御 ‧ 家上海

營業中

休息中

可惜他們沒有壽司郎那麼受歡迎，服務也沒有壽司郎那麼有禮貌就是了。也許應該稱讚他們餐廳的執行力，90分鐘用餐時間非常嚴格，即使你未吃完也要走。餐廳經理在我們口中還有食物的時候過來急切地問要不要幫你們打包，同時想要立即替我們上蛋糕（原本是要慶祝生日的，所以寄放了蛋糕，切餅費$50。），另一位阿姐的用詞真的是他們需要「夠鐘就趕客走」，而門口只有一兩組客人等，同時也有幾台客人買單。OK，規矩就是規矩，那我們就表示蛋糕不切要帶走，立即就可以結帳，當時是90分鐘用餐時間完結後的3分鐘。然而他們拿蛋糕過來和結帳也沒有想像中那麼快，前後起碼等了10分鐘，所以你們是趕還是不趕？需要返枱可以理解、提醒用餐時間也沒有問題，但一般餐廳的慣例是早15分鐘提醒及提早提供賬單，而不是突然用行動告訴你：夠鐘喇，你而家好走，未食晒你咪打包，有生日蛋糕都同我即刻啪咗佢。食物質素我覺得是中上，性比價還好，如果有信心吃得夠快或而不介意受氣可以去。

唔知點解呢間普通嘅餐廳有冇時候都要排隊，總之之前就有一日紅日午餐就選擇咗呢一間餐廳。服務態度麻麻哋，坐得都幾逼夾，衛生狀況就良好。我同另一個朋友就叫咗一個五福拼盤去share ，另外每人就嗌咗一碗麵，我個朋友嗌咗一碗擔擔麵，而我就嗌咗碗酸辣湯麵。嗰五幅拼盤有海蜇、醉雞、烤麩等等，味道算唔錯，份量亦都好足，甚至好似有啲太多 ，至於嗰兩碗麵就平平無奇，中規中矩。整體嚟講係一間都幾普通嘅上海餐廳，我睇唔到佢有咩地方優勝過佢啲競爭對手(例如翡翠拉麵小籠包或者樂天皇朝)。

係沙田食飯都食到唔知食咩好🙂有時都想試下啲新野😚之前呢間餐廳都食過晚餐🤗都好唔錯既，上菜又快員工又有禮貌😂今次就做孝順女，陪屋企人黎到食午餐。😋順嫂魚羮少少帶酸，好足料，有魚肉有蛋白有木耳等🤗😋乾煸四季豆好夠鑊氣，肉碎再加埋醬汁好惹味🤗😋十景炒飯夠鑊氣之餘仲粒粒分明好乾身🤗大大碟仲好足料添🙂有蛋有肉有菜粒有帶子仔😚好抵食👍🏻😋小籠包皮薄餡靚😚又多湯汁🤗最佳夾小籠包嘅方法就係用筷子夾住個頂😝擺落個匙羹度篤穿個窿放啲湯出嚟☺️再加薑絲同喼汁一啖連湯一齊食就最正啦😍😋荔枝蝦球呢個係圍方限定既，咁冇得唔試啦😂一上枱就知係即叫即整🙂熱辣辣🤗一咬落去個皮脆卜卜，入面既蝦肉好彈牙🤗舔舔脷指數👉🏻7😋/10😋滿分 可以一試😋

-脆膳去親必點食物 脆扑扑1啖1啖勁快食晒😋-黃金蝦翻點菜式 🦐蝦勁大隻 黃金味濃好滑口-荔枝蝦球打卡1流 老人家好鍾意😻 蝦好爽口-炒年糕每片年糕都好入味 正👍🏽-蟹黃大湯包 （掛住食唔記得影相😹）超大個 用飲管啜哂D 蟹黃再食皮薄餡靚🤣好過癮-炒䈑筍絲勁大碟🤩清清地好味道-蟹黃大湯包 （掛住食唔記得影相😹）超大個 用飲管啜哂D 蟹黃再食皮薄餡靚🤣好過癮整體來講：成個圍方食肆係佢長期有人等位都唔會差得去邊🤣食物對得住個價錢成完又食再食值得🥰最愛係個脆膳 😋飲酒嘅朋友話配啤酒1流👍🏽有機會要嘗試埋其他菜式

無喺呢度寫食評幾年，幫襯兩次後，絕對認為值得讚嘅一間餐廳！👍🏻第一次係大約三星期前，4人食左$1200！食物質素好，有招呼過我呢枱嘅職員都好好 👍🏻因為有3張$100coupon,所以今日再幫襯😎今日4大1個1歲大BB,職員安排位置很好，同樣有招呼嘅職員都好，職員仲主動提供小朋友餐具👍🏻同樣食物質素好！上菜勁快😂！（我地上菜到中段有要求停一停，職員都有幫忙，亦提醒我地下次可以事前要求慢啲）！但中肯講句……佢係快，但每道菜都好食新鮮👍🏻同埋快慢嘅準則對每個客人都唔一樣，所以呢個唔係問題！

門口安排坐位，個位瘦高戴口罩女職員態度差，講野無禮貌安排坐位失當，4人檯坐5個成人，食品價格比一般貴都唔緊要，怎能安排坐得迫及唔舒服。食物食到第4個餸已過味精非常重，吃兩碗餸就要飲茶解味精，食到第九個餸，已叫職員水壼加水5次！而其中有個男職員送菜埋檯，只放檯邊，不會收去檯中無餸碟，要叫才執走。埋單離開半個鐘已非常口喝，要即時買飲品解喝，回到屋企成晚飲水！一間收費略貴食店有裝修，但門口安排坐位失當及無禮貌，已經感覺唔好，再講食品味精非常重食完好囗喝，整體表現差！

1）叫咗砂鍋雲吞雞，連兜都未望到就已經話同你分好咗2）佢覺得你張枱唔夠位擺就收走你一壺水，但係你壺茶飲晒之後等咗成10分鐘都冇人幫你加返3）明明入咗嘅時候冇講用餐時間，跟住食到咁上下張枱做好多食物，佢拎張單同我講話用餐時間已經夠了我埋單4）埋單都算啦，我問佢邊度講話有用餐時間，佢話門口寫住叫我自己睇5）最大鑊係佢將啲熱湯一碗碗咁擺喺個小朋友前面叫佢唔好擺個位，佢仲話返嚟做咩唔俾小朋友飲…其實啲嘢食好好食㗎，係啲職員唔知點解咁衰格

一家四口黎食，叫左個兩人套餐，額外再加炒菜，五分鐘左右上曬套餐d菜，d菜唔夠熱，食無十分鐘已經全部凍曬，本身天氣已經好凍，仲要一早煮定d菜，最後埋單800幾蚊，用800幾蚊食凍菜，試一次就夠，體驗一般，味道一般，服務一般。

垃圾酒樓😅😅叫外賣叫個鮑魚雞煲+兩個白飯成300幾蚊，黎到得一細盒充滿蒜頭同多骨既雞同幾粒細粒鮑魚，仲要送少盒飯，兩個人得一人份量食，都仲未計質素極之一般，茶記叫個小菜都好餸同好食過佢。打過去間野問，點知回覆係叫我地同外送平台講，但個飯係佢地比少架喎😅😅d服務態度西到，搞到餓多成個鐘要叫多次外賣😓😓如果有得比0粒星既話唔會比1粒，同上面5樓潮庭冇得比，下次一定唔會再幫襯，大家都小心

這間食店持着多人排隊，吾憂做，侍應態度差，特別係嗰位‘所謂經理’，無所事事，只係在餐廳行來行去，今晚我們帶着兩位坐輪椅90多歲的老人家，兩位老人家有食嚥困難，我問那’所謂經理‘可不可以給她們多少少時間食，他斷言拒絕，他說用餐時間只有九十分鐘，只可以多給一分鐘，佢話公司規定進食時間只有90分鐘，他的態度囂張，十分沒禮貌。沒有顧及老人家的需要，沒有同理心，做服務行業怎樣可以這樣對待客人。😡😡😡😡😡😡😡😡😡

熏魚甜甜地，內軟外脆。海蔘幾好食，肉厚兩款調味都鐘意。但酸辣湯好辣🥵見其他評價都係微辣先點。入面有蘑菇木耳。去過幾次，都係鐵板小籠包最好食，今次都有叫。脆雞一般般係外脆內滑，但味道無咩特別，可以話有小小淡碗楊枝甘露份量有點細。我係真金白銀比左800幾蚊食，仲用左佢地比客人既$100優惠卷。單據都留左係度。我見呢個post唔得，所以另外出左一個post,麻煩管理員二選一刪除是但一個

極差 ！極差！極差的用餐體驗！樓面服務員態度冷淡，跟進事情馬虎，整體感覺非常差，尤其是男經理，眼神不友善，可以說是到了趕客的程度，有這樣的經理，便有這樣的員工。食物質素很好，尤其是蟹粉蝦仁雞粒石鍋飯，實在是太太太好味，給廚房師傅們給一個大讚，食物質素方面，可以放心介紹朋友光顧。很可惜就是樓面大煞風景，餐廳評分大受拖垮，有一種想愛但不能愛的感覺，大概不會再有回頭光顧的機會，只因樓面嚴重影響用餐體驗。可惜！可惜！可惜！

最鐘意煎小籠包，脆脆地，好味，湯汁味道好，之前試過外賣，都係堂食好味🦐炒飯好味，飯軟熟，唔會話好多油炒牛肉一般，無特別🐮小排骨，鱔好味😋紅豆冰好飲，但感覺無剛開幕好飲，真係有椰奶味道。整體唔錯，下次會試新野

假期前夕來吃晚餐，點知等咗一個鐘先能入座。下次都係預先用GULU 拎位🥲🥢酥炸椒鹽一口臭豆腐略嫌外皮炸得唔夠脆，唔夠臭🫢！不過每舊嘅size剛剛好，唔使擔心好似街邊臭豆腐食到成嘴都係🌚 件數亦夠多，抵食！🥢上海擔擔麵肉碎好多，有花生醬味，不過就未見有花生碎。今次叫咗小辣，一啲都唔辣，下次可以大膽啲挑戰大辣，相信會更好味。之前食過奧海城家上海的擔擔麵非常出色，這間比下去了。🥢上海煙燻脆皮雞（半隻） 兩個人食半隻啱啱好，雞肉唔柴，外脆內軟，控制得非常好。有淡淡的煙燻味，有助減少油膩感👍🏻不過，碟底有好多雞油，希望能改善。🥢脆煎灌湯小籠包由於小籠包底部煎封了，用筷子夾嚟食都冇咁容易整穿，食嘅時候都吃到熱辣辣和牢牢鎖住的肉汁☺️個人認為呢個係必點！二人埋單487元，仲送咗張$100現金券下次使用。食物和環境質素屬中上🉐，坐得舒服，係嘈咗少少。

大圍圍方商場開幕嗰陣超多人，啲食肆爆到七彩，要食餐飯都唔容易，依家熱潮已過，訂枱食飯都容易咗。星期日，約咗親戚長輩去御•家上海食午飯。🥢拼盤： 整體吾錯，但醉雞酒味略淡同唔夠滑。🥢小籠包 ： 有水準，如果皮薄一點會更好。🥢生煎包：皮底煎得夠香脆。🥢燒雞：夠味！皮脆肉滑！🥢脆膳：好脆，好似食緊薯條。🥢上海粗炒：不錯，麵身有咬口。🥢蔥炒牛肉：有鑊氣，夠入味。🥢雲吞：正常，不錯。🥢酸辣湯：酸辣適中。整體食物正常發揮，味道不會太濃，調味剛好，適合帶同長輩試吓。順帶一提入座後要90分鐘交枱，不過上菜速度夠快，食嘢時間都算足夠。