Y Show Tasty (已結業)

早幾日去咗杜汶澤介紹過嘅y show tasty食飯，嘢食賣相同味道都好得，推介以下2款💞龍蝦蟹肉扁意粉 $188 有半隻龍蝦🦞加大大隻蟹鉗🦀 呢個價錢嚟講都算係咁☺️ Linguini煮得剛剛好，唔會太乾/淋👍🏻招牌香烤乳豬 $268 皮脆肉嫩😍 肉質一啲都唔柴，帶有少少肥肉，食落唔會dry，點埋個芥末籽sauce提味超正，又夠開胃👍🏻 另一個醋就相對嘛嘛哋，唔係好夾咁🥲如果你鍾意睇我嘅食評，不妨關注我，支持吓我，謝謝你☺️💕

要寫多D食評時😤前排係第間黃店寫食評俾個間黃店既打手話我係打手🙄🙄🙄言歸正傳，早一星期經Openrice訂座，晚市有兩個時段可揀：6pm/7:30pm。我地訂左6pm要7:30還台，當日打黎confirm booking時要溫馨提示多次&只收現金。當日6pm時段坐滿7成。我地當日兩個人食左：-鵝肝：有兩件，外脆內軟，溫度剛好👍🏻乳豬：二人份量剛好，個皮好脆，乳豬亦都好好食👍🏻黑松露薯條：好脆，唔會淋patpat，就算放耐左凍左都仲好好食火焰雪山：上台前會熄左燈先點火😂好食，唔會好漏總括嚟講，野食好味，價錢合理，又有禮貌，會再幫襯😆

個乳豬個皮硬的，得個肥字肥膏一大層敢膽死成三舊水真心痴痴地個龍蝦湯好明顯係落「顯」令佢結落少少cream其實有幾難有幾貴個薯條唔熱唔脆收成58蚊松露味唔知係邊真係開玩笑西餐唔係要跟麵包咩嚟得一塊其實成個餐牌選擇好少唔知點解竟然可以滿座其實性價比好低甘嘅地方，迫到隔離出入我好驚佢推跌塊板甘嘅環境，厚福街租貴極有限度甘嘅食材，原材料都唔係令，個帶子唔錯，但凍肉鋪100蚊1kg 就有甜品唔敢叫都400+一個人真係開玩笑

依間位於尖沙咀H8既西餐廳💛環境唔錯，坐得幾舒服，氣氛幾浪漫😁我同朋友食野傾計都坐左好耐✨侍應服務周到，自動幫我地加水，又留意到朋友落唔到黑椒再拎過另一樽比佢，好細心👏🏻而食物質素都👌🏻價錢合理。1️⃣帶子蟹肉濃湯 $78依款湯飲落似濃味龍蝦湯，有小小蟹肉絲，飲落都有啲口感，加有兩粒幾大粒既帶子，食落幾爽口👏🏻，仲配有一塊小法包☺️2️⃣蟹肉牛油果沙律 $78依款沙律外型幾靚，整得好立體，壓得好實切落去無問題👌🏻食落蟹肉味幾濃而牛油果都好Creamy幾夾，加埋蕃茄食落酸酸地，都幾開胃，唔錯👌🏻3️⃣招牌香烤乳豬 $268推薦依款乳豬，燒得好香脆，幾大份🙊切落去脆身好吸引，唔會好咸，配有兩款醬汁，芥末籽加麥芽糖醬同埋醋汁🤔麥芽糖醬食落甜甜地好似蜜糖味，唔會好膩，而醋汁食落比較清新，酸酸地有啲開胃。4️⃣黑松露薯條 $58薯條食落有啲乾，味道十分普通，而黑松露醬既味道好淡🥲個人認為呢一款唔值得嗌。5️⃣香蒜欖油蝦肉意大利麵 $128依款闊意大利麵食落味道正常，大蝦食落唔會太乾身，整體普通。6️⃣火焰雪山 $78依款火焰雪山🏔️點火個下好驚喜，賣相十分吸引，幾靚，雪山外層係蛋白，內層係雲尼嗱雪糕同埋蛋糕，食落外熱內凍，

呢間有Yellopenrice認證既餐廳，唔易book位，餐廳暗暗燈光有氣氛，裝修有情調，位唔多但滿座🥳。台台都有order 杜生介紹既招牌香烤乳豬，相信大家都係為佢而黎😎。🥣黑松露野菌忌廉湯一上枱即刻聞到香香的黑松露野菌味，啖啖碎菇肉粒🍄。🥣帶子蟹肉濃湯杜生話呢個湯勁多米之蓮，果然落足料，帶子煎過，大大粒帶子，爽口彈牙，湯底仲有龍蝦味，啖啖蟹肉🦀。🍟黑松露薯條濃郁黑松露味薯條，炸得脆卜卜😚可以點茄汁或者黑松露汁😆。🍝Spaghetti Carbonara 都係果句：愈basic既野，愈難煮得好食。意粉時間煮得岩岩好，有al dente🥳抵讚👍🏻但睇返，少左隻溫泉蛋🥲。🐷招牌香烤乳豬1/4隻豬髀上碟，用刀切落去果下已經聽到卜卜脆聲，西班牙乳豬果然唔係肥膏，肥瘦均勻😍可以點樣兩種唔同嘅醬汁（有麥芽糖加芥茉籽、同埋酸酸甜甜嘅醋汁）🤤

想食呢間好耐，經openrice可以預先訂座咁當然就要點招牌香烤乳豬$268一食，我想問乳豬皮唔脆是正常嗎？是軟軟地的煙韌感覺🤭豬味濃，肉質嫩，佢的獨家醬汁都好味，但每一舊都唔脆令我有點失望🥺我替d豬死得唔抵傷心，野菌雞肉意大利飯（$128）超多雞肉，味道濃厚好食，對得起價格有餘😋火焰雪山（$78）好明顯係呃like打卡系列之選，而作為膚淺港女都忍唔住叫左，不過好重酒味，配雲呢拿雪糕，味道我一般般🤭

因為睇Yellowopenrice而認識YShowTasty呢間餐廳，想試好耐！餐廳位於厚福街H8樓上，店內燈光偏暗。•🥢龍蝦蟹肉扁意粉 $188本身餐牌係配長通粉，但無長通粉所以轉咗扁意粉。龍蝦肉質彈牙，意粉質地軟硬度剛好👍🏻 唯一扣分位係見唔到亦唔太食到有蟹肉🤔•🥢招牌香烤乳豬 $268嚟y show tasty就係一心想試下招牌菜，可惜結果有少許失望，豬皮雖然脆但韌，醃味比較淡，好處係脂肪唔算多，而肉質大部分位置都軟淋。•🥢黑松露薯條 $58黑松露醬同薯條分開，但個醬嘅黑松露味好淡，薯條唔係空心，薯味都濃但可惜唔夠脆。

睇完yellopenrice之後已經想食好耐, 但又唔想特登過海終於今次母親節的起心肝book檯! 一黎蟹肉牛油果沙律,蟹肉+牛油果本身已經係無敵組合, 所以唔會唔好食跟住龍蝦湯係有水準既, 但又唔算好有驚喜.但我娘同女友就好鍾意喇.到個乳豬, 嘩, 真心正. 最勁係2個汁, 各有不同奇效, 蜜味個醬令成件事更rich, 個潮州汁就係咁衝激味蕾.  不得了.仲有個龍蝦意粉,一上碟全部人嘩一聲, 因為真係好大隻鉗呀! 另外叫左個黑松露野菌意大利飯, 反而冇咩印象然後, 全晚最驚喜竟然係估你唔到的松露醬薯條 (因為上面果D係預左好食)薯條同乾炒牛河一樣係D好普通, 唔需要高超技巧, 但要整得好食又十分難既食物同時佢又好指標性既,  呢樣食物整成點大概就知間餐廳既水平. 講返佢既薯條, 肯定有回炸起碼2次, 所以好脆而且乾爽, 完全冇油淋淋, 薯條做左調味 (好多餐廳會懶左呢個步驟), 岩晒我口味, 即使要我唔點醬就咁食我都可以KO成兜加埋個醬, 根本冇得輸. 食左第一條之後就停唔到. 成餐食得好開心.最meaningful就梗係睇住藍色母親食黃店出品食到lamlam脷啦. 唯一就係份量比較

生日飯選擇呢一間餐廳。我哋今次就唔係叫左好多嘢食。🔸龍蝦蟹肉長通粉首先餐廳冇晒長通粉，所以就轉咗做扁意粉。但overall味道係好好的，不過我覺得佢啲汁少咗d，同埋唔知係咪漏咗俾啲蟹肉我地🤔全碟意粉都冇蟹肉😅不過龍蝦係真係好食嘅，大隻同有膏👍🏻🔸烤乳豬呢度菜式係餐廳嘅signature。我覺得個乳豬味道好一般。本身諗住個豬皮會好脆，點知又唔係。係有啲失望嘅🥲呢個菜式係有兩個醬汁的，一個係 honey mustard, 一個係平時食分蹄果隻酸酸甜甜辣汁🔸黑松露薯條薯條份量都好多，黑松露他他醬，正正常常不過不失啦。

為慶祝朋友生日而去食餐好嘢。前菜食個沙律，蟹味好濃，牛油果好creamy，幾好食！主菜方面揀咗佢哋個招牌乳豬，好香口，而且唔會太咸，外皮好脆，肉好juicy。牛扒亦都好出色，非常juicy，而且肉味香濃，好大塊得嚟成塊都係肉，無𡁻唔爛嘅筋，$288好抵食！意粉味道正常，無乜特別，蝦亦唔算特別新鮮。甜品叫火焰雪山打卡一流，店家仲可以幫手寫字，好貼心！但味道就一般，係cream加橙味嘅酒。西餐嚟講佢份量都幾多，味道亦都中上，座位少少迫，但都值得再幫襯💛

自從睇左喱騷YellopenRice介紹一直都被乳豬所吸引，Bookmark左依間黃店💛✨✨但之前電話訂座☎️實在太爆，長期都Book唔到位。事隔一年，近期再睇睇原來餐廳增設左OpenRice訂座，即時睇到哂時間日期，方便好多！📆終於食到期待已久嘅餐廳～🥰＊－。－。－。－。－。－。－。－。－。－＊🔸帶子蟹肉濃湯 $78湯底味道濃郁，用龍蝦殼熬製，帶有龍蝦味，有蟹肉碎，層次豐富。兩粒帶子香煎過，大粒彈牙。超值，值得一試！🔸招牌香烤乳豬 $2682-3人食份量剛好，1/4豬脾原件上碟，切落去聽到皮烤得卟卟脆！西班牙乳豬超厚肉，唔係得肥膏～配有兩款醬汁。分別係秘製乳豬醬(加入芥末籽+麥芽糖)同醋汁(酸酸地比較開胃消滯)。係好稱職既招牌菜～真係好好食！🔸脆炸雞翼 $58雞翼size大隻，有六件。皮脆之餘入面肉唔會炸乾。配美奶滋。本身無特別調味，如果加上椒鹽味粉等一定更香口惹味，整體不過不失。🔸法式焦糖燉蛋 $58賣相不俗，有唔同berries伴碟。燉蛋口感較實，未能做到入口即溶好creamy既感覺。焦糖面燒得唔夠薄脆，甜品有待改善。☺️＊－。－。－。－。－。－。－。－。－。－＊

今次係第一次幫襯呢間餐廳，係朋友介紹嘅情況底下來食飯。我哋呢就叫左三碟餸，有炸豬手，原來叫香燒乳豬，卡邦尼意粉和黑松露野菌意大利粉首先講咗紅燒乳豬乳豬係比較香脆，比起平時係燒肉舖食嘅都無咩分別，無咁軟林林，而且啱啱做起，比較好食嘅，事加上有兩個醬汁，味道都幾好。意粉比較硬身少少，食落去係有啲口感。黑松露意大利飯都幾好食，反而食唔到黑松露嘅味道。最後，呢間餐廳員工都幾細心，佢哋聽到我哋談話中，有個朋友生日，佢哋送我哋預備左一個小小嘅蛋糕🍰先係有驚喜😌🥰🥰

因為喱騷推薦就想去食，有質素，以往都擔心會有伏但我哋三個人去食，都覺得4款食物有水準，我喜歡牛扒，蜆，乳豬，個飯都夠好味。服務ok, 可能都爆開，要加強服務。記得book位全在openrice訂枱。注意只收現金

因為杜生介紹同埋黎過幾次食野 食物質素係ok 飲品選擇就無乜。 每次黎到都會叫個乳豬，處理得好好，價錢還可以。但係今次黎到著gucci皮帶恤衫個waiter 態度差，安排極差 ，餐廳明明大把位但係都要’則‘你去門口位望住d lift 食飯。 其實本人已經一早打去，但聽電話既又話個場唔full唔需要book位， 但係黎到又話個場好full要book位先可以坐入d，前言不對後語。只可以講，即使野食質素，ok但係以後都唔會再黎！

好朋友生日 最緊要搵間良心餐廳慶祝下 好鐘意跟住杜杜去搵食 起碼一定穩陣先餐廳坐位算舒服好坐 雖然唔算係一間好大既餐廳 但服務都叫細心有禮物 生日當然要食乳豬 慶賀一下😂😂呢度既招牌香烤乳豬 好多人叫 乳豬份量適中 兩個人食岩岩好 豬皮烤得好香脆 肉就嫩滑唔會乾 朋友同我都覺得好食卡邦尼意粉🍝一睇就知係彈牙仲有肉香 唯一係個汁小左dd帶子蟹肉濃湯🍲呢個不得了 超濃勁好飲 想知點好 😂自己叫黎試下就有答案😏黑松露薯條🍟真心冇乜特別 肚餓嘅話可以叫蟹肉牛油果沙律🥗外型整得好靚 食落都好新鮮蟹肉份量鮮甜 性價比高