294
10
13
港鐵調景嶺站 A1 出口, 步行約5分鐘
繼續閱讀
電話號碼
25060428
營業時間
今日營業
07:00 - 16:00
18:00 - 22:00
星期一至日
07:00 - 16:00
18:00 - 22:00
以上資料只供參考, 請與餐廳確認詳情
食家推介
調景嶺區臥虎藏龍，隱藏了一間別樹一格、重新演繹傳統粵菜的新派飯館。飯館的整體風格以老香港情懷為主題，近門口的位置佈置成大排檔的模樣，一盞盞的街市紅A罩燈高高掛，跟深綠色的鐵皮攤檔，相互輝映；內裡設有同樣是深綠色的電車卡座。飯館裡裡外外都使用綠白色磚牆，是經典的舊式冰室裝潢。牆身錶框的電影海報，乃參照本地著名電影演員而創作的插畫，介紹飯館的特別菜式，盞鬼有趣。爆膏奶油蝦爆膏奶油蝦係全新限定菜式, 一上枱聞到奶油味好香，大頭蝦充滿甘香的橙色蝦膏。椒鹽瀬尿蝦充滿避風塘風味的瀨尿蝦,椒鹽調味令蝦肉咸香微辣,食落非常惹味。金沙鬼馬百花釀油條呢款菜式係小神燈招牌菜,廚師用上蝦膠去釀,外皮包滿鹹蛋黃炸至金黃色,入口好脆又有彈牙的蝦膠和濃郁的鹹蛋黃味,口感認真豐富。沙薑焗海花螺廚師用沙薑焗海花螺,有創意,效果有意想不到的口味,海花螺食落彈牙，沙薑惹味。香芋布丁布丁有香濃既奶味同懷舊既香芋, 唔會太甜, 入口順滑，好好味，所以食左兩個。椰汁椰果爆珠仙草清甜的椰汁椰果,大大粒的爆珠入口軟糯,仙草口感較淋滑,一個糖水有幾種口感。
繼續閱讀
今日嚟到調景嶺食飯，呢度嘅商場好似唔多嘢食，唯一一個吸引的就係呢間小神燈。餐廳入邊環境非常之特別，雖然係大排檔中餐館，但係裝修非常有心思。呢度有勁多菜式選擇，真係諗得到嘅都有。菠蘿咕嚕肉外皮酥脆，內裡鮮嫩多汁，酸甜醬汁更係菠蘿咕嚕肉嘅靈魂，令人食完想再食。沙薑焗海花螺嘅肉質鮮嫩，沙薑醬嘅醬汁又蔥味，估唔到依個組合咁特別。用住竹籤撩出嚟更加有大排檔風味。金沙鬼馬百花釀油條係一個好有創意嘅菜式，其實係將油炸鬼切開，釀入墨魚滑再鋪滿鹹蛋醬落油鑊炸。真係勁惹味，好想問餐廳有冇一包裝買。椒鹽瀬尿蝦嘅椒鹽味道非常香口，令到我本身唔係好大興趣嘅，都越食越上癮。爆膏奶油蝦嘅大蝦鮮甜彈牙，奶油汁嘅味道香滑濃郁，重點係蝦頭嘅膏真係一口爆發出嚟，非常鮮甜。奇趣脆皮豬手炸得皮脆肉嫩，估唔到嘅係豬手嘅皮爽脆得來，肉質可以保持腍滑，我覺得比起西餐廳煮嘅德國豬手仲更加好味。本身以為調景嶺冇野好食，但好彩畀我搵到依間小神燈。
繼續閱讀
本身想去西貢嗰邊食海鮮，不過天氣太凍，見到附近有一間好多街坊都幫襯嘅餐廳，口碑都唔錯，就決定入去試一試。🛎爆膏奶油蝦 $138呢碟餸用咗出名多膏嘅大頭蝦，啲膏係誇張到一剝個蝦頭就流曬出黎，結果都忍唔住叫咗個白飯去撈汁食。佢唔止個頭大，身嗰度都好多肉，而且用奶油炒得一流，好耐都冇食過咁好食嘅炒蝦。🛎沙薑焗海花螺 $128首先啲海螺揀得好好，冇砂石冇腥味，肉質亦都好肥美。沙薑汁翼都調到恰到好處，少少辣味醒胃之餘，亦都可以帶出海鮮嘅鮮味。🛎椒鹽瀨尿蝦 $168呢度餸可以話係好經典嘅海鮮，好容易就會同其他餐廳作出比較。雖然呢度嘅瀨尿蝦唔算最大隻，但係每隻都好新鮮，外殼十分之薄亦都炸到十分之鬆脆，啱曬鍾意連殼食嘅朋友。🛎金沙鬼馬百花釀油條 $98如果要作一個比喻，呢個就好似係一個中式蝦多士。油炸鬼上面釀滿咗煙韌彈牙嘅蝦滑，外面再鋪上一層香濃嘅鹹蛋黃金沙，口感豐富之餘亦都充滿蛋黃香味，鍾意鹹蛋黃嘅朋友一定唔可以錯過。🛎蟹肉菠菜豆腐盒 $128自家製嘅豆腐混入咗菠菜造成嘅豆腐盒，然後將外皮炸到金黃色，口感外脆內軟。最令人驚喜係個芡汁，用料十足，係見到入面有大量嘅蟹肉同蟹子，好似食緊賽螃蟹咁樣。香炸豆腐配上一流嘅芡汁，係一個完美配搭。🌐 環境/服務餐廳用電子系統落餐，十分方便快捷。問樓面嘅姐姐有啲咩好餸介紹，佢哋都好用心回答。最重點就係食海鮮好容易搞到手好污糟，不過餐廳就好用心咁提供咗大量嘅濕紙巾，同埋竹籤去食田螺，而樓面姐姐亦都好常幫我哋更換擺滿外殼嘅碟，服務態度十分殷勤。如果有朋友想喺將軍澳區附近食海鮮，呢間餐廳係一個好好嘅選擇。
繼續閱讀
今日嚟到位於調景嶺嘅哩間懷舊港式餐廳。餐廳環境勁有特色，行懷舊大排檔風格，勁多70-80年代嘅佈置，超適合打卡📸餐廳而家推出咗小神燈一周年期間限定秘製餐牌，逢星期一至星期五先有架～🍵晚市茗茶 $13/位🔺餐前小食（醃蘿蔔） $15/碟🔸爆膏奶油蝦 $138哩個真係不得了❗️啲蝦勁大隻，而且蝦頭係滿滿嘅蝦膏，好香，送飯一流，而蝦肉爽彈，非常新鮮，帶有奶油香，絕對係好食推介👍🏻🔸椒鹽瀬尿蝦 $168瀨尿蝦被椒鹽覆蓋住，調味相當出色，食落鹹香惹味，令人忍唔住一隻接一隻咁食，亦食得出非常新鮮，同樣係好食推介👍🏻🔸金沙鬼馬百花釀油條 $98油炸鬼被鹹蛋黃包裹住，入口係滿滿嘅鹹蛋黃蛋香，油條炸得香脆，夠晒香口～🔸沙薑焗海花螺 $128絕對係一道出色嘅送酒小食，沙薑味道好突出，而海花螺肉質爽彈，亦夠晒新鮮，店員仲好細心地提供竹籤～🔸蒜蓉粉絲蒸元貝 $128元貝全部都大大隻，而且非常新鮮，上面加上粉絲、蒜蓉同蔥花，真係絕配，我自己就好鍾意拎啲粉絲嚟送飯，真係一流😆
繼續閱讀
【西貢區】【小神燈新派飯館】經過呢頭都好幾次，但係一直都冇機會入去食嘢，今次終於的起心肝、鼓起勇氣入去食嘢。一向存在感都極低嘅我，見到係 QR Code 落單就心情舒暢，但係飲茶嚟講冇人幫手開茶位都係證明到我確實係存在感低，唔係亂吹。仲睇緊 menu 時突然進入下午茶時段，攪到我都措手不及，不過重新快速擬定作戰方略都係我嘅強項嚟。所以各 $13.8 嘅「經典魚翅餃」同「家鄉鹹水角」就係因此而叫嘅嘢，味道正常但幾抵食，十零蚊碟點心仲去邊度搵呀。之後到 $28 嘅「懷舊棉花雞」，近年雞扎少咗落魚肚之後唔錯嘅替代選擇，好味。而 $29 嘅「小神燈蝦餃」就好普通，可叫可不叫。仲叫咗 $29 嘅「懷舊瑤柱灌湯餃」，呢個要自己飲茶先敢叫，費事要人夾錢，味道都可以嘅。跟住 $25 嘅「懷舊麻蓉包」都係近年少咗茶樓整嘅點心嚟，幾好。下午茶茶位 $10 一位，我叫咗壽眉，好飲。呢度係有加一嘅，不過由於係下午茶時段，我一條友食咁多嘢都只係 $164 落樓，我覺得一啲都唔貴呀，幾抵添。。。（地址：將軍澳調景嶺彩明街1號彩明商場2樓251-252號舖）#1amfoodie #foodie #hkfoodie #thatfoodiething #hkfood #food #instafood #yummy #foodlover #delicious #foodies #tasty #globaleats #tastyfood #foodpics #followforfollowback #love #eat #1am西貢區 #調景嶺 #小神燈新派飯館 #彩明商場 #飲茶 #經典魚翅餃 #家鄉鹹水角 #懷舊棉花雞 #小神燈蝦餃 #懷舊瑤柱灌湯餃 #懷舊麻蓉包 #下午茶 #壽眉 #1am1227 #1ambackup
繼續閱讀