勝香園

營業中

休息中

久仰大名嘅勝香園，作為新界居民，終於第一次泥到幫襯勝香園，當日係平日，所以唔使等位，叫咗凍奶茶走甜，奶油多士，同埋蕃茄牛肉煎蛋通粉。凍奶茶茶味香濃，不過走甜嘅關係，可能加返啲甜度會更好飲奶油多係即叫即烘，所以都要等一陣先有得食，但熱辣辣，脆卜卜，正！蕃茄牛肉煎蛋通粉就覺得冇想像中咁好味，可能期望太大？！蕃茄湯底略嫌淡咗少少，牛肉就有啲韌，有啲難咬開，煎蛋係全熟蛋，如果蛋黃可以流汁就會加多啲分！不過呢個特色茶檔，值得一試！

有時都好掛住勝香園個蕃茄牛肉，禮拜日/落雨去唔到食就睇下相啦蕃茄牛肉通粉/麵🍅🍜-蕃茄愛好者必食！甜甜酸酸好開胃～仲Keep到水準😋 檸蜜脆脆/奶油脆脆-超勁爆脆😬熱奶茶應該好過凍奶茶，不過行到上嚟半山 真係幾熱吓㗎😅 By fishenjoylife

久違了！自從轉咗工之後 真係好少過海今日咁啱要去中環做嘢 搞掂哂都只係9點零10點即刻諗起可以去食返個茄牛通😆🥢蕃茄鮮牛肉通粉 話說識食如我就梗係要嗌佢嘅蕃茄系列啦🤣之前一直食開茄牛通 梗係要叫返個嚟懷緬一下過去今次一樣都係咁好食，如果啲蕃茄再多啲我會會開心啲🤣🤣🤣仲有杯凍奶茶都係一樣咁好飲👍🏻👍🏻👍🏻🥢榨菜鮮牛肉米粉第一次嚟食嘅屋企人竟然嗌咗個榨菜鮮牛肉米粉我完全估佢唔到🤣🤣🤣不過佢都有讚啲啲鮮牛肉好味，榨菜又靚佢話唔係間間都俾啲咁好嘅榨菜🤣而且無論係榨菜同牛肉都唔孤寒不過一路食就覺得有啲咸🥢牛油檸檬汁蜜糖脆脆唔知呢個係唔係佢哋嘅新菜式呢？以前一直食開奶油豬，今次見到有個檸檬汁蜜糖脆脆覺得幾新奇，加上我又喜歡檸檬呢啲酸酸嘅感覺，所以就叫咗個嚟食吓我個人嚟講係幾鍾意佢加咗檸檬嗰種感覺，會冇咁甜，又清新啲醒神啲，但係佢個包就略嫌乾硬咗少少🤪同埋食呢個蜜糖脆脆嘅時候記得唔好講嘢啊🤣因為佢真係好脆 又好多麵包碎我都俾啲麵包碎整咗一鑊，一路食一路係咁咳😅然後今次嚟食嘅時候發現真係好多遊客仲要九成都係韓國人😂希望呢啲咁有特色又地道嘅小店 可以繼續維持落去啦🥰

之前睇完白鐘元同SJ 既藝聲介紹過之後就一直好想試！舖頭淨係開星期一至五8:30-13:00最近難得有時間就即刻去食返次！呢個排檔已經有超過60年歷史 好多人都係特登去食佢呢個香港風味！自從韓國美食家介紹完之後 都開始多咗好多遊客午飯時間去可能要等一等位但係都同普遍茶餐廳一樣轉得好快！-🥢蕃茄雞扒蛋公仔麵🥢蕃茄蛋公仔麵嗌咗佢最出名嘅蕃茄湯麵🍅 配搭非常之多如果真係唔鍾意食蕃茄嘅都有無蕃茄湯嘅選擇湯底超級濃嘅蕃茄味 酸酸甜甜😋仲有勁多茄肉！每條麵都掛滿蕃茄湯汁隻煎蛋仲要流心嘅添🍳🥢鮮油脆脆烘到超級酥脆既包夾住一大塊鮮牛油用麵包嘅熱力慢慢溶化嚿牛油令到牛油可以完美咁滲晒入去食落真係勁邪惡 但都真係好好食🥹係簡簡單單嘅香港味道！-感覺依家好似已經好難搵到啲咁舊式嘅排檔而且喺中上環總一直keep住呢個價錢真係好值！

途經中環。。。諗唔到食乜。。。見勝香園不算太多人。。。便去食個平民茶餐。。。😂😂😂香港已很少這些露天茶檔。。。懷舊風味十足。。。我叫了個招牌茄牛通和奶油脆脆。。。茄牛通的份量好似比從前小。。。可能由於我去嘅時間已差不多收工。。。賣晒就算。。。蕃茄湯都算濃。。。牛肉也淋。。。味道還可以。。。但份量好似真係少咗d......😅😅😅奶油脆脆味道當然不太特別。。。但麵包好似不太熱。。。同麵包好似烘得太乾了。。。感覺一般。。。味道不比從前。。。😑😑😑

好耐無嚟食嚕耐唔耐總要去🍅 但每次去親都要等好天氣 涼涼哋 唔太熱 又唔太凍嘅日子去😂永恆不變嘅餐牌 每次嚟都係食嗰幾樣雞翼+鹹牛肉炒蛋 公仔麵依個蕃茄湯真係食極都唔厭 酸酸甜甜 好好飲🥹公仔麵配蕃茄湯 無得輸雞翼其實係普通質素 志在係有啲肉咬吓如果佢可以揀豬頸肉做餸 咁就真係不得了牛油檸檬汁蜜糖脆脆 my all time fav真係巧巧食 食極都唔厭~~牛油香+檸蜜嘅清香 咬落又夠香脆 perfect池可以輕鬆啪晒一個🦦加埋杯鹹檸七

大推奶油脆豬！！麵包一開四，適合三五好友齊齊share。奶油煉奶比例恰當，鹹甜比例恰當。不會有太多奶油/煉乳，很有負擔的罪惡感。外脆內鬆軟，不厚身。濃郁番茄湯底，適合熱愛番茄和口味偏酸人士！有很多不同港式茶餐廳的常見配料能組合，像是腸仔、煎蛋、牛肉、火腿、榨菜、餐肉、雞翼等，價錢大約在$37至$47之間。閒日中午大約需排隊15分鐘，露天環境，姊姊手腳快，上菜速度也快，以中環的物價來說，算是一頓小資輕食簡餐～

嚟呢間大排檔之前一定要有心理準備要同啲遊客 大陸人一齊排隊，但係呢間嘅上菜速度都算快，所以都唔使話排好耐就有位。咁通常去到我都會食佢嘅蕃茄鮮牛肉蛋麵，聽講佢好似通粉出名啲，但係我都係鍾意食公仔麵多啲😂 咁就一定會叫多個奶油脆豬咁佢個蕃茄湯其實都算真材實料，起碼佢上菜嘅時候都會有一大堆蕃茄蓉放喺你個麵上面，你撈左落個湯度之後就成碗湯變咗做鮮紅色，都幾有食慾，但係個牛就係正常湯麵嘅水平🙂佢個奶油脆豬焗到啱啱好，加落去個煉奶係好夾嘅，唔會好似出面咁太甜或者令到個包淋晒價錢方面就係舊式茶檔嘅價錢，如果淨係食個麵嘅話可能人均幾十蚊就可以走人，但係男仔來講應該食碗麵要再加多個奶油脆豬先夠飽

我唔係話佢唔好食但唔係值得排隊嘅質素囉我食咗個茄牛蛋通咪就係茄牛蛋通囉我又唔覺得湯底好濃郁牛肉好嫩好鮮好入味蛋直程係硬實實嘅煎蛋一啲都唔難食但咪就係茄牛蛋通囉根本就唔使排半個鐘我叫多咗奶油脆脆甜甜地脆脆地幾好食但咪就係甜甜地脆脆地幾好食都唔係好食到要排半個鐘掛我理解唔到望住啲遊客多到咁斜對面有一對韓國情侶等緊叫嘢食我想像唔到當啲嘢食送到嚟佢地會點諗我唔係講「香港食嘢咩智商稅」呢啲一竹竿打一船人嘅說話因為佢又真係冇收貴你$37茶餐廳價，非常合理但係有時我寧願食貴啲，俾大家推介返一啲真係好食嘅餐廳畀人咁啫

幾乎是我這個街坊最愛的早餐店😋很多時候早上睡醒都走過來吃☀️☀️蕃茄湯底是這麼多年都保留著濃郁傳統的味道🍅鮮、香、甜 🈵🈵幸福感🫶🏻🫶🏻煎雞蛋是半熟的蛋黃流出來是加分的💯✅✅牛肉非常新鮮，濃郁的鮮牛味，半生熟剛好，點了通粉每吃一口都連湯一起還有的是我最愛的牛油檸檬汁脆脆包，真的是全香港口味最棒的🇭🇰加了檸檬的脆脆口味也十分獨特不是很多地方有的口味🥰塗滿了酸甜的醬汁再配上脆包包😗獨特的口味吃了很多次也不會厭😛

閒日Lunch time去食，排左15分鐘左右。叫咗個蕃茄雞扒炒蛋麵，蕃茄湯好濃郁，雞扒肉質幾嫩滑，配埋炒滑蛋非常之開胃！另外牛油檸檬蜜糖脆脆，咬落非常脆口，味道甜甜酸酸的，但食唔到有牛油味，下次會試埋奶油脆脆。美味指數：😋😋😋😋環境指數：⭐️⭐️回頭指數：👍🏻👍🏻👍🏻👍🏻地址：勝香園 (中環)中環美輪街2號排檔

係附近睇完醫生就搵下野食，search open rice見依家好似大受歡迎就一於試下啦！本身都好中意有風味既老字號茶記，主食我就叫左佢地最馳名既茄牛餐蛋通，目測起碼落左幾隻蕃茄，牛肉都好鮮味，簡直份量十足又好味！小食叫左檸檬蜜糖脆脆，建議食麵之前可以食左先，酸酸甜甜好開胃👍🏻野飲就叫左杯凍奶茶，茶味濃郁但最衰唔記得叫少甜🙈總結而言勝香園都係一間非常值得試既地道風味茶座，在座都有好多外國旅客慕名前來！

勝香園聞名香港海外，除咗因為大排檔嘅佈局，仲有遠近馳名嘅蜜糖脆豬～幫襯嗰日都遇到好多韓國人，甚至連指示牌都有韓文，證明真係受到唔少旅客嘅青睞🤓我叫咗牛油檸檬蜜糖脆脆($23)同埋蕃茄鮮牛肉通粉($37)，見唔少人都係嗌公仔麵，但個人覺得蕃茄湯底同通粉更加夾😆蜜糖脆豬擺到米奇老鼠咁樣好得意，攞上手好輕飄飄、咬落去”sok sok”聲超脆，但咬多幾下就會發現好乾，好似有啲烘過龍😗而且冇咩牛油香味，表面嘅蜜糖亦都唔足以搽勻成塊麵包，愈食就愈覺得吸晒啲口水🙈睇嚟都係叫返普通嘅西多會好啲～因為通粉係會撈埋啲蕃茄湯底煮，唔似公仔麵咁啲蕃茄會淋喺面，所以望落啲料就好似比較少☹️不過勝在通粉嘅軟硬度適中，湯底亦都好濃嘅鮮蕃茄味、食得出真材實料，牛肉大大塊又唔會疏到冇曬肉質，的確係一碗有水準嘅茶餐廳通粉👍🏻

友人杯檸檬茶無叫少🍬，飲糖漿咁，我杯少甜就無茶味無甜無檸檬味。碗通粉，呢碗野係其他茶餐廳的話一早執笠，全部罐頭番茄懟落去d水度加少少鹽咁，就咁多年來都無數人排隊，無濃郁的味，無炒香番茄的味，唔甜唔酸唔鹹淡到不得了！！係乜嘢味都無，只要罐頭番茄的口感。裏面個炒蛋老到不得了⋯⋯提早炒定仲凍曬，個檬油豬又係，放左好多好多日，放到乾曬的了，再去烤番佢。救命做咩咁多人排隊，咁無誠意的野！呢間野，完全就係我成日講的，財神要來敲門，你擋都擋唔住。

🍊 餐廳名稱：勝香園🐝 味道：7.5/10環境：8/10整體分數：8/10/💰人均：$50———————————————————係中環依個熱鬧又急速步伐既地段，想食平d又想有本土特色情懷嘅氣氛，咁一定佢會上榜。從裝修設計上，佢選用綠色棚加鐵皮屋設計，有一種舊式茶餐廳既香港風格。無論遊客或者本地人，都很值得去嘗試一下這間餐廳。豬扒煎蛋公仔麵(鮮茄湯底) 💰$37蕃茄既料好多，冇太多配料味道，但蕃茄味就十足！啖啖蕃茄蓉、好足料，整體係一種好清爽既甜味～ 豬扒方面，佢係咬口，而且煎得幾香口，而且仲好貼心咁切開一塊塊。牛油檸檬汁蜜糖脆脆 💰$23檸檬脆豬係姐姐推介我地食的。味道好似檸檬夾心餅，口感非常鬆脆，但同時有佈滿檸檬汁係上面，但！唔會太酸，因為仲有蜜糖既甜香，兩者份量恰到好處。不過如果喜歡鹹食既朋友仔就應該未必咁喜歡。整體係一個有趣既組合。