Yummy (已結業)

今日臨時臨急同朋友約食飯，居然六點半都仲book到七點半嘅枱 ，網上book枱可以有九折 ，大約7：20就去到，見冇咩人所以職員都即刻畀我哋入去坐 ，燈光有少少偏黑睇menu有少少難度 ，最後我地叫咗一份西冷扒，一碟帆立貝意粉 ，同埋一客辣味炸雞翼， 意粉係第一樣上枱， 除咗面頭兩隻大嘅帆立貝意粉入面仲有好多細細粒嘅珍珠貝 ，個汁好creamy幾好食唔錯， 跟住就係西冷扒 ，我哋叫三成熟，煮到出嚟的確係3成熟， 唔會太熟， 佢有個特別設計就係碟下面有個架，架入面有個蠟燭仔， 可以輕微地暖住塊肉，不過肉味一般 同埋有啲鞋， 最後係炸雞翼，不過由於只係面頭有少少辣椒粉所以唔覺得麻辣，不過真係炸得好鬆脆好好味 ，個人覺得3樣野最好味既就係呢碟雞翼，雖然唔辣，但係如果唔食得辣嘅朋友就啱曬喇， 套餐包飲品，係最基本嘅檸茶檸水奶茶之類，要加78蚊先有手工啤酒 ，我朋友叫咗枝西柚味手工啤酒 ，係好細既細枝裝，但係佢話好飲 ，因為佢係細枝既程度係share唔到，但係我朋友話味道的確唔錯，佢個人就好鍾意飲，但係因為本身跟餐係有嘢飲要再加78蚊先有手工啤酒，所以想要嘅朋友真係要自己衡量下呢個價錢

同個fd去旺角買完靚衫後 梗係要醫飽埋個肚先得啦 見到廣華街呢間新開既餐廳好似特別咁 開頭以為只係一間bar 點知有主菜同甜品食 咁我地就試一試呢間新野呢間餐廳裝修得好別緻 除左有好搶眼既水晶燈之外 仲有個投影既鐘 其實本身我係唔知架 直到我同朋友自拍時先見到 好特別呀〰️珍寶芝士帆立貝肉蟹忌廉扁意粉〰️濃濃香草味既扁意粉 除左圖中既帆立貝之外 扁意粉既中間收埋咗好多粒細細的帶子仔同埋勁多蟹肉 麵條唔太淋 軟硬適中 忌廉汁加埋芝士既扁意粉真係絕配 〰️北海道3.6牛奶心太軟〰️我見到佢menu寫住係全港獨家嘅 而且我好鍾意食心太軟 所以我地忍唔住要叫黎試吓啦之前真係好似冇見過牛奶味嘅心太軟 其實叫嘅時候都擔心牛奶會唔會係冇乜味架呢 但係其實佢應該係加左煉奶所以有少少甜甜地 而一啖雲呢拿雪糕一啖心太軟真係好正 我覺得呢個我覺得牛奶都幾特別 冇平時嘅朱古力咁悶

聽聞Yummy這間餐廳食物質數有酒店嘅水準，價錢係旺角嘅價錢，今晚就同阿女一齊放工去食晚餐。叫完晚餐唔夠幾分鐘好快就上咗餐湯，係雜菜加鮮蝦蓉湯，個湯好鮮甜，飲完覺得好舒服。跟住就嚟咗個西巴牙辣肉腸，鮮蝦天使麵，估唔到辣肉腸同鮮蝦嘅味道係咁夾，天使麵嘅口感都唔錯，唔會太淋或太硬。跟住就上埋第二個主菜那威香煎三文魚扒薯菜伴牛油忌廉汁，用咗紫薯整成蓉，好香紫薯味，三文魚扒夠厚，外脆內軟，仲可以用牛油溶液點三文魚，仲有新鮮嘅沙律菜食。最後上埋雲尼拿雪糕同埋餐飲，剛好填滿咗我哋兩個嘅肚。間餐廳個名真係改得無錯"Yummy"聽講佢哋嘅鵝肝同埋心太軟係，手工啤酒係佢哋嘅主打，下次一定會過嚟食😋😋

同朋友臨時相約旺角晚飯, 發現經op訂座有9折就決定試下 lol⭐️$108 炸魚薯條出乎意料地好味! 炸魚兩大塊熱辣辣兼皮脆肉嫩, 炸粉又夠薄身! 薯條香口又惹味! 大大力推介! 👍🏻👍🏻👍🏻⭐️$198 挪威三文魚扒伴紫薯茸三文魚扒煎得太乾身沒有封邊鎖死肉汁, 紫薯茸滿特別的可是真的太甜了, 好像在吃豆沙餡有點怪怪的, 倒是伴碟的翠肉瓜和茄子還不錯... 🤔⭐️$88 西班牙辣肉腸鮮蝦扁意粉Pasta無論賣相和調味都很不錯, 至少比main course做得好! 餐廳環境不錯, 但服務一般, 笑容欠奉, 整體上也算是不過不失, 不過結帳時被告知只收現金就有點愕然, 畢竟餐廳走的絕對不是親民路線, 而且店內同時主打手工啤酒(大多$78～$98/枝), 如果打算喝酒的話人均消費大約也要$300up吧? 🤔🤔🤔

晚飯後又係甜品時候~ 係到SERACH 有邊間好食的時候 見到有一間寫住北海道3.6牛奶心太軟 平時好少見有呢隻味~ 就去試下啦~ 去到人不算多 而已係有西餐食的~ 咁我地最後叫左個北海道3.6牛奶心太軟 仲有香蕉朱古力熱香餅~ -香蕉朱古力熱香餅 比較普通~ 　熱香餅鬆軟 食落還可以~ ～　 -北海道3.6牛奶心太軟 好期待呢個 一食有好多牛奶湧出黎 但其實不太食到牛奶味 係甜甜的 但我又覺得好好食~ 仲有其他甜品架~ 

係旺角廣華街尾，有日路過見到一間氣氛唔錯嘅餐廳就入咗去試。 點知一試難忘。黑毛豬入口油分重，口感一流肉味香，牛柳肉質靚，油分幾好，入口滿滿牛油香。重點個心太軟，係真。心太軟。香！濃！滑！

旺角地舖其實有唔少西餐廳，都好值得去試吓。今次就黎到呢一間，見到有兩個人識嘅話，有優惠嘅活動就係Facebook打卡分享就可以享有優惠價錢一客。裏面環境唔錯，燈光比較昏暗浪漫🌹我就選擇了優惠套：法國鵝肝伴黑松露意大利飯＄138表面的法國鵝肝未算很大份，不過size適中，而且最特別的是外皮口感十分香脆。黑松露意大利飯香味十足，有很香的黑松露味道，而且飯粒質感有點硬，有意大利飯應有的質感。另外叫多一杯檸檬茶啦，因為最近身體不太好不適宜飲用酒精成份飲料，我咁就可以飲吓嘢，同朋友傾計渡過一個愉快的晚上。

尋日朋友生日去食飯，見到生日可以送心太軟，就訂位備註咗係生日飯。點知食完飯，收埋枱，仲要我提佢先知，好似我無做過備註咁，搞到我好尷尬。食物質素味道係唔錯，但係飲品唔得手工啤味道麻麻想食刨冰又話壞機士多啤梨心太軟又無雪糕跟，仲要話係比平時份量大咗又話送分，但到呢一刻都未有出席確認但不能不讚個chef湯好creamy，好滑牛扒同黑毛豬都好好食，生熟度好到位，肉嫩而且好juice意粉味道啱啱好，不過細份咗啲啲，三個人分，每人得少少個waitress好有禮貌，但整體感覺仲有進步嘅空間

優質的西餐館都座落於尖沙咀，而位於旺角廣華街的「yummy」少了同業的競爭，故之然坐無虛席，我趁星期二可以準時收工，也到了此品嚐她的味美。先奪目的是門外的女士之夜，也有折扣優惠，適合旺角上班的朋友去happy hour.「yummy」甜品非常yummy, 且巧奪天工，也下了十分marketing的元素，在週末假期不難想像這「全港排第六名」的甜品店有多火熱墟撼。 一列排開的cocktail酒吧艷紅的梳發，古典的氣派，讓人置身於opera theatre.不難看見老闆兼主廚的用心和細緻。玉米忌廉湯，也有應該是parsley做點綴，開胃首選。鮮墨魚海鮮味濃郁，雙倍墨魚汁也讓risotto更加飽滿，我更喜歡墨魚的香滑煙韌,一白一黑，視覺效果突出。

前排係旺角東睇完戲就直接行咗落旺角廣華街覓食，咁巧合見到呢間Yummy，太肚餓嘅關係就入咗去食個晚餐。見到佢個Dinner Set都唔算太貴，所以兩個人各自揀咗一個晚餐，之後互相Share。最後我地柯打咗個「黑墨汁鮮魷意粉」同「加拿大波士頓龍蝦拼軟殼蟹配黑松露薯條」。晚餐都分別有餐湯、雪糕同飲品，個人覺得咁樣價錢都幾合理。坐睇傾下計無耐，先到嘅係餐湯同飲品，是日餐湯竟然係黑松露忌廉磨菇湯，睇泥我今晚同黑松露都幾有緣。湯嘅味道調配得宜，散發出濃濃黑松露味，令人食慾大增。出餐速度頗快，飲完湯無耐兩個主菜就到。半隻龍蝦加軟殼蟹，炸至金黃襯熱食，覺得太油膩更可以配搭埋個黑松露醬去食。講個有趣嘅誤會，本身眼見餐牌所寫黑松露薯條，以為係偏幼身薯條用黑松露油炸個款，誰不知一到發現係大薯角。雖然覺得幼身薯條會香啲會好食啲；但薯角都唔差，因為大份又大件夠飽吖嘛。另外墨汁意粉嘅水準出唔錯，除咗意粉入味之餘，麵芯嘅熟透度做得岩岩好，有嚼勁同口感。另外鮮魷都係煮得剛好，所以外面爽內裡軟。超出預期所想，值得推薦。最後，非常完整地食埋個甜品，牛奶雪糕作結整個晚餐。總結，價錢唔算太貴夠飽，環境都坐得舒服，不俗。

返左成日工，又係時候醫下肚。今晚興起想出街食西餐，就比我遇到呢間餐廳。雖然係旺角，但係都屬於一d隱蔽位置，不過都冇阻我去食既意欲。諗都無諗就拎起左Dinner Set既menu 快靚正呀嘛！每個set都有配廚師餐湯。當日既湯係椰菜花湯。啱晒啦，食咁多肉係要食返d菜balance返。我比較偏好creamy d既，而呢d湯就合我心水。味道亦唔會太鹹呢。個main我揀左紐西蘭香草羊架配薄荷者厘汁。用大木板奉上，旁邊仲有車厘茄、瓜、茄子同薯角。咁多配菜就唔會太單調啦。羊架有三塊，每塊size都均等，煎得好香。如果怕羶味既人就應該接受得到，佢既羶味唔太重。面頭灑上黑胡椒同香草，我建議可以點d薄荷汁，感覺會係清新既。除左有餐飲之外，仲有雪糕送埋。少少地既甜品都係一個唔錯既點綴呀。

我男朋友投資賺錢說請我食返餐好嘅，咁我就選擇咗嚟到旺角區一啲唔係大街大巷嘅西餐廳，揀咗個最貴而且最高級嘅牛柳鵝肝餐。揀左最低個餐~ 雖然個牛柳唔係好大份，但係睇得出非常之高質素，裏面嘅肉質鮮嫩而且口感鬆化之餘不是鬆肉粉的口感。旁邊嘅鵝肝都幾大份，最出色係佢外皮非常香脆。除咗肉類之外，旁邊都有好多經過燒左嘅菜類，小小油膩但係好香。餐湯係椰菜花湯，食到個味道好香濃。最後仲叫多杯檸檬茶，好清新啊！仲有雪糕係包埋係套餐裏面，整體豐富得多。

一黎到見到佢lunch set個menu，頭3定頭4樣都係沙律……冇得揀之下揀左牛扒同埋雞扒burger，唔可以話難食，但呢個價錢食呢個質素真係唔值！跟餐既南瓜湯其實我食完都分唔出佢到底係南瓜湯定粟米湯，我係食完曬問侍應先知道原來佢叫“南瓜湯”。因為飲落好香粟米味（我好鍾意食粟米架一飲就飲得出）冇咩南瓜味，但有南瓜既色，又深色過粟米湯……如果佢係一個粟米湯，我真係會覺得好好味！但以一個南瓜湯黎講……南瓜蓉少到幾乎唔覺，俾粟米搶曬風頭，好失敗！牛扒，七成熟我手機相機影得差，真實係比圖片更加深色更加燶！先講配菜，薯條整得唔錯，好脆，有薯味，唔會一入口就成口油。沙律菜正正常常冇咩特別。到主角牛扒，煎到好燶不在話下，燶得黎食落又唔脆口唔知想點，舊肉完全冇肉汁，超乾又鞋口，完全唔嫩滑，用作調味既黑椒又落得太多，完全搶曬牛扒本身味道！個汁個味道我唔識形容，總之係好怪，同件扒唔夾既怪味！個汁試完味就冇再掂過！相中既肉，真實中係比相中更紅，說好的七成熟呢？外面咁燶，入面咁生，好想問下入面個廚師係咪趕成咁，連將牛扒解凍既時間都冇，直接將未解好凍既扒放上去煎？雞扒burger麵包雖然可以再厚身啲，但勝在有

身為一個槍迷既我，得閒就會去行下槍街睇下槍，行到肚餓就好自然係附近搵下嘢食，係門口睇咗陣餐牌覺得幾吸引，就決定入去試下。入到去再諗下食咩好，最後同朋友決定叫兩個set dinner，分別係黑墨汁鮮魷魚扁意粉同加拿大波士頓龍蝦拼軟殼蟹配黑松露薯條。一開波就嚟咗個蘑菇湯，香菌味好濃。之後就到主菜既時候，黑墨汁鮮魷魚扁意粉好夠味，好食既嘢自然好快食哂，雖然會食到成口黑哂，但最緊要好食，而加拿大波士頓龍蝦拼軟殼蟹配黑松露薯條，我只係食咗少少薯條，個黑松露醬好香濃同薯條好夾。最後就係雪糕一個，雖然有啲簡單，但都算係一個好食既雪糕，下次再嚟會試下佢啲甜品，因為個賣相好似幾吸引。

行街行到個肚呱呱叫，唔知點解朋友竟然會建議我地去糖水 OMG，而唔係去食飯!!!所以我地一行人就轉入左廣華既一條糖水街之但係~~~ 竟然就比我發現一間有正餐又有糖品既餐廳我就梗係拖左佢地入去啦 (我要食飯呀!!!肚子餓餓，就叫左一份晚餐，包餐湯、飲品同甜品介紹主角-龍蝦汁海鮮天使面 份量唔細，而且海鮮足料，厚厚嘅帶子，鮮味嘅青口，多多嘅三文魚，可見廚師用料充足。帶子嫩滑無過火喉，青口常見的腥臭味都無，值得一讚。最重要既係麵條硬度剛好，無過淋，配上醬汁夠濕潤最後就講講朋友所點既心太軟呢到既心太軟特別高，好似座小高塔咁切開入面，熱辣辣嘅朱古力醬即刻湧晒出嚟，鬆軟嘅外皮，沾一啲朱古力，香味濃郁，甜而不膩，人生享受。 真係超推介，唔過甜又唔油，質地係剛好的濕潤，真係好難得遇見