Yuyu Sushi

營業中

休息中

是日與好友閒逛長沙灣，行我曾經因工作而行過的地方，見到喜薈商場就入去，地下的店倒有不少人食較便宜的晚餐，我和好友就決定靜靜地享受大家最喜歡的日式晚餐~~~呢間店座位倒不少~~~我和好友就坐梳化位慢慢享受晚餐~~~門口有招牌表示點壽司和串燒滿4碟就有8折，到點餐時才知道每樣各點4碟或以上才有折，我和好友就點4款壽司加4款串燒~~~珍寶帆立貝壽司雖然好食，但感覺唔夠珍寶油甘魚壽司和吞拿魚壽司都好好食好友就點了黑豚腩肉串~~~牛肋串味道不錯~~~燒牛舌係我的至愛，每次去食串燒必點，今次食落都好好食我點了牛油果炸軟殼蟹手卷，食落軟殼蟹外脆內軟，蟹籽倒不少~~~好友還點了活鰻白燒~~~個人覺得食物質素係幾好，只係價錢稍為貴少少，如果想靜而又慢慢坐，呢度係值得考慮😅😅

朋友想試吓位於長沙灣這一間日本餐廳，今晚終於有機會了。店員態度服務親切，隨即安排我哋坐好大張嘅卡位位置，然後奉上兩杯茶暖一暖胃。餐牌圖片七彩繽紛，圖文並茂，非常吸引！搞到我哋每一款食物都好想試吓。先來一些壽司🍣，等左一陣就已經有得食了，見到一大盤壽司即刻流晒口水。最開心就係餐廳推出折扣優惠，只要叫壽司或者串燒四客以上，就可以有八折優惠，而且壽司價錢都唔算太貴，仲有優惠價，即刻覺得好抵食。鰻魚壽司係我每次食日本菜必食的食物，食落去紫菜好脆，鰻魚冇骨，魚肉爽口有口感。其他壽司表面望落去已經好有光澤，食落去好新鮮美味！後來加了兩件大蔥吞拿魚軍艦，吞拿魚茸軟綿綿，味道好新鮮！串燒就叫了四款，當中的金菇牛肉卷有兩大件，牛肉質感軟熟，另外金菇爽口，兩者味道好match。最後還有我最喜歡的搽茶味🍵雪糕，為呢一餐豐富嘅日本菜畫上句號。

剛巧在長沙灣附近收工肚仔餓，突然想食日本菜，上網搵吓有乜嘢餐廳推介。在新起一段時間的喜薈商場入面有好多餐廳食肆，見到日本餐廳-Yuyu Sushi 門面裝修很日式化，就入去試吓。點菜以自助形式，揀選完後給店員落單就可以了，快捷而方便！仲有特別推介優惠，現凡惠顧壽司或者串燒四客或以上，即可享有八折優惠。我們就一口氣點了多款壽司🍣，當中的炙三文魚腩壽司賣相吸引之餘，魚油燒到滲晒出來，食落口非常新鮮Creamy。冇炙燒嘅三文魚壽司條紋非常平均，並帶一點光澤。串燒方面的雞中翼串外皮燒得香脆可口，而且雞肉肉質鮮嫩，非常滋味！最後再點了和風美國牛肉丼，配料相當豐富，包括有蘑菇、洋蔥等，所以食落去除咗有好濃郁嘅牛肉味道之外，香料四溢。最後還有甜品雪糕送。兩個人消費都只係$400有找，已經食到好飽肚了，食物質素也不錯，非常新鮮美味，值得再encore！

草根妹妹係荔枝角番工✍🏻，所以呢間餐廳🍴好近公司附近，就順便去試一試🙌🏻。Yuyu黃金卷（$98）Prawn Tempura Cheese Roll一向幾中意食炸蝦卷，睇中呢個上面仲加咗芝士，望落更加吸引!芝士燒過表面，中間餡料又夠多，連埋炸蝦一齊食都幾惹味。牛肉壽喜鍋（$128）Beef Hot Pot好中意食壽喜燒，所以見到即點。不過嚟到後發現同想像中有D唔同，壽喜燒用一個鍋咁上，牛肉同所有配料都一齊放係個鍋入面。配料唔少，有齊各類蔬菜，豆腐，仲加咗粉絲，成個份量唔少，可以食得飽。只係因為牛肉一早放咗係鍋入面，一定要即時食咗先，唔係就會好快變熟，牛肉都幾軟唔會嚡口，不過個鍋底唔會好似平日d壽喜燒咁濃味，同期望中有分別。食落係個暖胃嘅牛肉鍋，但就食唔出係壽喜燒啦~

今日放工喺長沙灣走, 見唔係成日黎, 就call個住附近既朋友一齊食dinner朋友話佢樓下個商埸有間日本野唔錯叫我試下, 所以就跟左佢去^_^依間yuyu sushi係喺一個屋苑商埸入面, 環境好乾淨，仲有8折。入面既裝修都幾有日式風格, 幾乎每個位都睇到師傅喺度整壽司, 感覺真心乾淨睇左陣menu, order左幾樣野同朋友share食首先叫左三文魚同油甘魚壽司各4件, 因為叫夠4客有8折, 都幾抵食!三文魚唔會太肥或太瘦, 味道新鮮, 都幾似平時去日本食嗰種味道同口感而油甘魚就更加正, 因為切得都幾厚身, 而且亦都夠鮮味!朋友仲order多左個加洲手卷, 雖然我冇食, 但見入面d趕都唔少, 而且仲有牛油果, 應該幾足料!之後我地仲叫左一個燒鰻魚玉子飯一齊食, 依個飯真係好正, 因為首先蛋係滑蛋黎, 跟住個鰻魚有3大舊, 每舊都好厚身, 好彈牙, 而且鰻魚味濃, 唔會係d急凍再整番熱既感覺。而依個燒鰻魚玉子丼仲有一個湯、前菜同埋一個茶碗蒸蛋, 都係好好味, 值得一試!兩個人食到飽晒都只係2百蚊鬆d, 有質素又唔貴, 下次可以encore!

今日到長沙灣見客，心血來潮想食日本野，發現原來去開嗰間已經冇做啦，所以就上網search下邊間好食啦，就search到呢一間新開不久嘅日本餐廳一個人晚餐時間去到唔駛等位，餐廳地方環境舒適很大，我一個人去都冇黑面我霸住張枱，因為平時如果一個人去好少少嘅餐廳職員都會比面色我睇！一個人都可以食好嘢嘅啫！枱面就見到佢哋做緊八折，我就叫咗四串串燒！等咗大概10幾分鐘啦，速度都算OK！起碼真係即叫即燒，熱辣辣上枱！雞軟骨：一客有兩串，份量夠多，燒得10分香脆，每一粒都索索聲！煙肉車厘茄： 煙肉脂肪比例均勻，豬油香味包住整粒車厘茄，車厘茄當然都新鮮大粒，好食到我再追多一客添蘆筍串：蘆筍比手指幼一點，比較嫩，冇喳！好食好香！而且份量亦都很多四串有八折平均都係$20一串左右，超級抵食！我仲叫咗兩客壽司：油甘魚腩壽司同埋三文魚壽司，魚生新鮮，厚切，魚都很鮮甜！最後他們仲請我食雪糕，係提子冧酒味道！非常滿足

長沙灣出名多平靚正嘅嘢食， 喜薈呢個商場有間幾新裝修嘅日本料理， 夜晚七點鐘左右去唔使等位入面裝修都簡潔幾靚，有新式日本料理風味。我哋坐咗卡位位置都幾舒服，晚市散叫:有串燒、熟食、刺身、壽司、手卷、卷物、鍋物等等 ， 除咗散叫之外仲有晚市定食。 晚市定食好抵食，90蚊至120蚊左右，就有前菜、味噌湯、同茶碗蒸，非常豐富我哋怕叫兩個晚餐會食唔曬， 另一方面有想試多啲唔同嘅嘢，所以揀咗一個晚市定食當然要試下呢度嘅雜錦魚生飯，因為見到menu張相好似幾吸引前菜係矮瓜，面上面有啲芝麻;麵豉湯夠濃，仲有豆腐粒。 茶碗蒸我覺得幾滑唔錯。刺身飯嚟到賣相唔錯，有蝦、三文魚、油甘魚、八爪魚、帶子、吞拿魚等等。 刺身食落都新鮮而且肥美。卷物叫咗牛油果軟殼蟹卷，一客有四件，軟殼蟹炸得幾香脆，牛油果個味中和返，感覺無咁炸都幾好食壽司叫咗火炙珍寶帶子壽司， 黎到唔算珍寶咁大，但味道都唔錯， 如果火炙味道香啲就會更加好。 薑蔥吞拿魚蓉軍艦我好鍾意食，因為本身都好鍾意食吞拿魚蓉， 一口咬落去成口都係吞拿魚蓉，大滿足串燒叫咗黑豚肉珍珠筍卷， 開頭以為中間係露筍，原來係粟米芯。雞軟骨串有鹽香味，燒得唔錯; 明太子燒雞翼

孩提時代曾經在長沙灣區生活， 偶爾家人會帶著筆者回來重遊舊地。上月經過某條小街，意外發現了新食點，今日便相約朋友聚舊，順道探探這間「Yuyu Sushi」。也許是位處小街內的緣故，餐廳內人客並不多（後來陸續出現食客， 但估計是附近居民為主）。但這樣正好可跟朋友聊過天荒地老，不用害怕被店員驅趕。隨每道晚巿定食附送。茶碗蒸做得頗細滑，入口頗濃蛋香味。以餐廳名稱而起的丼飯，想必會有其特色吧。剌身數量一點也不吝嗇，三文魚、拖羅、油甘魚等各有2-3片。剌身質素不俗，新鮮度不差，但拖羅筋位有點多。丼飯還放有青瓜黃瓜作點綴，視覺感提升了呢。米飯加了飯素作拌，增添美味。筆者向來對牛油果味道沒太大好感，還好放在卷物內味道未見違和。軟殼蟹炸得香脆，牛油果看來是起了一個調劑解膩的作用。卷物外層舖了蟹籽，增加口感。帆立貝尚算鮮甜，但火炙味不重，幾乎吃不到沙律香，有點失望。反而大蔥吞拿魚高於期望值，軍艦上佈滿吞拿魚，吃進口裡濃郁香葱味。鰻魚厚肉彈牙，烤香後塗上燒汁更感惹味。若能配上一碗珍珠米飯也是不錯。筆者才疏學淺，原來珍珠筍就是平日吃到的小粟米。經燒好的黑豚肉蠻juicy，配上珍珠筍一同進食，玉米的清甜能和燒

長沙灣一向多餐廳仔，但好少日本料理，呢間都算係質素幾好既選擇Yuyu黃金卷(芝士、吉列蝦)見係招牌野就一試啦芝士輕輕燒過下都幾靚☺️炸蝦反卷正常質素啦，但食落都唔漏既‧精選串燒、壽司4客以上有8折·另外有張紙仔比客人剔既壽司有一客有兩件：大崎蟹柳、鰻魚、灸三文魚腩、灸珍寶帆立貝壽司都幾抵玩，尤其灸三文魚腩，燒得幾靚，油香味幾出（我好少讚三文魚😂）·串燒：金菇肥牛卷、安格斯牛肉串、兩串蒲燒鰻魚呢度啲串燒我幾欣賞，一來可能有折🤣二來其實質素幾好安格斯肉質淋滑、牛味重鰻魚燒得都好靚，見佢平，我同男友一人一串😋正！ 金菇肥牛就正正常常啦🤪·櫻花蝦炸豆腐呢碟本身純粹見到人地影相幾靚，款式都特別就試下，上碟好靚，櫻蝦就正常脆香味啦，但即叫即炸，豆腐又熱又滑😋·牛肉稻庭烏冬茶碗蒸呢兩款就正常質素，唔多講啦，都屬於平價既

今日去長沙灣睇戲，因為新開左間 MCL 戲票好平，所以專程過去，當然又搵下附近食乜啦～食完 lunch 先過去睇戲。突然想食日本野，所以就搵左呢間:位置在一個小商場裡面，地方都寬闊，坐得都幾舒服。叫左個有味噌湯、沙律、壽司5件+ 黑豚肉鳥冬嘅 set ＄88樣樣都有 D，會特別開心。壽司有：立魚、魷魚、三文魚、帆立貝、油甘魚刺身唔算十分新鮮，一般般。而且壽司飯落唔夠醋，所以飯味唔夠酸。鳥冬…. 就是有家的感覺，哈哈！普普通通啦。而且份量有點少… 唔知係咪我大食，我食曬都唔係話好飽！Lunch 免收加一。唔太高要求的話，以呢個價錢食到日本野都OK 的，食物質數就中規中矩啦～

到荔枝角接妹妹放工，及後她帶我到長沙灣一間日本餐廳用膳。若非她帶路，都不會懂得走到這個商場呢！這間Yuyu Sushi 佔地很大，人流不算多，應該因爲附近沒有購物商場，晚市較少人。坐下後點了3樣餐點，過了不久就全部到齊。Yuyu黃金卷（$98）Prawn Tempura Cheese Roll黃金卷一客8件，份量不少。卷內是炸蝦🍤，炸蝦粉漿夠薄，蝦肉飽滿，配上表面的芝士🧀十分滋味。牛肉壽喜鍋（$128）Beef Hot Pot這個壽喜燒以鍋物🥘形式奉上，內有烹調完成的雜菜🥬香菇🍄豆腐、粉絲和半生熟牛肉片🍖，旁邊再附上一個生雞蛋🥚。牛肉薄切🔪，口感軟嫰✨，而且份量慷慨，不錯👍🏻！大家記得配上蛋漿吃用，蛋漿令牛肉口感更香滑😆。由於牛肉片 🐂早就放在熱騰騰的鍋內，所以溫馨提示大家盡早把牛肉吃掉🤤，不然牛肉便會過熟。其他配菜夠入味，份量充足，價格亦相當合理。唯一美中不足是壽喜汁味道不夠濃郁，未達至傳神之境，當作一般牛肉鍋則不錯。炙三文魚海膽親子丼（$138）Grilled Salmon, Sea Urchin & Salmon Roe with Rice另外，草根姐妹👭點了一個晚市套餐的魚生

今日到長沙灣新嘅屋苑探個朋友，發現附近都真係多咗好多新穎嘅食肆，幾多選擇而且有質素！朋友有介紹咗我到他樓下嘅日本餐廳！上網睇過食評好平居多所以到一試沒有定位之下六點鐘嚟到唔使等位，地方很大坐很多人，也很舒服！一去到見到佢哋就好大個廣告優惠，就係食四件壽司或者四個串燒就會有八折，真係超抵！20幾蚊一串再打八折差唔多買三送一！海膽手卷+三文魚手卷 ，初頭見到價錢四$50覺得略貴左一點。但係來到都發現份量原來都好多，裏面濕了滿滿的海膽同埋三文魚子！新鮮製造紫菜仲係脆的，當然都係新鮮！蟹子壽司，辣味三文魚壽司都係新鮮，蟹子唔腥，辣味三文魚比出邊的出色，我鍾意佢夠辣，同大大粒嘅三文魚好夾軟殼蟹牛油果卷：軟殼蟹真係剛剛炸出來，熱辣辣好香脆，牛油果係靚的牛油果，牛油果味香濃！呢幾舊壽司真係最好食！最後我哋仲叫咗碟支豆食！份量好多，夠晒爽甜！長沙灣現在真係好多美食，唔試過真係唔知，大家值得一去！

到長沙灣辦點事，聽同事推介喜薈商場內的日本餐廳，雖然要步行十多分鐘，但他們都經常到來，我便跟著指示，遠遠已見到商場招牌，上到1樓見到門前有多個餐牌展示午市套餐及串燒，而且午市免加一，非常吸引。 午市套餐選擇很多，由日式咖喱飯至壽司、刺身、串燒、天婦羅湯烏冬、和風定食等，組合多達數十款。最後我點了壽司蕎麥麵定食$88。套餐先來沙律及麵豉湯，壽司五件包括鰻魚、油甘魚、赤蝦、北寄貝、三文魚，件件新鮮甜美夠份量。 黑豚肉蕎麥麵加了蔬菜，豚肉肥美，蕎麥麵跟坊間有別，比較順滑，沒有嚡口感覺。見到串燒做午市特價，多點一碟雞中翼串燒$22，明顯即點即燒，需要等十多分鐘，店員送上時香味四溢，燒得雞皮香脆，師傅調味恰到好處，惹味非常，加點檸檬汁已齒頰留香。 原來Yuyu Sushi 始創於2008年，今年初重開新店，由灣仔船街搬到長沙灣，食材要求嚴謹，鮮魚魚生都是每天由日本空運到港，以後到長沙灣又多一個選擇了。

每次去長沙灣都淨係食咪走雞雞煲同埋日本牢獄台灣野，終於都有間似樣啲嘅日本餐廳呀！我對日本餐廳一定係食壽司啦，呢度嘅壽司同埋串燒依家都做緊買三送一，咁我當然就要試吓啦。叫咗最鍾意嘅火炙三文魚腩同埋呢度竟然有帶拖羅叫我呀，佢啲款式都算幾多，而且除咗單叫嘅壽司之外仲有一set咁揀。一客兩件嘅壽司。再加埋有啲卷物軍艦手卷等等，而且價錢合理。串燒幾出色，叫咗牛舌、煙肉車厘茄、雞肉大葱、等等，肉質笑得剛剛好，調味亦都剛剛好，特別欣賞個牛舌。由於怕唔夠飽，仲叫咗個鰻魚茶漬飯，佢係飯團形狀咁上碟，好得意，味道亦都清清地，唔錯。

前排去長沙灣探朋友時，沿路見到街上好似無咩特別既餐廳，經朋友帶路，入左呢間日本餐廳。日本餐廳當然要食壽司。我地叫左火炙三文魚，大拖羅，帆立貝，玉子燒，豆皮，油甘魚。整體壽司都唔錯，新鮮，大細適中。串燒。推介雞肉大蔥，大蔥清爽，雞肉鮮嫩，呢個組合非常之夾。而其他串燒比較重口味，適合配上酒類飲品。鰻魚茶漬飯。湯底偏清淡，配上烤過既飯團，食到最後味道剛好唔會覺得太咸。土佐豆腐。豆腐加上木魚碎一齊炸，嫩滑又帶點酥脆口感。整體用餐滿意，係長沙灣普遍都係見到茶記同連鎖快餐，突然都食日本野不妨考慮一下。