香港入境事務處長官會所餐廳

營業中

休息中

午飯想揾個地方坐耐啲，傾下同事間嘅趣事，就揀咗呢到😄因為平得黎質素都唔錯，款式都好多。🥟炸雲吞皮好脆，沾埋酸甜醬，好香口😂不過餡料份量有啲少，但呢個價錢算係咁。🥬烚菜心姐姐即刻烚，夠新鮮熱辣辣。大家記得食多啲菜🐔炸雞翼炸雞翼～我至細中意食。有芝麻，炸得岩岩好，肉質都好嫩滑，不過得微温🥕蘿蔔糕蘿蔔味夠，煎得夠晒可口。🧂椒鹽豆腐椒鹽份量剛好，唔會話太咸，配上淡淡嘅豆腐點綴。炸皮內嫩組合perfect match😌🦑椒鹽鮮魷唔會勁咸，魷魚好多肉，炸皮唔會太厚。🍜乾燒炒麵食點心之外，都要叫啲澱粉質填肚。「一乾一濕」就係呢係食法，雙重享受。❤️紅棗糕淡淡嘅紅棗味好清新，仲帶微微薑味，係好好嘅飯後甜品。

小弟都係第一次黎食 跟同事食圍餐 初時聽到間餐廳名好似好勁好高級 但千祈唔好有期望 😪呢間餐廳實質係飯堂 只要係政府僱員就可以入黎食 咁首先要係入境處大堂出示政府部門員工證 上到20樓樓層 望到好靚好似好高級既地方 就到左喇😁但所有野都係飯堂質素 我相信長官係唔會選擇呢度開宴食飯😅 點心方面正係叫左蝦餃同燒賣蝦餃皮勁厚、燒賣勁粉 蝦肉一般 比起一般最普通既酒樓都較為失色🤐招牌靚雞一隻可以講係咁多道菜可以用「好味」黎形容 雞真係都夠滑 配蔥蓉的確一流紅燒花膠雞絲羹一道唔差既湯羹 材料都係一般粉絲、菇 最主要都係配紅醋調味 正正常常柚子芝麻骨柚子味不太重 骨煎得還可以 但始於都係味精調味其他咁多道餸全部都係味精同埋鹽 不能盡錄 睇圖🤧 特別啲班腩魚都唔新鮮 味道可以腥、苦、鹹 唔知係廚師果日心情唔好定一直都係咁 咩都係落得太重手 有一個石鍋咖喱牛筋腩 樣子外貌有期望 食左一啖會吸哂你口腔既口水 仲要隻辣好似唔係平時食開果啲辣 啲咸辣味會stay係條脷度 而其他餸菜講緊個青菜都係鹹鹹鹹同鹹🤢環境空間係靚 但衛生都真係好差 飯碗勁多漬洗得勁唔乾淨 員工啲態度都顯露不太耐煩既樣🤧 之後我問其他同

因為地點近，平日只係去食晏，飲茶食點心，幾抵食，又幾好食！埋單每人大概$60 ！今次，有朋友介紹去食晚飯，下午6點已經開始營業，大家約埋齊齊上去！菜單好多選擇，價錢不貴，又不用加一！免茶芥家鄉小炒，份量大，翠玉瓜，新鮮爽口，腰果脆，蝦及肉丁，不錯！用小小辣吊味，好！士多啤梨骨，肉夠大塊，夠鬆軟，酸酸甜甜，野味！不愧招牌菜！全晚的highlight - 咖喱牛腩煲，熱辣辣，香味四溢，牛腩質地好，好tender ，有彈性，又吾靱，咖喱汁很mild，兩者好夾，好送飯生炒排骨，有小小失望，肉吾夠柔軟，可能先前已經食左好多肉！肉鬆四季豆，四季豆尚可，不過不失！

「香港入境事務處長官會所餐廳」可算是隱祕的餐廳之一，平日試過享用午膳，享用晚餐則是首次。是次聚餐一行廿餘人，延開兩席包了一間廳房位置。相比坊間的酒家菜館，這間會所餐廳能給予更寬敞的空間。但同一時間，不要期望內裡裝潢能與其他私人會所相題並論。正值炎夏，廚師在餐單設計上也花了心思，特意採用不同的水果製成一席「夏日鮮果宴」。 「鮮什果大蝦沙律」屬經典的水果頭盤，味道合預期。在講求健康飲食的年代，建議減少沙律醬汁的用量。另建議用上更大粒的什果以增爽甜口感。「蜜瓜螺頭瑤柱燉雞湯」味道濃鮮，瑤柱用量慷慨。在味濃燉湯之中，蜜瓜只能作點綴，並為湯汁的甜蜜滋味出一分力。小編喜愛吃芒果，所以特別期待這道「香芒盞牛柳粒」。牛柳粒雖然不算味濃，但口感鬆軟理想，再加上時令當造的甜美芒果，小編覺得挺滿意。 「士多啤梨骨」或「橙花肉排」都屬常見的水果菜式，但同場出現的機會則很少見。兩者比較，「橙花肉排」明顯較肉豐，吃畢有更大滿足感。「鴛鴦百花釀荔枝」以黃金蝦丸釀荔枝，又以荔枝反釀蝦膠，做法多變富心思。荔枝多汁可口，與蝦丸蝦膠相伴味道十分合拍。 「柚子汁伴脆皮龍躉球」屬席間另一道炸品，雖然黃金外衣稍厚，但無礙重味龍躉

一定要俾個like呢間嘢。真心覺得又平又好食。自從生完小朋友後就不停搵啲比較不騷擾其他人的親民餐廳，為了小朋友隨時亂叫亂跳也不會影響隔離。入境處就做到了。不經常多人，地方又大，嘢食又大路。店員nice而且接受小朋友。現在一得閒就會去食，亦會帶朋友去。變了飯堂！上次得我同小朋友去，一大一細，我哋兩個人都點了個花膠羹，明知飲唔晒都要飲，因為呢個湯真係好飲到發夢都會諗起，諗起就想飲！又足料夠大鍋，即煮，又熱，又夠杰。必吃的有金磚豆腐，花膠羮，叉燒。順帶一提，叉燒不是來貨，完全係廚房自己燒嘅，入口即溶。

每逢公司有親喜慶，多數預早揾洒樓book定枱，今次有同事介紹去呢間入境事務處長官會所餐廳。餐廳位於入境事務大樓高層，本來聽個地方名以為好似好嚴肅咁，但入內即見侍應熱情招呼，地方闊落，食客不太多，環境衛生，都幾清靜，同事預早訂了圍菜，上菜時間非常迅速，侍應斟茶遞水非常快手，一定要讚。此外，碟碟餸都好大件夾抵食，味道唔錯，用料新鮮，糖水亦不太甜，有同事仲可以打包走，又食又拎，價錢平民，實在可以再來過。

同事建議來這裡飲茶，其中一個原因是因為比其他酒家便宜。首先坐下已覺得不妙，紅色椅套感覺不清潔。加上白色的餐具被染上不同顏色的污漬。食物方面也是一如以往的差。沙嗲雞球炒烏冬 （$52）感覺就是在煮好的烏冬加上汁及雞球，沒有上色及欠缺炒過的感覺。馬拉糕（$11）似是翻蒸，口感也未如理想。其他點心也沒有該食物應有的味道。瑤柱蛋白炒飯（$68）只加上很少XO 醬入面的瑤柱碎，就連價值很低的蛋白也很少。大部份都是菜粒，飯的份量也不太足夠。最重要的是茶水不夠熱。我在飲茶中很重視水的熱度。其實我寧願去茶記，至少它們的炒粉麵飯會比較出色。

今日又新一季的第一日返臨時工，所以跟兩位同事去飲茶，每次去呢度飲茶都覺得好抵，因為不用加一，人均消息可以$50或以下呢度的小點只需$11而已。我們三人共享咸魚雞粒炒飯($58)，感覺幾好食。薑汁糕點心紙寫小點，但埋單係中點好在感覺好食過明星皇宮食過的，否則我一定理論馬拉糕都好好食，最重要係即叫即蒸鳳爪好夠味。埋單人均大約$37，不過感覺冲的茶唔夠好飲。通常慳家的而屋企唔可以帶飯返工的朋友都可以幫襯$28的外賣飯盒，重點係有湯送不過呢間野主要俾附近政府大樓的員工光顧，所以唔係太多人去到，但間中都幾多人飲茶，如果擔心午餐時間太多人，可以打電話book枱。另外本身有早餐，但主要係食西式早餐

自從這裏翻新後，一直都沒有光顧。是日，舊同事相約，就去了這個久違了的老地方飲茶。除了在點心紙剔選心儀點心外，還可以自行到近燒味部一側的點心部，取回煎炸點心或淥菜。時間關係，我們決定自行到點心部拿回食物。C取回一碟淥生菜、一客煎腸粉、一客煎堆，普通之作。另一款貌似炸芋絲的炸物，外層是金黃香脆的炸脆片，內裏包著鮮美爽彈的粟米蝦膠，食味不賴，頗有驚喜的！及後，見到鄰枱取回一碟炸雲吞皮沙律，我們也取回一碟。一客有三件，雲吞皮炸得脆卜卜的，上面放滿了紅蘿蔔、青瓜、粟米和蘋果粒等混合而成的鮮爽沙律，一香一酸，一硬一軟，配搭蠻得宜的，難怪瞬間被搶奪一空！

外邊滂沱大雨，正確的選擇當然是在公司附近享用午膳，香港入境事務處長官會所餐廳是其中一個好選擇。餐廳格局基本上和一般酒家分別不大，只是再簡單一點。侍應數目相對比較少，服務效率明顯略底，但勝在價錢實惠，平均五六十元一個人吃得飽飽，在附近酒家很難找。一行五人點了數款點心及一碟炒飯：南乳雞翼：甜感重，脆香度中規中矩。蝦餃：皮略厚，食味OK喇！燒賣：肉質無乜彈性，一般。鳳爪：調味不俗，但鳳爪煮得不夠腍。排骨：普通。棉花雞：普通。糯米雞：糯米雞的獨特荷香不夠濃。炸雲呑：香脆，蝦大隻，甜酸汁口味OK。燒腩仔：皮很硬，腩肉肥瘦適中。灼菜心：菜心大條粗身，夠清甜。芒果布甸：稍甜，質感OK。楊州炒飯：炒飯乾身但過硬，配料調味合格。

今日我地幾個同事去食飯，貪佢近近地就去lee 間食，事前要book 枱，因為都非常難等位。人少少關係只叫左少少野食：义燒包：鬆軟好食蜜汁义燒：瘦义唔錯，整得好好，不過甜左少少馬拉糕：趁熱食就覺得佢鬆軟麵醬炒雜菜：因為我自己鍾意食菜就叫左lee 樣，入面有西蘭花，菜心，白菜，雖然煮得好有菜味，但份量多返d 就好熎柱蛋白炒飯：飯炒得夠乾身，不過大碟左d

今日我和樓上同事聚舊 一行11個人 多得同事一早下單. 我去到己經上哂部份的.,.  炸雞翼, 炸九肚魚, 叉燒, 燒腩仔. 炸魚餅. 炒面, 蛋白炒飯. 椰汁紅豆糕.素鵝,  炸尤魚鬚,先講炸雞翼 是呢間酒樓出名好吃的. 表面像下了蜜糖及芝麻 炸九肚魚, 今日好失水準. 只吃到脆炸粉. 完全食唔到魚味. ><燒腩仔, 肥瘦勻混 皮很觤.  炸魚餅好一般. 但不算油.  炒面, 同事話呢度炒得好好吃. 我吃了幾口, 真係好好食. 唔油 ^^ 軟硬度剛剛好. 又唔會炒得過乾. 炒飯.  好好味. 有菜心切粒+蛋白炒. 口感很清, 米粒炒得一粒粒的. 叉燒是例牌的., 有點根. 咬口麻麻地. 椰汁紅豆糕. 豆很少. 但椰汁味較重.炸尤魚鬚跟出黎街頭小吃冇咩分別. 素鵝, 好吃. 比素食店冇咁油. 我們還叫了半隻鴨. 十幾款蒸的點心, 可是訂左. 個經理竟然話漏單. 點心等左三個字, 一件都未到,. 速度比預期慢~~ 今日不满場入座.  客人不多. 但點心很慢來. 吹多幾吹. 就見到燒鴨半隻上枱了. 我們各人吃了一兩件. 但冇鴨味. 點心, 一路上枱. 叉燒飽. 馬拉糕.,

自從某大餐飲集團接手營運餐廳後，食物水準、環境及服務都大為改進，雖則價錢較以為貴，但尚算合理，成為左小妹和同事的飯局聚腳點﹗肥瘦相間，讓人垂涎欲滴。燒烤時油花滲滿了每層肉，入口軟滑無比。皮燒得又香又脆，酥脆得只用牙輕輕一咬，整塊皮便「咯咯」作響。吃港式燒肉最怕是肉因為經過燒烤後變得乾巴巴，這裏的燒腩仔，肉十分嫰滑又唔會過鹹。蘸上日本芥辣醬，可中和燒腩肉的油膩感。炸鮮蝦韮黃餃餡有凍鮮蝦及韮黃，味道清新，炸得香脆而不油膩。第一次食，已愛上它﹗黑椒蜜糖芝麻雞翼一客六隻，係預先準備食物，非即叫即炸，故上枱時不是熱辣辣，皮也不脆。然而，雞翼皮勁薄，由惹味黑椒、甜味蜜糖及香味芝麻醃製，啖啖都可品嚐到口感豐富、香氣四溢、肉質嫩滑入味的雞肉。三絲炒貴刁份量頗多，配料有爽口的青椒絲、少量芽菜、叉燒絲及韮黃條，又有數隻淡味雪凍蝦及富蛋香的雞蛋絲，窄身而有嚼口的貴刁條條都沾滿香辣的黃色咖喱粉，味道不俗﹗不過，對不嚐辣的小妹而言，頗辣﹗芒果布甸色澤較自然，質感偏硬身，表面好光滑煙韌，吃下較有嚼口及口感，小妹超喜歡﹗QQ嫩滑的布甸隱約可見內裏新鮮的芒果粒，再淋上香滑淡奶，甚為美味可口，忍不住想一口吞下﹗

一間位於入境事務大樓的餐廳，位置隱蔽。基於保安理由，上樓前要出示職員證或登記。樓層有堂食雅座及宴會廳房。宴會廳房佈置簡單，並帶點陳舊感覺。服務員人數不多，上菜略慢，招呼一般。食物方面，份量都算大，但賣相普遍一般。燒味拼盤有雞、鴨、叉燒、燒肉、牛展、海蜇等，很大碟，但亦很雜亂，味道可以。菠蘿古魯肉醬汁調味不俗，排骨炸得鬆化。粟米石斑塊相比之下做得老身，質感較硬又無乜肉。炸豆腐雖不夠香，但仍帶點脆口，為保口感，醬汁另上更佳。蒜蓉炒菜心，菜心幾甜幾嫩口，OK。炒唐生菜則普通。乾炒牛河色水未夠勻稱，略濕身，牛肉少。星州炒米同樣色水唔夠，米粉略硬，餸少調味唔夠香口。和一眾會所食肆比較，這兒比較差一點。

年年外公生日都會擺番兩圍，自己人食餐飯開心下。今年阿姨唔知係邊度搵到呢間香港入境事務處長官會所餐廳，入去都要登記同埋有人接送的，真勵害！八點鐘到，大家都仲係打緊麻雀、唱緊卡拉OK，各自精彩。八點半，開始用餐了。吃的雖然係類似平時酒席的食物，呢度卻不像是酒席咁逐樣逐樣菜起，而是好似打衝風咁一次過把餸菜放上桌面。首先來的是燒味拼盤和白灼蝦，燒味拼盤的燒味亂放一通，睇見都唔開胃。果然，味道都係唔掂，燒肉肉韌皮又不脆，燒鴨肉質亦是 “鞋”口，墨魚片不爽，海蜇如橡筋一般。對蝦敏感，沒有吃白灼蝦，但賣相不討好，同台也沒有人讚賞。瑤柱節瓜圃，用紫菜取代傳統的白菜，卻不甚特出，同埋芡汁太多了，水汪汪的；冬菇鮑片相對要好一些，但也只是一般中式連鎖酒樓的水準而已。隨後有蒸魚，幾大條的斑，可惜明顯蒸得過了火位，味道其實還可以的，不過魚肉好 “鞋”，浪費了整條魚；炸雞應是全晚最好的一味，雞肉嫩滑，雞皮炸得脆卜卜的，溫度也夠，不錯。炒飯和麵，還有壽飽肯定唔少得。沒吃炒飯，只吃了點麵條，麵是用粗麵，都做得幾好的。壽飽也幾好，熱騰騰的，不太甜，我還吃了兩個。食物其實好一般，如不是自己人吃飯咁開心，可能我會比個喊面佢