影片
港鐵尖沙咀/尖東站 N1 出口, 步行約2分鐘
繼續閱讀
電話號碼
21091155
營業時間
今日營業
12:00 - 14:30
18:00 - 22:30
星期一至日
12:00 - 14:30
18:00 - 22:30
以上資料只供參考, 請與餐廳確認詳情
相關文章
由日本福岡縣的資深日籍主廚久家弘打理 融合關東及關西壽喜燒既席前壽喜燒🥰 menu食材 用心設計 好多細節位都做得好好 絕對值得試✨すき焼きセット 壽喜燒套餐 $𝟔𝟖𝟎 - 前菜3品 - · 🫘毛豆豆腐配三文魚籽 ⇾ 𝟖.𝟐/𝟏𝟎· 🌽粟米天婦羅 ⇾ 𝟳.𝟴/𝟏𝟎· 🐥免治雞肉𝐭𝐞𝐫𝐫𝐢𝐧𝐞 ⇾ 𝟖.𝟎𝟓/𝟏𝟎真心覺得3款前菜都做得好好 有啲驚喜 同一般日式料理既前菜唔同其中特別係毛豆豆腐! 帶淡淡明顯毛豆味 食落個豆腐口感多咗豆既綿密 另外粟米天婦羅香脆唔太油膩 炸粉唔多主要為粟米爽脆口感; 最後攪碎咗雞肉整成既terrine味道天然夠濃 加了蔥+芝麻 好吃!- 蒸物 - · 🐟金目鯛 蜆 𝐟𝐭. 高湯青蔥明太子 ⇾ 𝟖.𝟏/𝟏𝟎用咗個3 layer既壺裝住第一層: 高湯汁第二層: 青蔥明太子第三層: 金目鯛 蜆肉 茄子鯛魚勁嫩勁滑又唔腥 蜆肉新鮮漲卜卜 爽彈 好甜! 撈埋青蔥同辣辣地 好raw好夠味既明太子 高湯偏稠味道濃郁 呢款蒸物又係有驚喜 - 𝐀𝟒和牛 壽喜燒 すき焼き 𝟐枚 - · 🥩京都姬牛 黑毛和種 ⇾ 𝟖.𝟏/𝟏𝟎肉味重而嫩滑 脂肪比例未算太多所以未有入口融化既感覺 但口感厚身好柔軟· 🥩滋賀近江牛 香川橄欖牛 ⇾ 𝟕.𝟖𝟓/𝟏𝟎油脂分佈更加豐富 油香比起京都個款更加重 油脂較重食落更加香口 入口更加即化 口感相對更juicy更嫩口牛肉唔會煮得太過熟 壽喜燒醬汁份量剛好唔會太多 鹹甜惹味 𝐦𝐢𝐱埋牛肉脂香 味道昇華 控制得幾好！（和牛未算好高級好靚但𝐨𝐯𝐞𝐫𝐚𝐥𝐥巧吃🤩)· 🥚配料：有2款雞蛋 昆布白飯 4款醬汁 比咗兩種雞蛋做2款唔同蘸汁 （1.將蛋白打至起泡 原粒生蛋黃 2.攪拌好既雞蛋）第一個可以令到牛肉食落更加滑身 第二個蛋白口感細膩 相對上更加新穎 與一般壽喜燒唔一樣 白飯加咗昆布 更加鮮甜更加香四款醬汁 松露醬 柚子醬 沖繩椒絲 𝐖𝐚𝐬𝐚𝐛𝐢松露好香濃好好食 不過就會較搶氣 柚子𝐟𝐫𝐞𝐬𝐡啲 𝐰𝐚𝐬𝐚𝐛𝐢同辣椒絲就係預期中既味~- 日本野菜7品 - · 🥬靜岡縣高糖度蕃茄 山形縣冬菇 小棠菜 椰菜 群馬縣京蔥 豆腐 鳴門卷 ⇾ 𝟔.𝟕/𝟏𝟎整完牛肉就會煮蔬菜 除咗番茄真係好鮮甜之外其他都無咩記憶點 食材新鮮但味道其實都只係壽喜燒汁既味 偏鹹一點 而且豆腐未夠滑身- 昆布飯 ・玉子とじご飯 - · 🍳究極蛋蓋飯 ⇾ 𝟕.𝟕𝟖/𝟏𝟎最後就會將蛋加入牛肉碎粒炒至滑身 再另外打起淨蛋白 放上白飯 製成蛋蓋飯! 蛋香濃郁而且個蛋炒得真係好嫩好滑！唔會太鹹太濃味 即使牛肉存在感不強 都好好食🤤- 甜品- 🍨柚子𝐬𝐨𝐫𝐛𝐞𝐭 𝐟𝐭. 北海道蜜瓜 ⇾ 𝟕.𝟐/𝟏𝟎蜜瓜好甜好好好多汁 配埋酸甜既柚子𝐬𝐨𝐫𝐛𝐞𝐭 食落清新解膩😎更多sukiyaki ➡️#rubikkeating_sukiyaki🏆Sukiyaki推薦排行榜1. Sukiyakiyaすきやき屋 @wanchai2. Sukiyaki Isekuma @tst3. Sukiyaki Moriすき焼 森久 @central4. 日山 Hiyama @tst〃〃〃〃〃〃〃〃〃〃〃〃〃〃〃〃〃〃〃〃〃〃〃〃〃〃〃〃〃〃😋 𝘵𝘢𝘴𝘵𝘦? 𝟖.𝟐𝟓/𝟏𝟎 🥳 𝘦𝘯𝘷𝘪𝘳𝘰𝘯𝘮𝘦𝘯𝘵? 𝟖.𝟐/𝟏𝟎🤑 𝘤𝘱 𝘷𝘢𝘭𝘶𝘦? 𝟖.𝟏/𝟏𝟎🤩 𝘳𝘦𝘷𝘪𝘴𝘪𝘵? 𝟖.𝟓/𝟏𝟎〃〃〃〃〃〃〃〃〃〃〃〃〃〃〃〃〃〃〃〃〃〃〃〃〃〃〃〃〃〃📍𝐒𝐮𝐤𝐢𝐲𝐚𝐤𝐢 𝐈𝐬𝐞𝐤𝐮𝐦𝐚
繼續閱讀
朋友生日考起本豬話想食sukiyaki但唔食牛(＊´д｀)??結果搵到呢間晚餐都有豬！我哋叫咗すき焼きset 楽（$680/位）✧ 前菜3品螢光魷魚+蛋黃醬+菠菜🦑櫻花蝦天婦羅+鹽🍤煎銀鱈魚🐟冇覺得有開胃反而係飽肚作用但擺盤係幾靚🌿🌸啲花真係師傅自己揀✧ 茶碗蒸有蝦、豆腐、蟹肉絲味道ok冇話好特別🍵✧ 野菜7品蕃茄：品種揀得好好 特別甜🍅仲有春菊、菇、燒豆腐、好可愛嘅麵筋✧ 和牛主角牛有兩塊🐮一塊京都姬牛 本豬就覺得marbling未算得上好靚 中間有嚿大肥膏另一塊香川縣橄欖和牛 雄牛 比第一塊香🥩至於醬汁方面做得唔錯但都偏咸 重口味朋友會好鐘意想清新啲/轉換口味嘅話可以再加黑松露醬、柚子、wasabi、辣椒絲附上兩款蛋一款比較富蛋香一款比較滑 仲配咗蛋白值得讚下技術好厲害👩🏻🍳蛋白打起咗咁耐都咁挺身好似綿密細膩嘅雲朵咁好靚☁️✧ 北海道四元豚豬相對牛多好多塊部位就係豬腩同豬肩🐖老寶講為咗滿足朋友要求嚟食豬sukiyaki係ok但味道just right 入口口感同平時打邊爐食豬點壽嘉燒汁差唔多…另外張cert睇相好似幾fancy咁現場睇有少少似平時百佳買肉上面啲label咁lol✧ 蛋白丼飯✧ 甜品柚子味雪芭同蜜瓜記住個次序好重要雖然柚子味雪芭好清新好食🍨但食完先再食蜜瓜真係唔夠甜🍈另外如果同朋友嚟慶生餐廳會準備音樂盒播生日歌仲會幫你影即影即有留念tim～✧ 茶唔夠香同熱..整體不過不失但牛得兩塊嘅情況下真係會對佢期望好高建議大家晏晝嚟食會抵好多牛set $480 豬set $380但晚餐就牛同豬同價$680💸另外環境木系裝修都幾靚如果想坐師傅席前book位時記得remark係counter位唔係table位啊～
繼續閱讀
話說好耐無食壽喜燒, 今晚揀左位於尖沙咀嘅伊勢熊食廚師發辦壽喜燒! 餐廳由日本福岡縣資深日籍主廚久家弘一師傅親自主理, 裝潢非常日式, 以淺木色為主調, 一邊係吧枱設計而另一邊就係卡位, 車車揀左坐係吧枱嘅位置, 可以一邊品嚐美食, 一邊欣賞師傅嘅烹調手藝! ✨️前菜五品前菜有螢光魷魚, 炸櫻花🌸蝦, 西京燒, 北海道帶子鮟鱇魚肝同燒雞串, 5款前菜全部以一口size, 每款各有特色, 其中以北海道帶子鮟鱇魚肝最令車車深刻! 厚厚鮮嫩嘅北海道帶子刺身夾住軟棉creamy嘅鮟鱇魚肝, 口感豐富同時食到兩種截然不同嘅鮮味✨️旬之刺身兩款時令刺身, 肉質鮮嫩肥美, 吞拿魚入口甘香即化, 白身魚外皮經炙燒過, 油香四溢, 配搭車車好中意嘅紫蘇花同食, 令層次感提昇✨️本日一品料理生蠔食得多, 壽喜燒生蠔係第一次試, 師傅先用櫻花木將生蠔進行煙燻, 再用壽喜燒汁慢燒, 半生熟生蠔加上秘製嘅壽喜燒汁, 肉質爽身, 甜甜地帶一點咸味, 沾上wasabi更能刺激味蕾, 令蠔味更突出✨️和牛料理以熱辣辣嘅日本雞湯倒入生牛肉之中, 入口鮮嫩, 雞湯令牛肉甜味更突出✨️和牛A4壽喜燒香川縣橄欖牛用上小豆島橄欖餵飼, 所以雪花分佈平均,食落帶陣陣橄欖香,油脂滿腔~嚟自京都嘅姬牛, 肉質細嫩有彈性, 味道濃郁, 肉汁豐富, 牛舌真係好難忘, 爽彈帶甜, 食落有嚼勁, 完美地吸收哂壽喜燒醬汁, 牛肉均可搭配唔同調味料同食, 例如黑松露／柚子／紅椒／wabasi, 不過車車最愛嘅都係沾蛋液, E到除左有蛋液仲有雲朵雞蛋, 蛋白打成泡沫狀加上蛋汁與牛肉同食, 層次感整豐富, 好滿足! 最邪惡一定係用牛肉包住鵝肝, 上面仲加左黑松露油, 食落口感豐富, 好creamy, 油香係口腔中爆發✨️日本野菜7品有嚟自香川縣菜の花, 山形縣冬菇, 群馬縣京蔥, 京都水菜, 埼玉縣白菜, 京都燒豆腐, 靜岡縣番茄, 櫻花麵筋, 新鮮日本蔬菜吸收哂壽喜燒汁, 食落好juicy好好味!✨️雲朵雲丹蓋飯最後一道菜係蛋白雲朵配上用壽喜燒汁煮成嘅滑蛋, 再加入北海道海膽, 可以單食或用紫菜夾住一齊食, 食落棉密細膩, 啖啖鮮甜海膽配搭嫩滑雞蛋, 完全係一啖接一啖咁食, 好想添飯呢~大滿足!✨️甜品甜品以柚子雪粑，靜岡蜜瓜，紅豆，朱古力羊羹同厥餅作結, 特別喜歡朱古力羊羹, 食落好香濃朱古力味, 軟滑細膩!
繼續閱讀
天寒地凍好想食返啲暖笠笠既野！今日一於食返個豐富午餐暖暖身先～朋友仔極度推介呢間「壽喜燒 伊勢熊」，餐廳座落美食集中地尖沙咀，菜式由來自日本福岡縣既資深日藉主廚 - 久家弘一先生主理，以極上和牛搭配主廚獨門割下（佐料醬汁）配方，創意展示來自日本既席前壽喜燒滋味，一於就同朋友仔歎返餐暖笠笠嘅壽喜燒先！🌟北海道四元豚壽喜燒套餐🌟🔹前菜 - 漬和牛牛蒡 + 涼拌雞皮青瓜-前菜提供兩款小食，兩款都滋味十足！漬和牛牛蒡牛味香濃，搭配甘甜既牛蒡片，令人回味無窮！涼拌雞皮青瓜入口清新，爽脆惹味！🔹北海道四元豚壽喜燒-四元豚名稱源於其飼養過程中四個要素，包括「飲食」、「環境」、「健康管理」和「品種」，由主廚久家弘一先生即席煮制，功架十足，肉質鮮嫩多汁，脂肪分布均勻，肉色紅潤，豚肉味夠晒濃郁，係日本高級豬肉既代表之一！重點係搭配埋蛋黃味超濃郁嘅日本蛋漿，令到肉質更加嫩滑juicy，超推介！！值得一讚係餐廳特別提供嘅四款配料，包括松露醬、柚子皮粒、日本芥末及沖繩椒絲，用嚟搭配豚肉，每一啖食落都有唔同滋味～我就最鍾意柚子皮粒，入口帶點甘香，而且夠晒清新，更能突出豚肉嘅鮮味！🔹茶碗蒸-茶碗蒸用上鮮味十足嘅高湯燉製，入口超滑順，蛋味香濃，下層仲加入蟹籽粒，增強口感！🔹野菜五品款-一共提供五款日本時令蔬菜，包括日本麵筋、菜之花、京都豆腐、平菇及娃娃菜！香甜又濃郁嘅壽喜燒汁完美融入各款野菜，我就最鍾意日本麵筋，索盡四元豚既油脂香及壽喜燒汁，口感煙煙韌韌，啖啖滋味！🔹味噌湯-嘆完咁豐富嘅豚肉壽喜燒後，當然要飲返碗熱辣辣暖笠笠嘅味噌湯，味噌湯加入大量日本大蔥絲，清甜爽脆，飽肚又暖胃！🔹米飯主廚炮製米飯亦十分講究，蓋飯混合左兩款日本米種，包括被譽為北海道米巔峰之作既北海道夢美人米及北海道白鳥古代米，再加入日本昆布煮製，飯粒粒粒分明，散發着淡淡昆布香氣！🔹甜品 - 黑芝麻奶凍自家創作甜品，用上大量黑芝麻炮製出香滑清甜既奶凍，清新又解膩，為呢餐畫上完美既句號！———————————————————餐廳：壽喜燒 伊勢熊地址：尖沙咀棉登徑8號凱譽地下13號舖
繼續閱讀
踏入嚴寒天氣，最啱食熱辣辣嘅美食😬壽喜燒就係一個好選擇❤️今日黎到棉登徑日本料理「壽喜燒 伊勢熊」✨✨餐廳由來自日本福岡縣資深日藉主廚久家弘一先生主理👨🏻🍳以極上和牛搭配主廚獨門割下（佐料醬汁）配方💡美食愛好者們唔洗飛日本🇯🇵都可以享受到席前壽喜燒滋味，體驗親民東瀛料理🥰🥰Menu以來自日本優質和牛作主打食材🥩融會關東及關西壽喜燒料理特色，再配以廚藝團隊對火候控制及食材配搭嘅得心應手👨🏻🍳👩🏻🍳令整體風味平衡有致💯🔹A4和牛壽喜燒套餐見到呢個A4和牛set即刻心心眼😍錫自己多啲，一於叫呢個試吓❤️選用招牌「日本京都姬牛」、「日本香川縣小豆島的橄欖和牛」，更配上日本時令蔬菜🥬🥢京都姬牛🐮即雌性黑毛和牛，油脂融點較雄性和牛低，並以營養豐富澱粉質及蛋白質飼料及天然井水飼養💧成就肉質細嫩帶甜、入口即化之細膩口感，食落肉嫩味濃，肉汁豐富🎉🥢日本香川縣小豆島橄欖和牛🥩小豆島為日本最早培育和牛嘅地方，更是橄欖發祥地🫒當地人因此特別以橄欖果為飼料，用心孕育別具營養價值嘅橄欖和牛🐮在得天獨厚環境下成長嘅和牛口感特別柔軟，肉質細嫩且入口清爽鮮美😋加上大理石雪花分佈平均，帶有獨特脂香，更含豐富營養，絕對令人一試愛上💖🥢日本時令蔬菜🥬有麵筋、娃娃菜、平菇、菜之花、京都豆腐等，索滿香醇醬汁，入口特別鮮甜👏🏻🥢前菜涼拌雞皮青瓜🥒入口輕盈清新漬牛肉牛蒡🥠香濃入味🥢白飯混合兩款日本米種，包括被譽為北海道米巔峰之作嘅北海道夢美人米及北海道白鳥古代米，更特別加入昆布煮制而成🍚 黏性、甜味強，口感有嚼勁。🥢四款醬汁有齊松露醬、柚子醬、Wasabi及沖繩椒絲，每一款都同和牛好夾，提升味道層次😍🥢茶碗蒸加入高湯烹煮，特別滑嫩細緻，配以蝦肉、海鮮等材料，鮮味十足🌟🥢味噌湯凍冰冰天氣飲番碗暖笠笠嘅麵豉湯，成個人都暖晒🔥🥢甜品自家製黑芝麻奶凍，黑芝麻味道相當突出，濃香細滑，面頭仲有黑蜜，啖啖香甜滋味💖壽喜燒 伊勢熊✨📍九龍尖沙咀棉登徑8號凱譽地下13號
繼續閱讀