電話號碼
28388313
開飯介紹
由兩位曾任職三希樓及駿景軒的川菜大師主理，供應地道的四川小菜、火鍋及點心。環境典雅，座位闊落，亦設有富氣派的獨立房間，適合家庭或朋友聚會，亦可招待商務客戶。
繼續閱讀
營業時間
今日營業
11:30 - 16:30
17:30 - 22:00
星期一至日
11:30 - 16:30
17:30 - 22:00
公眾假期
11:30 - 16:30
17:30 - 22:00
以上資料只供參考, 請與餐廳確認詳情
有關獎賞計劃
食家推介
相關文章
情人節在時代廣場買完野換咗餐券，於是找到這間可用餐券的餐廳，6點鐘walk in入去吃晚飯，限時90分鐘。餐廳環境好寬倘，裝修亦都好靚，員工有禮。青瓜好爽脆，用蒜蓉調味得唔錯。包裏很多汁，好好味。。炒得粒粒分開，不會太多油，生菜好新鮮，有驚喜。花雕好香，海鮮好新鮮，不過有一隻蜆有沙。整體食物好味，於是決定過幾天媽媽生日，再來食番餐。於是訂位星期日晚餐，點知電話接線生，我未講完電話號碼佢就收左線，一啲禮貌都冇。聽到背景係有人講緊恭喜發財，可能趕住攞利是吧!過左幾小時，我再打電話去，今次的接線生話喺未寫完個電話號碼，叫我再講多一次。今次員工都同上次一樣好有禮貌，不過重點黎啦!我只不過係7點30分入座，想食嘅野都冇。我首先叫左三樣野，九肚魚和海陸空都冇，只有小籠包有。仲要今次的原味小籠包裏面完全冇汁。上次食過生菜包好好味，今次當然encore，但係結果係好差嘅體驗，素肉炒到一舊一舊，味道得個鹹字。象拔蚌好新鮮，好爽脆，味道亦都調得好好!胡椒蝦好香，蝦也鮮甜。馬友算係唔錯，魚肉算滑。肉好淋，喜不喜歡因人而已。因為怕辣，椒分開上，結果是冇咩味，但烏冬好味。最後我們叫芝麻卷做甜品，可借也是賣晒。於是要了菊花桂花糕，一客三件$58，我們是五人，店員話送多兩件給我們吃。桂花糕清香唔太甜。整體服務環境唔錯，食物未必能夠次次一樣味道，不過食材新鮮。
繼續閱讀
趁農曆新年時間，整頓和分享一下吃過的賀年飯，這一頓是剛和家人在大年初一中午飲茶，來到我們喜歡的餐廳「川川」大快朵頤。今次再訪「川川」，佈置甚有新年氣氛，依舊亮麗寬闊，優雅擺設到處可見：大年初一的食客預約都比較預期爆滿，在大時大節來個生意小陽春，侍應們也服務周到，笑容滿面來逗利是，大家都高興！近年我家人多吃蔬菜偏向飲食多菜少紅肉，所以點了不少素類和海鮮菜式，也沒有點太麻辣的菜式，享受美食就好。新年期間有賀年點心：為食 turbo開動。先來「香煎韭菜鍋貼」$63，上海人喻意的「元寶」：略帶上海點心影子，即叫即煎，皮脆底：內裏肉汁有隨嘴部爆出，小心淥親嘴仔：餡料的韭菜甚多，香口好吃；小點心，見真章。「菠菜田園野菌餃」$73每隻皮薄晶瑩剔透：因為只有三粒，我乾脆讓了給我其他家人吃 XD「野菌羅漢脆腸粉」$73外柔內剛，薄如蟬翼的米漿皮，包裹着熱辣脆口的素春卷：沾上甜豉油，屬精緻版的「春風得意腸」，好意頭。「碧綠帶子蟹肉菜苗餃」$80若以點心來說，我喜歡點蒸餃，因為可以更吃到廚師功駕和食材的原汁原味。這個一如其它點心的好，每粒皮薄皮，海鮮爽口豆苗軟嫩，餃內汁豐盈，脹卜卜一口一隻，這樣才不會失去吃蒸餃的神粹。「芙蓉海鮮蜂巢芋角」$63做得很巧手，炸得鬆脆的蜂巢皮一切散開，芋頭蓉有混入了蝦米粒增香：內裡釀有類似賽螃蟹的蛋白、蝦及鮮蟹肉，熱烘烘口感軟綿綿，有流心之感，得到家人一致讚賞，必吃點心之一。「鮮蝦蟹肉香蒜春卷」$63我表妹今年不在香港過農曆年，每次她在都會要吃春卷、芋角之類的炸物。今次她只能社交媒體和我們遙距拜年，也不減我們過年吃炸春卷的傳統：小巧精緻，皮薄香脆，喻意黃金滿屋。內𥚃餡料香軟，蒜蓉調味與海鮮一向是好朋友，鮮中帶香，點喼汁去去膩，很不俗，建議喜歡香口的朋友可以點這個。非常有驚喜的「椒鹽九肚魚」$133吃九肚魚最怕那些細骨，參到魚骨在牙蓬又抆唔出，煞風景。這裏用本地大條九肚魚，原條起骨，大塊肉拿去炸：炸的時間拿捏得準確，不會乾如柴皮，正正因為魚肉大條厚身，肉汁得夠得以保持，香味可謂大激發！層層向前推進，誰說蔬菜菜式不可惹味？來到必吃的「虎皮尖椒」$123這道四川傳統名菜，師傅以尖青椒、陳醋、蔥、薑、蒜、蠔油、鹽、糖、老抽等製成：口感有少許外脆內軟，辣度算輕量級，酸比辣重，青椒的皮也能夠做到「虎皮紋」的效果。吃完這個，堅胃口盡開：壓軸有 off menu，廚師為我們製作「魚湯桂花魚時蔬新竹米粉」$228用上這裏出名的「酸菜桂花魚」的靚桂花魚，濃妝淡抹地換上清新裝，配上奶白色的魚湯造成暖笠笠的窩米：喝一口湯，鮮很到位，用多種魚餚成的湯底可謂將魚鮮發揮得淋漓盡致：桂花魚起肉切片，煮得剛剛好，嫩滑到一個點，配上嫩綠的菜心遠和吸湯的幼米粉，看似簡單實在易做難精，絕對對得起價錢！這餐吃得非常飽足和歡樂 XD 順道在此祝各位新一年龍馬精神，龍年大吉，總之大家萬事皆如意！
繼續閱讀
1.飲茶食點心又係嚟嚟去去嗰啲？川川就有啲川味嘅選擇，喺傳統口味中加點唔同嘅變化。2.先講賣相，飲茶嘅點心離不開煎煎炸炸，第一碟上枱嘅彩星芥末花枝球，勁彈牙，食嗰陣點少少另上嘅芥末醬，少少清新感嘅辣又唔會太攻鼻，恰到好處！原本以為因為個名有「彩星」所以有星星點綴，後來發現原來每碟煎炸類點心都會有星星同彩色粒粒，就咁望都已經開心。3.櫻花蝦鹹水角面鋪滿櫻花蝦，咬落啖啖脆口仲增加咗鮮味。4.芙蓉海鮮蜂巢芋角外酥內香，綿滑芋茸夾彈牙蝦肉，熱辣辣勁好食又唔膩。5.XO醬瑤柱臘味蘿蔔糕口感實在，煎得香口，好食。6.富士蘋果叉燒酥有驚喜，有蘋果香，果肉仲Keep住有少少咬口唔會一Pat Pat。7.另一驚喜係金錢肚，有麻辣嘅香味，但無死麻嘅口感，墊底嘅腸粉亦好滑，仲唔會吸晒啲油同汁食唔到變浪費。8.回頭指數：🌝🌝🌝🌝🌝
繼續閱讀
啱啱食完川川嘅麻辣川川小籠包，真係要上嚟吹吓水！呢度嘅小籠包非常之特別，經典小籠包點心做到一個四川口味，每一啖都麻麻地、辣辣地，湯汁鮮美得嚟唔係非常辣，啖啖肉餡，啖啖驚喜！🥟🌶️再嚟個班戟，蔥花鮮脆，班戟皮薄又彈牙，每口都充滿咗滿滿嘅層次感。滿足到鍾意咬口感嘅饞蟲！炸牛柳粒外皮炸得金黃酥脆，入口即溶，牛柳嫩滑，香氣逼人，配上一啖微酸嘅檸汁，爽口得黎唔膩口，令人一再回味。🍋🐂至於花雕雞，喂，個雞肉腍滑得嚟，滲透咗花雕酒嘅馥郁香氣，飲一啖湯，暖笠笠好提神。食完今晚，口腔仿佛過咗場味蕾嘅嘉年華，每道菜色香味俱全，川川呢度食物質素高，真係值得推介！下次再約埋班朋友，一齊嚟撐場！👍🎉
繼續閱讀
今晚嚟咗時代廣場嘅一家店，準備開啓味蕾嘅旅程。麻辣小青瓜，一咬落去👌，鮮脆得嚟又麻麻哋，好夾酒喎！點酸菜鍋和果香魚湯鍋底，酸菜湯相當過癮，酸酸地掛住喉，唔洗幾多調料都夠哂味。而果香魚湯，晒嘅甜，滲入湯底，魚片添埋入去，滑溜溜又鮮甜，啖啖肉，正！叫咗羊肉片，嗰種肉香，咬落去既涮既，微辣湯底配上嚟，滋味一流！自助添響鈴，每條腐竹都吸滿咗湯汁，啃一口心满意足👍。紅薯粉條滑而唔炆，軟硬啱啱好，掃湯掃得乾乾淨淨。飲到湯，每一啖都覺得享受。總括來講，呢度嘅火鍋質素上乘，講真，今晚飽到彈晒腰，樂而忘返。川川，真係川得過癮，下次仲想黎哂試！🍲🥢💕
繼續閱讀