影片
營業時間
今日營業
11:00 - 23:00
星期一至日
11:00 - 23:00
以上資料只供參考, 請與餐廳確認詳情
米線控認證🥳 食過好多次 呢間位置超方便😚 依家人潮算少咗啲可以食多啲🌶️❣️招牌豬扒酸酸辣辣銅鍋米線 $55我覺得個銅鍋真係可以保溫啲😛 容量好大收埋好多配料😈 我鍾意佢有好多木耳絲芽菜腐皮同米線好夾‼️酸辣湯我可以叫到中辣 呢度嘅辣幾溫和同埋唔係好油🌶️ 佢嘅酸菜都係啱啱好嘅酸 係好飲嘅湯✨佢嘅豬扒係招牌成隻碟咁大🐷 位置幾靚係近骨有少少脂肪 煎到好香😙 唔夠食仲可以額外加餸💕 之前食過蘿蔔雞肉豬大腸等都OK🫡❣️蟲草花椰子雞米線 $62可以揀唔同嘅面底 呢碗轉咗米粉~ 以及佢都有呢啲健康嘅選擇🤣 就算朋友唔食辣都可以一齊食🙂↕️轉雞髀加$8 佢嘅雞肉係好滑好滑 而且脂肪唔多啖啖肉🐓呢個湯就比較奶香 感覺滋補養生🕊️❣️炸脆脆蝦膠豆卜 $38@5仲可以揀三粒$25 定價好佛心😛 真係炸得靚冇油膩嘅感覺💕 入面嘅蝦膠仲要係有粒粒蝦肉 配上個泰式辣醬好惹味‼️❣️凍檸茶 +$6❣️凍檸水 +$6❣️熱奶茶 +$3嘢飲大杯冇乜挑剔✨ 奶茶比較出色🥳
繼續閱讀
尖沙咀最近開咗呢間新嘅米線舖，入面嘅米線真係用一個銅鍋裝住，好得意！蟲草花椰子雞米線🐔🥥 $ 62呢個椰子雞湯湯底非常濃郁，朋友都忍唔住喺我個碗度拎咗幾啖嚟飲🙈🙈，雞肉嘅份量都幾多，有五六件大大件嘅，對得住呢碗米線嘅價錢～招牌豬扒酸酸辣辣銅鍋米線🌶️ $55佢哋嘅豬扒非常大塊，配埋呢個酸辣湯底非常惹味，難怪呢度嘅點菜姨姨極力推薦！炸脆脆蝦膠豆卜（3粒）🦐 $25呢度嘅小食比起米線更加出色，大家嚟到一定唔可以錯過🤩🤩呢個炸豆卜蝦膠嘅外皮非常之香脆，入面嘅蝦膠非常爽口彈牙，肉眼就見到蝦肉，真正真材實料！
繼續閱讀
#招牌豬扒酸辣米線令人驚喜！銅鍋唔止得意可愛，仲令米線受熱均勻，每條都索滿酸辣湯底🌶️湯底酸得嚟好開胃，辣度又夠溫和，唔會嗆喉，仲有淡淡嘅香料香氣，飲多幾啖都唔會口渴～ 豬扒炸得外脆內嫩，份量十足，咬落去肉汁四溢🐷！小食 #炸脆脆蝦膠豆卜 絕對要試🦐外皮炸到金黃酥脆，咬落去蝦膠彈牙又鮮甜，豆卜吸晒湯汁超入味，點埋少少甜辣醬更加惹味！ 配埋杯凍檸茶🍋，清新解辣，完美平衡酸辣滋味～成個set性價比超高，銅鍋保溫效果好，食到尾都仲係熱辣辣🔥，令人食到停唔到口！
繼續閱讀
喺尖沙咀附近行街見肚餓，想食米線，去左春城銅鍋米線🍜。❤️炸脆脆蝦膠豆卜(5粒)外層炸得十分脆，中間蝦膠口感彈牙。點少少甜酸醬更滋味～😋❤️鹵水牛展雞翼酸菜飯 除左牛展同雞翼重有鹵蛋同菜心，幾豐富。加$6有一杯凍檸檬茶 ，嗌左少冰、少甜。❤️招牌豬扒酸酸辣辣銅鍋米線，揀左BB辣。加$12嗌左一支豆漿。用銅鍋裝米線夠晒熱！勁多酸菜、腐竹、木耳等配菜，十分豐富👍🏻。少少辣刺激食慾不錯👍🏻！豬扒分開上，確保乾身，炸得十分香口。
繼續閱讀
之前屋企樓下有間好鍾意食嘅麻辣米線，佢搬咗去第二區之後已經食唔返嗰個味，一直都好失望想搵返間好食嘅麻辣米線，直到搵到春城，我覺得終於都可以放下心頭大石。喺餐牌上見到佢有蠔仔牛肉紫菜肉碎米線，我隻眼即刻發光，竟然有地方會將我鍾意食嘅嘢放晒喺一碗麻辣米線入面！叫咗少少辣，辣度啱啱好，唔會過辣搶晒啲味，但係又夠香。啲蠔仔仲要好肥美好大隻，入口勁鮮！屋企人叫咗胡椒豬肚雞髀米線，碗湯一放低已經聞到好香嘅胡椒味，我當然唔會執輸拎咗啖湯嚟飲，嘩勁好飲！雞髀仲要勁大隻，勁多肉，我當然唔客氣咁樣會夾咗一舊嚟食，配埋呢個咁香濃嘅湯，就算夏天食都出晒汗都值！不得不提嘅係入邊仲有好多豬肚，呢個價錢有咁嘅份量，真係物超所值。忍唔住，叫咗兩個小食，炸脆脆蝦膠豆卜我個人認為係必叫！佢炸得啱啱好食入口唔會好油膩，蝦膠仲要好彈牙又大粒，真係好好食。紅糖糍粑本身以為冇咩特別，點知佢真係炸到好留心，神奇嘅係就算凍咗都仲係外脆內軟繼續流心，必叫必叫！
繼續閱讀