唯一係要自己QR code 落單俾錢同執返啲餐具，可能有人唔鍾意啦，但如果你就係唔想同人講野就好適合啦。

野食係無問題，之前一直外賣，野飲自己落糖，今次第一次堂食，野飲漏左叫佢走糖，我同左佢講唔好意思以為自己落，所以無叫到走糖，一叫佢即黑面，另一個職員補送翻黎大力Bang門又大力放落枱到，好似以示不滿甘，就算係黃店都唔會再去，俾錢受氣甘以為自己發洩係客人身上好型，其實好幼稚

多數都去開觀塘工廈食嘢，估唔到柴灣工廈都有！ 仲要好好食！到達店門後職員帶我哋去隔壁餐飲區，需要自己揾位同拎水，餐具等。疫情之下好多餐廳都轉左QR code落單，呢到都唔例外，每張枱上面都有個QR code，食物好多種類，有飯，西餐，漢堡包等等。見多人推介漢堡包，所以叫咗兩款。芝士焗什菌大蘑菇素漢堡包 $60：漢堡包有烤過，包面好脆！焗完嘅大蘑菇好juicy，配上醬汁，新鮮生菜同紫洋蔥，加埋溶化咗嘅芝士，就算冇肉都好好食！好高質！另外加配咗黑松露薯條(+$10)，以為係黑松露醬，點知原來直接將黑松露放上薯條。香係香，但唔會條條薯條都有，所以個人都係鍾意平時嗰種，點醬食配西式紅茶做餐飲，紅茶有茶香但加入糖奶就唔係好飲到茶味。值得一提係店家好有心將紅茶製冰，冰溶化後唔會令飲品變淡💕韓式辣醬泡菜五花肉漢堡包 $65：選配普通薯條，都炸得好脆同熱辣辣。平時泡菜五花肉多數配飯，估唔到變成漢堡包餡都唔錯！帶點香脆的五花肉加上吸引咗醬汁既包，好惹味！不過因為有辣醬，食到最後有機會漏汁，要小心啲。總結：估唔到柴灣工廈入面有間咁高質嘅餐廳，下次可以試下其他菜式~ 因為餐廳係半自助式，食完記得需要自己執拾

中午食外賣，即場去買，叫左芝士焗雜菌大蘑菇漢堡配薯條，之後攞返公司想大快朵耳。攞起個包想大啖咬落去，點知咬第一啖咬落去食唔到蘑菇？打開個包睇，蘑菇得細細舊，攞間尺度得6cm直徑……同普通花菇大小差不多…其他雜菌也不多，有點失望如果是這個size ， 起碼要用2塊吧…..味道是不錯的，但主料真係太小薯條正常，外脆內軟，夠熱飲品正常，凍橙茶飲落幾舒服如果這個質素收$60，有點不值希望下次再去食時可以改善…

啲嘢又平又好食，尤其係漢堡，而且環境清靜，又帶點文青feel,真係啱晒港女打卡啲員工服務態度都好好，好有禮貌而且佢哋仲有學生優惠，漢堡餐連薯條果汁都係$35真係好抵食下次會再去！

柴灣區既朋友應該對呢間黃店唔陌生👍🏻之前係另一座工廈宜家搬左新舖🏬 區內少有高質西餐🍴呢度選擇好豐富 雖然有點難搵😅 而且主要外賣自取 但係值得一試😋⭐️ 手打黑松露牛肉漢堡包 🍔⭐️ 炸薯條 🍟漢堡大大份超級豐富😍 漢堡扒食得出手打既功夫💪🏻 肉質好鬆軟唔會死實實🥩 松露味道唔濃🍄 反而用左好多洋蔥調味 🧅醬汁甜甜地 好開胃 薯條好粗有薯仔味 🥔 可以加點調味⭐️ 紅酒燴牛肋條配黑松露忌廉薯蓉 🐮牛肋好入味好腍👍🏻 有西餐水準😚 薯蓉好Creamy好邪惡呀😈 一定好肥啦😅⭐️ 檸檬雪梨薏米水 🍋好足料呀 雪梨同薏米都好多🍐 天然既清甜比起汽水更健康🥤

終於都回歸喇，新舖係另一座工業大廈，好近舊舖，1分鐘距離左右。位於8樓既新舖，一出升降機轉左就會見到個霓虹光管招牌。諗住入去應該冇錯，點知嗰個位置係廚房加外賣自取，店員就帶我地去另一間房間。原來而家係用QR落餐加信用卡比＄，除咗送餐之外其他步驟都不經人手。堂食呢個房間係獨立房間，同隔離廚房係分開咗。男友當然點咗佢個招牌手打黑松露牛肉漢堡加薯條，而我就試意大利素菜蘆筍雲吞伴黑松露醬雜菌忌廉汁加溫泉蛋。另外我地叫咗2杯即磨咖啡。堂食位置嘅設計簡約，所有嘢都係自助形式包括餐具同埋有麥茶、熱水、室溫水供應。出餐時間好快，先上的意大利素菜蘆筍雲吞伴黑松露醬雜菌忌廉汁加溫泉蛋，賣相超靚，吉一吉隻溫泉蛋，好治愈😌個黑松露醬忌廉汁唔太杰身，但可以掛係每粒雲吞上面，好好味！我諗應該至少有10粒雲吞加埋意大利青瓜粒、蘆筍同雜菌伴在一起，十分飽肚！而個手打黑松露牛肉漢堡，麵包上台微脆，生菜番茄生鮮，有少少酸洋蔥連牛內一齊食，解油膩。牛內都有肉汁鎖住，如果可以煎到佢微焦嘅話就會更加好味，反而我又食唔到黑松露嘅味道。薯條亦係我喜歡的fat chip, 不錯！至於杯即磨咖啡就比較淡口。整體餐廳質素十分好，見到嗰啲