影片
以上資料只供參考, 請與餐廳確認詳情
今日係圍方食晚飯，揀咗呢間上陽樓試吓。環境裝修都唔錯，幾好坐。叫咗幾個小菜梅菜扣肉煲、南乳粗齋煲、香茅醬炒牛肉。梅菜扣肉煲堪稱「家常宴客雙絕」。它既有宴席菜的隆重感，也深植於尋常人家的爐台煙火。呢度嘅梅菜扣肉做得非常正宗，經過「扣」的工藝令肉經蒸燉後倒扣定型，油脂與醬汁層層滲透，梅菜的鹹甜與五花肉的豐足在高溫中交融，最終凝成一盅「肥而不膩、瘦而不柴」的極致口感。當筷子戳破酥皮，琥珀色的油脂緩緩滲入米飯時，方懂得何為「至味在人間」。南乳粗齋煲呢道家常菜，它以「粗」為名，卻以「精」為魂。粗選食材的樸實與南乳醬香的深邃，碰撞出獨特的味覺哲學。，大白菜、腐竹、冬菇等尋常食材，經南乳醬汁的點化，竟能昇華為一鍋鹹鮮交融的豐盛滋味。除咗腐竹之外仲加入甜竹，它是沉澱在鑊底的豆漿製的腐竹，因為集合了黃豆的糖分而特別深色、味道相對較甜。再加上紅棗，令成個煲有鹹有甜，味道特別複雜。香茅醬野菌炒牛肉，呢道新派菜將香茅的辛烈、野菌的山野幽香，牛肉的脂香則如絲綢般裹住在味蕾。將本身小炒嘅鑊氣油膩感，帶嚟一點清新。
繼續閱讀
想不到圍方開了一間那麼美的中菜，非常適合和家人一起食的，環境非常舒服。店員服務很好，會一直幫忙加茶，而且很盡責把碗碟收拾。今天晚上點了一個二人晚餐$688，菜的份量非常足夠二人食用：涼拌椒香鮑魚 🌶️Chilled Abalone, Spicy Sauce 這個頭盤非常惹味，藤椒味不會太搶但非常香，有萵筍把藤椒汁吸滿滿，鮑魚非常有咬口而且很新鮮。野生冷菌燉花雞湯 🍲 🍄🟫 🐓 Mushroom Chicken Soup雞湯用料非常豐富，雞湯精華不膩，原汁原味，而冷菌很新鮮而且營養多。豉汁蒸爽鱔 Steamed Eel, Preserved Bean Paste一上菜已經聞到香香的豉汁味道，爽鱔肉質鮮甜很爽脆，另外豉汁調得剛剛好，一定要配白飯啊！魚湯鮮竹菜苗浸魚腐 🥬Poached Fish Dumpling, Bean Curd Sheet ,Fish Broth所有菜及魚腐全部都能夠在魚湯吸收，魚湯做得很鮮味，魚湯是這個菜的精華，另外魚腐一吃就已經爆汁了。脆皮妙齡乳鴿🦆Roasted Crispy Baby Pigeon即點即炸，外皮炸至金黄色，吃起來是皮酥肉嫩，不會吃到油油的口感。金稻銀苗（白飯🍚）甜甜蜜蜜 （紅豆沙🫘Sweet Red Bean Soup）最後上了紅豆沙作結尾，剛剛好，非常滿足的結尾。
繼續閱讀
今次我出去同屋企人食飯，同佢地食，最好就梗係中菜啦，始終老一輩都鐘意食呢類野食，我地就去左大圍既圍方入面食，呢個商場好新，呢間餐廳都一樣好新又靚😁餐廳坐位環境好舒服，比起一般酒樓更高級，員工態度都好友善，我帶埋BB去，都有問我地要唔要BB櫈，又同我地講邊個位係風口，等我地安頓好BB唔好吹親，好抵讚👍🏻2人套餐（原價$888）優惠價（$638）我地3個人食，但見到呢個2人餐勁豐富，我地先叫左個2人餐再另外叫碟菜就fit曬😛涼拌海蜇前菜可以揀皮蛋或者海蜇，我地揀左海蜇，佢比較大條，幾爽又彈牙😉花旗參燉竹絲雞湯呢個餐有個燉湯飲，夠足料同入味🫕豉汁蒸爽鱔魚可以揀斑頭腩煲或者蒸鱔，我地揀左蒸鱔，d鱔大大件好肥美，個豉汁又夠入味🐟芋頭油鴨臘味煲呢個煲真係出色，佢個汁係d溶左既芋頭汁，當然唔少得就係芋頭件，煲得夠淋，臘味放入去又唔會太膩，份量又多，用黎撈飯勁好食😍脆皮妙齡乳鴿乳鴿名乎其實，夠脆皮，而且肉質好嫩😋魚湯鮮腐竹菜苗浸魚腐（$158）我地另外再叫左碟菜，菜苗可以自己揀菜，我地揀左白菜仔，d菜幾新鮮，腐竹同魚腐吸曬個湯，好正🥬芝麻卷芝麻卷係餐包埋既甜品，芝麻味香濃，味道唔會太甜，唔錯☺️紅豆沙甜品除左送芝麻卷，仲有紅豆沙，質素比一般酒樓送既好😙呢個2人餐我覺得3個人食都夠，除左湯同飯唔夠分之外，食物質素都好好，而且坐得舒服，我屋企人都食得好滿意👏🏻
繼續閱讀
上陽樓取名靈感自皇帝御膳房，淡綠色為主調，帶一股高雅的氣息。樓底極高，清麗、簡樸的壁畫，令人想起清明上河圖。寬敞沙發座椅，增添了空間的柔和感，風雅脫俗，擺碟優雅別緻，佳餚令人胃口大開。兩人套餐 優惠價$638涼拌海蜇海蜇質感爽口、帶嚼勁，搭配酸醋醬汁，口感滑嫩而鮮味，加上清新的青瓜粒，喚醒味蕾。花旗參燉竹絲雞湯熱湯清徹味濃，用料十足，竹絲雞燉至綿軟、鮮嫩，花旗參的香氣，溫暖人心。湯頭鮮甜，加上鮮味的元貝，養顏又滋補。豉汁蒸爽鱔蒸鱔肉質札實、富彈性，豉汁的鹹香完美滲透其中，讓人欲罷不能。肥美肉厚，十分惹味。芋頭油鴨臘味煲香噴噴的油鴨煲，飄來香氣，油鴨與臘味的香氣交融，色香味俱全。以芋頭來燜臘鴨，芋頭可以吸收臘鴨的鹹香味道，油鴨香氣四溢，芋頭綿軟細滑，加上椰汁調味，送飯一流，暖笠笠的感覺。脆皮妙齡乳鴿乳鴿新鮮香炸，外皮金黃微脆，內裡肉嫰多汁，豐潤的肉汁散發，令人回味。甜甜蜜蜜震騰騰的杞子桂花糕，口感Q彈，淡淡桂花清香，口感清爽冰涼。椰汁喳咋入口香甜、綿密，啖啖粉綿的紅腰豆、紅花豆、綠豆，椰味濃厚誘人，完成豐富的一餐。
繼續閱讀
重要事要先講！！住附近嘅街坊留意喇！！早市同茶市75折呀！係75折呀！！平日11:45am前埋單就得喇，其實唔算好早👍🏻茶市係2pm至4pm。其實我冇留意，同一個星期飲咗兩次都miss咗，宜家知道就下次會提早少少喇😅合拼兩次寫啦，午市點心水準穩定，彩虹鮮蝦餃、蟹籽乾蒸燒賣、紫米脆網鮮蝦腸粉顏色搶眼，鮮蝦彈牙。鮑魚竹笙灌湯餃有原粒鮑魚，十分足料。杞子桂花糕清甜。上湯雲吞大大粒，湯又清，清淡健康之選！混醬布拉腸粉好滑溜。沙律脆皮奶係賣飛佛，最正係炸嘢都冇乜油。鮑汁脆米雜糧炒飯香口乾身，簡單美味！貼張單據俾大家參考吓價格，因為11:45am後先埋單，所以冇折呀😅下次會早啲。上陽樓嘅環境係圍方商場幾間中菜館裡面最優秀嘅。其實圍方商場落成冇耐，基本上間間環境都唔錯，而上陽樓嘅名取自皇帝嘅御膳房，裝修方面的確比其它幾間再華麗一啲。
繼續閱讀