影片
開飯介紹
佐賀人氣燒肉店登陸香港，由日本直運九州產的A5黑毛和牛，當中的稀少部位更加鮮嫩美味。座位闊落，環境舒適，適合和家人或朋友聚餐。
繼續閱讀
營業時間
今日營業
12:00 - 22:30
星期一至四
12:00 - 22:00
星期五至日
12:00 - 22:30
公眾假期
12:00 - 22:30
公眾假期前夕
12:00 - 22:30
以上資料只供參考, 請與餐廳確認詳情
有關獎賞計劃
相關文章
呢間長期都幾受歡迎，所以小編都唔執輸過黎試下，感覺幾好👍🏻 佢地係日本九州佐賀既超人氣燒肉店，亦會直送靚和牛🐮🤩 其他配料都特別同新鮮～ 裝修用木系🪵為主，同時佢地有設置強力抽氣系統，確保食完都唔會有油煙味😜(5 😍 係滿分，🤩係半分）椿 - $698 (好味指數：😍😍😍😍)懶人選擇就係叫餐😂 所以就叫左呢個，都幾多野食😜 鹽味牛舌 🧂🐮👅 小編向來都鍾意食牛舌🐮👅，而呢個鹽燒🧂就比較原汁原味，試到牛🐮本身既味道同埋清爽啲，亦都切得厚薄適中，有咬口得黎彈牙唔會韌～和牛腹柳小排 🥩牛小排🥩就切得幾厚身，所以幾有咬口，肉質細嫩，油脂豐腴，牛味🐮香濃，加上有醃過，所以燒起黎🔥甜甜地更加惹味，油香亦都更加突出～和牛赤身 🐮平時和牛🐮比較常見都係霜降，但宜家慢慢開始興赤身，即是脂肪比較少既部位，因為霜降既油脂比較多會容易啲食到濟，而赤身脂肪比較少，肉味香濃，一樣肉質細嫩多汁都幾好👍🏻特上牛牛胸腹肉 🐮牛胸腹指既係胸部到腹部既位置，有豐腴既油脂所以亦叫做牛五花，油脂同肉一層一層咁隔開，層次分明，這裡的，肉質結實帶油筋，今次既係薄切，風味濃厚，油花細緻，食落夠香口😋牛腸 🐮洗得夠乾淨，燒完🔥之後出面焦脆酥香，裡面既脂肪幾豐腴同油香，質感煙韌，味道濃郁鮮味，如果可以腍啲就更加好若雞雞胸柳 🐥若雞🐥係黎自宮崎既品種，唔會打抗生素同埋啲雞🐥淨係食JA特別配合既飼料，加上有足夠既活動空間，所以肉質緊緻嫩滑，口感柔軟又唔會好多脂肪，雞味🐥幾香濃，食完都唔覺得油膩若雞雞腿 🍗除左上面講既雞胸🐥之外，我仲叫左雞髀🍗，肉質更加細嫩，唔會有雪味❄️ 而且燒過🔥之後雞皮🐥帶有一啲油香都幾香口～海老 🦐啲蝦🦐幾大隻，脹卜卜咁，燒完🔥都唔會縮水，口感爽口彈牙，味道鮮甜無雪味❄️，有啲焦香令到蝦味🦐更加突出，而蝦頭🦐仲有啲豐腴肥美既蝦膏tim😜大判燒！黑毛和牛西冷🔥🥩 - $178鹿兒島既黑毛和牛🐮果然係唔同啲，紋理分明，店員仲會幫你燒埋🔥tim😌 入口感受到豐腴甘香既油脂，燒🔥完之後更加油香四溢，牛味🐮濃郁，口感細緻嫩滑，入口即化，味道同口感都比起一般既牛🐮出色，另外仲可以配溫泉蛋漿♨️🥚，感覺會再香口同滑溜啲，亦無咁油膩～帆立貝 ⚪️ - $78 (好味指數：😍😍😍😍)顏色雪白，燒完之後keep到個size，表皮燒到🔥有啲微脆，裡面質感軟嫩，鮮甜可口，有埋牛油🧈去燒🔥就更加香口日本蠔 🦪 - $38 (好味指數：😍😍😍😍)啲蠔🦪幾大隻，蠔味🦪香濃，肥大飽滿，燒完🔥都依然係咁大隻，質感綿密軟嫩，滑溜多汁，鮮甜又有海水🌊既鹹味，而且幾香口～甜品 (好味指數：😍😍😍😍)最尾仲送左個甜品tim😜 有杏仁豆腐🌰⬜️同埋mochi⚪️，個杏仁豆腐🌰⬜️凍冰冰咁，質地軟嫩，味道清香又唔會好甜，感覺可以養顏😂 另外個mochi好軟熟再帶啲Q彈，裡面係冰凍幼滑又清新既雪糕🍦，感覺唔錯👍🏻好味指數：😍😍😍😍推介指數：😍😍😍😍
繼續閱讀
又到一年一度閨蜜生日嘅大日子， 她提議食這間燒和牛餐廳，於是我即刻book位， 不敢怠慢雖然今天下著大雨也無阻我們食燒和牛決心 餐牌上有幾款燒和牛套餐，最後我們決定叫‘’我媽家姐’’套餐每人$398，另有加一收費。套餐包：前菜：和風沙拉及3點韓式泡菜（蘿蔔，泡菜，青瓜）味道中規中矩。 鹽味3點：牛舌（好食），雞肉（ 醃得好入味，好食），2隻蝦（略嫌蝦肉不夠彈牙）燒汁4點：牛胸腹肉，板腱牛排，和牛赤身，黑毛和牛裏腹小排（每款和牛肥瘦均勻 ，色澤靚，再加上我們燒得好香，肉質入口即溶，好好味）韓式石頭鍋飯 ～ 上枱時熱辣辣，配菜豐富還有飯焦，好正又好味日式海帶湯 ～ 不會太咸，易入口。甜品 ～ 杏仁布丁（杏仁味濃，口感香滑），紅豆雪米糍（凍凍地食落不會太甜）另外我們還加了一份黑毛和牛腹柳小排$148 ～ 這款略嫌肥了少少，但都好有牛味另叫了一枝紅酒$180同閨蜜分享，紅酒易入口，沒有苦澀味，配和牛一絕，也可以解膩今晚我們燒了2個半鐘，沒有被侍應催促趕走，食得自在沒有壓迫感也食得好飽好滿足！
繼續閱讀
首先講咗坐得好舒服，冷氣夠哂大❄️抽油煙機吸力夠，個身都冇乜味👍🥩大判燒黑毛和牛西冷推‼️專人依照你想要嘅熟成度幫你燒，牛肉入口即化，肉質嫩滑同埋油脂分佈均勻，配搭蛋可以解膩，又唔腥。🍯壺潰KAKURA牛胸腹肉推‼️我最中意呢個位置，味道濃郁，又冇肥膏，肉質軟，而且壺潰令佢味道更出。🐮黑毛和牛腹柳小排口感比較結實，肉味出，油脂較重。🐚帆立貝 煮嘅時候小心過熟，見佢白色就可以食喇。🍛石燒肉泡菜鍋飯（免治雞肉）泡菜飯嘅味道酸辣適中，免治雞肉同泡菜飯一齊食，層次感好豐富，入面好多菜，搭住啲燒肉嚟食又飽肚，又唔會太油膩。🍚KAKURA牛肉飯呢個牛肉飯味道入味，牛肉嫩滑，又香又多。🍻乳酸梳打酸酸甜甜，味道非常清爽。
繼續閱讀
如果你係燒肉控，Yakiniku Kakura 絕對係一間唔可以錯過嘅日式燒肉店。位於黃埔天地聚寶坊，呢度嘅和牛每次都保持住頂尖嘅質素，食完之後真係令人回味無窮。一開場，當然係要叫佢哋出名嘅「大判燒！黑毛和牛西冷」。西冷嘅油脂分布非常均勻，成片牛肉靚到好似藝術品咁。職員會幫你燒，而且佢哋手勢好專業，仲會問你想要幾成熟。然後將牛肉浸入蛋汁食，牛味濃郁，蛋汁又香滑，真係一個無可挑剔嘅配搭。另一個必試嘅係黑毛和牛嘅腹前小排。每一片牛肉都係完美嘅粉紅色，油花分布得好靚，食落口即溶，油脂嘅香味係口腔度爆發，真係冇得輸。講到黑毛和牛嘅裹腹牛柳，呢個120g嘅大磚牛肉真係霸氣十足。燒到六面焦脆，然後你可以要求剪開再煎到理想嘅熟度，口感軟腍，油香味十足。至於**黑毛和牛裹腹小排**，呢個係另一個必試嘅選擇。佢嘅切法相比其他部位較薄，口感會有少少唔同，但同樣都係油脂分布均勻，食落去仲係有入口即溶嘅感覺，真係超級滿足。最後仲試咗鹿兒島和牛他他，呢個生牛肉真係出乎意料地鮮甜，再加上蛋黃、紫菜同洋蔥一齊撈，口感豐富，而且完全唔覺得膩。如果覺得太油膩，可以叫埋一份新鮮生菜，同牛肉一齊食，平衡返啲油膩感。最後送埋嘅甜品雪米糍同杏仁豆腐，杏仁豆腐滑溜到不得了，完美為呢餐豐富嘅燒肉之旅畫上完美句號。
繼續閱讀
今日食既呢間位於黃埔既Yakiniku Kakura，揀呢間餐廳同女友食因為比個大大判燒吸引左必點一定係呢個大判燒，超大的一片，而且有店員可以幫燒，有得揀熟既程度，我就揀左既係5成熟，燒完點左生雞蛋食，味道同口感都是一絕！！一口燒肉一口飯真係無得頂講起飯就必須點呢個，入面有紫菜同蛋，撈埋一齊食真係無得頂另外我覺得重點要食既就係牛舌！！唔會太厚一點也不難燒，而且燒到脆脆的口感無敵，本身已經有調味，已經好香口和牛他他唔係度度都有得食！仲要係好高質下，他他肉質好嫩加彈牙，醬汁唔洗落哂，如果唔係太咸既話就冇得救！口感同味道都係上上之選！！比起其他燒肉更為特別！
繼續閱讀