Yummy (已結業)

同姊妹們飯聚梗係唔少得慢慢食再飲少少酒啦，今次我地就試呢間酒吧飲品食物方面都幾多選擇主食配有餐湯，味道濃郁前菜就order左煙三文魚薯仔沙律，沙律菜夠新鮮，煙三文魚都好香呢杯係Show Ball，酒味唔會濃，適合女仔飲Lady killers，少少酸酸地幾開胃Swimming Pool，有少少椰子酒味，甜甜地，酒精度一樣唔高主菜係黑毛豬鞍火腿，黑毛豬肉質比想像中嫩滑，味道唔錯墨魚墨汁繪義大利飯，賣相已經好特別，墨魚食落一d都唔韌，味道唔會太濃，啱啱好煙肉芝士薯條，食飽飽又未想走住就叫左d小食，薯條炸得好鬆脆蜜糖雞翼好甜好sweet埋單價錢唔貴

香炸原隻軟殼蟹扁意粉－＄168（包餐湯及蒜蓉包）軟殼蟹相比外面餐廳食到嘅都算大隻，又夠多肉香脆，扁意粉偏淡，不過加左吞拿魚就中和咗唔少個人幾鍾意佢附送嘅南瓜湯，夠香甜之外，仲有少少南瓜蓉同蘑菇蒜蓉包亦可以點湯一齊食，別有一番風味呀！法國鵝肝配美國草飼厚切S級牛柳－＄298（包餐湯及蒜蓉包）軟腍又香氣直迫嘅鵝肝加上勁厚切S級牛柳，完全係極級邪惡，不過牛肉有少少韌，但肉質依舊細嫩又有肉汁嘅整體評分：4/5

今晚，我在旺角街頭遇見Yummy．．．世界盃來了，店面掛滿一支又一支國旗，餐廳色調以紅黑為主，裝修有格調，播著輕快音樂，頓時氣氛變得濃厚。仲未開波，店內只有我1人，朋友要遲d先黎到，我唯有快D食飽先有力跟大家睇波叫囂 接近深夜，呢場直播比賽應該會爆場吧！意外地聞不到煙味，抵讚！餐牌方面，主菜由意粉至高級扒類，大致約$120-300不等，包蒜蓉包及餐湯，而小食及飲品可額外加跟餐價錢，還有水煙、甜品、特色餐飲、手工啤酒、小食等等！OPENRICE網上於某時段預訂有折！橙汁菠蘿冰$48(跟餐價)黎到酒吧，點都要叫杯野飲下！外表吸引，迎合夏日炎炎熱帶feel，味道酸酸甜甜，唔錯！其實同朋友一齊叫杯野飲，摸下杯底，燈光昏黃，環境氣氛合適，是一個談天說地的好地方~~~蒜蓉多士：咬下去頗香脆，幾濃蒜蓉味。忌廉湯：西湯入口幼滑，不杰身，味道可以，個人喜歡配蒜蓉多士一流。珍寶芝士帆立貝蟹肉龍蝦汁意大利飯$178有2隻帆立貝，不過帆立貝比想像中細小，有點失望；伴有沙律菜伴沙律汁，爽脆清甜，減去油膩感；濃香的龍蝦汁黏滿粒粒意大利飯，啖啖juicy，煙煙靭靭，每口飯夾帶著絲絲蟹肉，口感十足。食飽飽等朋友過黎，

呢排踢緊世界盃小組賽，全城對於足球既狂熱同參與程度都可謂火爆！當然要睇波首選緊係酒吧啦，氣氛好之餘仲可以飲下野食下野，十分有feel。今日同朋友去食飯，行入廣華街就見到呢間餐廳，又有酒吧既特色，於是決定入內一試餐廳入面都幾好坐，當然唔少得睇波既電視今晚要飲飽食醉，咁呢間餐廳就有dinner set, 價錢合理餐湯好飲，味道好香，加埋個蒜蓉包一流飲下野食下野當然唔少得d香口既野食，呢個德國咸豬手夠脆夠香口！

呢間餐廳既可以食晚餐，又可以直落飲嘢，離地鐵站雖然比較遠，但係附近都有好幾間呢一種酒吧，氣氛都唔錯，而且呢間鋪頭對住小巷，旺中帶靜。同朋友一人點左一個dinner set，＄138跟一個餐湯同埋蒜蓉包，蒜蓉包非常好味。其中一個晚餐set加錢轉「德國巨型脆皮嫩滑咸豬手」（額外加＄60）, 一人個人食就太heavy，share 食就岩岩好。鹹豬手皮脆肉滑，脂肪亦都不多不少，味道非常足，而且鋪頭仲幫你起晒啲肉出嚟方便用餐。P.S. 聽日仲要返工所以冇點酒飲 😭😭 但係喺度睇波飲酒一定好正

世界盃嚟啦,係時間要落酒吧睇世界盃。 朋友帶左我去一間冇乜煙味嘅酒吧食飯同埋睇世界盃。一個dinner,大約都係100到200左右,同普通西餐廳差唔多,佢包一個湯加蒜蓉包，飲品要另外加錢。忌廉薯仔湯,薯仔打散場,個湯好味但係又好質感。仲有啲洋蔥甜。龍蝦汁藍青口煙三文魚蜆肉扁意粉。 煙三文魚,冇乜筋, 唔會好鹹。小白蜆和藍青口,用白酒煮過,酒味香濃。扁意粉的醬汁好特別,有啲似薯仔汁,但係又有好濃嘅芝士味,而且有三色椒好清甜。點了一杯blue yellow, 菠蘿橙汁梳打。他好似去咗沙灘, 蔚藍色的海下面又滑的細沙。好重菠蘿味,德國巨型脆皮豬手$258,製作需時大約要20分鐘。我覺得豬手係一定要睇世界盃食嘅,因為可以一班朋友一齊分享好開心。每個人食少少又唔會覺得好煎炸油膩。,最好就係一路飲住啤酒一路食豬手好開心。豬手外皮好脆。最中意係佢起曬啲用，喺一嚿一嚿叉來食。strawberry nijito薄荷味好重,如果喜歡士多啤梨的人,我會推介這一款。真係好開心,一路食住美食,一路睇住四年一度世界盃。滿分為10分(1分最低，10分最高)食物：8環境：8衛生：8服務：8價錢: 7舒適度：8.5總分

尋日打完街場排球，跟住同女朋友試下，龍蝦汁三文魚意粉。龍蝦汁裏面有淡淡濃香嘅芝士味，因為以前曾經係意大利做嘢, 我食得出係意大利當地特有嘅FORMAGGIO, 一般本地餐廳唔多有。FORMAGGIO 曾經起意大利米蘭當地選為三大芝士之一, 為18世紀意大利，貴族喜愛食用。配上，煙肉三文魚, 簡直是絕配。作為食家感覺到非常驕傲.就好像愛情遇上對的人一樣, 即使是有詏撬, 但最後味道是非常濃郁及，清香。一生祇有一個最愛。心中如韻, 感覺是永遠。

行行下槍街勁大雨，就入左呢間餐廳醫下肚避下雨，昏黃既燈光伴隨歐美pop music，裝潢有好多手工啤酒樽，仲有得食水煙，環境都幾舒服。係正馬路旁正好靠音樂蓋過街外既車聲，內部雖然唔大，但座位都寬敞，間隔又唔會迫到聽到隔離台講咩，我就點左個晚餐，一向鍾意食墨魚汁麵，一睇就揀中佢!晚餐時段佢跟埋個蒜蓉多士同餐湯，湯我飲到d蝦同少量蕃茄，好醒胃，蒜蓉多士亦都香口又夠脆，岩岩焗起，撈湯齋食都好正，食完服務員好快就幫我收去d吉盆吉碟，服務好周到，唔洗好耐，墨魚汁魷魚闊麵就黎到，個汁好香牛油味，闊條麵都均勻撈到d汁，好好味，魷魚係魷魚圈，唔會硬到橡膠咁，都好食個麵份量唔算多，我一個女仔食岩岩好，如果聽日唔洗返工我一定叫多支啤酒啤一啤佢!

出到黎旺角食飯，太多餐廳令人心大心細，上OpenRice 見到呢間係廣華街既餐廳有唔少好評，一於就食佢啦。以為早到唔會太多人，但晚飯時間開始都坐滿咗一半餐廳，睇黎呢間餐廳味道應該唔錯。我叫咗份黑毛豬鞍火腿見到相入面切出黎好多肉汁，睇到都流口水。是日餐湯係黑松露忌廉湯，黑松露同忌廉不嬲都夾，呢個組合既湯無得輸～蒜蓉包好香，落咗牛油既蒜蓉非常出味，正～豬鞍黎啦！不出所料大大份，切出黎見到入面都係熟晒既，非常好～食豬最緊要熟！呢份豬鞍肉感厚實，點埋醬汁食夠晒香，唔夠仲有半個焗薯比你食，飽晒👍等我下次再試埋羊同埋牛，睇下係咪都咁有水準先。

喺旺角鬧市嘅酒吧餐廳好多，而呢間yummy都算唔錯，由資深嘅前酒店大廚領軍，而餐廳嘅環境裝修都豐常舒適。不過，M佬去咗工幹，所以今日只好自己一個晚餐，好彩仲有輕柔舒暢嘅音樂陪我共餐。芝士帆立貝龍蝦汁意大利飯味道香濃，飯粒索晒龍蝦汁，夠晒creamy，而飯粒煙煙靭靭，做到意大利飯嘅基本要求。而帆立貝鮮味十足，唔細粒，加上芝士比例配合得好好，都算唔錯。香炸辣味脆雞翼一碟有4隻雞翼，價錢嚟講都算貴，好彩味道唔差，少少辣，炸到脆卜卜，肉質嫩口，可以平少少就好喇。

朋友早排去過呢間餐廳食飯，話可以一邊食飯一邊睇波，仲有野飲tim! 今日就同朋友再黎食晚餐。店鋪小巧，但係應有盡有，西餐、甜品、酒水咩都有。角落仲有個位可以比人掟飛標tim!我點咗個龍蝦黃金燴飯，未上菜之前飲咗佢既黑松露忌廉湯，好creamy,黑松露味好濃，正蒜蓉包焗得香脆，好多蒜蓉，味道充滿晒成個口，如果可以食多幾件就好啦主菜終於到，大半隻龍蝦伴住黃金飯，睇到都流晒口水龍蝦肉結實，如果想嫩小小可以叫佢唔洗煮咁耐，視乎個人口感💕黃金飯值得一讚，有忌廉、蝦絲、飯混埋一起煮，好鮮甜下次有時間飲埋野先！

旺角愈黎愈多酒吧餐吧，聽朋友話呢間幾好就黎試下。我叫左芝士大啡菇意大利飯，大啡菇同芝士好夾，個菇又好juicy。個意大利飯系芝士白汁，好濃芝士味，個飯又唔會煮到太硬，幾好食。朋友叫左墨魚汁墨魚闊條麵，墨魚份量不少，個闊條麵煮到勁入味，有d似系河粉質地。但小心食完成口都黑晒。最後甜品叫左牛奶心太軟，好少見有呢隻味既心太軟。味道唔似牛奶味，反而似流沙奶黃，不錯。但最驚喜系佢伴碟既藍莓雪糕，有好新鮮既藍莓味，唔系糖醬既感覺，似系自家製。整體呢間幾好食。

職員態度其實由一開始都吾錯，我同2個朋友一齊叫左3個主餐，食物上檯見份量吾多就決定叫多個pizza,當上第一碟野，好吸引，點知，天使麵太軟身，汁太咸，意大利飯又係超多汁同咸，杯野飲麻麻地，我叫左杯margarita，朋友叫左杯sexy on beach,另一杯忘記係咩！成餐失望，吾想浪費食物只好勉強強食完，個pizza 又咸，都食吾完！真係又貴又吾抵食最後我地無叫甜品，但因為我同朋友5月生日，有送左個心太軟，賣相麻麻，味道可接受，未去到好好食！成餐3個人消費：$804-

🤗第一次寫食評🤗餐廳整體水準幾好，唯獨係環境空間感唔夠，太逼，播既音樂竟然係廣東歌🤦🏼‍♀️🤦🏼‍♀️🤦🏼‍♀️，有點點像行過旺中既感覺同餐廳唔係好match見到呢度既人介紹係中環廚師，所以先黎一試侍應好有禮貌，食物水準幾好，黑毛豬同羊扒岩岩好，juicy,但份量唔算太大，女仔食就岩岩好，男士可能覺得太細塊

之前已經嚟過食甜品啦，覺得非常唔錯，知道佢出咗一晚市套餐，而且又唔使等位，於是就同朋友去試吓啦。晚市套餐方面都有好多選擇，而且價錢都唔算話好貴。最好嘅地方係可以坐好耐傾計都唔會有人講你，喺旺角來講真係好難得。我哋三排左三個主菜，每一個主菜我哋都非常滿意。首先講下個三文魚，好少食到啲咁嫩口嘅三文魚扒，肉質好鮮嫩，醬汁都做得好出色，餐廳嘅大廚好鍾意用紫薯你做配菜，第一次食紫薯蓉，本身對只說冇乜太大興趣，但係食落真係好好味，新鮮感好夠，同薯蓉嘅味道唔同，但係非常驚喜。另外意粉同甜品都依舊非常出色。係一間非常值得推介嘅西餐廳。