影片
電話號碼
83008002
營業時間
今日營業
07:00 - 16:00
18:00 - 23:00
星期一至日
07:00 - 16:00
18:00 - 23:00
*到店外賣供應時間: 21:00
以上資料只供參考, 請與餐廳確認詳情
以前久唔久都會嚟呢度飲茶，以前啲點心好食好多啲炸嘢同炒嘢都好好食，但，今日去到酒樓，唔單止服務員小，服務員仲唔係咁友善，咁就唔應該收加一服務費啦！都無服務😆😆😆客人會心裡平衡d😆😆😆佢係有一樣嘢好，你飲晒啲茶，唔使佢哋嚟斟茶，佢哋有部水機喺你張枱隔離，個茶壺冇水，個水壺會自己refill！ 呢個真係直得讚👍🏼👍🏼👍🏼可以防止發生好多叫滾水淥親嘅意外，又唔洗叫餐死都無人理！不過，食物質素一定要改善！
繼續閱讀
2023年8月某個平日，約咗朋友去元朗hea行山，去到朋友竟然仲未起身，好啦，我揾間酒樓等佢。Google一下就去呢間大集團既，唔一定好食，但應該比較穩陣。好歹係個食評，先講食物吧飲茶飲茶，最先梗系試下啖茶，自動煮水壺可以煮到100℃，但用嚟煮鐵觀音就太高了。茶葉獨立包裝，似大陸，滾水攤凍少少先泡，茶味都夠，有甘香味，OK。最先嚟既點心係蘿蔔糕，薄薄小小既兩件，比大X樂既大少少，鬆鬆散散，快餐店既味道。之後嚟既係叉燒腸，粉皮較乾硬，叉燒味道正常，豉油偏鹹。之後就係蝦餃燒賣，蝦餃蝦有啲梅，唔彈牙，皮散易爛。燒賣係今餐最好食，肉香彈牙，雖未係最高品但都中上。然後係山竹牛肉，今餐最難食既食物，腐竹硬，牛肉球都硬，仲要臊，仲差過叮叮點心。最後係鳳爪排骨飯，濃味，算好食，可惜油太多，整碗飯都系油，濕立立，比較難入口。埋單75.5，六款點心，一位茶，雖然有啲點心唔足一碟，但性價比依然唔錯。講完食物，想講環境態度，呢啲雖然唔係食物，但絕對係會影響食慾既一環。環境裝修古典，感覺高級，可惜係職員態度同服務水平嚴重低下，令人無法好好享受一餐。一入門，知客位無人，一班茶客係門口等，我一支公，撳飛仔先，撳唔到既？搞咗十幾秒，旁邊大媽突然無聲插入撳咗先，雖然嚇一跳，但至少證明部機無壞。又搞一陣先見個職員走出嚟，第一句就話一個撳唔到架，啊，原來係咁，咁點解唔寫出嚟搞到我成個傻仔咁一直撳。不過職員效率快，一手指住門口叫我坐嗰個孤獨位，幾好，夠獨立無其他人騷擾，就係坐咗呢個位，短短一個鐘睇到好多精彩嘢。首先見到一堆亂碗碟放滿隔籬枱，好耐都無人收。之後見到自己張孤獨枱得一對碗筷，其他都無。等一陣，終於有職員過嚟問咩茶，然後就係一輪埋怨，中間夾雜粗口，鬧既唔止係同事，廚房，稻香既office，更甚係鬧催單既茶客，入咗場既客人。粗口同鬧人既內容不便在此說明，但絕對係兒童不宜，不幸既係，同場等位既有唔少小孩，老人家一家大細。呢啲粗口雖然未必引起不安，但絕對係會引起反感。目測酒樓內仲有吉枱，職員都至少有六七個，應該人手夠，但奇怪，當日經常出現無人執枱，無人開茶，點心要等30分鐘以上先有，客人催單要被鬧，職員充滿怨氣。到底，呢個係管理問題？職員問題？定系客人問題？最近好多人講香港既市道一潮死水，夜晚靜英英無人食飯消費，反向一河之隔既深圳餐廳就夜夜笙歌，究竟係咪因為香港無夜市？定系香港既餐廳除咗貴之外，仲要服務質素茶趕客？大家一齊思考下。
繼續閱讀
太耐無飲茶, 呢間平時成日經過, 但未試過, 今日突然想飲茶, 一於入去試下☺️☺️一入即刻有位, 唔洗等👍坐位旁有茶水熱爐, 自己fill茶水, 自行掃QR落單, 眼見得兩個侍應走全場, 好唔夠人咁蝦餃皇上枱熱辣辣的, 皮薄, 晶凝通透, 裡面舊蝦大大粒爽口彈牙, 冇乜雪味👍👍功夫小籠包外皮夠薄, 唔小心篤穿左, 即刻飲哂d湯汁先😆餡肉都好香翡翠鮮蝦腸每次食腸粉, 姨姨淋豉油一定會叫佢多豉油🤣皮算薄, 蝦都係大大隻, 爽口豉汁蒸鳳爪好入味, 入到口好快就骨肉分離, 勁正原蝦燒賣皇大大粒, 好咬口, 頗足料
繼續閱讀
唔怪得之星期日去飲茶竟然唔駛等位。1. 食物味道-星洲炒米完全沒味，連豉油都無落，唔熱又油。雞粥味道正常但真係要好小心食，碎骨多到離譜。老人家真心唔建議食。死左唔知咩事。乳鴿應該係老鴿…..2. 服務 - 叫左乳鴿諗住問亞姐有冇淮鹽，點知佢聽到都走左去，又唔答有冇。3. 結賬 - 好彩有睇下張單，埋65號枱變咗埋68號枱，差啲就比多錢成間茶樓不知所謂.同以前嗰個稻坊差太遠了。另外一提，嗰隻門重到老人家根本開唔到。見到有個老人家自己去搵位差啲就夾到手.
繼續閱讀
稻香$1雞煲出左甘多次,襯今日有時間可以試吓而且星期日都可以享用黎個優惠算唔錯8:45入座眼見都好多位,上菜好快個雞煲多汁但唔夠味,雞件細舊無乜肉但係$1食4舊鮑魚都無咩要求啦4舊鮑魚算大隻👍單點左娃娃菜+美國肥牛(有9-10片)2個人埋單$130
繼續閱讀