Yuyu Sushi

營業中

休息中

日式飲食文化在香港生生不息。迴轉壽司、日式放題、鐵板燒、日式咖哩、拉麵…成行成市。當中對食材要求較高的日式丼飯，相對未至於泛濫。今天就選擇了他們其中一員，嚐一嚐鮮味。炙三文魚海膽親子丼海膽色澤金黃、表面乾身、顆粒明顯、味濃、肉厚肥大、甘甜、零腥味，好味到心心眼。蒲燒鰻魚玉子丼鰻魚魚肉細緻，油脂豐富，肉身夠厚，魚皮有點焦香。高質素。雞軟骨串燒($22),  黑豚腩肉串燒($36), 牛舌串燒($43)雞軟骨表面夠乾身，非常有咬口，但依然保留一點點柔軟。黑豚腩肉肉味香濃，沒有肥膩感。牛舌厚切串燒，爽口彈牙，簡單配上海鹽黑椒調味，無得輸。雞肉大蔥串燒主角不是雞肉，而是大蔥。經過醬燒的大蔥不單不會有辛辣，而且甜甜的超好吃！雞肉嫩嫩的當然也好吃，但大蔥令我更驚喜！

今晚黎左長沙灣呢頭搵食, 入左去喜薈商場裡面嘅呢間日式餐廳｡餐廳室內環境都幾寬敞, 座位唔會排到好迫, 以淺木色為主調, 係簡約嘅日式風格｡餐牌食品款式都幾多, 除左有晚市定食外, 仲有前菜沙律、壽司、手卷、天婦羅、鍋品、串燒 …Order 4 客或以上嘅壽司/串燒仲有 8 折添｡定食前菜、味噌湯、茶碗蒸前菜係味噌豆角, 鮮甜嘅豆角配上少少味噌醬, 食落去好 Refresh｡ 茶碗蒸入面嘅蒸蛋口感非常滑嫩, 裡面仲有冬菇、白果、蟹柳｡ 味噌湯加入左海帶 & 豆腐, 增加左唔少口感｡炙三文魚海膽親子丼有 2 大件海膽, 炙三文魚腩亦份量超多, 食極都仲有, 而且三文魚籽用黎撈飯食真係一流｡大大件嘅海膽係成個丼飯嘅重點, 海膽呈橙黃色, 肉質夠肥厚, 味道甘香濃郁又甜美｡下次多 D 人去可以 Order 埋壽司 & 串燒 !!

是日下午肚空空，一個人走去長沙灣「yuyu sushi」食個靚午餐，諗住食完午午後就去對面間百佳超級市場shopping back回家休息下yuyu sushi好明顯係一間日本料理餐廳，我睇門口擺放宣傳餐牌，午市套餐由58蚊起，仲免加一真係相當超值。我就叫咗一個“壽司烏冬定食”，有五件壽司及湯烏冬或蕎麥麵選擇。D1套餐壽司包括有帆立貝，油甘魚，三文魚，白魚及魷魚，每件壽司都好新鮮，鮮甜美味，非常優質，好食到不得了。另外我點了牛肉湯蕎麥麵，份量剛好，牛肉是肥肉，湯底清甜，蕎麥麵都淋身，很不錯。套餐還配上沙律及味噌湯，味道都不錯的。整體上餐廳人座位舒適，服務良好，價錢實惠，是一間值得再多幾次幫襯的餐廳

到朋友家中拜年前先吃午餐，附近隨心地進了 yuyusushi。這裡地方寬敞，更有吧枱觀摩師傅預備美食。裝潢亦算別緻、店員服務亦很細心、坐得亦舒適，適合一家大小來吃。套餐亦包括餐前沙律及味噌湯。女友選了赤蝦、油甘魚、三文魚、鰻魚及北寄貝。 食材尤其是赤蝦都新鮮及壽司飯都算結實。L 為了讓女友選更多款壽司則選帆立貝、油甘魚、三文魚、白魚及魷魚。女友選的牛肉湯烏冬，烏冬滑而彈牙、湯底清甜。肥牛肉與脂肪比例均衡。L 則選了較清的雜菌野菜配蕎麥麵，味道不錯更感到很健康。

媽媽生日所以今日同佢一齊去慶祝。大家都住在長沙灣。門面及內部裝修，及至餐具都非常有日式風格餐牌上日式菜式花款多，定食壽司刺身湯品串燒樣樣齊，鍾意食日本菜嘅朋友一定心花怒放點咗一份晚市定食，除主菜外仲有跟餐前菜: 汁煮茄子+味噌湯+茶碗蒸，都好豐富，特別一讚味噌湯夠濃郁，茶碗蒸雖然配料唔多，但勝在蛋夠滑，趁熱食最好主菜火炙海膽鮮子丼賣相精美，一眼已見到有好多材料，感覺好足料，齋睇已經令人垂涎三尺尤其是鋪面嘅海膽，足足有成羹咁大，而且好鮮，絕無欺場，三文魚籽唔會好腥，火炙三文魚鋪滿全碗幾乎睇唔見飯，真係好正好滿足!

最近跟小胖女黎到長沙灣搵食,聽講周邊多左好多新開食店,就去左喜薈呢間日本野黎試下店內環境寧靜及舒適,地方亦都好大,見到叫4樣野有8折,即刻就不停寫點餐紙,叫左壽司,串燒,天婦羅同一個冷烏冬,先黎既係壽司,叫左辣味三文魚軍艦,腐皮,帶子同北寄貝,味道係唔錯,辣三文魚做得幾口,唔點豉油都夠哂好味,件頭都OK,帶子好大粒同甜,之後係串燒,叫左牛肋條,煙肉燒茄仔同埋燒鳥,即叫即做,個味唔會太咸,帶出哂食物既鮮味之後係冷烏冬,份量好大碟,咬落彈牙,唔錯,最後食埋個雜錦天婦羅,有大大隻蝦同冬菇,埋單都係百幾蚊一個人,非常抵食

沒想到在長沙灣也有高質日式餐廳yuyu Sushi是在長沙灣喜薈商場的日式料理店yuyu sushi的裝修風店令人十分舒適不會太擠迫燈光也恰到好處 這次我跟nana姐就點了吃日本餐的前菜當然要來點刺身先來到的時三文魚腩刺身刺身的油脂分佈得很好吃下去也好新鮮甘香之後是牛肉壽喜燒這裡的壽喜燒沒有一直在煮牛肉的份量十分多湯底做得很好黑豚肉珍珠荀黑豚肉加上珍珠荀的爽脆沒想到這個組合也蠻好吃的土佐豆腐炸豆腐的脆皮外脆內軟醬油汁在底很好吃

食在長沙灣！呢日同同事喺附近做完嘢，行一行呢個細細商場，見到間日式餐廳幾吸引喎放工食返餐先！由於大家都唔太餓，所以只係嗌咗一個定食share呢個係日本黑豚肉生羌燒丼，定食會跟漬物、麵豉湯同埋茶碗蒸個丼飯量算多！兩個人食都ok黑豚肉肉質滑溜，同個醬汁配合得唔錯！另外餐廳做緊優惠，4客壽司或者串燒會有8折咁就唔好蝕底，嗌夠佢7串先！先係每人一串冬菇、明太子雞翼同雞軟骨即叫即燒冬菇食落依然多汁，唔會燒到乾晒咁，幾好明太子雞翼又幾特別，除咗明太子味仲有香料～雞軟骨爽脆彈牙，食落好過癮～仲有最後嘅呢串金菇肥牛燒汁惹味，肥牛燒得啱啱好，夾埋金菇食簡直天衣無縫～正正子！

話説出bonus請朋友仔食飯，但又為左慳budget，焗佢揀定食，壽司串燒啲細細件未必滿足到出名黑洞胃嘅佢！其實定食都唔錯，有前菜、味噌湯同茶碗蒸蛋，好豐富呀！個人覺得個茄子幾入味凍凍地幾好味！而蒸蛋又幾嫩滑香蛋味，裡面有粒銀杏比較少見！味噌湯就差少少啦！叫左個YuYu什錦魚生丼 ($118)，都幾豐富，樣樣刺身都有，有三文魚、呑拿魚、八爪魚、甜蝦、帆立貝。。。仲有好多粒狀嘅青瓜同黃蘿蔔，好爽口又易送飯！重點係飯面有飯素，呢個平時都會買，好易食晒成碗飯！朋友仔叫個和風美國牛肉丼 ($92)，都幾多餸，偷試左一啖，係咪來自美國就唔識分，但都幾有牛肉味，又有啲小菇菇，口感豐富左！佢都覺得唔錯喎！

呢區日式餐廳越開越多，呢間位於新商場一樓，位置都幾方便惠顧壽司同串燒仲有折餐牌選擇唔少，壽司選擇都幾多，呢個價錢惠顧4客以上有8折，都幾值得試下，不過因為早前腸胃炎剛痊癒，暫時未敢食生冷食物，所以今次選擇食定食牛肉飯，普通啦！正常味道，吉吉家好似抵食啲咁啦咖哩吉列豬扒飯，咖哩幾好味，豬扒尚算嫩滑前菜有芝麻醬拌豆角，日式蒸蛋同麵豉湯，如果住附近嘅其實都值得一試，下次會試下手握壽司同串燒以呢個價錢其實同區差不多，但食物質素有待改善

咁岩黎開長沙灣好想食日本野，見到呢間既裝修唔錯就想試下D 座位好闊，坐得好舒服!覺得前菜個豆好好食，佢加左D醬好好味軍艦嗌左幾款都好好味 紫菜仲係脆依加食壽司好多時d紫菜都淋哂～所以呢個幾驚喜 軍艦既話覺得辣味三文魚最好食~ 嗌夠4款以上有8折 好抵食串燒就嗌左幾款 我覺得最好食係雞軟骨仲有個明太子雞翼幾特別，辣辣地好香牛油果炸軟殻蟹卷 呢個好推介 因為本身我都好鐘意食牛油果!加埋軟殻蟹 好滿足日式咖哩吉列黑豚豬扒飯估唔到分量好大 ~ 豬扒好多件 好脆口 加埋咖哩好夾~Overall 覺得呢間CP值都幾高，價錢唔係好貴，壽司好食過D連鎖HAHA D STAFF 都好主動落單加水下次黎開都會再食!

新春期間🧧食得太多好嘢，本來想清清地食碗粥清下腸胃，無奈呢頭好多食店新春休息，行到呢頭見有間日本餐廳，長沙灣嘅日本餐廳都唔少，價錢當然係考慮因素，但食物質素都唔可以忽略，剛剛又開咗呢間Yu Yu Shusi,就嚟試下餐廳位於商場1樓，門口同店鋪裝潢簡潔，感覺乾淨食得放心手握壽司同串燒惠顧4客以上8折喎刺身價錢合理手握壽司有多款選擇天婦羅同鍋物都有串燒有多款，好吸引手卷價錢唔貴，可惜新年前腸胃炎剛康復，今次唔敢食生冷嘢😭今日選擇兩個定食：牛肉飯，洋蔥夠多我喜歡💕牛肉算嫩滑另一半叫咗咖哩吉列豬扒飯，咖哩味濃郁，豬扒都幾juicy 前菜：芝麻醬拌豆角日式蒸蛋有蛋味麵豉湯，味道正常，最欣賞佢夠多蔥下次一定要嚟試下壽司同串燒

好美味同高質素的日本料理。今次趁新年假期同家人去食晚飯，因為都食咗好多日中餐！好開心，餐牌又多選擇。好多熟食，串燒，適合老人家。當然亦有好多魚生選擇！特別喜歡目仁奈魚同埋燒鰈魚邊。目仁奈魚好新鮮，燒鰈魚邊好香。我至喜愛的Uni 又新鮮同濃郁的味。環境舒適，nice and cozy. 好值得去, 性價比超高的日本餐廳。一定會再約埋啲friend一齊去。Really great Japanese restaurant! 。

新年期間忙足成個星期終於有個Cool Thursday抖下啦😵適逢早前有朋友介紹呢間質素不錯吃😋鍾情於日本菜既小肥🤩🐷🇯🇵還掂行開黎長沙灣一於黎獎勵下自己啦☺️🇯🇵呢度環境以簡約為主既設計🙈周圍掛滿唔同日式風味既擺設同埋布簾😆如喺牆上掛滿著各款食材價目牌就更加地道啦☺️🇯🇵除左高枱Bar位邊睇邊食之外😆👨🏻‍🍳唔想坐Bar位亦有其他散枱及卡位讓食客選擇☺️店員亦好熱心體貼地招待😆氣氛亦配搭高質素既日式料理😋🍴另外價錢經濟實惠既午市定食🍱亦吸引到附近唔少學生以及上班一族既捧場🤪👦🏻配合具日風地道既環境設計😆🇯🇵亦煮出多款抵食午市定食🍱😋照燒雞扒飯定食定食有包埋沙律同麵豉湯☺照燒雞慢燒至燶脆既外皮😋配合肉質滑嫩既雞肉🐔造出微微外脆內軟既口感🤤慢燒過程淋上薄薄蜜糖亦帶出其清香之餘🍯☺️灑上芝麻更增添口感☺️另外亦有充滿麻油香既炒雜菜做絕佳配合😆大滿足☺️🐔🍱三文魚壽司壽司即叫即製夠哂新鮮😆🐟三文魚夠哂新鮮鮮甜之餘🍣🐟脂肪比例亦均勻好有油香☺️雞軟骨串燒經慢烤燒香既雞軟骨串燒☺️配合鹹香既調味粉更為風味之餘☺️🐔加以檸檬汁更為開胃🍋🤤

今日喺長沙灣見客，見完客順便食埋lunch，見到喜薈商場門口掛住好大報 Yuyu sushi 的廣告牌，就俾佢吸引左入去。我叫咗個 YuYu 雜錦魚生丼 Assorted Sashimi with Rice $98. 侍應首先端上一杯熱茶，然後再上執菜沙律和面䜴湯。雜菜沙律很新鮮，配上胡麻汁很開胃👍。面豉亦好飲不太鹹😋。不過一陣就上了 Yuyu 雜錦魚生丼。 方面鋪滿了各式各樣的魚生，賣相相當吸引！有三文魚，八爪魚，墨魚，吞拿魚，帶子，鯛魚，赤蝦，三文魚籽，醃蘿蔔，青瓜。每款刺身皆很新鮮， 質素平均，三文魚和吞拿魚和赤蝦很鮮甜，八爪魚和墨魚很爽口，我尤其喜歡帶子，很肥美很好吃！整體想此雜錦魚生丼很有驚喜，質素頗高，cp值高！此餐廳坐得舒服，侍應亦有禮貌，食物質素好，是個很不錯的選擇！