影片
營業時間
今日營業
11:30 - 15:30
17:30 - 21:30
星期一至日
11:30 - 15:30
17:30 - 21:30
公眾假期
11:30 - 15:30
17:30 - 21:30
公眾假期前夕
11:30 - 15:30
17:30 - 21:30
以上資料只供參考, 請與餐廳確認詳情
有關獎賞計劃
相關文章
99生日佢揀咗呢度食飯慶祝生日🎂首先要講嘅係佢嘅排隊等位問題， 我同我先生都幾嬲下 由開業至今佢都好多人排隊，但係唔明白點解開業幾個月仲係咁混亂🤔 明明入面有枱都唔肯畀人入根本唔知咩玩法😅 由六點幾等到八點幾先有得入座， 講真如果唔係約咗佢我都應該會即刻就去食第二間唔會幫襯開頭一定要齊人先可以安排入座，但係有啲又可以過半數到，已經可以安排入座，情況好混亂😵💫入咗座枱之後，又迫又細，張枱擺两碟嘢都無位，然後冷氣到頭吹，吹到頭痛，係餐廳想開大啲冷氣等客人覺得好吹頭， 然後埋單走人，博嚟多兩輪生意？？ 我明餐廳都有加裝到啲檔板，但係塊擋板太細，根本微不足道擋唔到風🌬🌬🌬呢間食淮揚菜嘅餐廳都算中高價位嘅收費，但係服務水平同普通酒樓毫無分別 可能係我奄尖挑剔，我覺得比一般酒樓更加差，可能人手不足， 聘請太多炒散員工嘅關係。。。首先茶壺太細，倒三杯水已經無水， 揭起個茶壺蓋超過15分鐘都冇人沖水，放低嘢食或茶隻手非常重手，亦都冇介紹呢啲係咩菜式或者比較新奇菜式嘅食法係點樣，大力擺低就轉頭走🙄最過份嘅係個侍應問都唔問，就拉走人哋張凳， 張櫈暫時無人坐，唔代表張凳之後無人用，我真係好懷疑呢間餐廳除咗門口個知客外，其他侍應應該係啞架🤫間餐廳仲要不斷地响喺度播啲上海懷舊老歌“我等着你回來。。。我等着你回來。。。” 好似陰風陣陣咁（ 冷氣開得好大），加上客人好多，好嘈，好似招魂咁樣， 根本完全聽唔到隔離嗰個人講乜😅 究竟呢個點食呢🤔完全唔知火腿夾包👉完全同屋企樓下麵包店賣，五蚊一個火腿包冇分別至於嗰碗蓮子就有小小酒釀嘅感覺😅小小酒味🍶小小甜脆煎灌湯小籠包👉 我覺得小籠包有汁水，但唔夠皮薄，食落完全唔脆完全feel唔到呢個小籠包有煎過鐵板灌湯生煎包同大上海牛肉餅👉都有共同嘅問題， 雖然汁水好多，但係肉餡唔夠，食起嚟有啲生殼， 好似皮雲皮餡雲餡甘，同埋都煎得幾窿下😅 其實條銀絲卷喺另一邊都有一半以上係窿嘅😅呢個宋嫂魚羹👉 同出面街嘅碗仔翅係冇分別😂😂 完全食唔到魚嘅鮮甜味， 同埋唔知點解係酸嘅（ 因為之前喺其他舖頭食過唔係咁，所以覺得有啲奇怪）松鼠桂魚👉 個孫甜味整得恰到好處， 酸酸甜甜好開胃 但係敗筆係條魚 唔知點解條魚炸得唔通透，唔脆口，加上條魚完全無鮮味，啲魚肉係鞋口嘅，明顯食材唔新鮮同埋overcook😪如果你完全唔睇個menu📖係完全唔知呢度係咩嚟嘅，食落口甜甜地， 一夾就成堆配菜-蔥😅睇咗menu之後先發現係蝦子蔥燒海蔘，海蔘得過幾舊但係成蝶嘢完全搵唔到蝦子究竟啲蝦子去咗邊呢🤔真係要問下蝦子游咗去邊嗱😂 唔通佢孵化咗食為蔥😅成餐比較好食嘅就係呢個荔枝蝦球同紅燒牛肉麵 荔枝蝦球👉 造型好逼真，入面啲蝦滑真係彈牙嘅紅燒牛肉麵👉麵質ok，未至於彈牙， 牛肉都算幾淋，無揸最後5個人12xx埋單💰我覺得Cp值唔高，如果行過完全唔使排隊嘅可以一試，但係如果要排隊嘅呢間嘢真係完全唔值🤬可以講普通一間酒樓都好整得好食過佢🤭加上環境同服務都唔係太理想，我覺得比得呢個價錢，有更好同更多嘅選擇
繼續閱讀
環境唔錯，裝修古色古香，有種中國傳統既味道！位置都唔少，仲有圓枱提供，多人既一家人就可以一圍過，唔洗分枱坐👍🏻1. 麻醬雞絲粉皮 $68永冇失敗既麻醬雞絲粉皮, 味道正常, 麻醬都幾香, 不過雞絲份量真心唔多, 粉皮同青瓜絲份量正常啦! 2. 女兒紅醉雞 $88醉雞都幾入味，酒香都濃郁，但份量唔多，雞肉以雞胸為主，啱晒健康/keep fit人士😀3. 菜肉餛飩拉麵 $78餛飩都幾大粒，有5粒左右🤔清湯…比較清淡，想清清地，唔想咁濃味既朋友就啱晒啦！麵既份量唔算多。4. 招牌糯米炒青蟹$438青蟹都幾大隻，糯米飯炒得都幾香，不過略嫌唔夠乾身，糯米有啲散開，同埋比較漿口。糯米飯會有啲蟹殼碎，所以食既時候都要小心啲。(未計加一服務費)利申：並冇任何試食活動/優惠！全部正價！(按餐廳MENU上價格付款)
繼續閱讀
11點半walk in唔洗等位，入面好寬敞，食食吓都開始坐滿人，qr code落單夠直接方便，店員好多可以密密幫我哋換茶😂🤣。上海小龍包，皮薄入面仲keep到有湯頭夠曬鮮甜，放上匙羹上面，篤穿個底，流晒啲湯出嚟，先飲湯，再點喼汁，滿足。上海煙燻脆皮雞，雞皮脆，加上飄來淡淡煙熏味道，肉質嫩滑，雞脂四射，垂涎三尺。地點:位於圍方商場3樓，食完可以行商場，又可以儲MTR商場分。環境:上海建築特色，木系嘅裝修加上中式古風嘅設計。
繼續閱讀
身為上海人特意前來一試，結果與期望相差甚遠。熏魚尤為難食，和熏魚根本不沾邊，就是炸過的糖醋魚。生煎包的皮非常厚，湯汁近乎沒有，每口都感覺像在吃面粉。酒釀圓子裡竟然放橙子，究竟是哪個天才想出來的？總之非常失望。
繼續閱讀
昨晚聯同三五知己去到大圍車公廟路圍方閒逛揾食，遠處看見一間食市門外擠滿了輪候等位的客人，原來是‘’家上海‘’，想必這間食市一定有其吸引之處，於是就決定一嘗這間菜館的美食，結果等了差不多一個小時，終於可以入座了。鎮江官肴蹄（水晶肴肉）$88這是一個冷盤，肴肉有微微的鹹香味，再加上少許醋，提升了肴肉的香味。蜜汁脆鱔 $98這道菜我就覺得一般，鱔炸得太脆，好像是炸魚皮，沒有鱔肉的口感和香味，而且這個酸甜汁太濃味。鹹肉火腿津白 $88這道菜有火腿、津白和草菰。火腿的鹹香味滲透在津白裏，再加上鮮甜的濃湯掛滿了津白上，提升了津白的香味。鐵板灌湯三煎包 （四件）$58熱辣辣的鐵板灌湯三煎包端出來香味四散，食落包裏的免治豬肉和爆出香濃的湯滿佈口腔裏，軟軟的包身再加上微脆已煎香的包底，層次感十足。上海粗炒 $98這道菜有上海麵、木耳絲、冬菇絲、椰菜和白菜仔。上海麵、木耳絲和冬菇絲吸收了醬汁的味道，椰菜和白菜仔夠鮮嫩爽脆，整碟菜炒得夠入味和乾身，不油又不膩，十分好味。流心奶黃千層酥 （三件）$52千層酥食落十分脆口，再加上酥皮裏包裹著香甜的奶黃醬流進口腔裏，豐富了我的味蕾，滋味無窮。
繼續閱讀