影片
以上資料只供參考, 請與餐廳確認詳情
招牌菜
每年秋季, 秋刀魚的當造季節, 我們例必大快朵頤, 酒友之聚也真樂也融融.每年我們都有為秋刀之季而聚, 轉眼到這裡已經兩年, 這裡有差不多全秋刀的菜單. 多蒙友人與餐廳老闆昌哥的配合, 促成了這兩年的歡聚.進入正餐前, 循例都會有些小吃 -- 枝豆與雞泡魚乾. 前菜沒有什麼好評論, 而自己亦對雞泡魚乾無特別喜好, 更覺一般做來都是太硬.開始先是三道前食:接下來便是主角的三食:先是秋刀魚剌身, 肉質肥美, 季節限定.再來秋刀魚壽司, 肉感一流, 可惜壽司的醋香差了點.這個是秋刀魚醡漬壽司, 即用醋將秋刀醃後做成壽司, 反而魚鮮味更足.實此店是以串燒拿手, 故後續過場必要試:煙肉車厘茄串燒, 串燒之基本, 亦不會太差.這個豬軟骨反而更見驚喜, 嚼勁十足, 有如台式的香酥脆骨般脆.串燒牛舌, 牛舌我愛吃厚切的.日式串燒當有燒鳥, 詰個雞翼, 中規中矩吧!串燒過後, 回到了秋刀的主食:這是秋刀魚燒飯團, 個人愛吃燒飯團, 要燒得外脆內軟. 而且混入秋刀魚後, 味道更香. 複雜感高了一個層次, 多吃幾個不錯呀!最後有的是秋刀魚紀州煮 -- 可是這個紀州煮比較甜了一點.總結整體是一個不錯的菜單, 而且季節限定, 來貨用料亦十足. 不過需提前預訂, 基本上這餐店給我的感覺是提前訂下菜式, 出來的效果較好. 然而, 串燒之物可考慮作餐中的點絀, 效果亦佳. 順帶一提, 店內有自釀的梅酒, 女士們一試無妨.
繼續閱讀
是日同朋友黎天后食野，其實一心係想去旁邊的瀰月屋，但甜品前總要食個晚飯，朋友又鍾意日本菜，所以就同朋友黎到旁邊呢間酒樂亭啦。我地黎既時間實在太早，所以都無咩客人，入到去只有兩個客人，平日唔訂檯睇黎都無咩大問題~ 環境比較陰暗，但唔算好迫夾，而且無咩人又唔會太嘈，都可以的。我一向鍾意食雞泡魚乾，見呢度有又叫黎食下，不過呢度既整得唔係太好食。首先佢切得太幼... 夾都唔係好夾到，另外亦都太乾身，真係少少水份都無咁，而且味道亦偏淡，總括我覺得唔好食。><另外叫左雜錦魚生太卷，其實真係一般太卷既外貌，但內裡材料變左係三文魚等魚生，嗯... 我都唔係好識形容，唔難食，但亦唔算太特別既感覺，不過D魚生感覺都新鮮，OK的。朋友想食煙肉蠔卷所以叫左，煙肉燒得幾脆和香口，蠔亦帶有少少鮮味，不過食落真係覺得好多油呀。整晚最好食就覺得係香蔥吞拿魚腩飯，吞拿魚腩份量幾多而且亦夠香，加上點點香蔥食落更有鮮味，再配幾件香甜既玉子係唔錯的~ 食完呢個就飽哂啦。是晚飲飲食食同朋友傾計過左一個唔錯既夜晚，之後就出發去隔離既瀰月屋啦。不過個人覺得呢度食物一般，未必有下次啦。
繼續閱讀
19-1-2010除了大戶屋 (http://www.openrice.com/restaurant/commentdetail.htm?commentid=2028298), 魚一丁 (http://www.openrice.com/restaurant/commentdetail.htm?commentid=2032278) 或各式拉麵烏冬店 (e.g. http://www.openrice.com/restaurant/commentdetail.htm?commentid=1866291), 夜晚好少去日本餐廳, 呢日 9:xx pm 到天后碰運氣, 見呢度唔貴, 格局又唔算太港式, 試試吧. 一人各自叫了一份「晚市定食」, 另加兩款燒物 share 食; 仲有一客 promotion 中的 $20 牡丹蝦刺身, 我食. 先嚟鹽燒牛舌: 熱辣, 乾身, 鹹香度夠, 不過食落韌了少少, 可以更好.再嚟我的「鹽燒鯖魚定食」, 跟漬蘿白, 味噌湯及白飯:- 味噌湯夠味, 但太鹹了, 又有點「沖粉」feel, 飲了幾啖還是放棄.- 白飯唔係珍珠米, 煮得乾身煙韌, 不過欠了點米香, 可惜.- 鯖魚燒晒 d 油出來 , 皮薄脆, 魚肉亦唔柴唔硬, 不過唔多「鹽」燒, 食落魚油香亦唔突出, 蘸點酸汁好食好多! 不過燒鯖魚永遠都係穩陣之選, 呢度的都 ok 吧.朋友食「壽司定食」, 跟漬蘿白及湯烏冬:- 壽司當中只試了一隻甜蝦, 新鮮度不錯, 食落爽身帶甜, 又不錯喎.- 亦試了少少湯烏冬, 清湯底味道較淡, 烏冬就腍 bad bad 又帶點「變酸」的味道, 唔係好掂.... 鵝肝釀雞翼: 雞翼已去骨, 燒得皮薄脆肉嫩滑, 但點解有雪味的? 「鵝肝」就完全無影,「國王的 chicken wing」? 牡丹蝦刺身: 貪玩叫的, 但又好爽好甜, 質素出奇地不錯喎 可惜無得炸蝦頭啦.連加一埋單每人約 $165, 食物 ok, 感覺亦係幾有心的一間店, 可以一試的.
繼續閱讀
本來打算去對面附近食串燒, 由於無訂位加態度不佳, 轉來這間酒樂亭...一入門口感覺不妙, 人手好像不足, 一服務生, 兩壽司吧, 兩廚房, 已經打了個折扣...誰不知無論刺身串燒燒物炸物出乎意料地好!!節雜錦刺身：有三文魚, 吞拿魚, 油甘魚, 鱆紅魚, 赤貝, 希靈魚, 蝦串燒：牛舌, 銀杏, 雞皮, 雞腎, 鵪鶉蛋, 大葱雞肉燒物：燒鯖魚, 燒飯團炸物：吉列蝦, 炸豆腐基本上所有食物都水準之上, 上菜快, 價錢合理!絕對會再光顧
繼續閱讀
今趟又回到天后一帶「覓食」，走過兩三間食店也不合眼緣，突然被酒樂亭門外的日本清酒招紙吸引了，決定一試吧。小店為一般傳統日式居酒屋格局，除門外貼滿不同的日本清酒招紙外，店內亦放滿不同的日本清酒。此店地方較小，除 sushi bar 前可坐四至五位客人外，一般座位就只有約十個；但原來在走廊盡頭，還有一間獨立小房，這次我們就在此小房享用這頓豐富日本餐。說說食物吧．．． 季節雜錦刺身：有三文、吞拿、油甘、鱆紅、赤貝及鮮帶子。質素意想不到地高，非常新鮮美味。 牡丹蝦及海膽刺身：牡丹蝦有特價，所以一試。蝦很大隻很肥美，鮮甜可口。 海膽也新鮮，但不算太突出。 特上雜錦壽司：就是雜錦刺身的壽司版本，不用多作介紹。 雜錦魚生太卷：就是普通太卷，換上了三文魚、吞拿魚及海膽等配料，很有創意，亦很美味。 燒牛舌：份量十足，有如牛扒一般。但卻燒得不夠乾身，類似焗出來的口感。 燒雞中翼：燒得香脆，雞肉卻很嫩，不錯。 麵鼓雞翼及 kimchi 雞翼：前者頗甜，後都少辣，但也不夠原味般好，有少許畫蛇添足的感覺。 燒白鱔：肉厚肥美，但仍是不夠乾身，有待改善。 煙肉蠔卷：生蠔被煙肉緊緊包著，煙肉被燒得香脆，但蠔卻完全沒有一點燒烤口味，浪費了。 燒牛肋骨：味道不錯，但不知是否燒烤完太熱不能切開，所以上檯時已經涼了。吃爐端燒如果不夠熱，無論味道再好也會大打折扣吧。 燒日本蕃薯：很有燴蕃薯口感，很好。 燒飯團：外層燒得很香脆，像脆口小吃一般，味道中等吧。整體而言，刺身壽司的質素遠比爐端燒為佳；但作為居酒屋，理應偏重爐端燒等佐酒小吃吧。這令小弟想起兩天前到另外一間日本料理店，炸物及燒烤反過來比刺身壽司優勝。此兩店就像大家錯配了一樣！
繼續閱讀