Yummy (已結業)

旺角愈黎愈多酒吧餐吧，聽朋友話呢間幾好就黎試下。我叫左芝士大啡菇意大利飯，大啡菇同芝士好夾，個菇又好juicy。個意大利飯系芝士白汁，好濃芝士味，個飯又唔會煮到太硬，幾好食。朋友叫左墨魚汁墨魚闊條麵，墨魚份量不少，個闊條麵煮到勁入味，有d似系河粉質地。但小心食完成口都黑晒。最後甜品叫左牛奶心太軟，好少見有呢隻味既心太軟。味道唔似牛奶味，反而似流沙奶黃，不錯。但最驚喜系佢伴碟既藍莓雪糕，有好新鮮既藍莓味，唔系糖醬既感覺，似系自家製。整體呢間幾好食。