意樂餐廳 (曼坊)

營業中

休息中

點了兩份早餐：香草雞扒+餐肉+煎焗流心蛋+粟米+蒜香牛油多士+熱檸檬水雞扒嫩滑有肉汁，不錯。餐肉有一定厚度煎得香香的，是我們的最愛。流心蛋很滑口感極佳。粟米甜甜的，吃罷大量肉類吃粟米，有清新感覺。蒜香牛油多士熱烘烘好香好脆，大推。熱檸檬水沒什麼特別。餐肉野菌意大利蕃茄濃湯扁意粉+熱即磨咖啡餐肉同上面講的一樣好吃。野菌有香味。蕃茄濃湯茄味香濃。扁意粉質感不錯。熱咖啡香濃好喝。質素好價錢不貴，很令人滿意的早餐。

幾個月沒來，因為食物水準下降。這天，再次給它一個機會，估不會有意外驚喜。首先照舊點了番茄湯野菌火腿扁意粉，那番茄湯曾經認得太清淡，蕃茄味不足，這次終於回復水準，又濃又香，可惜火腿變成了火腿絲，不夠一整片火腿那麼好味。此外在餐牌發現了一個新的早餐，除了濃湯通粉，還包括蒜蓉多士、煎蛋、午餐肉、香腸和沙律菜。通粉的湯頭不錯，蒜蓉多士很香，煎蛋、午餐肉和香腸就是一般的貨色啦，沙律菜很多，味道也好。這新的早餐很豐富，只售$34 ，性價比頗高。這兒的環境和服務一向是不錯的，現在食物回復水準，可以多來一點。

今日放假等男朋友放工一齊食下午茶(時間: 14:00~18:00pm ) 選擇非常多而且價錢大眾化，有三文治、意粉、珍珠飯、小食等等，更可以加錢升級要其他特式飲品，雞翼和甜品，相比一般茶餐廳較為特色！平時我同男朋友會另加$10 要柚子蜜果雞翼(2隻)，外脆內嫰，酸酸甜甜我叫左『香烤雞扒包 』，焗到表面脆口，雞扒好juicy，夾住番茄和生菜，加埋醬汁成個包食起來完全唔會乾爭爭另外可配田園沙律伴粟米 或者 薯條 ，但我怕熱氣，所以擇沙律健康d 沙律比我預期大份好多，仲好足料，不單有生菜、粟米，仲有車厘茄、青瓜、紫洋蔥、紅蘿蔔絲，配胡麻醬，非常新鮮 ！餐飲要 是日餐湯，有菜湯或者忌廉湯兩款選擇。今日係粟米忌廉湯，每一啖都食到紅蘿蔔同蘑菇的碎粒，口感濃稠！咁大個包+沙律+餐湯都係$32，食到好飽，真心抵食! 再加上環境不錯，坐得舒適，性價比高

香港企業就係香港企業今日去呢間意樂食下午茶 一去到前台就無人 企左一陣先有個侍應出黎帶位帶位個時一味係到諗點砌啲座位於是就比人調到去啲山旮旯位 終於坐到落去都唔洗指意叫到人黎落單呢到啲侍應個個好當你好似狗咁 舉極手都見唔到 就算隔離個檯叫到佢過黎 我諗住揚下手叫佢一陣順便落埋我呢檯啦 佢都可以睇唔到於是我出口叫「唔該」 結果個侍應同我講番「等等啦」佢有咩咁忙呢？原來又係係到調啲客嘅位調完 佢就走q左 完完全全當啲客係死嘅你問我啲野食好唔好食？ 根本就落唔到單 食空氣就有你食落後走左垃圾一間

今日去左「意樂餐廳」意想不到的驚喜😍我地6個人叫左好多野食，例如鳗魚炒飯($68)卡邦尼長通粉($52)田園沙律🥗仲有白汁薯條🍟基本上每一份都係質素唔差，個人特別中意個薯條，焗過又多汁但仲脆卜卜！考功夫！！主食加10蚊仲有酥皮湯，入面好多菜同菇架💙👍🏻我地仲叫左小食柚子雞翼，柚子醬調得好好味，雞翼又有用心炸過喔😀星期五夜晚都唔加一😃每人$70-80已經食到好多野（四款主食、薯條、沙律、雞翼、pizza)主食加$32 就有細細個pizza(千島醬唔錯 不過好薄底)抵食之選！

這區好吃的餐廳得不多，這是其中一家。比較多是到這餐廳吃早餐，以往最愛吃的是午餐肉雜菌番茄湯扁意粉和午餐肉雞蛋三文治，那厚切午餐肉口感好味道佳，可是現在店家已轉用另一種午餐肉，口感欠佳，所以這天改了點香腸雜菌番茄湯扁意粉和火腿雞蛋三文治。番茄湯依然香濃，雜菌仍然好吃，可是香腸的肉質太軟，口感欠佳。這兒的三文治是烘底的，而且很大份，這份腿蛋治好吃。如果店家重用以前的午餐肉，那就好吃得多了，可惜物價高漲，我估計這可能性應該不大。

晚餐時間，見呢間叫飛速度快，諗住快啲有得食，就入去食。點咗脆皮咸豬手餐，好快上到菜，預估都係事前整定，沒有新鮮出爐嘅熱氣，隻豬手一啲都唔脆，外皮炸得太硬，內裡還好，頂唔順一邊食一邊不停灌飲品。跟餐薯條變咗1粒極迷你焗薯仔，不過焗薯都接受到，而且豬手已經太硬太乾，仲食薯條飲涼茶都補唔返，就廢事換。餐湯漏畀，要追先有，味道不過不失。比較ok係凍飲，但可惜無得走冰。衛生一般，枱面笠笠地，仲有幾粒上手食剩嘅飯粒無清理，食食下眼利見到有隻好似芝麻大細嘅小昆蟲在木盤邊沿橫行...價錢和食物質素不成正比，不考慮再食。

美孚區食西餐選擇唔多, 如果住美孚或係美孚返工既想近近地可以一試意樂，意樂既menu，有多款配搭既拉麵、意粉同意大利飯，仲有扒類餐，豬手，沙律同薯條。餐廳環境大，好多座位，唔洗等位就有位坐，而且座位闊落。本身想叫白汁芝士焗脆薯條 但係侍應話焗爐壞左 所有焗既野都無得叫，有點失望，真係好想食焗薯條叫左厚切吉列豬扒豬骨濃湯拉麵厚切吉列豬扒並不是厚切，而是薄切，這一點有點誤導消費者。豬扒味道唔錯，豬骨濃湯也很香，只是menu說是厚切而不是厚切 好大差距。黑松露煙肉菌皇忌廉扁意粉黑松露既香味配上扁意粉係非常美味 另外仲有忌廉既奶香，再咀嚼煙肉同菌令成個意粉有口感又滋味。

同屋企人嚟過「意樂餐廳」食晚度架喇，嗰次印象幾好，結論喺佢哋嘅食物多元化，質素唔錯，定價亦算親民，環境有個性，喺值得翻兜嘅餐廳，所以，今早行遠少少嚟食早餐，順便過埋隔離鋪「759」入貨，哈哈！環境就唔多講，因為之前嘅食評都介紹過，走點點工業風。雖然過咗少少食早餐嘅高峰時段，但依然有唔少客，翻枱亦快。講到早餐選擇，4大版紙印晒出嚟，選擇非常多，如即製三文治、地道厚多士、桂格燕麥片、意大利蕃茄濃湯、美式早餐、松露之選……等等，包基本餐飲，當然可以加錢升級轉其他特飲，整體而言，大部分都喺三十零蚊有交易。意大利蕃茄濃湯通粉 $31老婆就一向喺蕃茄濃湯系列嘅粉絲，落附近嘅「翠河」多數都喺點佢，而呢款通粉可以揀兩款餸，故佢就揀咗煎焗流心蛋及鮮野菌。睇到面面嘅蕃茄蓉，就知個湯嘅茄味有幾濃郁，而且，味道鮮活，真喺幾得；而流心蛋都OK喎，篤開時啲蛋黃流晒出嚟 。鮮野菌沙嗲牛肉扁意粉 $30沙嗲牛肉唔難整，但唔知點點整出嚟無出面嘅整得好食，所以，揀呢道早餐，不過，就通粉轉扁意粉。扁意粉煮得咬口有韌勁，牛肉夠軟腍又好有沙嗲香，此外，佢哋嘅鮮野菌就真喺搵鮮菌嚟炒，唔喺罐頭貨，菌味都香好多。即磨咖啡、好立克我哋

係門口見到menu都幾多選擇就揀左呢間lunch入面座位闊落 被安排坐卡位 坐得舒服 😌墨西哥式瘋狂辣肉醬扁意粉$49見到佢有兩隻辣椒 🌶️ 講到係瘋狂辣 重擔心會唔會太辣 猶豫左一陣 最後都係決定叫呢個先講上碟 一撩開見到有水 似係煮意粉未晾乾撈埋晒之後 我食第一啖 瘋狂辣係丁點辣都冇 原先滿心期待 重擔心好辣 點知只係普通焗肉醬意粉 😢 好失望如果唔計瘋狂辣嘅話 味道不差 茄醬味好香濃 焗得唔乾 啖啖醬汁同肉 😞另外個餐跟一杯野飲-熱檸茶

星期天，又曬又熱，不想到戶外活動，最好的消遣就是找個有空調的地方吃吃東西。這店環境舒適，服務又好，是個吃下午茶的好地方。一行三人，點了三個下午茶餐。餐蛋治，多士脆，蛋又厚又嫩滑，不過午餐肉比以前薄。蛋牛治，雞蛋同樣又滑又夠厚度，但鹹牛肉少得可憐，和以前有很大的分別。番茄湯午餐肉雜菌扁意粉，湯頭酸酸甜甜的很美味，午餐肉也是比以前薄，雜菌也少了。以前超愛這兒的午餐肉，因為味道好，而且厚度十足，這次發現午餐肉變薄了，相信是百物騰貴惹的禍，下次到來，希望不要連雞蛋也變少了。

跳舞前同家姐嚟填飽個肚家姐据扒，我就揀個晚餐算至愛既黑松露什菌煙肉炒飯，配熱奶茶同埋忌廉湯，黑松露好香，普遍黑松露既菜式我都啱，食完飽到一個點忌廉湯比出面算多料，唔係得水，有d菇什菜咁，無咁寡

中午LUNCH去, 要按飛仔, 一個人, 等左差唔多20分鐘, 眼見比我遲黎而人數3-4人嘅都比我早有位, 佢地話有乜野檯就俾人先, 但我見好幾個按3人飛, 按完隔幾分鐘就入得去, 佢啲乜野檯得3個位? 唔知係咪連4人檯都無, 3+1搭檯都唔得?  一個人去食野, 係咪要等到成個場啲客走得7788至有閒情招呼?

午後到了美孚意樂餐廳，餐廳座位算闊落，招呼也都幾好。朋友點了黑松露野菌汁烤鷄珍珠套餐$58，包餐湯和熱飲，她覺得飯冇味😆要再加’辣椒仔’來調味才🆗。而我點了帆立貝海鮮豬骨濃湯拉麵+涷飲$61，海鮮配料略少，但面湯頭濃面質也幾好，覺得普通抵食，如果海鮮加多少少應該會更吸引😆

假日諗起嚟過一次食早餐，都坐得舒服。又方便大小朋友嚟，最重要餐廳附近都有廁所。所以，就特登過嚟呢到食下午茶。下午茶嘅選擇都好多，呢到只係其中2頁。我哋一家三口點咗2個茶餐; 氹仔風味豬扒包拼薯條($31)，包入面搽咗牛油，好香少少脆。薯條就唔熱，但脆嘅。整體都幾好味。吉列豬扒拼薯條 ($32)，豬扒新鮮炸，熱辣辣，都係一樣啦薯條唔熱但係脆口嘅。點咗2個餐，一家三口食都飽嘅。加埋2杯凍飲埋單$69，都OK啦。