漢發麵家 (大南街)

營業中

休息中

試過灣仔分店覺得普普通通，但朋友總係話佢非常好食，今日喺深水埗附近做嘢所以你唔食個早餐，事實證明總店係真係好啲嘅我叫咗個豬潤米，豬潤勁厚但係啱啱好熟，個湯有紹興酒香味，凍奶茶走甜亦都夠濃，唔會啲冰溶哂之後淡茂茂好似凍奶水整體感覺被灣仔分店贏幾班

講起深水埗美食，豬潤麵肯定佔一席位。維記現在水準下降了不少，湯偏咸，薑味重，豬潤也比較薄。而漢發的豬潤相對比較厚，口感一流，也很爽脆，可惜部分豬潤熟得太熟，比較硬身。湯底薑味比較淡，飲多兩啖都唔會覺得口渴。佢哋連午餐肉都係厚切，食落啖啖肉，亦會比較飽肚。所以其實都算得上抵食夾大件。最後點左一杯熱奶茶，各方面都比較均衡，茶温，茶底，茶色，奶嘅比例，都做得好好，好飲。另外，想讚吓佢哋個裝修比較有特色，如果冷氣可以涼一d就perfect 。

似乎不如從前咁好食，但依然要排隊星期六下晝三點到達攞咗飛等咗大約20分鐘坐咗喺埋邊位置，一路食一路流汗，而且空氣比較侷促豬潤麵，豬潤比起以前好似少咗，但係每舊都仲係好厚實，湯底有好濃嘅燒酒味，唔知係咪因為燒酒味太濃，遮咗豬潤同埋本身個湯嘅味道蝦子撈麵加雲吞，面有啲硬身，浸咗個湯都仲係比較硬，雲吞就有五粒，粒粒都脹卜卜，口感幾好食西多士，西多士等咗好耐，唔熱唔脆只能夠講係兩塊搽咗花生醬夾埋一齊，而且沾滿晒蛋漿油淋淋嘅白麵包，的確令人非常失望 另外嗌咗杯涼粉紅豆冰，不過不失冇乜特別，但係$40一杯，飲手搖仲開心🫠

屋企裝修完成已經一個月，不過執屋之路實在慢長，又是一個採購的日子。乘車途中感到肚餓，上網找找深水埗有乜好食，文記、維記丶漢發、劉森記⋯⋯ 咦！大南街漢發最近車站，就咁決定啦！11:30差不多坐滿，幸運地有一個位，叫了碗豬潤米，店員推介配埋炸豬扒，見佢盛意拳拳，就食豐盛一點。厚切豬膶生熟做得好好，湯有淡淡的豬潤味，高水準之作！豬扒醃得好炸得亦好，我並非豬扒控，不過真係必食推介！如果辣椒油質素再好啲，呢餐我敢比100分!!是日消費：豬潤米($52）配炸豬扒($16）+ 凍檸茶$21共 $89

電視的威力真強大。尋晚睇到電視介紹，今日即刻過來試食佢嘅豬膶。老實講餐廳地點真係唔就腳，深水埗站行過來都起碼10分鐘，今日中午都要等左15分鐘先入座。不過佢上菜嘅速度都幾快。叫左豬膶公仔麵同西多士。豬膶真係大塊同厚切，唔老，腥膻味少許可接受。一碗麵有五大塊。如果愛食豬膶可來一試。見電視有介紹西多士係將蛋白同蛋黃分開處理，但食出來沒有什麼分別，加上價錢比其他餐廳貴，所以C P值一般。同埋西多士要等大約20分鐘。不過餐廳服務態度都幾好👍

星期六下午兩點幾去到，大約等8張枱，不過侍應好快手，所以排咗10分鐘左右就可以入座。叫咗佢既招牌豬膶米粉，豬膶厚身好有咬口好juicy，而且有5大塊，食到尾有少少膩，但係好味既。

見到友人嚟過，老婆話去試吓坐低叫咗麫同小食首先上杯凍奶茶少甜少冰之後豬扒蛋麪上枱，豬扒算係厚身，但唔乾柴，仲有少少汁幾好⋯隻蛋仲有蛋汁⋯正之後潤蛋麫上枱，潤身算厚，但唔乾幾爽身唔粉⋯正炸菱魚球淡淡魚味大大粒⋯⋯但個蜆介醬水咗啲同淡咗小小，濃厚番啲會更升華唯一想到⋯其實會唔會好耐之前係自家製麵，若果係而而家仲保留到嘅話就更加正⋯⋯

已經係漢發麵家嘅多年擁躉，連埋父母、親戚、朋友已經食咗佢10幾年，一直都非常喜愛你哋嘅豬膶但係最近呢一兩個月，家人、親人、朋友都已經多次嚟光顧，大家都同時發現麵家嘅豬膶質素開始下降🙈🙈希望只係一時來貨問題啦🙈食左咁多年既老店

深水埗真係好多美食👄👅小菜、車仔麵、Cafe…….🌟真係多不勝數不過最吸引到我就⚡️漢發麵家⚡️正宗包羅萬有嘅餐廳🔥深水埗🐷豬膶麵好多時都會諗到有兩間而我就較🥰鍾意食漢發成日都見到佢排隊👬👬👬👬所以今日嚟到深水埗梗係要食佢啦厚身脹卜卜豬潤👍🏼👍🏼👍🏼滑身 口感夠腍豬扒撈麵👏🏻👏🏻葱山真係值得一讚👍🏼鍾意食蔥嘅朋友一定要試食過返尋味🥰🥰生炸雞翼👍🏼👍🏼外層脆卜卜 肉質Juicy食落非常新鮮🤗👍🏼食雞翼有貼心服務送兩張濕紙巾俾你呢個動作好細心，值得讚👍🏼👍🏼👍🏼呢個涼粉冰犀利😱大半杯都係涼粉我諗而家香港地好少地方做得到😅真係不得了🫶🏻🫶🏻

📍深水埗曾為大牌檔漢發麵家🍜搬入小店後依然保留住人情味出名招牌菜「豬膶」厚身爽滑厚度僅次於麻將🀄️醃料入味湯底濃郁帶薑酒味麵底用出前一丁 軟硬度適中.今次想重點介紹「豬扒」醃料令肉非常入味🐷以一般炸豬扒比較起來還保持到多汁有肉質

曾為大牌檔漢發麵家🍜搬入小店後依然保留住人情味出名招牌菜「豬膶」厚身爽滑厚度僅次於麻將🀄️醃料入味湯底濃郁帶薑酒味麵底用出前一丁 軟硬度適中.今次想重點介紹「豬扒」醃料令肉非常入味🐷以一般炸豬扒比較起來還保持到多汁有肉質

深水埗有兩間出名嘅豬膶麵，一間係好濃薑味，豬膶質感偏粉，一間就係湯頭比較平衡，豬膶質地超嫩滑嘅，漢發就係後者。每次週末黎都好多人排隊，今次專登早啲黎，十一點幾就到，咁啱天氣唔係咁好，落住微雨，淨係等一張台就到我哋。我哋二話不說嗌左一個豬膶豬扒麵同西多士。兩樣都係世一！佢哋嘅豬膶真係非常犀利，厚厚一塊，但煮到剛剛好，超級嫩，爽口彈牙，仲要係完全無血水。個西多士圓碌碌脹卜卜，唔止個樣同其他西多士唔同，原來都真係內有乾坤㗎。切開個西多士發現，佢係有一層厚厚嘅蛋包住個多士，裏便嘅花生醬，亦都係搽到厚厚一層，食落個口感好蓬鬆，真係第一次食咁樣嘅西多士，好特別，而且好好味，真係喺第二度搵唔到。

今日嚟到呢一間深水埗好出名食豬潤嘅餐廳，喺地鐵站行過去大概都係3分鐘嘅路程餐廳都唔算太難搵我哋都覺得幾方便，食物嚟講，我哋今日就叫咗豬膶牛肉公仔麵，豬潤真係好多，而且非常厚身，非常適合我呢啲咁鍾意食豬潤嘅人，公仔麵嘅軟硬度亦都適中，唔會太硬，牛肉我就覺得不過不失，我哋粗略估計每碗豬膶最少有六至七大塊，真係食豬潤都飽，而且味道都非常好食, 食得出餐廳本身豬潤嘅貨源係新鮮，絕對唔係用急凍冷藏嘅，所以鍾意食豬潤嘅朋友絕對唔可以錯過呢一間餐廳

我最近去那裡品嚐了他們的豬潤河，我必須說這是一個美味的體驗！首先，豬潤給人一種爽口的感覺。這使得每一口都感覺清爽，不會有膩感。另外，豬潤河的湯汁也非常鮮甜。湯底使用了豬肉熬煮而成，充滿了濃郁的香氣和湯汁的甜味。這湯汁不僅為豬潤河增添了口感和層次感，而且讓整道菜更加濃郁美味。一碗熱騰騰的豬潤河下面漂浮著美味的湯汁，絕對讓人胃口大開。總的來說，漢發豬潤河給我留下了深刻的印象。他們的豬潤河好味、豬潤爽口，湯汁鮮甜。豬肉的口感豐富，河粉筋道滑嫩，湯汁濃郁美味。

豬潤面：豬潤是我暫時在餐廳食過最好食的豬潤，彈牙，大片，食完有幸福感，面和湯底則普通。豬扒：見到隔籬枱的豬扒炸得得漂亮，叫了一份淨豬扒(感謝樓面姐姐建議我們轉豬潤面雙拼, 會平D )。豬扒果然非常香口，正!西多：有2種味，忘記了樓面姐姐推介哪一個，只記得西多的口感好似棉花糖一般，軟綿綿，推介!感謝餐廳用心製作食物，幸福的一餐 ：)註：可用 app 去拎飛，節省等候的時間。餐廳需要和別人拼枱，但是十分乾淨，服務亦不錯。