阿翁小館

營業中

休息中

最近同吖妹去咗天后如心酒店內嘅「阿翁小館」食晚飯，阿翁鮑魚係吖妹一直期待咗好耐嘅美食，所以就同吖妹Order咗佢哋嘅阿翁珍饈宴，每位盛惠$1680，依度嘅環境舒服、服務全面，食物出品亦都好高質，食到傳統且矜貴嘅菜式，果然係米芝蓮級粵菜精品，山珍海味一試難忘。*此餐廳收取加一服務費。阿翁珍饈宴（一位$1680），28頭吉品鮑伴菜遠，採用日本吉品鮑魚製作，鮑魚肉質肥美、厚嫩，溏心效果突出，切鮑魚嘅時候會癡刀，食落會有種漿住漿住嘅口感，所以會有少少癡牙，鮑魚燜得好入味，菜芯口感軟硬適中，鮑魚汁燜鮑魚，經典配搭。珊瑚百花釀花膠（跟餐$0），採用花膠、蝦膠製作珊瑚百花形狀，炸漿口感香脆，花膠口感腍身，蝦膠口感彈牙，配以蟹肉蟹黃羹食用，食落鮮味十足。香芹蘿蔔海斑卷（跟餐$0），海斑魚腩食落好新鮮，油脂味香，內有冬菇、芹菜，白蘿蔔口感無渣，味道清甜，湯底配以黑胡椒飲用，味道辛辣飲落好暖胃、好舒服。砂鍋水晶炒官燕（跟餐$0），表面鋪有金華火腿蓉，味道鹹香，官燕晶瑩剔透，口感滑溜，味道清香，內有蟹肉、蛋白，味道鮮甜。招牌脆皮炸子雞（跟餐$0），雞皮口感薄脆，雞肉肉質嫩滑，配以豉油、白胡椒粉食用，味道更佳

今次朋友帶我去酒店食大閘蟹餐！餐廳位於銅鑼灣如心酒店！阿翁出名鮑魚就係人都知，估唔到仲有大閘蟹餐！阿翁超值蟹宴每位$980 ！有六道菜式！1.生拆大閘蟹粉翅2.蔥燒百花釀遼參3.原隻江蘇大閘蟹（6兩）4.生煎薑蔥鹽香雞5.迷你蟹腿荷葉飯6.薑茶芝麻湯圓1.生拆大閘蟹粉翅打開就已經聞到香味! 見到金黃色嘅蟹粉翅已經覺得好吸引！見到好多蟹肉好足料！飲落好鮮甜！而且好濃稠好傑身！2.蔥燒百花釀遼參未試過咁樣食遼參！除咗上面有蔥花肉碎芡之外，入面竟然仲釀入咗蝦膠！外面彈牙，入面蝦膠有口感！成個組合好有心思！3.原隻江蘇大閘蟹（6兩）終於到大閘蟹！6兩重嘅大閘蟹公！打開蟹蓋見到有橙黃色同透明白白地色嘅膏！橙黃色嘅蟹膏甘香，透明白嘅蟹膏又黏又香！好想再食多隻！4.生煎薑蔥鹽香雞食完蟹之後，就有鹽香雞！一人一半！估唔到又幾好食！因為外面嘅雞皮煎到脆脆地！雞肉好滑！再加上鹹鹹地嘅薑蔥，好惹味！5.迷你蟹腿荷葉飯連荷葉飯都加咗蟹腳肉！荷葉飯好乾身，唔會好油立立！細細隻好似珍珠雞咁好可愛！6.薑茶芝麻湯圓最後就係薑茶湯圓！食完大閘蟹梗係要飲番啲薑茶！薑味好濃，一飲就覺得暖笠笠！芝麻湯圓皮薄餡靚！芝麻餡香甜

今早在中央圖書館看完展覽，順道去了銅鑼灣如心酒店一家酒樓午膳。今午由先生發辦，他選了午市自選套餐另送例湯~白菜魚翅頭及甜品。阿翁炸子雞半隻~肉質鮮嫩，外脆內嫩，有嚼勁。話梅炆豬手~切成一舊舊，易入口，味道酸酸甜甜，既醒胃又可去除油膩感。燒汁鮮菌炒牛肉~雜菌鮮嫩，牛肉香口，這道菜惹味又爽口。蒜蓉煎豬扒~肉質鬆軟多汁，味道清香，有嚼勁。最後送上甜品，甜品有三款選擇：生磨合桃奶露、陳皮紅豆沙及蛋白杏仁茶，我選了前者，很綿滑，而先生點了蛋白杏仁茶

米芝蓮阿翁小館✨🫖中國茗茶每位$30(個人幾鐘意佢哋嘅香片🥹香氣濃郁，口感清新）🥜前菜（花生）每份 $30＄990阿翁滋補珍饌八道宴✨高湯紅燒官燕✨脆皮原只花膠✨關東遼參扣鵝掌✨阿翁炆斑頭腩✨生炸脆皮乳鴿✨原只吉品鮑糯米飯✨陳皮蓮子紅豆沙✨美點雙輝好耐冇食過咁高水準嘅中菜，食足八道菜，個人最鐘意原只吉品鮑糯米飯，果然系阿翁食鮑魚都有品質保障🥹🥹配埋糯米飯，真系食唔停口😆。$900左右，食到高級食材，有官燕、花膠、海參，用料好用心！價錢以中菜店來講，真的不會很貴，環境、服務、食物質素都是頂級，啱曬帶埋長輩嚟聚一聚🤞🏻❤️

阿翁小館想試咗好耐！今次提早咗一個星期定位，試下＄990阿翁滋補珍饌八道宴。阿翁小館仲有另外一set menu，係2千左右一位，菜式都好豐富。🍲 高湯紅燒官燕：首道菜品以官燕為主角，紅燒的湯汁濃郁，滋味鮮美，🥣😍🦪 脆皮原隻花膠：花膠外皮炸得酥脆，內裡嫩滑，搭配酸甜汁，第一次咁樣食花膠都幾特別！🤤🦆 關東遼參扣鵝掌：鵝掌的搭配海參，燉煮得剛剛好。我更鍾意鵝掌入口即化的口感，好入味。🍗😋🐟 阿翁炆斑頭腩：這道菜以斑頭魚腩為主角，再配腩肉、豆卜、冬菇等，炆煮得啱啱好，腩肉肥美多汁，好結實！🐠🤩🐦 生炸脆皮乳鴿：乳鴿大推！！外皮炸得酥脆，肉質鮮嫩多汁！🍗👌🍚 原隻吉品鮑糯米飯：糯米飯+原隻吉品鮑魚都係大推，真係超級香，配料香味極濃，糯米飯細細碗啱啱好，唔會話太多頂胃啊！🍚😍🍮 陳皮蓮子紅豆沙：口感順滑，甜而不膩，個人鍾意陳皮味唔算太濃，啱啱好🥰🥟 美點雙輝：最後的美點合桃餅同馬豆糕！🥟😋食物的品質和味道都非常出色，有機會再會試吓唔同餐單🌟👍

肥妹仔喺今日要同大家分享一個位於銅鑼灣如心酒店嘅小館，名叫「阿翁小館」嘅食評。喺呢度，肥妹仔嚟到咗試咗蝦餃、炸春卷、鯪魚肉紫菜卷同埋海鮮豉油王炒麵，而家就同大家分享下啦！首先，肥妹仔要講下個蝦餃。阿翁小館嘅蝦餃真係出奇嘅好食！蝦餃皮薄而韌，蝦肉鮮嫩多汁，每一口都能夠感受到蝦嘅鮮甜。緊接住嚟講下炸春卷。阿翁小館嘅炸春卷有一個外脆內軟嘅絕佳組合。炸春卷皮炸到金黃酥脆，入口即化，內裡則包著香嫩嘅蔬菜和肉餡，每一口都帶來一種滿足感。配上酸甜嘅沾醬，更能夠提升整體風味，肥妹仔真係唔禁多食幾個！再嚟就係鯪魚肉紫菜卷。呢款菜式係肥妹仔第一次試食，但係真係大大超出咗肥妹仔嘅期望！鯪魚肉鮮甜鮮嫩，同埋配合紫菜卷，帶出一種口感層次豐富嘅滋味。加上啲脆脆嘅蔬菜，令整個菜式更加清新爽口。肥妹仔真係愛到不行，下次一定會再嚟食多幾個！最後，就係海鮮豉油王炒麵啦！阿翁小館嘅炒麵真係一絕！炒麵炒得恰到好處，麵條彈牙有嚼勁，配上新鮮嘅海鮮同埋香濃嘅豉油王醬汁，味道鮮美而濃郁，每一口都帶來一種滿足感。肥妹仔真係食到停唔到口，真係大推！

喺銅鑼灣行完街，肥雞同媽咪去試吓呢間如心酒店嘅中菜廳，阿翁小館，lunch去到當然要試吓佢啲點心。肥雞食咗個炸春卷，坦白講佢食物嘅質素係比一般酒樓好好多，正所謂1分前1分貨，佢入邊嘅芋泥同埋蔬菜絲請新鮮即炸出嚟配埋香脆嘅薄皮，每一啖都索索聲。再試埋佢個鯪魚紫菜卷佢嘅紫菜卷真係用全部鯪魚肉釀出嚟，一啲都唔腥，再配埋紫菜即炸即上，同街邊貨全部食粉一啲都唔同。佢嘅豉油王海鮮炒麵，真心一絕，非常之有鑊氣，豉油嘅香味配配埋熱騰騰嘅鑊氣，再加上啖啖海鮮，好食過響大排檔。

嚟到阿翁小館，第一感覺就係好有家嘅感覺，溫暖得嚟又唔失高級感，啱啱好！先來個砂鍋炒官燕，賣相已經贏晒半邊天😋！食落去，官燕得意又滑溜，每一啖都越嚼越有驚喜。再嚟，28頭鮑魚就嚟陪襯一下，一啖落去，爽口得黎咬落彈牙，滿分！跟住呢，珊瑚百花釀花膠送上，賽螃蟹蟹腳肉交織埋花膠，叫人一試難忘。海斑卷開胃又唔膩口，金華火腿那記，咸香夾雜而唔霸道，正！招牌脆皮炸子雞真係做到外脆內嫩，啖啖肉，跟住再來碟芥蘭仔撈齊方魚，爽口得黎，正宗家鄉味。至於鮑魚汁瑤柱炒飯，粒粒鮮美又彈牙，撈埋那撈飯汁，OK嘅！最後來個甜品，凍金瓜布甸送上，清甜中帶點蔬菜嘅爽口，棗皇糕就甜得黎唔膩，熱辣辣，滋味十足。總結，阿翁小館嘅菜式，每一樣都有佢特色，實行係啱晒平民口味，又唔失高級享受，心滿意足咁走出嚟，真係讚到無得彈👍！食物好食，氣氛正，下次有機會，一定再黎！

忙碌完1日👩🏻‍💻選擇到「阿翁小館」品嘗『阿翁珍饈宴』✨享受珍貴美食🍽️.砂窩水晶炒官燕💎每啖都食到蛋白🥚蟹肉同官燕🦀🐦‍⬛口感柔滑鮮美😋.28頭吉品鮑伴菜遠🐚吉品鮑十分入味👍🏻仲做到溏心效果😍肉質腍中帶少少彈性😆.珊瑚百花釀花膠🪸呢款菜式做法中西合璧🤝🏻將紅燒魚肚包住蟹肉花膠😱花膠厚身大塊😌而且炸到外酥內軟，十分彈牙😗加上帶有絲絲蟹肉嘅醬汁🧡為菜肴增添鮮味🌊.香芹蘿蔔海斑卷🐟海斑卷住金華火腿🍖香芹同白蘿蔔🥕魚肉非常鮮甜🤤而香芹同白蘿蔔帶嚟清新感覺💦火腿令菜肴帶微微鹹香😉.招牌脆皮炸子雞🐓皮脆肉嫩😬重點係一咬落去Feel到雞油溢出，十分美味😛.方魚炒芥蘭仔🥬.鮑魚汁瑤柱炒飯🍚飯粒飽滿，且被鮑魚汁包裹住，加上大量瑤柱😙好味道💯.凍金瓜布甸🍮布甸滑溜甜蜜☺️.合桃酥🍪.花生🥜.香片🫖

一年後完結，食餐好嘅補償下自己一年來嘅辛勞 阿翁小館的鮑魚遠近馳名 ， 食餐好嘅首選28頭特選吉品鮑配清灼本地生菜膽睇得出的糖心鮑魚， 絕對的齒頰留香 有機會的話，下次想試吓size大一點的，更為滿足。生拆大閘蟹粉翅 非常香濃，原隻江蘇大閘蟹 （6兩）蟹膏好香好濃， 好棉密。 超高質。 薑蔥生煎鹽香雞 外脆內軟， 雞肉入味。 蟹粉蟹肉炒飯， 抄得粒粒分明， 夠乾身原盅燉冰花官燕， 超滿足， 曾經喺澳門食過同呢度識咗差唔多嘅官燕都要$1088 一碗 呢度好低食。 食完心情靚曬！ 精選美點雙煇

原來銅鑼灣有一間咁正嘅中菜，一直都錯過咗。生拆大閘蟹粉翅28頭特選吉品鮑清灼本地生菜膽原隻江蘇大閘蟹 （6兩）原盅燉冰花官燕Set 入面仲有薑蔥生煎鹽香雞蟹粉蟹肉炒飯精選美點雙煇$1800/人 淨係食燕窩同埋蟹肉翅已經回本。 香港最火的高級中餐， 盡顯格調。廚師一流的手藝，加上高質食材以及酒店式服務，非常美滿幸福的晚餐。 特別介原盅燉冰花官燕， 吃的不是甜品，而是由內而外的美，絕對是女士們的最好美容品。 非常幸福美滿的晚餐， 過節款客、家人團年最佳選擇。

亞翁小館環境闊落，叫左個時令set, 食完非常滿意。首先是生拆大閘蟹粉翅，蟹粉濃郁豐富，清爽脆嫩。蟹粉的鮮味在口中散開，帶來濃郁的海鮮風味。蟹粉的柔滑口感形成了絕妙的對比。質感滑嫩非常。蔥燒百花釀遼參，遼參釀得十分精緻，口感鮮嫩，入口即化。遼參的內部填滿了豐富的餡料，搭配著蔥燒的獨特香氣，帶來了豐富的口味層次。接著是原隻江蘇大閘蟹（6兩）。這道菜將大閘蟹以原隻形式呈現，保留了蟹肉的鮮甜與蟹黃的豐富。蟹肉鮮嫩多汁，入口即化，蟹黃濃郁而滑順。每一口都充滿了大閘蟹的鮮味，讓人無法抗拒。生煎薑蔥雞，皮煎得金黃酥脆。雞肉保持了鮮嫩的口感，搭配薑蔥和鹽的調味，增添了風味的層次感。最後是迷你蟹腿荷葉飯和薑茶芝麻湯圓。迷你蟹腿荷葉飯以小巧的蟹腿和香氣四溢的荷葉包裹著，米飯蒸得香嫩，蟹腿肉質鮮美。薑茶芝麻湯圓是一道甜品，湯圓Q彈滑嫩，搭配薑茶的獨特香氣和芝麻的香甜味道。

阿姨從英國回來探親，住喺如心銅鑼灣海景酒店，今晚過去同佢食晚餐聚下舊，酒店內有間高級粵菜餐廳叫阿翁小館，由鮑魚專家及米芝蓮星級食府主理，除了馳名的溏心鮑魚之外，其他菜式也是不錯。裝潢典雅，有港島新名人飯堂之稱。今晚就同阿姨一齊去試吓！餐廳推出時令至尊大閘蟹鮑翅宴。生拆大閘蟹粉翅：非常足料，每口都食都彈牙嘅翅，入面嘅蟹粉精華鮮味甘香，濃郁蟹香，味道鮮美。28頭特選吉品鮑魚：用來自日本吉品鮑魚，經過燜煮及嚴格處理，確保鮑魚身完全軟熟。鮑魚切開後呈溏心，口感柔韌超入味。清灼本地生菜膽爽脆有甜味，沾些鮑魚汁更好味！原隻江蘇大閘蟹六両：原隻清蒸六両江蘇大閘蟹. 蟹身有不少蟹黃蟹膏，色澤金黃，粘口甘香，蟹肉味道清甜。食完蟹，侍應會立即送上薑茶，可以驅除大閘蟹嘅寒氣，味道辛辣。薑蔥生煎鹽香雞：雞件煎得皮脆肉嫩，配搭薑蔥食，又香又惹味！蟹粉蟹肉炒飯:飯粒炒到粒粒通透乾身，配上由大閘蟹身上拆出嘅蟹肉、黃、膏，而製作成嘅香濃蟹粉，蟹粉將菜式嘅香氣和口感提升到另一層次!原盅燉冰花官燕：甜品官燕份量十足，有養生養顏功效，口感清甜美味。精選美點雙輝：有鬆化的合桃酥，香甜的奶凍。

有位外國朋友黎香港旅遊，特登帶佢去試下中餐，仲要係大閘蟹餐！餐廳位於銅鑼灣如心酒店，喺天后出口行5分鐘就到，地點便利~阿翁超值蟹宴 每位$980 ，一共有六道菜式。有生拆大閘蟹粉翅、蔥燒百花釀遼參、原隻江蘇大閘蟹（6兩）、生煎薑蔥鹽香雞、迷你蟹腿荷葉飯、薑茶芝麻湯圓～生拆大閘蟹粉翅Braised Shark's Fin with Hairy Crab Meat and Crab Roe金黃色嘅蟹粉翅賣相吸引，清楚睇到一絲絲嘅蟹肉，蟹粉翅入口鮮甜，再配上少量香醋，令鮮甜嘅蟹味更加突出。蔥燒百花釀遼參Braised Sea Cucumber Stuffed with Shrimp Paste and Scallion肥美嘅遼參相當可愛，入面仲釀入咗蝦膠。遼參入口彈牙，蝦膠帶口感。配上蔥花肉碎嘅芡汁，令本身味道較啖嘅遼參變得更為惹味。原隻江蘇大閘蟹（6兩）Whole Hairy Crab (6 Taels)6兩重嘅大閘蟹真係相當巨型！打開蟹蓋已經見到橙黃色嘅蟹膏，再分開左右兩邊，唔止有橙黃色嘅膏，仲有透明嘅蟹膏添。橙黃色嘅蟹膏入口甘香，透明色則入口黏黏的，大量嘅蟹膏令人非常滿足！生煎薑蔥鹽香

媽咪話今年未食過大閘蟹, 見咁耐冇同佢食飯, book咗銅鑼灣如心酒店地庫嘅「阿翁小館」嘆返餐。餐廳環境舒適寬敞, 有好幾款套餐選擇, 份量同價錢以每位計, 人少少食都唔係問題。我地揀咗【至尊大閘蟹鮑翅宴】HK$1,880/位生拆大閘蟹粉翅:金黃色蟹粉翅非常足料, 明顯睇到唔少絲絲蟹肉同埋翅, 層次豐富, 不過偏鹹咗d, 而且有好幾粒蟹殼碎, 可証明真係生拆。28頭特選吉品鮑:吉品鮑賣相精緻, 彈滑唔韌, 鮑汁黏滑鹹香, 帶出了鮑魚獨有鮮香味; 另配有清甜爽脆嘅生菜。原隻江蘇大閘蟹 (6兩):熱辣辣上檯, 金黃蟹膏豐富creamy, 甘香味濃, 蟹肉鮮甜, 食得滋味。 生煎薑蔥鹽香雞:雞皮煎得金黃微脆, 每人兩件, 為雞翼同雞背, 肉質嫩滑有肉汁, 夾集蔥粒一齊食, 非常香口。蟹粉蟹肉炒飯:炒飯炒得粒粒分明, 蟹粉有如鹹蛋黃般嘅口感突出, 味道清香帶鮮。原盅燉冰花官盞:足料份量令我好驚喜,  官燕多得密密麻麻, 層次極為豐富, 細味有少少微甜, 大滿足!精選美點雙輝:分別有芒椰糕同埋合桃酥, 芒椰糕香甜, 椰奶味濃郁; 合桃酥超鬆化, 甜甜地。