漢發麵家 (大南街)

營業中

休息中

平時見佢好早收，今日10點零得閒就去左試呢間豬潤河粉，價錢中上，但有質素。豬潤有4-5舊，舊舊豬潤都又大又厚身，仲驚佢會煮唔熟，但食落又幾好食，河粉都滑，唔會一餅餅咁，如果野飲可以跟餐就完美

老實講咁多人排隊係有原因㗎我自己本身唔係好識內臟不過都覺得啲豬潤好好味好厚同個湯底都算濃我都真係冇食過咁厚切嘅豬不過可能真係太多人排隊所以根本唔使旨意坐得耐快食完就要快啲走啲職員有少少趕客嘅感覺🤤🤤🤤😉😉雖然啲食物係嚟得好快啲人流水式咁快快食完就起身走啦有啲得意😎不過都明嘅始終咁多人排隊會再嚟但老實講餐廳入邊係迫咗啲仲有就係如果加飲品可以加少啲錢就好啦即係個缺點係冇餐叫單叫一杯飲品都唔平

上次嚟呢度食豬潤米，發覺超級好食，所以就決定再黎呢度試吓佢哋嘅西多士，點知發現原來西多士先喺呢間餐廳最好食嘅嘢！—————西多士 HKD 40呢個西多士價錢真係貴，但絕對值得！呢度嘅西多士同出邊好唔同，佢係有一層粉漿喺出邊，包住多士，成個口感好軟熟，好似一嚿雲！而中間就夾住花生醬，配上糖漿真係非常邪惡，但亦都非常滿足！正！紅豆冰 HKD 29紅豆冰又係另一個出色之作，本身見到$29一杯紅豆冰，真係嚇一跳！但飲第一口已經覺得物有所值！椰汁味非常濃郁，而紅豆份量亦都非常滿足，紅豆甜香味道非常濃郁，感覺就似飲緊一杯紅豆沙！所以$29係非常值得大家一試！—————評價：邪惡西多士出色紅豆冰港式懷舊餐廳推介指數：❤️❤️❤️❤️❤️

一間位於深水埗的港式小店，每次飲咖啡經過呢間舖頭，都會見到店舖外長長嘅人龍，所以決定一試，點知真係好好食。—————————豬膶米粉 HKD 48好食嘅豬潤唔係度度都有，而呢間係我絕對欣賞嘅豬膶米！豬潤十分厚肉，口感唔會嚡熠熠！份量，而且都唔少，配上餐廳嘅辣椒油，的確係一個好滿足嘅豬膶米，非常欣賞！豬扒公仔麵 HKD 50另一個我欣賞嘅豬扒公仔麵，豬扒份量足夠，口感軟熟，調味亦都香口，如果你係鍾意食茶記豬扒，呢度嘅豬扒絕對滿足到你！如果突然間好懷念豬扒公仔麵，可以嚟到呢度一試！—————————評價懷舊港式餐廳豬潤出色開心之選推介指數：❤️❤️❤️❤️

第一次去食，好遠啊好遠。。。等左好耐等到落大雨行雷。但好值得啊啊啊！酒味濃厚既湯底，肥厚彈牙既豬潤，粉嫰牛肉，夾蛋加花生醬既奶西，食過番沉味~野吾洗多講，搵日再食啦！估唔到銅鑼灣已經開左分店，最近試過又大間，味道都有9成接近，可以成日去買黎食。Yeah,大推香港美食，建議旅客一定要try try.

我－個人叫咗豬膶麵$48加炸雲吞$42，豬膶厚且爽，但係我食幾舊都有條根，搞到我咬不開兩截，條根sip 牙縫，同埋有少少凍左，不是平時茶餐廳熱辣辣攞出嚟嗰啲麵。我覺得湯底有豬膶味姜味係好正，不過－碗麵加5 舊豬膶$48 偏貴。

星期六朝早行過經常排長龍嘅茶餐廳，竟然冇人排隊(但入面已坐滿人)，立即入去坐低霸番個位，本身冇乜期望，因為我覺得通常呢d嘢食都係名過於實⋯既然難得入到去，就order咗signature嘅豬潤公仔麵拼牛肉+煎雙蛋+西多士+奶茶我本身好鍾意食豬膶，但通常出面食都冇驚喜，但今次呢間堅係好食，厚得嚟又好爽脆，堅係又爽口，又脆口！煎雙蛋同奶茶就無乜特別，都係煎蛋同一杯幾好飲嘅奶茶個西多士又係，我要左糖漿，真係堅好食，外脆內軟，但一定要趁熱食！

今日終於有時間去咗漢發食碗豬潤麪啦豬潤果然厚度十足，味道都不錯。之後再點多一法蘭個西多士，我個人覺得比較普通不是有太大驚喜。但未試過的朋友仔，可以品嚐一下店外都比較多人排隊，不過都好快有位服務員態度都可以，沒有任何催促埋單的感覺存在。衛生情況都可以接受，桌面上有很多調味料提供給大家使用。尤其是辣椒油，我比較欣賞極體可以接受，但價錢偏貴，一個午餐大約$70以上，尤其是特色飲品，價錢$30起跳喜歡食豬潤的你，不妨來試一試

每次去都預左要等，今次等左十張枱左右，都算快，係門口諗定食乜岩岩好。不過次次食完都覺得好鬼值得，無法啦佢真係有佢本事！食物質量對得起個價錢。今日兩條友叫左豬潤豬扒面，炸魚球，炸全翼，西多士，仲有兩特飲。上得快又熱辣辣，全部都好鬼好味，特別係厚切豬潤，又脆又新鮮！塊豬扒就無話可說，大同厚囉！又入味！西多出色蛋香濃！炸魚球大大粒，唔縮肉厚又彈牙，沾醬更加有層次感，涼粉紅豆特飲無咩特別，杯鴛鴦就好夠味，整體黎講超滿足，下次再黎是必須的。

漢發既豬潤真係好好味🤤 厚切，食落非常爽口彈牙，一啲都吾會韌🫶🏻 清底好清，聞落有陣酒香味、飲落酒香更加濃郁，差吾多飲晒成碗😋豬扒好嫩口，吾洗點咀嚼就食到👌🏻呢度既西多士又係相當令人期待😚 充滿蛋香味切開後中間夾左啲花生醬🤤 點啲融左既牛油同煉奶，邪惡到一個點😈不過呢度既食客好多，等位起碼45分鐘🥱

上網見啲人話依度既豬潤面好食過x記放假一於去試下因為佢收得好早平時放工已經收左工叫左碗豬潤麵、豬手麵、西多士滿心期待豬潤麵，點知一食落口就好失望🥹豬潤醃製時太多梳打食粉啦😤完全冇左豬潤既肉質冇左豬潤原味，至於個湯一般啦，正正常常，不是吹捧到好好味😕失望朋友叫左個豬手撈麵，味道正正常常失望完豬潤麵一心再期待西多士啦🤓梳乎厘西多真係第一次見，一食落口感覺好淋😓完全冇左傳統西多士外脆內軟口感，我本人就不太接受梳乎厘西多，始終出面又淋入面更淋再加埋糖漿仲淋🫣外表是吸引，但食落真的麻麻總括來講價錢好貴茶餐廳三樣野都差唔多二百元，性價比太低👎🏽不會再幫襯

深水埗文青區一帶除咗有好多Cafe之外，仲有一間馳名深水埗，很多明星都曾來過幫襯的漢發麵家🍜，漢發麵家最出名的當然是豬膶麵，當天來到，門口已是長長的人龍了，等了大概20分鐘左右才能進去，點了豬膶麵和他們亦很出名的西多士再配一杯紅豆冰。他的豬潤十分肥厚，有淡淡的酒香，另外最令我的驚喜是他的西多士，店員說西多士是不可以後加的食物，因為製作時間需要大約20分鐘，他的西多士之所以那麼受歡迎，因為他很像日本的如此鬆軟，完美媲美日本的空氣疏乎厘般。

食物一般無咩特別，安排入坐混亂，等三個人枱，個待應出黎叫 no. 話執緊台比我，轉個頭就叫左2位加1位入左去，2位個 number 前過我，一位個 number 後過我，咁算啦，之後佢又叫左5位入去，個 number 後過我，嬲到我，同佢講點解唔叫3+2入去，要比5位遲黎先入，個女人好似失憶咁完全唔記得話執緊台比我，之後叫又碗潤牛面，原來只係梳打牛梳打豬潤加出前一丁湯底，完全唔對路，難食到，同維記完全兩回事，雖然已經 blacklist 左維記，食完仲要係咁過黎收野趕客，埋單個收銀仲黑面，唔會再幫襯佢

想試好耐，但佢早收舖，難得附近做野先有機會試。名物西多，無餐，加杯凍檸茶，$60，係比較貴。賣相靚，金黃色，漲卜卜咁，真係唔捨得切落去。好期待，但期待換黎失望，真心，佢係好鬆軟好鬆軟，但佢完全無蛋味，佢應該係多蛋白打到起晒泡嗰隻做法，食多兩啖，好啖口，中間花生醬亦完全無味，加埋糖漿，好似食緊啲單一好甜嘅海綿，佢連快餐店大xx嗰啲都比唔上。真係唔好食，我最後食淨1/3，西多咁易ko嘅我都食唔落，唔好食嘅就算對唔住係浪費我都唔想對唔住我嘅胃。

早上獨自到深水埗行下，經過大南街，想起未試過這間漢發麵家。於是排隊試下，其實這家麵家仍在大排檔時，我都試過，不過入咗舖後就未，今日終於有機會試下味！早上11:00都很多人，等了15分鐘。叫了一杯奶茶，一碗豬膶牛肉麵。奶茶很好味夠茶味，茶餐廳來說是中上啦！期待的膶牛麵來到了，豬膶好大片，亦有很多片，有很重的酒香，新鮮冇異味，不過太大片反而有根，牛肉沒有太多梳打粉味道唔錯！但豬膶有少許失望，不過下次再試下其他食物啦！