影片
港鐵銅鑼灣站 C 出口, 步行約1分鐘
繼續閱讀
電話號碼
36190669
開飯介紹
台灣過江龍首間海外分店，其魚料理主打酸菜魚口味，另亦供應6款特色湯底，如日式的極道明太子奶香魚、鮮味十足的海派蝦湯魚，配上多款台味私房菜、炸物和飲品更加滋味。
繼續閱讀
營業時間
今日營業
11:00 - 23:00
星期一至日
11:00 - 23:00
以上資料只供參考, 請與餐廳確認詳情
有關餐廳
有關獎賞計劃
上回講到係銅鑼灣希慎廣場食到個唔好味嘅酸菜魚🤷🏻♀️，於是諗住去麻辣風雲食，點知竟然執咗笠🥸，搵搵吓Openrice竟然發現銅鑼灣廣場一期開咗間台灣嘅酸菜魚，於是就去食，星期六嘅午市時間出奇地冇咩人，座位都相當闊落😀❣️總長酸菜魚（中 2-3人） $228份量相當大，湯底夠酸同辣，魚肉超滑，仲有好多唔同嘅配料，好似酸菜、雲耳、腐皮、金菇同寛粉嘅材料，相當足料😋，味道亦相當有驚喜🤓❣️高雄甜不辣 $28甜不辣煙煙韌韌，新鮮炸起，十分脆身🫢，加上調味粉，真係食唔停口😆❣️浪子鹹酥雞 $35鹹酥雞新鮮炸起，粉漿好薄，雞肉仲保留肉汁，調味粉同甜不辣係一樣嘅，係略嫌有少少油，炸得唔夠乾身😆❣️檸檬紅茶 $18❣️冬瓜檸檬 $18飲品正常發揮，夠大杯，但甜度同冰度都冇得揀🤷🏻♀️，佢哋就有個優惠，只要Openrice收藏佢哋嘅餐廳，就可以每人免費飲一杯嘢飲🤪，我哋就冇要到，要咗甜品嘅優惠🤓❣️紅豆仙草 $28只要喺社交平台打卡，就會免費送一客甜品，揀咗紅豆仙草，份量有啲少，味道還可以😌，解辣一流🤪🏦是次消費總額 $360（人均消費 $180） 🍴須加一服務費👅好味度：8.5（10分滿分）酸菜魚味道有驚喜，炸物都唔錯，見到餐牌都有相當多嘅味道選擇😆，出呢篇食評之前已經食咗兩次🤓，如果想食酸菜魚，嚟銅鑼灣呢間係唔錯嘅選擇😗
繼續閱讀
築間酸菜魚 今日和朋友去銅鑼灣行街食飯。 早前有人推介有間台式酸菜魚，叫築間酸菜魚，喺銅鑼灣軒尼詩道489號銅鑼灣廣場一期2樓202-203號舖，港鐵銅鑼灣站 C 出口樓上。 鋪頭裝修很新和整潔。 室內張貼大量卡通海報來介紹食物，還配上特色字句，十分有趣。 坐近窗口的卡位，仲可以看到銅鑼灣繁忙的街景! 食肆主打酸菜魚口味，但也有其他不少選擇：6款特色湯底、私房菜、炸物和飲品。 總長酸菜魚 (1-2人份)配料：寬粉、金菇、腐竹、薯仔、木耳等。 烏鱧魚肉切得細薄，很鮮嫩香滑，搭配秘製湯底和爽脆的酸菜，口感麻、酸、辣，但不會太濃裂和油膩，相對清新的。 寬粉盡吸湯底，非常惹味!正宗嘉義沙茶砂鍋魚 (1-2人份)配料：紅蘿蔔、娃娃菜、炸鵪鶉蛋、支竹和金菇等。以沙茶醬為汁底，味道好香濃。 魚塊係炸過再用高湯煮，魚皮脆，魚肉厚身味濃有口感。 配菜索了沙茶醬的湯汁，超正! 鐵漢小酥肉、香茹小貢丸份量不少，即叫即炸，香脆可口唔油膩。 貢丸一開二炸香，鹹香味十足，是不錯的小食。 紅豆仙草仙草軟滑，配紅豆好夾，很清爽的甜點! 冬瓜檸檬紅茶、暴走波奶茶冬瓜檸檬紅茶很解渴解辣。 暴走波奶茶的珍珠大粒勁有咬口，吃炸物飲就最正! 這間來自台灣過江龍的首家台式酸菜魚，食物質數高，口味獨特不像坊間一般酸菜魚，很有自家的本色。 真的值得捧場!
繼續閱讀
年頭去台灣時已經食過築間打邊爐，係當地好受歡迎 。意外地竟然插旗黎香港開酸菜魚先，而唔係火鍋 。可能知道香港人太鐘意食酸菜魚 😂 。今次我係睇中嘉義砂鍋魚所以黎試，香港好少地方有，但睇台灣節目就形容到砂鍋魚好好食 。好彩餐廳嘅魚係分咗大、中、細份量，想試兩隻味就叫兩個細都OK 。🍲 嘉義砂鍋魚原來係以沙茶醬為底，整體味道好重口味，係香濃沙茶香但唔辣嘅 。有別於酸菜魚用魚片，呢一度係用炸過嘅魚塊 。開頭趁熱食嘅時候魚皮仲係帶脆，魚肉厚實嫩滑，不過就會有啲骨，唔係啖啖肉 。配料方面有紅蘿蔔、娃娃菜、炸過嘅鵪鶉蛋、金菇等。始終呢款比較重口味同油，建議幾個人share一個細嘅砂鍋魚都OK，跟住叫吓其他口味嘅魚食 。🍲酸菜魚手機點餐冇得揀辣度，default嘅酸菜魚係台妹style—好溫柔 。佢同平時大陸style酸菜魚唔同，整體口味平衡啲同埋食落舒服，唔會太酸或者太辣，係襟食嘅酸菜魚 。配料方面有寬粉、金菇、腐竹、木耳等 。💡淨係比較魚嘅話，成餐飯食完總結出比較鍾意酸菜魚，無咁膩可以食多啲 。食台灣嘢點可以冇炸物，叫咗個炸甜不辣同埋鹽酥雞 。甜不辣份量相當多，炸到外皮脆，中間係煙靭，好食 。鹽酥雞就係店員力推，結果都冇失望嘅，中間雞肉仲係好嫩滑，仲有炸九層塔，都算係有完整還原台灣味道。特別值得一提嘅係炸物嘅底部有啲生洋蔥，可以解膩，都幾貼心。🍥柚香蘿蔔上菜時店員話我哋好識揀，因為蘿蔔係自己醃嘅 。淡淡柚子香配埋酸爽嘅蘿蔔，好啱食炸嘢同砂鍋魚嘅時候解膩 。🧋檸檬紅茶雖然冇得調整甜度，只可以少冰 ，兩位飲開走甜嘅都覺得尚可接受 ，茶味都算香濃，但希望遲啲有得走甜 。🍨紅豆仙草仙草質地比較挺身，有仙草嘅甘味，適合食完炸野要下火嘅感覺 。整體全部嘢都唔錯，咁多野食埋單都係400幾 。難得佢有細份魚嘅選擇，下次行過一個人食都得 。
繼續閱讀
位於銅鑼灣的川菜餐廳。據聞是台灣銷售第一的火鍋品牌，而築間酸菜魚更旗下餐廳，首間的海外分店便選址於香港，對於選址在香港雖感莫名，但仍心存感激，要知道現今的香港有多繽紛呢。 「湯比魚更鮮，一碗記三天」⋆_____ᴛᴏᴛᴀʟ ᴏʀᴅᴇʀ______⋆ ⭒總長酸菜魚 $148⭒海派蝦湯魚 $178⭒鐵漢小酥肉 $35⭒復刻炸排骨 $45⭒紅豆仙草 $28⭒芒果奶凍 $28⭒冬瓜檸檬茶 $18⭒暴走波奶茶 $22 ___⋆ ⋆ ___ ✿ 總長酸菜魚酸脆勁爽的酸菜再搭配招牌湯底，加入鮮嫩幼滑的烏鱧魚片，口感麻酸香辣，很是過癮。另外湯內更有很多配料，萵筍、寬粉、薯仔及金菇等，飽腹感十足。.✿ 海派蝦湯魚不吃辣的朋友可以選這個口味。魚肉份量雖然較少，但有加入青口、蜆及海蝦等海鮮配料，搭配清甜可口的蝦湯湯底，鮮嫩不腥，很是鮮甜。.✿ 小食鐵漢小酥肉及炸排骨的份量雖不算多，但炸漿厚薄適中，香脆可口，涮嘴不錯。.✿ 甜品兩款甜品還原台灣路邊攤地道的味道，不會太甜，算是不錯的飯後甜品。.✿ 飲品飲品偏甜，如果可以調較甜度會更好~
繼續閱讀
銅鑼灣好野食多就一定架啦！但我每次經過銅鑼灣廣場都會比佢個廣告吸引左，D 動漫角色畫得好生動，今日就一於試下佢！朋友唔太食辣但我又想試下佢個招牌酸茶菜魚，決定一人一份！一個人都可以食架麻！小朋友才做選擇！總長酸菜魚（小份），雖然話係細份但其實一D 都唔細，配菜都好豐富！湯底酸味較重，微辣微麻，適合番香港人口味，好飲！烏鱧魚肉薄切無骨，食落好鮮嫩好香滑！佢亦配有唔少既酸菜，蘿蔔片，腐竹，金針菇，雲耳寬粉，層次豐富！特別要講既係寬粉好掛到湯，吃落好過癮非常惹味！極道明太子奶香魚，剛上菜既時候已經聞到好香濃既奶油味！湯底係明太子加牛奶芝士熬煮而成，呈淡粉紅色，好靚！海鮮一大堆包括有大蝦、蛤蜊、花枝、帆立貝、青口等，仲要每款都有4件，用料好足！加埋D魚片鮮嫩，食落好滿足！相對於酸菜魚，依個奶香魚更令我印象深刻，因為個湯底真係好正，連埋佢個寬粉食係一流！食台灣野必點炸物！個人最中意甜不辣，一於試埋佢！甜不辣份量相當多，外皮炸得好脆，中間係煙煙韌韌，外層係少量椒鹽調味，好解癮好食！真係食唔停口！蒜拌雲耳正正常常，作為前菜都幾開胃。暴走波奶茶D珍珠大粒勁有咬口，吃落似椰果既口感，吃炸物飲就最正!打完成篇先醒起係台灣都見過佢！過江龍黎講食物質素好好，服務價錢都滿意，一定會再黎！
繼續閱讀