影片
以上資料只供參考, 請與餐廳確認詳情
食家推介
🌟餐廳：大撈家📍地址：深水埗福榮街101號地舖💰價位：～$50 - $100📱電話：28278578收工約同事去深水圳買電子野，買完之後周圍逛逛，呢頭一向都好多特色既餐廳~今日就試咗呢間以大眾化價錢、米芝蓮味道，主打平民版鮑參翅肚既「大撈家」先！———————————————————🔹花菇拼鮑魚撈麵套餐 (墨魚麵) 配 人參雞湯自選套餐性價比高，價錢夠親民~- 先黎一配人參雞湯，人參雞湯夠甘香，鮮味十足，熱辣辣夠暖胃~- 主角花菇拼鮑魚撈麵用料十足，花菇大大件又厚身，以鮑汁煮制，夠哂入味，食得好滿足~鮑魚有2隻，真材實料，鮑魚肉又夠彈牙，搭配埋清甜蘿蔔及特制墨魚麵，飽肚又滿足~🔹鮑汁拼盤 (追加)- 套餐仲可以加$38 優惠價追加鮑汁拼盤，超正~鮑汁拼盤有齊雞腳、豬手、豬腸及金錢肚，夠哂豐富，每款食材炆至軟腍入味，值得一試~———————————————————🔹 撈家佛跳牆- 原汁原味佛跳牆，鮑參翅肚樣樣野，以豪華材料燉制，熱辣辣每一啖都滲透海味既鮮味~我就最鍾意入邊既花膠，除左厚身軟滑外，骨膠原十足，滋補又養顏，大推~———————————————————🔹 脆炸BB鴿- 最後試埋餐廳另一招牌，脆炸bb鴿~即叫即炸，原隻乳鴿炸至紅噹噹，擺盤又精緻，乳鴨外皮香脆，肉質夠juicy，必試~———————————————————😋味道：4/5🏢環境：4/5💁🏻♀️服務：4/5💵價錢：4/5🤟🏻性價比：4/5———————————————————👅整體小總結餐廳裝飾以黑金色為主，夠哂型格吸引~食物方面，主打平民鮑參翅肚美食，套餐價錢夠哂大眾化，而且用料十足，制作認真，深受附近街坊歡迎，值得捧場~
繼續閱讀
喺深水埗買完嘢，返屋企前諗住食番碗車仔麵，點知發現深水埗竟然開咗一間主打鮑參翅肚嘅名人飯堂？不過，唔好以為食鮑參翅肚就一定好貴；相反，餐廳選擇喺深水埗開店，價錢走大眾化，而質素亦有一定水準，呢間大撈家完全係充滿驚喜同誠意嘅小店！鮑汁雞翼、鮑汁扒時蔬將色澤深褐、味道鮮美、香氣濃郁嘅鮑汁淋上去雞翼同時蔬之上，真係無得輸呀！菜心嘅味道即刻level up；而雞翼非常入味，值得推介。糖心蘿蔔至於糖心蘿蔔真係人如其名，非常清甜，完全無渣，夠晒入味。海蔘襟撈呢個系列可以揀撈家鮑魚汁或者秘製麻辣汁，而我哋就梗係揀鮑魚汁啦！上枱時候真係嚇一嚇，個海蔘同冬菇都超巨型呀！海蔘軟腍又有膠口感覺，至於花菇充滿口感，重點係雖然大大隻，但都非常入味，啖啖都充滿香濃嘅鮑汁。至於撈麵亦唔係一般嘅粗麵，餐廳選擇用墨魚麵，除咗成本提升之外，更重要係原來做撈麵麵底又幾夾喎！ 另外，所有襟撈系列都會奉送朝鮮人蔘湯，湯底每啖都有淡淡回甘嘅人蔘味，真係一個奢華享受嘅套餐！朝蔘花膠湯麵上枱一刻已經聞到香氣濃郁，帶有淡淡回甘味嘅人蔘湯底，絕對係回味無窮。配料除咗有冬菇之外，仲有巨型花膠，望落去已經充滿氣勢！至於味道非常入味，啖啖都充滿香濃嘅鮑汁，軟腍又有膠口感覺，真係充滿驚喜同誠意呀！
繼續閱讀
見有谷友介紹過大撈家，唔使一舊水就有鮑參翅肚食，份量仲唔細添，好似幾掂咁便黎試下。時間尚早未使等位，睇下餐牌先，選擇大同小異，都係鮑汁花菇配一款餸，主食有飯、粉、麵等，見最多人叫係咕嚕肉飯🤔唔唔…食咩好呢？⭐人蔘湯跟餐送的蔘湯，幾有蔘味呀。⭐撈家雞飯配麻辣汁朋友就揀左雞飯配麻辣汁，雞件嫩滑，麻辣汁香口，但只係小麻小辣程度，輕鬆入口😆⭐鮑汁大花菇雞翼撈粗麵既然出名係鮑汁，就叫返個鮑汁撈粗啦，賣相唔錯喎，花菇勁大隻厚身，雞翼同蘿蔔入晒味，鮑汁鮮味，撈麵一流👍⭐油菜有優惠價就叫份菜食下先，翠綠淋甜。⭐鮑汁併盤仲有併盤都可以加配，是晚有豬手、鳳爪、豬腸、牛肚等，吸飽汁好正喎。⭐脆炸大腸呵呵，忍唔住又叫下香口野，即返碟炸大腸先，好香好脆有咬口，可配鮑汁、麻辣汁或酸甜汁，大腸本身比較淡口，記住揀個自己鐘意嘅汁配呀😋⭐紅燒鮑翅最後仲有十一月優惠紅燒鮑翅，個容器幾型😆入面有一梳梳嘅翅，芡汁濃調鮮味，食完暖笠笠。過左陣就全店滿座啦，好彩早黎唔使等位啫😋
繼續閱讀
朋友介紹深水埗新開粵菜館，餐廳由米芝蓮大廚主理，主打鮑參翅肚，價錢非常大眾化，套餐幾十蚊有交易，趁今日 Happy Friday 專登過嚟試下。餐廳裝修得幾有格調，灰黑門面、金漆招牌，再配以傳統木色檯櫈，環境溫馨舒適。點咗兩個精選套餐，招牌咕嚕肉飯 ($65) 同 花菇拼鮑魚撈麵 ($68)，套餐奉送朝鮮人蔘湯或汽水。人蔘湯真材實料，入口味甘微苦，解燥清熱，益氣降火。咕嚕肉選用新鮮梅頭肉，再加上自家製糖醋汁烹煮，入口外脆內嫩，炸漿唔會太厚，酸甜度平衡得啱啱好，色香味俱佳。花菇大大隻，肉厚爽滑，菇味香濃，食落好有咬口。鮑魚掌心般大，肉質軟腍富彈性，入味帶甜。撈麵揀咗墨魚麵，麵條Q彈有嚼勁，掛汁力強，配上惹味鮑汁，口感一流！餐廳而家做緊 11 月限時優惠，凡點精選套餐，可以用 $98 追加紅燒鮑翅一客，咁抵食，當然可以錯過。魚翅用小火熱著上桌，湯頭鮮香度剛好，魚翅份量十足，一梳梳，絕對冇將貨就價，入口腍身軟滑，層次分明，食完好有滿足感。脆炸BB鴿 ($68) 乳鴿原隻上，外皮燒得很香脆，鴿肉嫩滑多汁，唔使點淮鹽食都已經好夠味。加點咗鮑汁拼盤 (+$38) 同 油菜 (+$18)，拼盤用料豐富，有豬手、豬腸、金錢肚同雞腳，豬手炆得好腍、骨膠原強勁；金錢肚入味又唔韌、而雞腳亦炆至黏糯香濃，一吮脫骨。菜心鮮爽翠綠，清甜又無渣，正👍🏻
繼續閱讀
大撈家😋😋😋香港撈得起深水埗街坊有福、新開抵食撈翅、撈鮑魚、撈海蔘、撈花膠、通通🈶️🉐️撈！店鋪有氣勢的裝修、金漆招牌、配工業灰牆身、暖和燈泡、襯托得啱啱好、今回不用過澳門、飛泰國、都食到魚翅撈飯⋯⋯哈哈😄👍🏻精選套餐D. 花菇拼鮑魚撈麵$68⋯花菇厚肉、炆煮夠腍、入哂鮑汁味、鮑魚煙韌有口感、惹味爽口彈牙、高蛋白質、低卡路里、低脂肪、配撈粗、彈彈有口感！優惠追加鮑翅、賣相裝潢吸睛、有❤️製作、份量十足、🈵️🈵️魚翅、美味佳餚、仲有心思、裝翅的盅底微🔥保暖、細心有心思、價錢親民、超值、超低食！😋😋+ 11月限時優惠！！追加紅燒鮑翅98！！售完即止！！！+$38可追加鮑汁拼盤一份*內有牛腩、牛肚、牛腸、豬手、香牛濃味、炆煮至腍入味、味蕾新口感！套餐奉送人蔘湯（真材實料、食家🈶️福）或汽水要食盡快😍😍海蔘襟撈$88配撈家鮑魚汁墨魚麵、海蔘手掌大、腍度剛口、又爽又彈牙、海參六大功效：改善睡眠、增強免疫力、遠離頑疾、保持關節健康、養顏抗衰老、養護前列健康、用超值嘅價錢、享受超值襟撈、墨魚麵煙煙韌韌、濃香魚香味、濃鮑汁一齊撈起、飽肚滿足😜奉送朝鮮人蔘湯脆炸BB鴿$68⋯⋯賣相有點可愛、唔捨得食、哈哈！脆脆BB、炸至金黃、入口甘香、肉嫩鮮甜、yummy yummy 😋 大撈家深水埗福榮街101號地舖港鐵深水埗站B2出口，步行約2分鐘
繼續閱讀
您可能會有興趣的...