影片
港鐵尖沙咀/尖東站 B1 出口, 步行約7分鐘; 尖沙咀港鐵站B2出口
繼續閱讀
電話號碼
23862315
開飯介紹
來自釜山的Oppa店主身兼主廚，大部分菜式以他媽媽的食譜及家鄉菜式為基礎，和食客分享韓系家庭風味的菜餚。
繼續閱讀
營業時間
今日營業
12:00 - 22:30
星期一至四
12:00 - 22:30
星期五至六
12:00 - 23:00
星期日
12:00 - 22:30
以上資料只供參考, 請與餐廳確認詳情
有關獎賞計劃
🔸 原味炸雞一隻 $218上枱一大盤炸雞件， 韓國炸雞果然名不虛傳，炸得好靚好脆，係由原隻雞切件，裹上薄薄有蛋味嘅炸漿現點即炸，配有新鮮炸起嘅薯條，蘸料係 甜酸醬同蒜香汁，配菜係我個人最愛嘅前菜 腌白蘿蔔粒，相當爽脆。 香脆嘅炸雞份量都唔少，亦可以點無骨嘅，可以啖啖肉，但我個人就喜歡輪下雞骨餸下啤酒😚味道：7/10性價比：6/10🔸 Jumbo 拉麵 $128有芝士粒、魚糕片、年糕、泡菜， 同埋相當多紫菜， 用個銻煲裝起 一大煲 ，煲中間打咗隻生雞蛋，拉麵湯底由韓國大廚每日用幾個鐘炮製，味道清甜。芝士粒喺滾熱辣辣嘅湯上面慢慢就會融化，變咗可以玩拉絲🍜 魚糕似關東煮魚片之類， 由於面裏面有啲好辣嘅泡菜，所以撈埋一齊成碗麵就會偏辣。味道：6/10性價比：6/10 🔸 韓式 牛肉烏冬 $128烏冬湯底係好健康嘅，一啲油都冇嘅清湯，一啲都唔會鹹，喺一個韓國斧山地道麵食。 配菜就跟↑拉麵差唔多，只係冇咗泡菜同埋芝士。燒牛肉就係另上，用咗啲椰菜一齊炒， 係阿豬媽韓系家庭撚手小炒， 韓牛炒得好香口，食落有好鮮甜嘅牛味，味道超濃厚，但係就稍為油膩偏甜一啲🤪味道：7/10性價比：7/10▪️
繼續閱讀
尖沙咀真係韓國餐廳嘅天堂，今日就嚟咗食一間最近網上好hit嘅餐廳，oppa coffee！因為我哋係夜晚先嚟，所以已經冇咖啡賣，但係呢度放咗好多g dragon 嘅應援產品，電視更加係不停播big bang 嘅歌，超有feel！我哋今日叫咗幾樣嘢都覺得勁好食，第一樣嘢就係炒年糕，年糕口感好正，辣到剛剛好，真係食得出韓國街頭嘅味道。蟹膏蟹肉紫菜包飯都好出色，蟹膏好濃，提升咗kimbap嘅味道，而且成條都包得好紮實，nice！馬鈴薯排骨湯湯底夠濃郁，排骨份量都唔少，perilla leaves超級香，越食越開心，最鍾意啲馬鈴薯煮得超腍，又吸晒啲湯汁！下次裡一定要同朋友嚟食埋超人氣韓國炸雞或者泡菜蛋漿熔岩炒飯，不過今次真係太飽啦！
繼續閱讀
尖沙咀呢間韓國餐廳人氣非常高成日都爆滿場近日落大雨無人排隊就同咗朋友去食❤️建議大家book位呀！-🔸蜜糖牛油炸雞（$$28）炸雞外皮金黃酥脆外層沾滿蜜糖新鮮熱辣炸起咬落去肉汁同油份咇晒出嚟🤤肉質鮮嫩多汁超好味👍🏻甜甜嘅蜜糖同牛油完美融合愈食愈上癮！雞件底下面仲粗薯條浸晒喺牛油同蜜糖之中濃郁惹味大推必食呀❤️🔸魚糕湯（$220）湯底清淡鮮甜魚糕有兩大串而且有唔同款式口感彈牙仲配搭咗年糕、蘿蔔、雞蛋豐富好味-
繼續閱讀
OPPA Coffee Bar Restaurant．完美邂逅韓式小食同朋友喺尖沙咀行街，發現呢間 OPPA Coffee Bar Restaurant，見行到肚餓自然去食下野啦！先講杯菠蘿汽水，真係救咗我條命！當日天氣超熱，一口凍冰冰嘅汽水落肚，菠蘿味超濃郁，又唔會太甜，氣泡夠晒足，飲完個心都定晒。主食點咗三款，最驚喜係無骨辣味炸雞 (半份)。雞肉夠晒 juicy，完全唔乾柴，外皮炸到金黃酥脆，咬落「咔嚓」聲好治癒。辣味係溫和果種，帶少少蒜香，唔會辣到喉嚨痛，連唔敢食辣嘅朋友都話好味。配埋個特製醬汁，酸甜解膩，簡直停唔到口。蟹膏蟹肉紫菜包飯用料超足，每一口都食到蟹肉嘅鮮甜，蟹膏嘅香濃同飯粒融合得好好，紫菜夠脆，飯又夠軟糯。最鍾意佢個飯唔會太乾，食起身好清爽。泡菜芝士紫菜包飯就夠晒惹味，泡菜嘅微辣同芝士嘅鹹香好夾，芝士仲有少少牽絲，熱辣辣食落去超正。飯裡面仲有埋蛋絲同火腿，口感好豐富。總體嚟講，呢間舖頭性價比好高，食物新鮮，分量又夠，服務員態度仲好親切，成個用餐體驗好舒服。
繼續閱讀
我同朋友好鍾意食韓國菜，今次去尖沙咀韓國街食野，嚟呢間oppa店食野。⭐️甜辣無骨炸雞味道甜辣甜辣的，仲有薯條食。⭐️炒年糕醬料有少少辣，年糕Q彈好入味，食返魚糕&雞蛋就無咁辣。⭐️馬鈴薯排骨湯薯仔煮至軟爛，排骨肉質鮮嫩，係咁「損」骨頭，正。⭐️泡菜五花腩五花腩肥瘦肉平均，配埋酸辣嘅泡菜& 紫蘇葉食，推薦。平時麻麻地紫蘇葉，但咁樣食唔錯。⭐️真露燒酒、可樂本身想飲燒啤，但我地太廢了，選擇用可樂代替啤酒，好岩新手。
繼續閱讀