意樂餐廳 (曼坊)

營業中

休息中

上次食完一次印象唔錯今日又經過美孚就食第二次🤣今次叫左龍蝦海鮮湯飯因為睇相好吸引飲品就叫左凍奶茶飲左啖湯就覺得無想像中咁好食因為無乜蝦味似係用罐頭龍蝦湯溝左好多水果隻味少少咸咁不過我中意佢用珍珠米 好有咬口(意樂好似好中意用珍珠米 焗飯都係)同埋好足料 好多海鮮海鮮有蜆 有仙貝 有蝦仲有好多眉豆 綠豆 不過個人就麻麻地食豆整體黎講其實個湯飯唔差不過如果個湯多返d蝦味就好凍奶茶估唔到都幾有水準好飲 好有奶香上次飲熱菜蜜就反而一般晚市埋單70 2024年黎講就正常價錢

成日聽人講意樂好難食 所以就算佢多分店都成日經過都唔入去食但有日下午茶時間真係好想食下d港式焗飯意粉於是就入去食下估唔到完全唔伏wor首先餐廳係手機QR code自助落單咁都問題不大因為佢餐牌真係有幾多選擇都幾吸引係要d時間慢慢揀😂😂叫左松露野菌汁雞扒焗珍珠飯個飯真係幾好食珍珠米好有咬口 松露味都好出個野菌汁都調得唔錯香得黎唔會膩可以encore 我覺得😂另外加左10蚊叫左忌廉粟米湯不過上左個蘑菇湯湯就麻麻地 味道好奇怪食到好多洋蔥碎 不過菇味就無乜湯唔推薦其實佢午餐同下午茶餐有好多我都想試例如龍蝦海鮮湯飯下次再試先!

今日食平民義大利餐廳-美孚意樂。而且除咗正餐，呢度嘅下午茶都好划算㗎！首先，我要講下呢度嘅正餐。意樂嘅披薩同埋意粉都非常好味，而且價錢都好實惠，非常適合一班朋友一齊嚟享受。如果你不知道要揀啲咩，可以試下佢地嘅招牌意粉，真係好正！不過，我今日想同大家分享嘅係意樂嘅下午茶。佢地嘅下午茶套餐包括啲小食同埋一杯飲料，而且價錢非常划算。啲小食有薯條、炸雞翼同埋芝士球等等，份量都好啱啱好，味道都好唔錯。而且佢地嘅飲料揀擇都好多，例如冰咖啡、奶茶等等，真係好適合喺下午時段嚟一齊享受。總括嚟講，美孚意樂係一個平民義大利餐廳，價錢實惠，特別係下午茶套餐，物超所值。如果你鍾意義大利菜，又想食得啱啱好，又唔想花太多錢，美孚意樂係一個值得嚟試嘅地方。

今日去咗意樂餐廳食午餐，叫咗佢哋嘅忌廉汁天使麵，而且仲有忌廉湯送。麵條煮得好啱口，唔算太腍，啲天使麵條仲有啲彈牙嘅口感，好好食！忌廉醬汁好濃郁，但唔算太膩，加埋啲蘑菇同埋火腿碎，令味道更加豐富。不過啲份量唔算太多，可能啱啱好飽嘅人食一份就已經夠啦。至於送咗嘅忌廉湯，味道都好香濃，啲忌廉味道好濃郁，但又唔會太膩。同埋啲蘑菇都煮得剛剛好，唔算太爛，好好味！整體而言，意樂餐廳嘅忌廉天使麵同忌廉白湯都好好味，加埋裝飾精美嘅環境，真係一個好適合約會同埋聚餐嘅地方。價錢方面都算合理，不過喺繁忙時刻可能要等啲時間先有座位，所以最好預早等位啦！

正常冰室表現，叫左個女腿通粉，凍檸檬茶通粉個湯有Ｄ喊，個人認為檸檬茶無檸檬係一大敗筆服務就真係一般。。。自助落單，由落單到上檯，等左接近２０分鐘，當時餐廳客人唔算多

呢度有好多唔同款式早餐選擇，有粉麵、西式早餐，任你配搭，而且賣相吸引，仲好美味，尤其個流心焗蛋，煎得好靚，係最底仲隱藏左好美味嘅薯蓉，仲有杯冷壓凍檸茶，真係睇得出係一份好有誠意嘅早餐😋😋😋👍♥️

噚日星期日，家姐阿哥都放假，一齊出咗去食意樂。去到大概等10分鐘有位。我哋4個人，帶位職員睇住隔離個大媽拉走我哋張櫈唔理，話呢張枱。我截住佢，你睇到俾人拉走咗櫈我4個人點坐？佢先死死地氣喺第二度拉張凳俾我坐低叫咗4份餐，其中2份係豬肋骨，職員話豬肋骨會耐啲。無問題。結果我足足等咗35分鐘，我未試過叫豬肋骨要咁耐。出面食都係15至25分鐘。佢要35分鐘。最離譜係我媽叫咗杯熱檸茶，落單無錯但係唻錯。叫職員換過。等咗超過15分鐘再問，我媽都未講完，職員態度好差話你等多陣啦唻緊啦！結果我份豬肋骨到杯茶都未有，我再叫職員先至俾到杯熱檸茶過嚟！仲要個職員面向我企喺出餐位最初一直唔理我，之後佢行過我伸手截佢先死死氣應我之前問拎餐具又係咁熱檸茶要等超過35分鐘？態度又差！食物味道一般。我哥叫咗拉麵，話拉麵唔似拉麵好難食。餐湯又唔熱，微涼。味道一般還可以接受。職員態度差不能忍囉！！

the convenient location. went there for breakfast for a few times and last night went there for dinner. seems like always packed during peak hours. got a queue ticket and got our seats in 10mins. service staffs are friendly and responsive.food is ok, nothing great, and we will continue to visit. ambience is good and clean. except I spotted a not so clean fork in the basket.食物唔錯。 份量係夠食嘅。 咁呢啲梗係唔係正統嘅西餐啦。 香港化的 日式西餐。 個西湯就唔係太好飲， 扁意粉就有啲乾。 pizza上啲洋蔥係生生地嘅， pizza上啲汁呢如果可以乾身啲就會好啲， 或者個pizza可以焗得乾身啲會食得easy啲唔會食

Recently visited for breakfast. Overall taste is ok. Ordinary milk tea. Beef sandwich taste is ok. I will not tell nether good or bad. Little disappointed with croissant and inside environment meet the standard. I have visited this restaurant in the past as well and food meets the standard. I certainly occasionally visit this restaurant.

今次食到嚟美孚曼克頓山嘅意樂，先嚟睇下餐牌咁多個餐入面就只有Special Lunch 同牛扒係可以湯同飲品並存。忌廉湯雖然細碗，但相當足料先嚟一份美國安格斯牛扒定食，價錢73蚊，配上美國安格斯牛扒，扒大塊厚身，但牛味只屬一般。配搭黑椒汁，非常濃味，以防蓋過牛味，個汁我攞咗去撈飯。另一就叫咗Special Lunch 嘅黑椒鴛鴦扒配珍珠米，大件豬扒做主再配上香嫩鷄扒非常唔錯，份量亦都充足，飽肚感幾足夠。最值得一提嘅就係佢哋嘅凍檸茶，一上枱完全見唔到檸檬片，原來佢哋將檸檬磨茸融入咗喺杯茶入面，令到檸檬係杯茶發揮到極致，有更重嘅果香味，令人飲之不盡，一想再飲。

自從搬咗屋之後 成日都食樓下嘅呢間西餐廳🍴食物嘅種類都好多 日式，西式，港式嘅都有😎最鍾意就係食佢哋嘅黑松露野菌雞扒焗飯 雞扒大大嚿🐔雖然唔會話好香松露味 但係都幾好食😋

午餐時候，呢間野生意唔錯，等咗一陣就輪到我入座，坐低嘅時候有侍應正在啱啱收起上一手用餐完畢嘅杯碟碗筷，跟住第二個侍應行過黎叫我落單，我話可唔可以抹咗枱先（噴噴抹枱），佢話唔使啦，猛咁吹我落單，跟住就真係冇抹枱就走開咗。之前生意唔好嘅時候，侍應嘅招呼唔係咁樣，估唔到生意未好返好多就已經變晒質素，而家疫情咁嚴重，真係唔敢再去第二次呢間野度食。希望佢哋睇到呢篇食評之後可以改善一下，因為始終健康最緊要吖嘛！

交通方便，地點就腳， 係選擇去呢間餐廳食早餐嘅原因。每次重遊舊地， 會回想起曾經同邊一位朋友到此一遊， 享受美點。記得當日與他 在此分享生活， 分享 amazing grace, so warm and sweet.每次同朋友去到一間餐廳 ，會拍照留紀念，最重要嘅唔係打唔打卡， 喺社交平台有冇人like， 最重要係 留著此美好時光， 難能的一刻。曾經去過呢間集團餐廳，港九新界分店好多次， 食物和環境清潔度 keep 住水準， 唔會有太大嘅驚喜， 侍應生服務一般水準。反而欣賞佢哋嘅選址， 地點真係好方便， 值得讚。

嗰日去搵朋友一齊食飯，佢就推介左意樂：咁一去到兩個人都睇中左個黑松露炒飯，跟餐有嘢飲我就飲咗杯奶茶。然後再叫個芝士薯條。個黑松露炒飯有煙肉有蘑菇，煙肉同蘑菇嘅味道我食得出。但係落足咁多黑松露落去我係小小味都食唔出。香味來講呢算係中規中矩啦。個飯係好大份嘅，一個普通嘅炒飯來講呢算係值回票價。但係$43唔使旨意食到啲好靚嘅黑松露炒飯。芝士薯條個方面呢，薯條粗身咬落去啖啖都係薯仔，但係數量呢就少咗啲。芝士醬係非常之足料嘅，好大盤。食得出嘅芝士味有巴馬臣芝士同埋車打芝士。食完啲薯條仲剩低半盆芝士醬，最後可以拎佢嚟撈飯。不得不提芝士醬配黑松露炒飯，其實個口感都唔錯。

【 份量十足的早餐 】🍳好鍾意去美孚意樂餐廳食早餐，佢哋的早餐選擇好多樣化，而且每份都勁大碟，好抵食！🍞今日我試左「千島吉列脆魚柳早餐」，吉列脆魚柳外脆內軟，脆卜卜的外層勁鬆化，魚柳好嫩滑。早餐仲有兩片牛油厚多士，少少薯蓉和沙律菜。另外還有煎蛋，煙肉，午餐肉，腸仔，可以4選2，真係好豐富，好抵食。🐟整個早餐的味道不錯，尤其係個千島海鮮醬，同魚柳好夾。☕️餐飲揀左熱檸檬茶，佢哋唔係用一片片的檸檬，比較特別。