Yummy (已結業)

今次要幫朋友慶祝生日黎到呢間餐廳，環境比想像中不錯，而食物既種類非常繁多，從正餐酒水到甜品都有好多（連韓式刨冰都有）我地一共叫左三個主菜；第一個係一個煎三文魚排，亦係最令我地驚喜既主菜。三文魚煎得香脆而鮮嫩，唔似平時通常會食到既咁乾身。而伴菜當中既紫薯亦出乎意料地夾我地仲叫左海鮮天使麵同埋墨魚risotto，海鮮天使麵係白汁底既，都算多汁好味，但就無三文魚咁突出啦。而墨魚飯就擺盤好精緻，將飯釀喺墨魚筒入面，都幾特別。

之前是看到食評好像不錯才去食，怎知完全不對板 ! 食物質素真的要改善一下，其中點了兩份牛扒，一份是要四成熟，一份是七成熟，怎知兩份扒出來熟的程度是完全差不多，一邊是熟過頭，另一邊是5－6成吧！這次晚餐是生日，有一個甜品送，什麼是送呢？是免費才叫送吧! 最初說要加$18，隔了一會又說要再加$8，真的不知是什麼原意，本想生日飯就算了，點了這個甜品，店員說需時15－20分鐘，追了幾次，最後足足等了差不多一小時才到…這知心太軟還真的難食呢!!

環境比想像中小，但場地佈置，氣氛不錯，坐下來是舒適的。6點便到達餐廳，故不用等位。和友人分別點了一個dinner set，包餐湯，餐包，若不夠，更可以用優惠價叫前菜，甜品和飲品！但由於我地兩個都五算好餓，所有就無叫了！餐湯，蒜蓉包。我叫了一個黑松露芝士啡菇闊條面。啡菇真好隻，而且菇依然保持juicy 另外個汁都好好味，而且好充足，但若一個人食哂就會有d**漏**！面內仲加入左蕃茄仔，好fresh，可以略略解左個汁既*漏*友人叫左個軟殼蟹紫薯意大利飯。紫薯味好濃！！好特別！鍾意食紫薯既你一定要嘗試

琴日去旺角行完街，順便就去咗呢一間(yummy)西餐食晚飯了❤️打開餐牌見到啲價錢都好合理一點都唔貴👏🏻好多特色嘅飲品~我就叫咗一杯雞尾酒～全部洒都係老闆親自調配嘅～佢話好ge 嘅雞尾酒飲落去應該啲生果名蓋過啲酒味～而唔係夾硬飲啲酒精味😜 果然係飲落去唔同啲啊下係清清地幾好味❤️咁食西餐我就肯定又係叫豬手啦～因為我最鍾意食呀嘛😜呢度嘅豬手皮有啲出邊食唔到ge獨特味～幾正，甜甜脆脆～ 老闆話係秘製的～ 隻豬手超級大隻同個friend兩個人都差啲食5曬😂老闆再推薦我哋食咗一個龍蝦蜆飯～ 賣相好吸引❤️ 啲飯嘅汁配得好好～ 好開胃同埋價錢真係唔貴～ 甜品就係士多啤梨窩夫，好邪惡丫 ❤️好滿足嘅一餐～～人均消費都係百幾～2百蚊. 十分超值❤️ 🚬🚬!!呢度仲有水煙食添㗎!!🚬🚬大家一定要去試吓~記住響我個名(memi)有八五折😜

今晚想靜靜地一個人慢慢享受吓晚餐，行行吓見到有間餐廳，望入去見唔冇乜客，見裝修環境，燈光氣氛都幾好就入去尋食先原來呢間唔止係西餐，還有甜品，不同既酒類和水煙我就選左個dinner set：美國安格斯PRIME肉眼配紅酒汁，附送餐湯、雪糕、冷熱飲品。南瓜忌廉湯，入囗creamy，好香南瓜味美國安格斯PRIME肉眼配紅酒汁，睇賣相幾靚，而且用酒精膏暖住個扒，唔使越食越凍，肉係靚但可惜廚師調味太重手，超鹹，本人受唔到如大家食得鹹可以去試吓。好彩我叫左杯凍柚子蜜，可以解吓喝，還有杯雪糕解左個鹹度需然餐廳環境好，但食物味道就唔啱我囗味，沒有下次

今日同老婆行旺角，行到咁上下，肚仔餓了，就去左附近呢間yummy到食晚飯。坐底左之後，就睇下個餐牌點野食了，我地叫左一個漢堡同一個闊條麵西班牙辣肉腸虎蝦闊條麵：食落酸酸甜甜，非常開胃，虎蝦肉新鮮入味，辣肉腸則咸咸辣辣，相當好味南瓜湯+餐包：美式草飼牛肉芝士流心蛋漢堡、薯條：呢個漢堡只睇樣就知道非常出色，食落果然冇令我失望，飽夠熱，牛肉漢堡肉嫩，流心蛋口感一流，再加上一個食落似麥當勞將軍漢堡既醬汁，真好味到一個點呀，另外薯條都非常香脆好味忌廉朱古力：朱古力味濃，不錯。總結：呢到地方需小，但五臟俱全，有多部電視提供觀看，個人覺得好岩一班朋友黎一齊睇波、飲酒、食飯

今日係旺角行街搵野食，女人街個d餐廳都差唔多食過，想試下新野🤔，所以就去左平時搵糖水食嘅個條廣華街睇下。呢條街好似多左好多食店，我地行下行下，行到去街尾，發現左呢間環境幾好嘅西餐廳。😍坐得舒服又有音樂聽，佢都係半個酒吧黎，有cocktail, mock-tail, beer, wine, shisha 咩都有，😍重點係佢唔似太子酒吧街個到咁多煙味又噪！同friend 飲野傾計一流！👍🏼咁我今晚就係黎食晚餐嘅，我見佢有牛排食🤤，d意粉又好似幾正咁，所以就入左去試下。我地叫左個安格斯西冷排，五成熟同埋要個西班牙辣肉腸虎蝦闊條麵。😊先黎嘅有餐湯同蒜蓉包。羅宋湯好足料！味道微辣同濃嘅，有香草味，好多蔬菜仲食到d牛肉。👍🏼至於個蒜蓉包，又熱又脆，牛油蒜蓉都好足夠。主菜黎了，西班牙辣肉腸虎蝦闊條麵。賣相幾好，同埋都幾大份啊。麵煮得岩岩好，同埋個汁好煮得幾好，食得出係心機野，唔係只得蕃茄，仲有香草，Tabasco 等等⋯⋯👍🏼🤤辣肉腸，煙肉，幾隻蝦仁同一隻大虎蝦，份量適中。之後有安格斯西冷排，五成熟，佢放左係個好靚嘅鐵板上面。薯菜好足料，牛排好大塊，又厚，目測有2-3cm 厚！😳切開佢見到真係五成

喺廣華醫院探完病，轉個彎黎左呢間bar and restaurants～雖然餐廳喺馬路邊，我地又坐近門口，但又神奇地唔會覺得熱同埋嘈，成個環境都舒適，可以靜靜咁同朋友傾下計。前菜跟餐送咗湯同麵包，碗羅宋湯飲咗一半先記得影相😛（相機問題，成張相影到紅紅噹噹咁我們兩個人叫左個main courses，分別係德國豬手同西班牙辣肉腸虎蝦闊麵，再加份薯條。薯條芝士唔係熔喺面，而係留係底好似汁咁點，好特別。而主菜隻豬手夠晒膠，好好味。仲叫左兩杯cocktail，因為跟餐有優惠價，呢一杯叫swimming pool，好飲～忍唔住食埋上面粒櫻桃😂結論：兩個人夾埋食左$649，食到好飽！唯一唔好係影合照會變紅色😂

搵食，想係旺角搵間可以傾下計既。居然有意外驚喜。叫左兩款扒，西冷&肉眼。出面成日都試過叫 medium rare，最後出黎變左 medium。今次真係medium rare wo.而且好juice wo.個心太軟又係一大驚喜奇怪的是，全晚客人都不太多。

最近工作都很繁忙，難得準時下班，當然要輕鬆一下啦。本來打算隨便在旺角吃頓飯就去尖沙咀HAPPY HOUR，怎知看到這間餐廳既有晚餐也有酒供應，一舉兩得，自然要試一試。店內座位雖然不多，但滿有格調的這是MENU我們都點了DINNER SET：美式草飼牛肉芝士流心蛋巨型漢堡配薯條AMERICAN BEEF CHEESE BURGER &CHIP ($148) & 德國巨型脆皮嫩滑咸豬手GERMANY PORK KNUCKLE ($198)餐前菜有磨菇湯和牛油蒜容包餐湯十分足料呀，每喝一口都會吃到不同的材料，有磨菇粟米和蜆肉呢，而蒜容包也很脆呢，不錯不錯。大概等了15分鐘，主角終於到了。首先是牛肉芝士流心蛋巨型漢堡一口是吃不下的，因為真的很巨型！半熟的流心蛋配上充滿牛肉味的漢堡真是很配呢，口感很豐富，而且十分多汁，值得一讚。薯條炸得剛剛好 外脆內軟。在旁的沙律就稍遜了。然後就是我最愛的德國咸豬手了，果然「豬如其名」，外皮十分香脆，肉質嫩滑，一脆一嫩咬下去十分有口感，中間的脂肪不多也不少，怕肥的朋友大可不必擔心。不過，略嫌咸了一點點。而我最欣賞的，莫過於豬手的肉上台前已經切好分好了的，最適合我

前兩晚同閨蜜們去hea下，旺角家樂坊附近就無咩酒吧嘅，咁就試下呢間Yummy,睇下可唔可以yummy yummy啦😂睇下啤酒先～選擇就係超多，仲有好多特別名嘅手工牌酒！叫杯叫lady killer嘅cocktail,酒味唔重，好岩女仔飲，甜甜地，好易入口！雙倍墨魚黑墨汁意大利飯呢個意大利飯份量唔太多，但係整得好有心，將D意大利飯放曬落墨魚筒度。如果兩個人就一人一隻岩岩好，同埋墨魚筒煮得幾好，唔會太硬同無食硬膠嘅感覺。最後點左個薯條🍟，熱辣辣上碟，好難唔好味，但份量就比較少。

原隻軟殼蟹扁意粉，168蚊，晚上五點半至十點半期間，會附送餐湯及蒜蓉包。軟殼蟹炸得鬆脆，略嫌唔夠厚肉，好彩意粉內有其他海鮮搭救，海鮮份量多，扁意粉醬汁濃郁，有拉絲的效果，意粉彈牙，味道不錯！另外值得一讚係附送嘅餐湯，香濃好味，蒜蓉包烘得十分鬆脆，送湯一流。溫泉蛋牛肉漢堡配薯條及沙律，138蚊，漢堡包有烘過，十分脆，漢堡扒牛肉味濃，再配上蕃茄生菜，加埋隻溫泉蛋簡直係錦上添花，入口有不同嘅層次，口感一流。薯條炸得香脆，正！

聽朋友話, 之前世界盃個時去左間酒吧食飯飲酒😆唔單止野食好味, 而且仲有手工啤酒~雖然今日唔想飲酒, 不過一於去個度食晚飯啦！雖然店面唔大, 不過都有用心思裝修, 店中間有一盞好有氣勢跑水晶燈而牆上都排滿唔同種類啤酒樽黎做裝飾😄Menu 方面都有好多種類選擇😊除左主菜之外, 仲有好多小食, 甜品同飲品。主食都有扒類, 假同意粉啊而晚飯嘅時段, 主菜仲會跟蒜蓉包同餐湯😊而我估唔到, 連蒜蓉包同餐湯都好味道啊蒜蓉包唔單止香味夠, 脆中帶軟, 送湯一流。而湯係蘑菇蜆肉忌廉湯, 材料十足, 絕對係滿分嘅餐湯。小食方面叫左一個 Yummy 二重奏💟鵝肝虎蝦蟹肉蒜蓉包~又一個驚喜, 鵝肝煎得剛剛好, 鵝肝油流落包裡面, 香味又更上一層樓。而蟹肉虎蝦都唔遜色, 蝦肉夠鮮同彈牙。主菜先黎左香炸原隻軟殼蟹扁意粉軟殼蟹係一大隻上枱啊! 意粉煮得剛剛好, 而煮意粉嘅配菜除左常見嘅紅椒, 蘑菇同煙肉之外, 仲有大大隻鮮蝦, 味道豐富而軟殼蟹好鬆脆, 裡面就軟林林, 好有口感。最後主菜係炭燒 10安士美國安格斯西冷扒。扒十分厚切😊份量十足! 而我地叫左5成熟, 亦都岩岩好, 表面熟左而裡面仲有肉汁流出黎~而醬汁

最近人人都去酒吧睇世界杯，唯獨係黎到呢度冇咁多人，但都係有世界杯睇除左啤酒之外，仲有cocktail，叫完好快就有得飲喇唔好睇佢普普通通一隻墨魚，入面有飯嫁啲墨魚食落岩岩好，好爽口個豬好香，咬落啖啖肉 啲肉好霖而且仲好入味添阿！睇波梗係要有小食啦，蜜糖雞翼雞翼沾滿左蜜塘，個皮焗到有小小脆脆地，好香口好吸引小食又點小得薯條呢，全部都係粗薯條，面頭有芝士汁之餘仲有啲煙肉同香草。好襯但又一啲都唔會覺得濟！

1. 香炸原隻軟殼蟹扁意粉（＄168）🦀🍝軟殼蟹都幾大隻，又炸得鬆脆，少少嘅鹽粒更提升蟹味，就咁食扁意粉偏淡味，一定要連埋軟殼蟹一齊食，互相中和😋彤樂評分：7.5/102. 泰式辣味脆雞翼（＄78)🍗外皮脆身，入面肥嫩微辣，佢款泰式味道有D似水牛城雞翼咩😂彤樂評分：8/103. 法國鵝肝配美國草飼厚切S級牛柳（＄298）鵝肝一如以往入口融化之餘又重味，鵝肝邊仲有少少香脆👍🏻牛柳大嚿厚身之餘，又有肉汁，再點上醬汁食就岩啦，今次叫左5成熟，有少少韌，需要多D噍勁啦😂彤樂評分：7/104. 餐湯及蒜蓉包（跟餐）餐湯係南瓜湯，出奇地唔錯，甜味岩岩好，仲有南瓜蓉同磨菇👍🏻蒜蓉包就偏硬啦😅彤樂評分：7.5/10