【優秀開飯熱店大賞2022】唔使飛都食到日本風味 入圍日本菜餐廳指南
2022-06-17

世界各地嘅奇珍料理都匯聚喺香港呢個美食之城內,呢度曾經日夜都係燈火璀璨,無論幾夜都總能夠喺街度搵到嘢食。可惜呢幾年受疫情影響,加上多項防疫措施令到呢個美食之城,變成冰封之城。要將冰封之城再次燃亮,除咗靠業界努力外,最重要都係靠大家嘅支持,集合力量燃起「美食之火」!6月15日,一人一票,完成任務,喚醒美食之城!投票支持心水熱店後,更有機會贏取獎品總值超過30萬!

唔少香港人有兩個「鄉下」,第二個就係疫情前每年唔飛幾次唔安樂嘅日本!幸好喺美食之城亦有唔少正宗日本料理,今次入圍嘅10間日本菜餐廳,唔少都從日本空運新鮮食材到港,或者賣相特別引人注目。即刻睇下佢哋嘅介紹:

必食石燒香草吉列牛  初見


圖:小詩...

幾年前香港興起石燒牛,可以喺咁多間餐廳中突圍而出,荃灣呢間小店靠嘅就係獨一無二嘅綠色香草吉列牛!牛扒沾上香草碎同麵包糠炸至定型,然後連埋石板上枱,由食客自己燒至理想熟度。牛肉選用牛肩胛,脂香同肉味平衡。石燒牛之外亦有火鍋、刺身、小食等。

食材新鮮度  ✈✈✈
注目度 👀👀👀👀👀
 

多款湯底任揀拉麵店  幸屋


圖:sumyee lai

藏身於灣仔一條巷仔裡面嘅拉麵店,主打博多風格嘅豚骨拉麵,湯底以大量豬骨每日熬製而成,濃稠富豚骨香。其他口味亦出色,例如日本鹿兒島赤雞沾麵,選用鹿兒島赤再以慢煮處理,令雞肉口感嫩滑,加上濃淡適中嘅沾麵汁,食完成碗都唔會覺得膩。

食材新鮮度  ✈✈✈
注目度 👀👀👀👀
 

型格日式鐵板燒  Hungry Monkey  


圖:emchanmansze

銅鑼灣呢間小店裝修型格,放滿五光十色嘅霓虹燈,又有吧枱可以欣賞師傅料理過程,好有氣氛。嚴選新鮮嘅高級食材,加上廚師嘅創意炮製菜式,例如以日本御好燒為藍本而創作嘅港島燒同泰式御好燒,前者加入本地食材如蝦米,後者用咗是拉差辣椒醬夠香辣。

食材新鮮度  ✈✈✈✈
注目度 👀👀👀👀
 

高質浜燒居酒屋  磯野水產  


圖:yoyo454nomnomjapjapjap

鍾意食海鮮嘅朋友唔可以錯過嘅居酒屋,每日空運直送多款日本新鮮海產,可以自選烹調方法,包括刺身、磯燒、火鍋、浜燒、煮物,當中又以浜燒最受歡迎,皆因餐廳中間有個小型浜燒枱,香氣四溢,聞到都想食!包括日本海膽味噌甲羅燒配三文魚籽,鮮味十足。

食材新鮮度  ✈✈✈✈✈
注目度 👀👀👀
 

佐賀人氣燒肉店  YAKINIKU KAKURA


圖:被廣告業耽誤的美食家

呢個品牌嚟自日本九州佐賀,係當地人氣No.1嘅燒肉店!提供日本直送九州產極上A5等級黑毛和牛,部分更係坊間少見嘅稀少部位。抵食推介有海外店限定嘅大判燒黑毛A4和牛西冷,由店員幫手燒至七成熟,點埋蛋汁口感滑溜,肉質柔嫩富脂香,

食材新鮮度  ✈✈✈✈✈
注目度 👀👀👀
 

另外5間入圍嘅日本菜餐廳亦包括驚安燒肉商店福岡漢堡扒鳴門割烹料理鮨一日本料理,揀啱就快啲去投票啦,投票有機會獲得豐富獎品,要知道,你哋每個人嗰票都好重要,係喚醒美食之城嘅重要力量!是次投票分為兩個階段進行,共四個投選組別。每完成一組投票/回答問題(簡稱「任務」)皆可取得火炬,累積滿4枝火炬或以上即有機會可獲$100 OpenRice現金券獎賞!完成所有任務並累積滿6枝火炬,更有機會贏取豐富獎品!

活動詳情(按此
立即投票(按此

想支持心水餐廳,記得注意返投票日期:
菜式組別: 2022年 6月15日 - 6月28日
地區組別: 2022年 6月29日 - 7月12日
外賣自取及訂座組別:2022年 6月15日 - 7月12日


關鍵字
優秀開飯熱店大賞
日本菜
燒肉
鐵板燒
拉麵
居酒屋
開飯專題
開飯仔為你提供各類型最新飲食情報及優惠,全面照顧你的飲食喜好。
餐廳資料
更多
收起
本月熱門
【隨時更新】零食速報 每周新款零食、酒品點評
4天前
【2022生日優惠】持續更新!7月壽星免費嘆自助餐/海鮮燒肉放題半價
3天前
5月份好評餐廳十強
2022-06-06
酒店新出「北歐神話」下午茶 10款鹹甜點色彩繽紛 多款海鮮入饌
2022-06-10
夏日果香!6-7月下午茶之選
2022-06-17