雄興美食

營業中

休息中

黃大仙廟行上少少民居地帶臥虎藏龍，今日就知道間好好食嘅潮州打冷舖，真係街坊價錢但係就質素非常高。潮式凍烏頭比想像中大份，比想像中大條，鮮甜，難得係冇泥味，加埋普寧豆醬就超正。滷水拼盤比想像中細份，可能比條烏頭影響到啦，其實佢個size同出面其他地方差唔多價錢嘅係份量差唔多嘅。滷水入味，入面有墨魚紅腸豬大腸生腸豬頭肉同蘿蔔。叫咗個中size蠔仔粥，雖然大嗰個多$10大兜好多，不過因為我哋得兩個人所以叫中嘅就OK，想食多啲其他款式嘅嘢，啲蠔仔都幾大粒而且好新鮮。蒜蓉白菜仔炒得幾香而且啲菜幾新鮮。雞腳花生就比想像中差，啲雞腳似乎係交貨嚟炸過嘅鳳爪，所以啲皮同啲肉就有少少分離，用呢個煮法去處理就效果麻麻哋

嚟原本想食第二間茶記小茶館，不過無開行喺附近就搵到喱間潮州餐廳，人又幾多就入去試試，例牌點咗個蠔仔粥，蠔仔大大粒幾鮮甜，唔錯嘅選擇，因為兩個人都食唔到好多，唯有叫多個滷水鵝試試。不過喱樣就比較失息了，唔喺幾入味，肉質都唔夠嫩。環境嚟講都喺同一般打冷舖一樣，好多時人少都要搭檯，不過勝在出餐翻檯夠快，所以喺附近大排長龍時，又搵唔到岩食嘅都喺一個唔錯嘅選擇，不過不失似終打冷都唔會差太遠，價錢都尚算有少少偏貴的。

呢間潮州打冷真係大件夾抵食而且味道好好，好彩老友帶我嚟如果唔係真係走寶。基本上佢樣樣嘢都唔貴，有啲直頭係平得離譜，例如炒個菜先至$50。蠔仔粥d蠔又新鮮又大粒。滷水大雜拼入面有墨魚豬大腸鵝腸紅腸豬耳仔生腸等等，不過最正嘅係墊底嘅蘿蔔，好入味，下次再叫一定叫佢俾多幾嚿蘿蔔我。呢條凍烏頭$95 ，真係抵食到爆，而且都好鮮味又大條。呢個係鹽水雞，我叫抬抬都叫咪叫嚟食吓囉，又真係幾好食而且超級抵，$65半隻。最後叫個蒜蓉白菜仔，食返啲菜啦。

揾宵夜食，行過見到潮州打冷就試下，食左炒通菜，鵝腸、韮菜豬紅(豬紅普通，因為唔太入味）同蠔餅呢個蠔餅超正，係啊，唔係港式炸蠔餅，同老闆傾計時，講開好掛住我之前返鄉下食的煎蠔餅，佢無出聲，拎到出黎就係煎既，食返個種味道，不過老闆話人多就整唔到啦，超正

黃昏收工之時，相約各同事於地鐵站，結伴步兵到雄興飯店，嘟下安心，掃下針咭，入座坐低，環境一般比較狹窄，不過一早預咗無問題。經過昨晚拱橋，翌日個人有點暈眩，頭不痛喉嚨不乾，果然係XO。向各位同事表示，本人今晚吾飲啦，同事們唯有飲藍妹，呢度無D乜妹，只有潮州大媽。鹵水鵝肉，要砍件不要切片。鹅肉切片可能係香港人發明，為香港人服務，你依架去潮汕一D鄉下地區，真農村果種，佢哋係吾識起片架。鹵水鹅肉正宗入味，鹵水吾咸剛好。伴碟豆腐軟滑可口，鹵水入味。咸菜門鱔，一般。正式潮州家庭餸菜，咸菜係潮式，不是咸酸菜。雖然好多咸菜，但門鱔太少，既無門鱔魚春內臟等，咸菜又浸泡到無曬味，淡而無味，無咗咸菜果種酸味加魚味。春菜，過得去，翻煮更軟淋入味，最好煮到菜莖葉變啡色，溶為一體。炒蜆仔，我哋老潮叫紅肉。正宗，用幼細果種，不是大粒蜆肉。薑葱伴紅肉，既有海鮮貝類鮮甜味，又有薑葱爆香味，佐送潮州白粥一流。胡亂豬肚湯，香港黎講都叫正宗好味，不止豬肚，仲有豬粉腸，吾錯。如果吾用普通豬骨，用豬扇骨，更加正宗。湯有濃香胡椒味，胡椒粒沉沒碗底，吾似其他用胡椒粉，有良知。始終不合小編口味，白胡椒粒整碎，裝於豬肚內扎實，新鮮豬肚煮

今日去了一家位於黃大仙半山的潮州打冷店，性價比極高，很想跟大家分享。二人行點了四個菜真的有點誇張，更誇張是連白飯加汽水竟然才三百多元，真的令我們吃得份外高興。四個菜包括煎蠔餅、蒜蓉白菜、鹵水拼盤和一尾潮州凍魚。潮州凍魚是鹽焗烏頭，很大條且鮮味非常，推薦。鹵水拼盤內有墨魚、豬大腸、豬頭肉、豬耳、生腸、紅腸、鹵水蛋、豆腐卜和大豆芽菜，鹵水香而不鹹。煎蠔餅則有點失望，可能是因為頭兩道菜太出色的關係令蠔餅比下去。此蠔餅是炸不是煎，是炸粉不是薯粉，而且似乎炸得太乾身，令此蠔餅變得硬而不脆。蒜蓉白菜有鑊氣而且很大碟。

🥢蠔仔粥 （中）嗌左個中既夠我哋分6細碗左右蠔仔同肉碎都算多都唔會食到有沙🥢煎蠔餅一碟有兩大塊🦪煎既啲邊邊位好酥脆配埋魚露或者豆瓣醬會更加野味🥢韭菜豬紅冇乜特別 都係平時食到既味道不過比較多油浸住d韭菜都好入味 好香🥢鹵水拼盤有半隻蛋，紅腸，朱腸，牛腸，鴨腸，等⋯乜都有d 都算多 但鹵水唔夠入味，有啲淡可以沾少少辣椒酒食✨-難得一家人食飯即刻嗌翻支啤酒啤下😂🍻不過可能因為近母親節去價錢升左之餘 客人都比較多上菜方便比較亂

買左盒鵝腸併豬腸 平時一向買開都係有跟辣油同醋 今日買完同個亞姐講要辣油同醋 個亞姐吾理走入間鋪 跟著就同個老闆娘講話我攞完一樣又一樣 個老闆娘就走黎同我態度惡劣咁講（要咪攞5蚊黎攞完一樣又一樣 無吖 要就攞錢黎吾要就走）你要收錢可以講吾係咪當人乞兒 咁吾願做就快啲執左佢啦 今時今日咁既環境吾需要再受氣食佢

同男朋友去第一次食，點左一碗大既蠔仔粥$55豉椒炒新鮮蜆$75大滷水拼盤$80呢三樣食物都好食，滷水汁都好入味，唯獨蜆上枱時有煙出唔夠熱，暖暖地，個汁係幾好食，粒粒都有肉，見到好多人點滷水鵝/鵝片，我地就再後加一碟滷水鵝片$90，上菜時鵝片只要6-8塊薄片，無連皮既肉片既打橫鋪係底既豆腐面，個底有5-6條長條型既豆腐，見到自己既同人哋唔同，都無特別去問，但最後發現$90都應該係同其他post既份量一樣既，就發現呢間鋪可能係見我哋第一次黎唔識野所以求其俾我哋，當中幾個店員上菜後行嚟行去望下我哋都已經覺得奇怪，埋單時$300，啊姐收錢後都無講嘢，亦無講多謝，我覺得因為無影相既關係所以無證據，我會再去因為都幾好食。

稱唔上菜館，坐位超迫，見鄰枱有啲要迫6人坐張粉麵舖嘅3-4人圓枱，舒適度超低。屈質都有屈質嘅風味。不過先嚟嗰碗豬皮蘿蔔就大打折扣，蘿蔔完全冇其蘿蔔香味，豬皮亦都係浸泡太耐浮屍膚質狀態。之後嚟碟汕頭煎蠔餅就加番分，蠔仔超多，均勻分布蛋漿，唔會出現有啲只得蛋皮冇蠔嘅失落感。即炒豉椒炒蜆嚟到係微溫，唔多似「即炒」，不過味道可以，豉椒味偏淡，起碼冇成碟殼走甩肉。秘製鹵水鵝就合番cp值，鵝味濃，鹵味夠，切得粗幼剛好，只墊少許豆腐俾番足件數啲鵝，唔似得有啲舖墊低菜仲多過碟鵝肉。有份煮嘢食嘅員工時有拉低口罩，傳菜姐姐上菜時亦插隻手指頭落碟餸度拎餸，衛生意識就一般。

👉 煎家鄉蠔餅🦪($60)蠔餅外面脆卜卜，內裡係軟淋肥美的蠔仔🦪肉超正👍🏻不過感覺上好似唔係用鴨蛋🥚所以冇咁香咁🙈👉 名師蠔仔粥🥣($55)鮮甜蠔粥除左有肥美蠔仔🦪外仲有豬肉碎啱曬中和返，不過同屋企食的都係差少少🤏🏻，粥唔夠綿～👉 潮洲烏頭魚🐟($85)E個我其實唔算好推薦大家試🙊因為正宗的潮州凍烏頭的開法、煮法同佢都唔同，最緊要係佢都唔係「凍」❄️，冇黃油都算啦，上枱個刻d魚油係流動的同微溫的🙃👉 鹵水大雜拼($75)雜拼有齊鵝腸🦆、紅腸、豆腐、墨魚🦑、鹵蛋🥚等等，整體都入味😌👉 蝦醬炒通菜🥬($45)有驚喜😍通菜爽口有火氣🔥，加埋蝦醬🦐又唔會太鹹，單食都👌🏻～👉蘿蔔炆豬皮🐽($40)普普通通就唔特別介紹啦🤪

肥美鹵水鵝肉，香脆潮洲蠔餅，爽滑韮菜豬紅，清新南乳豬手，美食性價比高。網上群組介紹這小店，有天和中學同學來「麻甩」一下。幸好朋友早點來到等位，否則門外人山人海，店內亦非常忙碌。朋友自備一枝寧夏紅酒，完全沒有店員關心開瓶費的問題。小菜款式不少。考量良久之後點了招牌鹵水鵝，韮菜豬紅和蠔餅, 和兩枝大啤。菜式極速上枱。鹵水鵝的鹵水味很香! 暖暖的鵝肉又嫩滑又非常入味, 襯紅酒一流。很讚。韮菜豬紅口感更像鵝紅,沒有想像中重口味。韮菜爽口無渣。蠔餅炸得鬆化, 外脆內軟。不算很油膩, 蠔仔亦夠新鮮飽滿。讚。最後點了一碟南乳豬手，味道偏向清淡，充滿著骨膠原。埋單每人$150左右，是吃得滿意的一餐。

難得同屋企人食飯，梗係圍埋一齊打冷啦！呢間餐廳我地食咗好多年㗎啦，都算係區內數一數二好食嘅潮洲美食👍🏼夜晚多數都要等位㗎！· 🦪煎家鄉蠔餅 (HKD 60)蠔餅金黃香脆，有蠔鮮味，蠔仔份量算多，而且粉漿比例剛剛好👍🏼·🥘豉椒炒鮮蜆 (HKD 75)蜆肉非常新鮮，最重要係冇沙👍🏼香噴噴之餘鮮甜惹味！加咗少少紅椒，越食越上癮🤤·🥬腐乳灼通菜 (HKD 45)食菜我自己鍾意食腍身d嘅，通菜加埋腐乳嘅鹹香，仲有椒絲帶點微辣，餸飯真係一流😋·🧆滷水大雜拼 (HKD 75)其實鍾意拼咩都冇所謂，搭鵝腸/紅腸等等咩都得。平時唔想諗就會叫佢咩都要D，志在餸飯有多一個餸🤪至於我唔食魚，所以話唔到俾大家聽烏頭好唔好食😂但見我爸爸每次都會叫，應該味道唔錯👍🏼

一月新冠疫情發生後便沒有幫襯這附近的打冷小店了，很是懷念這裡的食物。限聚令放寬到4人，今天一家四口5點半專成來個早晚飯，避開人潮，回味下這店的幾個拿手好菜。先來一個韮菜豬紅調味濃郁，豬紅嫩滑。潮州凍烏頭魚打開很是肥美，有黃油。魚肚還放入檸檬片香料，灑上鹽才蒸。絕對沒有一點魚腥味，醮上黃豆醬，份外鮮味。煎蠔餅二大塊，多蠔仔，脆卜卜，香脆帶著些蕃薯粉的烟韌, 配上幾口beer, 真是絕配。問題是太早吃晚餐，太太女兒也不太肚餓，只點了三個菜兩枝啤酒，千個人一共228元，真替我省錢。

<好味黃大仙打冷>講到打冷 除左油尖旺 元朗 荃灣外其實黃大仙都有正野 就係 雄興 , 其實 x鳳 x鳳呢幾條街既野食我都試過唔少 但就係少左呢間😂 正常打冷鋪 唔好預有乜裝修門面 最緊要野食好味 👍🏻🍴蠔餅 🔥上枱夠香 蠔餅既蛋漿茨粉適中 所以唔會太厚 口感帶少少黏稠 最緊要蠔肉夠多 出面夠香脆 點 d魚露更正👍🏻🍴滷水鵝下莊 😆雖然好多人鍾意食貴 d既鵝片 但我不嬲都鍾意食鵝肉 因為連骨食既部位夠口感 而且肉汁更濃 呢個4 分1 隻鵝既下莊肉味夠香濃 滷水汁夠香咸 加埋香滑豆腐同 juicy既滷水花生 送啤酒正👍🏻🍴滷水拼盤 大大碟滷水拼盤 用左入味既滷水豆腐做底 有彈牙魷魚🦑肥大腸 爽口生腸🐷鵝腸 甜紅腸 仲有滷蛋等等 潮洲菜必點既拼盤 好味😄🍴雞腳 🐤潮洲菜既雞腳 我最鍾意就係佢 d醬汁夠特別 少少甜 帶 d咸 微辣同豆豉香 而且豬腳大大隻 咬落好爽彈 夠肥美 🐷 連埋花生食好正🍴咸雞🐥去食潮洲打冷好多人都係叫鵝 但好少人會點咸雞 其實咸雞好正 外表似白切雞 但其實食落會帶 d咸香 而且雞皮夠爽彈 雞肉既肉質偏彈有口感 唔洗點埋都好味😍🍴豬手🐷大大隻既豬手 佢