影片
營業時間
今日營業
11:00 - 23:00
星期一至日
11:00 - 23:00
以上資料只供參考, 請與餐廳確認詳情
位於尖沙咀厚福街< 𝐓𝐨𝐧𝐠 𝐆𝐮𝐨 𝐌𝐢𝐱𝐢𝐚𝐧 >, 一間銅鍋米線店, 設有多款米線、酸菜飯、湯飯、小食及飲品。ᴄʜɪᴄᴋᴇɴ & ᴘᴏʀᴋ ᴏꜰꜰᴀʟ ᴘᴇᴘᴘᴇʀ ᴍɪxɪᴀɴ $⁶⁶海南胡椒豬肚雞米線, 湯頭奶白色, 入口濃厚, 胡椒香味四溢, 爽彈豬肚配搭鮮嫩雞肉, 份量十足, 配料再放有腐皮、肉碎、芫茜和芽菜, 相當豐富。ʀɪᴄᴇ ᴡɪᴛʜ ʙʀᴀɪꜱᴇᴅ ʙᴇᴇꜰ ꜱʜᴀɴᴋ ᴀɴᴅ ᴄʜɪᴄᴋᴇɴ ᴡɪɴɢ ᴘɪᴄᴋʟᴇᴅ ᴍᴜꜱᴛᴀʀᴅ ɢʀᴇᴇɴ $⁶⁴鹵水牛展雞翼酸菜飯, 滷得入味軟腍, 配以自家製酸菜, 解膩一流。ꜱᴇᴄʀᴇᴛ ᴘɪᴄᴋʟᴇᴅ ᴄᴀʙʙᴀɢᴇ ᴘᴏʀᴋ ʙᴇʟʟʏ ᴀɴᴅ ʟᴏᴛᴜꜱ ʟᴇᴀꜰ ʙᴜɴꜱ $⁴⁶秘制酸菜腩肉荷葉包, 配料相當豐富, 放有芫茜、脆脆腐皮及秘制醬汁, 很特別呢。ᴅᴇᴇᴘ ꜰʀɪᴇᴅ ꜱʜʀɪᴍᴘ ᴘᴜꜰꜰ (3 ᴘᴄꜱ) $²²炸脆脆蝦膠豆卜, 外層豆卜炸至金黃鬆脆, 內層放有爽口彈牙鮮蝦, 沾上泰式甜辣醬, 開胃惹味。ɢʟᴜᴛɪɴᴏᴜꜱ ʀɪᴄᴇ ᴄᴀᴋᴇ (3ᴘᴄꜱ) $²⁰爆漿紅糖糍粑, 外脆內軟, 中間爆出流心黑糖漿, 味道甜甜的。ʀɪʙᴇɴᴀ ᴡɪᴛʜ ʟᴇᴍᴏɴ ⁽⁺$⁶⁾檸檬利賓納, 清新口感。ʟᴇᴍᴏɴ & ᴘʀᴇꜱᴇᴠᴇʀᴇᴅ ʟᴇᴍᴏɴ ᴄᴏᴋᴇ ⁽⁺$¹²⁾凍龍鳳可樂, 雙重口感顛覆舌尖味蕾, 帶有刺激暢快感。春城銅鍋米線 (尖沙咀)📍尖沙咀厚福街6號地舖
繼續閱讀
呢間米線舖，佢新開張就去幫襯，第一次幫襯食食吓就停電，一路食一路出汗，但係味道都唔錯，跟住都再有幫襯，直到第四次，我平時食開特別辣，不過頭幾次我都係食大辣，味道係完全接受，酸嘅味道唔錯，辣亦都夠辣，所以第四次我就叫特辣，但出嚟嘅效果唔太好，嗰個辣到有啲苦，完全冚過晒嗰個酸辣味，琴晚第五次幫襯，咁就叫返大辣啦！但一食入口味道完全唔同晒！嗰個辣根本係唔好食，啲米線就淋晒，整體嚟講可能轉左師傅，下次俾多次機會，如果唔得就轉返去對面果間米線了
繼續閱讀
已經係第二次食既銅鍋米線，上次試既係旺角分店，今次經過見到尖沙咀都開左分店，就入去試試。位置係厚福街地下，人流相當多，當晚大約晚上8點半，唔洗等位直接可以坐低食，舖頭大約都有6-7成滿，裝潢乾淨企理，用QR code直接落單。《$22 炸脆脆蝦膠豆卜(3粒)》 ⭐️⭐️⭐️⭐️小食可以揀3粒或者5粒，就算一個人黎食都唔洗驚食唔哂。好多人都推薦呢個蝦膠豆卜，賣相都唔差，3粒大大粒，未食已經睇到豆卜入面滿滿既餡料，一D都冇偷工減料。店家配左泰式雞醬，配炸物一流。豆卜炸到卜卜脆，加上入面勁彈形既蝦膠，口感非常特別，鐘意食炸野既朋友絕對不能錯過。《$71 招牌春城銅鍋米線》⭐️⭐️⭐️湯底可以揀清湯或香辣，今次就叫左清湯。同平時既雲南米線一樣，湯底入面包含左肉碎，芽菜，腐皮，酸菜，木耳絲，甜酸菜。就咁睇淨係湯底既料都好足，飲落唔算太味精，好有雲南風味。但肉碎切得稍微大粒，甜酸菜酸中帶甜，幾開胃，但唔知係咪食到舊菜頭，有一舊咬唔開。因為用銅鍋上，保溫效果好好，去到尾都仲係熱辣辣。今次點左紅薯粉，個粉份量都唔少，而且超煙韌，要D牙力先咬得開。本身自選米線包兩個餸，我地就點左蘿白，墨魚丸同香炸豬扒。蘿白有3件，清甜無渣，但煮得唔夠淋。墨魚丸2粒，粉感太重，唔彈牙冇咬口，冇墨魚味。炸豬扒1大塊，幫客人切好左，但望落似煎多過炸，而且豬扒好薄，冇肉汁，但唔算柴。人均消費：$100環境：7/10食物：7/10服務：7/10性價比：7.7/10整體：7.5/10 #香港 #美食 #香港美食 #foodie #食評 #米線 #春城銅鍋米線 #銅鍋米線 #雲南米線#尖沙咀美食 #尖沙咀 #香港 #蝦膠豆卜 #紅薯粉 #炸豬扒 #蘿白 #墨魚丸 #甜酸菜 #腐皮
繼續閱讀
我同朋友一直都有去食春城銅鍋米線旺角分店👍🏻😋食品質素高。價錢平民餐牌選擇又多所以今日特登同朋友搭車出尖沙咀厚福街新開張嘅春城銅鍋米線第二間分店開餐😋我自己每次都係食春城麻辣銅鍋米線，點知今次仲有驚喜係佢哋新加咗我最鍾意食嘅薯粉👍🏻😁薯粉夠彈牙滑捋捋好食。我仲加左餸有秘製雞翼同貢丸。雞翼醃得好好食，雞肉鮮嫩貢丸彈牙肉味夠濃郁👍🏻😋麻辣湯底醒神配埋個銅鍋熱辣辣好開胃🤤真係嘆住冷氣食正👍🏻仲有梗係唔會漏咗我最愛嘅炸脆脆蝦膠豆卜好夠蝦味又彈牙炸到脆卜卜好食到停唔到口🤤朋友叫咗蟲草花椰子雞米線一送到上枱已經聞到好濃郁嘅椰子雞香味👍🏻我即刻試咗一啖湯底夠濃郁好香蟲草花椰子雞香味，仲有紅棗同木耳口感一流👍🏻係春城招牌推介..而家夠方便旺角尖沙咀都有分店方便約朋友去食🤤👍🏻
繼續閱讀
尖沙咀厚福街新開的米線店，咁岩今日家人黎搵我食午餐，所以就一起去試試.同平時食開的連鎖式米線店比，呢間乾淨企理.同行家人叫左蟲草花椰子雞米線（加bb辣），真心覺得個湯係一流，雞肉好滑而我叫左豬扒酸辣米線加豬潤，都好好食（勁足料），湯底唔係味精的味道，同平時食開其他米線店大有不同.兩個人埋單$133….抵食而且份量好足同行的那位家人本身唔係十分喜歡食米線的人，但佢今次食完後竟話下次再黎食👍👍👍
繼續閱讀