影片
港鐵銅鑼灣站 B 出口, 步行約4分鐘
繼續閱讀
電話號碼
94267256
營業時間
今日營業
13:00 - 23:30
星期一至日
13:00 - 23:30
公眾假期
13:00 - 23:30
公眾假期前夕
13:00 - 23:30
以上資料只供參考, 請與餐廳確認詳情
-
網上訂座服務暫停
我哋本身係喺OpenRice訂枱，佢安排咗我哋坐近門口嘅窗口位，但係其實有好多其他位選擇..但係佢哋俾咗個有冷氣機滴水嘅位我哋，雖然唔係好嚴重，但係都會影響用餐體驗。我哋預訂左半條象拔蚌$988份量唔係好多，味道還可以。之後order咗個海鮮拼盤$398但係嚟嘅時候少咗兩隻大硯，問返職員係比漏咗我哋，但係嗰兩隻硯實在太細隻，之後職員同廚房交涉，最後比多咗兩隻差唔多size嘅硯我哋😐我哋另外仲叫咗炸魚皮同皇帝菜等咗半個鐘都未上，之後我哋就取消咗。埋單嘅時候，佢俾咗張手寫單我哋，話個System壞咗出唔到單唔可以比信用卡，但係之前打電話嚟confirm Booking就冇提及唔可以比信用卡..淨係講話用現金，或者FPS 找數有95折。之後最終我哋都淨係可以攞返張手寫單….😐呢間火鍋店性價比超低，應該冇下次了
繼續閱讀
今日天氣凍凍地，男朋友又嘈想打邊爐，決定試吓呢間喺銅鑼灣嘅火鍋店打邊爐，放左工近近地去食。一出𨋢就覺得餐廳嘅裝修好古典雅緻，而且見到座位都比較闊落。由於餐廳位於27/F，店員仲要安排我哋坐正喺窗邊，所以就可以望住好靚嘅維港景色打邊爐。醉火入鍋 $388睇完Menu發覺佢哋嘅湯底選擇都比較多，店員推薦咗醉火入鍋依個湯底俾我哋，可以一次過試晒餐廳嘅五款特色湯底。五格鍋入面分別有火焰醉蝦木瓜鍋、蕃茄龍蝦鍋、清湯牛腩鍋、四川麻辣鍋及肉骨茶鍋，每一款鍋底入面都有豐富配料，真材實料。我最鍾意就係中間嘅火焰醉蝦木瓜鍋，一上枱見到有酒浸住幾隻大蝦，然後店員會喺我哋面前點火灼一灼啲大蝦儀式感十足。另外蕃茄龍蝦鍋仲有成半隻龍蝦喺入面，夠晒足料。頂級安格斯牛小排（小）$208手打芝士蝦丸 $68黑松露蝦蟹餃 $78即炸手工響鈴卷$68三色鮮制生麵 $68什菌拼盤 $78蔬菜拼盤 $78首先講下佢既手打芝士蝦丸同黑松露蝦蟹餃，每粒蝦丸都有原隻鮮蝦，入面包住芝士，咬落去就會爆漿。男朋友作為一位黑松露控，佢最欣賞嘅就係呢一個黑松露蝦蟹餃，大大粒，咬落而且松露味濃郁，蝦肉又夠結實彈牙。頂級安格斯牛小排（小），細份既份量對兩個人share黎講啱啱好，牛味重而且油脂分布均勻，入口肉質軟嫩。每次打邊爐都必叫響鈴，呢到仲要標榜係即炸手工響鈴，size都算大舊，響鈴本身好多層，咬落非常鬆化，浸落啲湯底到索晒湯就可以試到唔同湯底既鮮味啦。最後叫咗個三色鮮制生麵，三隻色嘅面味道略有少少不同，屬於比較黏身少少嘅麵，咬落去嘅口感都幾煙靭，同時亦都好掛湯，我個人比較鐘意放入蕃茄龍蝦湯底煮，將啲麵條索晒蕃茄湯嘅鮮味。我哋亦叫咗個蔬菜同埋雜菌拼盤，種類多之餘份量亦都預得啱啱好，咁就可以每樣都食到少少而又唔會太飽。有生菜、油麥菜、西蘭花同埋秋葵等等，都幾新鮮。竹蔗茅根 $28紫貝天葵 $28飲品方面，我地叫咗竹蔗茅根同紫貝天葵黎清一清熱氣，味道清甜唔錯。
繼續閱讀
今日同朋友試下呢間火鍋店，知道有海景，環境靚食飯心情都靚啲我地揀咗呢度個招牌醉火入鍋湯底試下，呢度有五款唔同嘅湯底 — 木瓜醉蝦鍋、蕃茄龍蝦鍋、清湯蘿蔔牛腩鍋、四川麻辣鍋同馬來肉骨茶鍋。醬料盤有好多選擇 而且夠新鮮頂級安格斯牛小排色澤同雪花都好靚，淥完無縮水， 有好香濃牛味，而且質地仍然係細緻嫩滑，又有肉汁呢個手打蝦丸好新鮮彈牙，推介～黑松露蝦蟹餃啲黑松露香濃，內餡爽口彈牙，餃子皮個厚薄啱啱好什菌拼盤有好多唔同菇食 正！蔬菜有好多款式，仲有什菌拼盤，全部都好新鮮～ 三色麵好特別，係甘筍、菠菜同墨汁，係鮮制嘅，好爽口同彈牙，連埋湯同餸一齊食好有滿足感
繼續閱讀
開心要打邊爐 唔開心都要打邊爐無錯 我又打邊爐啦今次再訪 - 醉鍋 醉鍋係於銅鑼灣登龍街18號V Point 27樓餐廳個view超正 係對住個維港打邊爐食物個方面 今次分別點左:-咸酸菜胡椒豬肚鍋-頂級安格斯牛小排（小）-黑松露蝦蟹餃-三色鮮制生麵-蔬菜拼盤-什菌拼盤-手打芝士墨魚丸-即炸手工 鈴卷-竹蔗茅根-羅漢果菊花茶個人大愛佢地個湯底 佢酸菜味好濃 而且佢個湯底好足料 勁多豬肚係到有興趣既朋友仔記得bookmark定@zuiguo_vpoint.hk Location : Causeway BayPrice : $400-$500/p.pEnvironment (10 is chill): 7/10Yummy (10 is delicious): 7/10
繼續閱讀
銅鑼灣特色邊爐🫕醉鍋呢到特設包房 可以一班人黎唱K party😆而且呢到有塊大既落地玻璃 仲睇到香港最動人既海景🇭🇰鍋底方面 揀左雙併😎四川麻辣鍋 打邊爐點可以唔食辣？椰子雞鍋湯底 養生之選 仲可以加花膠🥳金莎鹹蛋脆炸鮮魚皮聽老闆講 係呢度小食既頭牌🤩脆卜卜 食落唔算好重鹹蛋黃味 不過聞落就香!我本身唔算太中意食鹹蛋黃既人都食到☺️頂級安格斯牛小排（小）牛小排有牛味 肉質都幾嫩滑😝偏肥少少 食落好juicy🤪餃餃餃黑松露蝦蟹餃、鮮蝦水餃、韮菜餃三款餃入面 特別中意食黑松露蝦蟹餃😍 味道創新 黑松露味剛剛好 唔會搶過蝦🦐味🥳
繼續閱讀
您可能會有興趣的...